باس شۋجيدىڭ شينجياڭ ءۇشىن جاساعان تاماشا جوباسى بويىنشا قۇلشىنا العا باستى
− 2022 - جىلعى شينجياڭنىڭ ەكونوميكالىق، قوعامدىق دامۋىنا جالپى شولۋ
□ انار بۇلت \ شينجياڭ گازەتىنىڭ ءتىلشىسى ليۋ شياڭ
2022 - جىل شينجياڭنىڭ دامۋ تاريحىندا اسا وزگەشە، شىنىمەن وڭاي بولماعان ءبىر جىل بولدى. قات - قابات قيىنشىلىق قىسسا دا، تيانشان پەرزەنتتەرىنىڭ العا باسۋ قادامى ارشىندى دا پارمەندى، ەكپىندەي ىلگەرىلەۋ اۋەنى قاي - قاشان دا اسقاق بولدى.
ءبىر جىلدان بەرى، قىم - قۋىت كۇردەلى ىشكى - سىرتقى ەكونوميكالىق جاعداي، كوپ رەتكى ىندەتتىڭ سوققىسى سياقتىلاردىڭ ىقپالى الدىندا، شينجياڭ شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، ”ەكىنى ءبىر تۇتاس جوسپارلاۋدى“ قۇلشىنا جاقسى ىستەپ، ەكونوميكانىڭ نەگىزگى جاعدايىن ورنىقتىردى، دامۋدىڭ ساپا ونىمدىلىگىندە تىڭ جوعارىلاۋ، حالىق تۇرمىسىنىڭ قۇت - ىرىسىندا تىڭ ارتۋ بولدى، ەكونوميكالىق، قوعامدىق كەلەلى جاعداي ۇزدىكسىز ورنىقتى بولدى.
سەنىمدى بەكەمدەپ، تاباندىلىقتى ساقتادى
− كەلەلى ستراتەگيالىق ورايدى مىقتى يگەرىپ، جاڭا دامۋ ارناسىنا اناعۇرلىم ويداعىداي قىزمەت وتەدى جانە توعىستى
2022 - جىل ۋاقىت شكالاسى، ونان دا ماڭىزدىسى، كۇرەستىڭ ولشەۋ سىزىعى بولدى. وسى جىلعا قايىرىلا قاراساق، ناتيجەگە قول جەتكىزۋدىڭ وڭايعا تۇسپەگەنىن، تابىسقا جەتۋدىڭ وڭاي بولماعاندىعىن بايقايمىز.
”ەكىنى ءبىر تۇتاس جوسپارلاۋدى“ ويداعىداي ىستەۋ − پارتيا ورتالىق كوميتەتىنىڭ ماڭىزدى تالابى، سونداي - اق شينجياڭنىڭ سەنىمدى بەكەمدەپ، قىسىمعا توتەپ بەرە العا باسۋىنىڭ قوزعاۋشى كۇش قاينارى.
عىلمي جوبا - جوسپار ءتۇزدى. اۆتونوميالى رايوندىق پارتكوم ستراتەگيالىق ويلاۋدان جازباي، شينجياڭ قىزمەتىن ەل ءىشى جانە حالىقارا سىندى ەكى كەلەلى جاعداي اياسىندا جوبالاپ، زەرتتەپ، كەلەلى ستراتەگيالىق ورايدى مىقتى يگەرىپ، ءونىمدى جولداردى بەلسەنە قاراستىرىپ، جاڭا دامۋ ارناسىنا اناعۇرلىم جاقسى قىزمەت وتەدى جانە توعىستى.
زاڭمەن باسقارۋ، ورنىقتىلىق، دامۋ، ەكولوگيا، وڭتۇستىك شينجياڭ، سۋ بايلىعى، وزەكتى رايون... 2022 - جىلى ”جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋدى“ ارقاۋ ەتىپ، اۆتونوميالى رايوننىڭ نەگىزگى باسشىلارى ءارقايسى ايماق، وبلىس، قالالارعا جانە ءتۇرلى قىزمەتتەرگە كەڭ كولەمدە تەكسەرۋ - زەرتتەۋ جۇرگىزىپ، ءار سالانىڭ شينجياڭ قىزمەتى جونىندەگى پىكىر - ۇسىنىستارىن تىڭدادى. اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى گۋاڭدۇڭ، جىجياڭ سياقتى ولكە، قالالارعا بارىپ، وزىق تاجىريبەلەردى تەكسەرىپ، ۇيرەنىپ، كوز اياسىن كەڭەيتىپ، ونەر - قابىلەتىن جوعارىلاتتى. تالاي رەت كوپ بولىپ اقىل قوسىپ، پىكىر اۋىستىرىپ، تالقى جۇرگىزىپ، يدەيانى بىرلىككە كەلتىرىپ، تانىمدى تەرەڭدەتىپ، دامۋ وي جەلىسى مەن قىزمەت شارالارىن ونان ارى ايقىندادى.
