ما شيڭرۇي بۇكىل رايوننىڭ ىندەتتەن ساقتانۋ - تىزگىندەۋ قىزمەتى جونىندەگى بەينە ەكران ماجىلىسىندە بىلاي دەپ باسا دارىپتەدى
جاڭا كەزەڭدەگى ىندەتتەن ساقتانۋ - تىزگىندەۋ شارالارىن تىڭعىلىقتى تياناقتاندىرىپ، بۇقارانىڭ ءومىرىنىڭ حاۋىپسىزدىگى مەن دەنساۋلىعىن بار كۇشپەن قامتاماسىز ەتۋ كەرەك
ەركىن تۇنياز باسقاردى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 1 - ايدىڭ 4 - كۇنى ۇرىمجىدەن حابارلايدى. 1 - ايدىڭ 4 - كۇنى تۇستەن بۇرىن اۆتونوميالى رايون بۇكىل رايوننىڭ ىندەتتەن ساقتانۋ - تىزگىندەۋ قىزمەتى جونىندە بەينە ەكران ءماجىلىسىن اشىپ، جاڭا تيپتى ايدارشا ۆيرۋس وكپە قابىنۋ ىندەتىمەن جۇعىمدالۋعا ساياتىن ”B تۇردەگى B