جاپپاي ورنالاستىرۋ جاسادى. 2022 - جىلى 5 - ايدىڭ 14 - كۇنىنەن 15 - كۇنىنە دەيىن اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسى اشىلىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋ، زاڭمەن باسقارىلاتىن شينجياڭ قۇرىلىسىن جاپپاي ىلگەرىلەتۋ، باسقارۋ جۇيەسى مەن باسقارۋ قابىلەتىن وسىزامانداندىرۋدى تىڭعىلىقتى ىلگەرىلەتۋ، شينجياڭنىڭ قوعام ورنىقتىلىعى مەن باياندى تىنىشتىعىن قۇلشىنا ىلگەرىلەتۋ جونىندە ورنالاستىرۋ جاسادى.
2022 - جىلى 9 - ايدىڭ 9 - كۇنى اۆتونوميالى رايوندىق 10 - كەزەكتى پارتكومنىڭ بەسىنشى جالپى ءماجىلىسى اشىلىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، نازاردى شينجياڭ قىزمەتىنىڭ باس نىساناسىنا شوعىرلاندىرىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى مىقتاپ ارقاۋ ەتىپ، 15 جاقتاعى ءتۇيىندى مىندەتتى العا قويدى.
ەكى رەتكى ءماجىلىس ماكرولىق مەڭگەرۋدىڭ بەتالىسىن، ءتۇيىنىن، سەرپىنىن جانە ريتىمىن ءدال يگەرىپ، كۇردەلى دە قۇبىلمالى جاعدايدا، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، ءوندىرىس پەن تۇرمىستىڭ ورنىقتى، ءتارتىپتى جۇرگىزىلۋىن، كەلەلى نىساندار قۇرىلىسىنىڭ قارقىنىن تەزدەتىپ، ونىمدىلىگىن ارتتىرۋدى، حالىق تۇرمىسى دەڭگەيىنىڭ ۇزدىكسىز جوعارىلاۋىن قامتاماسىز ەتتى.
بەلسەنە توتەپ بەردى. 2022 - جىلدىڭ سوڭعى جارتىسىندا ىندەت بۇكىل رايوننىڭ ەكونوميكالىق، قوعامدىق دامۋىنا وراسان زور سوققى جاسادى.
وزەن قىساڭعا كىرىپ، جەل كەزەڭنەن اساتىن ماڭىزدى ءسات ەدى. ىندەتتىڭ قايتا - قايتا ءورشۋى الدىندا، اۆتونوميالى رايوندىق پارتكوم مەن ۇكىمەت عىلمي توتەپ بەرىپ، ايرىقشا قيىندىققا دالمە - ءدال شارامەن توتەپ بەرىپ، بار كۇشپەن ىندەتتى تىزگىندەپ، حاۋىپسىزدىككە كەپىلدىك ەتىپ، دامۋدى جەبەپ، كاسىپورىنداردىڭ قيىنشىلىق قىسپاعىنان شىعۋىنا كومەكتەسەتىن، سونداي - اق ارتۋدى ورنىقتىراتىن، جۇمىستاندىرۋدى ورنىقتىراتىن، زات باعاسىن ورنىقتىراتىن ءبىر قىدىرۋ ساياساتتىق شارالاردى العا قويىپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ەڭ جوعارى شەكتە قورعاپ، ەكونوميكالىق، قوعامدىق دامۋدىڭ نەگىزگى اۋقىمىن ەڭ جوعارى شەكتە ورنىقتىردى.
تاعى دا جاڭا جاعداي اشتى. پارتيانىڭ 20 - قۇرىلتايى جەڭىسپەن اشىلعاننان كەيىن، 2022 - جىلى 11 - ايدىڭ 20 - كۇنى اۆتونوميالى رايوندىق 10 - كەزەكتى پارتكومنىڭ التىنشى جالپى ءماجىلىسى اشىلىپ، بۇكىل رايونىمىزدىڭ پارتيا 20 - قۇرىلتايىنىڭ رۋحىن ۇيرەنۋى، ۇگىتتەۋى، دايەكتىلەندىرۋى جونىندە جۇيەلى جوبا، جالپى تۇلعالىق ورنالاستىرۋ جاساپ، جاپپاي اتتانىسقا كەلتىرىپ، شينجياڭنىڭ دامۋ كەزەڭىمەن جانە قىزمەت ءىس جۇزىندىگىمەن تىعىز بايلانىستىرىپ، ءتۇيىندى مىندەتتەردى 17 تۇرگە كەڭەيتىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە شينجياڭ ۇلەسىن قوسۋعا قۇلشىندى.
2022 - جىلى 12 - ايدا اۆتونوميالى رايوندىق پارتكوم ۋاقىتقا، اۋقىمعا قاراي ساقتانۋ - تىزگىندەۋ شارالارىن ۇزدىكسىز ساپالىلاندىرىپ، كەمەلدەندىرىپ، ىندەتتەن ساقتانۋ - تىزگىندەۋدى ونان ارى ساپالىلاندىرۋدىڭ 20 تارماقتى شاراسى مەن ”جاڭا 10 تارماقتى شاراسىن“ جاپپاي تياناقتاندىرىپ، قاتىناس - تاسىمال، ساۋدا، زات اينالىمى، اس - سۋ قىزمەت وتەۋى، مادەنيەت، ساياحات سياقتىلاردىڭ جۇمىستى، ءوندىرىستى جاپپاي قالپىنا كەلتىرۋىن ىلگەرىلەتىپ، كاسىپ سالاسى اينالىمىن، بازار اينالىمىن، ەكونوميكالىق، قوعامدىق اينالىمدى ىركىلىسسىزدەندىرىپ، كاسىپ سالاسى تىزبەگىنىڭ، قامداۋ تىزبەگىنىڭ ورنىقتى اينالىمىن ىلگەرىلەتىپ، ەكونوميكانىڭ، قوعامنىڭ جاپپاي قالپىنا كەلۋىن جەبەدى.
ۇلكەن اۋقىمدى باعامداپ، جالپى جاعدايدى كوزدەپ، باتىلدىقپەن ىسكەرلىك كورسەتتى. 2022 - جىلى اۆتونوميالى رايوندىق پارتكومنىڭ پارمەندى باسشىلىعىندا، بۇكىل رايونىمىزداعى قالىڭ كادرلار مەن بۇقارا تاباندى دا تياناقتى ىستەپ، قايراتتانا تولقىن جارىپ، ەكونوميكانىڭ، قوعامنىڭ ورنىقتى، اقاۋسىز دامۋىن جۇزەگە اسىرىپ، 2023 - جىلعى قىزمەتتەردە جاقسى باستاما اشۋعا، جاقسى قادام باسۋعا بەرىك نەگىز قالادى.
ىسكەرلىك ىنتانى تاسقىنداتىپ، قيىندىقتى ەڭسەرە ورگە ۇمتىلدى
− ورنىقتىلىق بارىسىندا ىلگەرىلەۋگە تاباندى بولىپ، ەكونوميكانىڭ جوعارى ساپالى دامۋىن بار كۇشپەن ىلگەرىلەتتى
2022 - جىلى قات - قابات قيىنشىلىق قىسقانىمەن، ەكونوميكالىق دامۋدا جارقىن تۇيىندەر ءجيى كورىنىس بەردى.
اۆتونوميالى رايوندىق پارتكوم ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جوعارى دەڭگەيدە جوبالاۋ مەن جوبا ارقىلى جەتەكشىلىك ەتۋدى كۇشەيتىپ، جۇيەلى ورنالاستىرۋ جاساپ، ەكونوميكانىڭ جالپى اۋقىمىن شىنايى ورنىقتىرىپ، بۇكىل رايون ەكونوميكاسىندا ساپانىڭ ءونىمدى جوعارىلاۋى مەن ساننىڭ ۇيلەسىمدى ارتۋىن ىلگەرىلەتتى.
2022 - جىلعى شينجياڭنىڭ ەكونوميكالىق اينالىمى جونىندەگى باياندامانى پاراقتاپ وتىرساڭىز، وڭىرلىك ءوندىرىس جالپى ءونىم قۇنىنىڭ ارتۋ قارقىنى 1 - ماۋسىمدا ％0. 7، الدىڭعى جارتى جىلدا ％9. 4، ونان الدىڭعى 3 ماۋسىمدا ％9. 3 بولعانىمەن، ارتۋ اۋقىمىنىڭ وزگەرمەگەنىن بايقايسىز، بۇل شينجياڭ ەكونوميكاسىنىڭ سەرپىمدىلىگىنىڭ كۇشتى، كومەسكى كۇشىنىڭ جەتكىلىكتى، مۇمكىندىك ءورىسىنىڭ كەڭ ەكەندىگىن كورسەتەدى.
”سەگىز ۇلكەن كاسىپ سالاسى شوعىرىن“ جەدەل قۇرۋ، 1 -، 2 - ، 3 - كاسىپتەردى سايكەسە قاتار ىلگەرىلەتۋ، توعىستىرا دامىتۋ 2022 - جىلعى شينجياڭ ەكونوميكاسىنىڭ سەرپىمدىلىگىنىڭ، كومەسكى كۇشىنىڭ جانە سۇيەنەر نەگىزىنىڭ تياناعى بولدى.
− اس كەسەمىزدى ءوز قولىمىزدا مىقتاپ ۇستادىق! بۇكىل رايونىمىزدىڭ استىق وندىرىسىنەن تاعى دا مول ءونىم الىندى، استىق ەگىلگەن جەر اۋدانىنىڭ، بىرلىك ءونىمىنىڭ، جالپى ءونىم مولشەرىنىڭ ۇشەۋى قاتار ارتىپ، استىق ءوندىرىسى ۇدايى 7 جىل ءوستى.
− ونەركاسىپ ەكونوميكاسىنىڭ ”نەگىزگى اۋقىمىن“ بۇلجىتپاي ورنىقتىردى! 1 - ايدان 11 - ايعا دەيىن شينجياڭنىڭ كولەمنەن جوعارى ونەركاسىبىندە ارتقان قۇن سايكەس مەزگىلدەگىدەن ％7 ارتىپ، بۇكىل ەلدەن 3.2 پايىز جوعارى بولدى.
− قىزمەت وتەۋ كاسىبىنىڭ تيبىن وزگەرتىپ، دارەجەسىن جوعارىلاتۋدى جەبەدى! ”ساياحات ارقىلى شينجياڭدى گۇلدەندىرۋ ستراتەگياسىن“ ىشكەرىلەي اتقارىپ، وسى زامانعى زات اينالىمى جۇيەسىن جەدەل ورناتىپ، تۇرمىستىق قىزمەت وتەۋ كاسىبى جوعارى ساپاعا، الۋان تۇرلىلىككە قاراي جەدەل دامىدى.
”ورنىقتىلىق“ كەلەلى جاعداي جانە العى شارت بولسا، ”ىلگەرىلەۋ“ جوعارى ساپالى دامۋدىڭ نىساناسى جانە بەتالىسى سانالادى. شينجياڭ قارجى قوسۋدى كەڭەيتۋگە، تۇتىنۋدى جەبەۋگە، سىرتقى ساۋدانى ورنىقتىرۋعا كۇش سالىپ، ”ءۇش تەگەرشىكتىڭ“ سايكەسە كۇش شىعارىپ، ەكونوميكانى ”ورنىقتى“ بولۋمەن قاتار، ”ويداعىداي ىلگەرىلەۋگە“ جەتەلەدى.
قاقاعان قىس كەزىندە دە شينجياڭدا نىسان قۇرىلىسىنىڭ قادامى كىدىرمەدى. تاياۋدا جۇڭگو مۇناي حيمياسى كۇشار جاسىل سۋتەكتەن ۇلگى كورسەتۋ نىسان قۇرىلىسى الاڭىندا جۇمىسشىلار دانەكەرلەۋ جۇمىسىمەن، قۇبىر جاتقىزۋمەن قاربالاستاپ، دابىرالى ەڭبەك ناۋقانىن جۇرگىزدى. نىسان وندىرىسكە قوسىلعاننان كەيىن ءار جىلى كومىر قىشقىل گازىنىڭ شىعارىلۋىن 485 مىڭ توننا ازايتا الادى دەپ مەجەلەنۋدە.
قارجى قوسۋ − ەكونوميكانىڭ ارتۋىن جەبەيتىن ماڭىزدى قوزعاۋشى كۇش.
ىسكەرلىك ىنتانى تاسقىنداتىپ، كوكتەم، جاز، كۇز، قىس ماۋسىمدارىن ارتقا تاستادى، 2022 - جىلى شينجياڭ ۇدايى 4 ماۋسىم بويى ”قۇرىلىس باستاۋ دابىلىن“ قاعىپ، جەر - جەر نىساندى ماڭداي الدى ورىنعا قويۋ تانىمىن بەرىك ورناتىپ، نىساندى مىقتى يگەرىپ، قارجى قوسۋدى كەڭەيتىپ، مەجەنى ورنىقتىردى؛ 7 - كەزەكتى جۇڭگو − ازيا − ەۆروپا كورمەسىن ءساتتى وتكىزىپ، جالپى سوماسى ءبىر تريلليون 171 ميلليارد 300 ميلليون يۋاندىق 448 سەلبەستىك نىسانىنا قول قويىستى. ءبىر توپ كەلەلى نىساندار تيانشان الابىندا تامىر تارتىپ، گۇل اشىپ، جەمىس بەرىپ، تيانشان الابىندا جاڭا قوزعاۋشى قۋاتتار دۇركىن - دۇركىن تاسقىنداپ، سوعىلىسىپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىنىڭ قوزعالتقىشىن گۇرىلدەتتى.
12 - ايدىڭ ورتا شەنىنە دەيىن شينجياڭدا 2022 - جىلى 100 ميلليون يۋاننان اساتىن 3433 كەلەلى نىسان جاڭادان قۇرىلىس باستاپ، ولارعا شامامەن جالپى 2 تريلليون 900 ميلليارد يۋان قارجى قوسىلدى.
تۇتىنۋ ەكونوميكانىڭ دامۋىندا نەگىزدىك رول اتقارادى.
بيىل جاڭا جىل دەمالىسىندا شينجياڭنىڭ ساۋدا ىستەرى ءتۇيىندى قاداعالايتىن ساۋدا اينالىمى كاسىپورىندارىنىڭ تاۋار ساتۋ سوماسى 152 ميلليون يۋانعا جەتتى. ”3 كۇندىك دەمالىستا شينجياڭ سۋنيڭ يگوۋدىڭ بارلىق ساتۋ ارنالارىنداعى جالپى ساتىلىم سوماسى 21 ميلليون 687 مىڭ يۋانعا جەتىپ، سايكەس مەزگىلدەگىدەن ％30 ارتتى“، - دەيدى شينجياڭ سۋنيڭ يگوۋدىڭ بازار باس باقىلاۋشىسى تيان شياۋفي.
2022 - جىلى شينجياڭ تۇتىنۋدى جەبەۋ ساياساتتارىنىڭ تياناقتانۋىن، ناتيجە بەرۋىن بەلسەنە ىلگەرىلەتتى. 12 - ايدان باستاپ جەر - جەر ىندەتتەن ساقتانۋ - تىزگىندەۋدى ساپالىلاندىرۋدىڭ جاڭا شارالارىن جاپپاي تياناقتاندىرۋ نەگىزىندە، اس - سۋ تۇتىنۋىن سەرپىلتىپ، اۆتوموبيل تۇتىنۋىن ىنتالاندىرىپ، مادەنيەت - ساياحات تۇتىنۋىن كەڭەيتىپ، تۇنگى تۇتىنۋعا ءار قوسىپ، تۇتىنۋ بۇيىمدارى بازارى جالپى جاقتان ورنىقتى ارتۋ كۇيىن ساقتادى.
سىرتقى ساۋدا ساندى مالىمەتى − اشىق ەكونوميكا دامۋىنىڭ بارومەترى.
سوڭعى جىلدارى شينجياڭ جىبەك جولى ەكونوميكالىق بەلدەۋى وزەكتى رايون قۇرىلىسىن ىشكەرىلەي ىلگەرىلەتىپ، اشىق تۇعىردىڭ جەتەكشىلىك رولىن اناعۇرلىم كورنەكتىلەندىرىپ قانا قويماي، سىرتقى ساۋدانىڭ جاڭا كاسىپ كۇيلەرىندە جاڭالىق اشۋدا دا تىڭ جەتىستىكتەرگە قول جەتكىزدى.
2022 - جىلى ءۇرىمجى كەدەنى رەفورمانى تەرەڭدەتۋمەن، جاڭالىق اشۋمەن سەرپىلىس جاساپ، جاڭادان گۇلدەنگەن كاسىپ كۇيلەرىن ىشكەرىلەي اشىپ، كەشەندى باجىسىز اۋماق پەن اۆياتسيالىق شەكارا وتكەلىنىڭ ”اۋماق پەن پورتتىڭ بىرلەسە قيمىلداۋى“ سىندى جاڭا ۇلگىسىن ىلگەرىلەتىپ، شينجياڭنىڭ قارجى قۇراۋ، جالعا بەرۋ كاسىبىنىڭ دامۋىن ىلگەرىلەتىپ، باجىسىز اۋماقتاعى تاۋارلاردى كورسەتۋ كاسىبى رەفورماسىن ىلگەرىلەتىپ، تاماشا ۇلگى كورسەتۋ اسەرىن قالىپتاستىرىپ، شينجياڭ سىرتقى ساۋداسىنىڭ دامۋىنا ارتۋدىڭ جاڭا قوزعاۋشى قۋاتىن ۇستەدى.
2022 - جىلدىڭ الدىڭعى 11 ايىندا شينجياڭنىڭ سىرتقى ساۋدا يمپورت - ەكسپورتى 200 ميلليارد يۋاندىق ۇلكەن وتكەلدەن ءوتىپ، 219 ميلليارد 400 ميلليون يۋانعا جەتىپ، سايكەس مەزگىلدەگىدەن ％8. 59 ارتىپ، بۇكىل ەلدىڭ ارتۋ جىلدامدىعىنان 2. 51 پايىز جوعارى بولىپ، ارتۋ جىلدامدىعى بۇكىل ەل بويىنشا ءبىرىنشى ورىندى يەلەدى.
قيىنشىلىقتاردى ەڭسەرۋ بارىسىندا دامىپ، العا باسىپ، سىن - سايىستارعا توتەپ بەرۋ بارىسىندا ءوزىنىڭ مۇمكىندىك ءورىسىن كەڭەيتتى. اماليات شينجياڭ ەكونوميكاسىنىڭ قيىندىقتى ەڭسەرە ورگە ۇمتىلاتىن قابىلەتكە يە ەكەندىگىن دالەلدەدى. سۇراپىل داۋىل، نوسەر جاۋىنعا توتەپ بەرىپ، مويىماس قايسارلىقپەن العا باسۋدىڭ قىمباتتى سەنىمىنە يە بولدى.
حالىق تۇرمىسىن دەن قويا، سۇيىسپەنشىلىكپەن قامتاماسىز ەتتى
− حالىقتى وزەك ەتكەن دامۋ يدەياسىنا تاباندى بولىپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز جۇزەگە اسىردى
مەملەكەتتى باسقارۋدىڭ وزگەرمەس زاڭ - قاعيداسى بولادى، حالىققا پايدا جەتكىزۋ سونىڭ نەگىزى سانالادى. بۇقارانى جاقسى تۇرمىسقا كەنەلتۋگە بارىن سالۋ − بارلىق قىزمەتتە نەگىزگە الار ءتۇيىن جانە تابان تىرەر تياناق.
2022 - جىلى شينجياڭ حالىقتى وزەك ەتكەن دامۋ يدەياسىنا تاباندى بولىپ، دامۋ جەتىستىكتەرىن حالىق تۇرمىسىنا تيىمدىلىك جاساۋ، جۇرت تىلەگىن ۇيىستىرۋ جاعىندا ايگىلەپ، ءار ۇلت بۇقاراسىنىڭ تابىس سەزىمىنىڭ اناعۇرلىم تولىق، باقىت سەزىمىنىڭ اناعۇرلىم باياندى، حاۋىپسىزدىك سەزىمىنىڭ اناعۇرلىم قامتاماسىز بولۋىنا مۇمكىندىك جاسادى.
ءجاڭاشار اۋدانى زەردەلى اۋىل شارۋاشىلىعى كاسىپ سالاسى باقشاسىنىڭ جوعارى ولشەمدى زەردەلى اينەك جىلىجايىندا اسسۇتتىگەندەر جاپ - جاسىل بولىپ بوي سوزىپ، قاي جاققا قاراساڭىز دا جاسىل نۋ جايقالىپ، جالىندى تىرشىلىك لەبى ەسىپ تۇر. ءجاڭاشار اۋدانى تازعۇن اۋىلى قۇلاقلا قىستاعىنىڭ تۇرعىنى سەلىمگۇل ءالي تەحنيكتەردىڭ جەتەكشىلىگىندە كوكونىس باپتاۋ جۇمىسىن تىڭعىلىقتى ىستەپ جاتتى.
”بۇل جۇمىس مەنىڭ ءۇيدىڭ جانىندا تۇراقتى جۇمىستانۋىم ارمانىمدى جۇزەگە اسىردى، اقشا تاۋىپ، وتباسىنا قارايلاسىپ قانا قويماي، وزىق اۋىل شارۋاشىلىق تەحنيكاسىن دا ۇيرەندىم“ دەيدى ول، - ”جاقسى تۇرمىس كەشىرۋ ءۇشىن، پارتيانىڭ ابزال ساياساتىنىڭ جول كورسەتۋىنە سۇيەنۋمەن بىرگە، ءوز قۇلشىنىسىڭىمەن ۇمتىلۋىڭا، ۇزدىكسىز كۇرەس جۇرگىزۋىڭە دە سۇيەنۋىڭ كەرەك“.
ءبىر جىلدان بەرى، شينجياڭ كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ قىزمەتتەرىن تىڭعىلىقتى ويداعىداي ىستەپ، نازاردى كاسىپ سالاسى ارقىلى اۋىل - قىستاقتىڭ دامۋىن جەبەۋ، اۋىل - قىستاق قۇرىلىسىن تىڭعىلىقتى، ورنىقتى ىلگەرىلەتۋ، اۋىل - قىستاقتى باسقارۋدى كۇشەيتۋ جانە جاقسارتۋ سياقتىلارعا شوعىرلاندىرىپ، گۇلدەنۋدىڭ ءتۇپ بوياۋىن كەسكىندەدى.
حالىق تۇرمىسى ارىسىن ايتساڭ وتباسى - وتان تاعدىرىمەن، بەرىسىن ايتساڭ، ىشەر اس، كيەر كيىم، ءجۇرىس - تۇرىسپەن بايلانىسىپ جاتادى.
2022 - جىلى شينجياڭ حالىق تۇرمىسىنا قاتىستى ناقتى ىستەردى دەن قويا، سۇيىسپەنشىلىكپەن ويداعىداي ىستەۋگە ۇزدىكسىز كۇش سالىپ، جۇمىستاندىرۋ، وقۋ - اعارتۋ، ەمدەۋ، قوعامدىق قامتاماسىزداندىرۋ، تۇرعىن ءۇي سياقتى نەگىزگى حالىق تۇرمىسىن قامتاماسىز ەتۋ قىزمەتىن ويداعىداي ىستەدى. ادەتتەگى الەۋمەتتىك مەجە ەسەپ شىعىسىنىڭ ％70تەن استامى حالىق تۇرمىسىنا جۇمسالدى.
جۇمىستاندىرۋ ارقىلى حالىق تۇرمىسىنىڭ نەگىزىن بەكەمدەدى. 2022 - جىلى 9 - ايدىڭ سوڭىنا دەيىن شينجياڭدا قالا - قالاشىقتاردا جاڭادان 411 مىڭ 600 ادام جۇمىستانىپ (بيڭتۋانداعى 69 مىڭ 300 ادامدى قامتيدى)، جۇمىسسىزداردان 177 مىڭ ادام (بيڭتۋانداعى 26 مىڭ 900 ادامدى قامتيدى) قايتالاي جۇمىستاندى؛ ءار ءتۇرلى كاسىپتىك شەبەرلىككە 2 ميلليون 71 مىڭ ادام - رەت باۋلىدى؛ اۋىل - قىستاق ەڭبەككۇشتەرىنەن 2 ميلليون 979 مىڭ 600 ادام - رەت سىرتقا شىعىپ جۇمىس ىستەدى.
تومەنگى شەكتى مىقتاپ قامتاماسىز ەتتى. قيىنشىلىعى بار بۇقاراعا كومەكتەسۋ دەڭگەيىن جوعارىلاتۋ ءۇشىن، شينجياڭ قالاداعى ەڭ تومەنگى تۇرمىستى قامتاماسىزداندىرۋ ولشەمىن ءار ادامعا ايىنا 616 يۋانعا جوعارىلاتىپ، الدىڭعى جىلداعىدان ％12 ارتتىردى؛ اۋىل - قىستاقتارداعى ەڭ تومەنگى تۇرمىستى قامتاماسىزداندىرۋ ولشەمىن ءار ادامعا جىلىنا 5290 يۋانعا كوتەرىپ، الدىڭعى جىلداعىدان ％15 ارتتىردى. بۇكىل رايونىمىزداعى كاسىپورىندار مەن ورگان، ءىسورىندارىنان زەينەتكە شىققانداردىڭ نەگىزگى زەينەتاقىسى اي سايىن ادام باسىنا 176 يۋان ءوسىپ، الدىڭعى جىلداعىدان ％3. 4 ارتتى؛ قالا - اۋىل تۇرعىندارىنىڭ نەگىزدىك زەينەتاقىسىنىڭ ەڭ تومەنگى ولشەمى ايىنا ادام باسىنا 155 يۋانعا كوتەرىلىپ الدىڭعى جىلداعىدان 5 يۋان ءوستى.
تۇرمىس ۇمىتكە تولدى. قارىن توقتىق، كيىم بۇتىندىكتەن اناعۇرلىم جاقسى وقۋ - اعارتۋعا، اناعۇرلىم تۇراقتى قىزمەتكە، اناعۇرلىم رازى بولاتىن تابىسقا، اناعۇرلىم سەنىمدى قوعامدىق قامتاماسىزداندىرۋعا دەيىن... ءار ءتۇرلى حالىق تۇرمىسى ينجەنەريالارى، حالىق تۇرمىسىنا قاتىستى الۋان - الۋان ناقتى ىستەر حالىق تۇرمىسىنا قۇت - ىرىس ۇستەپ، باقىتتىڭ ”ۇدەي تۇسۋىنە“ مۇمكىندىك جاساپ، ءار ۇلت بۇقاراسىنىڭ بۇدان بىلايعى تاماشا تۇرمىسقا سەنىمى اناعۇرلىم نىعايدى.
باقىت پەن جاراسىمدىلىق سۇلۋ كورىنىس قۇرادى. حالىق تۇرمىسى سالاسىنا شۋاقتى ساۋلەلەر توگىلىپ، باقىت كارتيناسى بىرتىندەپ كەرەگە جايىپ، ۇلتتار ىنتىماعى، العاباسارلىعىن جەبەۋدىڭ، جۇرت تىلەگىن توعىستىرۋدىڭ، حالىق كۇشىن ۇيىستىرۋدىڭ ەڭ تاماشا تۇسىندىرمەسىنە اينالدى. ءار ۇلت اناردىڭ دانىندەي تىعىز ۇيىسىپ، ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، جاڭا داۋىردەگى جاڭا جورىقتا كورىكتى شينجياڭدى قۇرۋعا قۇلشىندى.
الدا كوكتەم قول بۇلعاپ، نۇرلى بولاشاق كۇتىپ تۇر. پارتيا 20 - قۇرىلتايىنىڭ رۋحىن جاپپاي دايەكتىلەندىرۋدە، تياناقتاندىرۋدا باستاما اشاتىن جىلدىڭ جاڭا بەلەسىندە تۇرىپ، بۇكىل رايونىمىزداعىلار جوعارىدان تومەنگە دەيىن اناعۇرلىم بەرىك سەنىممەن، اناعۇرلىم اسقاق بەينەمەن باس الماي قاجىرلىلىقپەن ىستەپ، مويىماس قايسارلىقپەن العا باسىپ، جوعارى ساپالى دامۋدىڭ جاڭا ناتيجەلەرى ارقىلى جاپپاي سوتسياليستىك وسىزاماندانعان مەملەكەت قۇرۋدا جاقسى باستاما اشۋعا، جاقسى قادام باسۋعا كۇش قوسادى.
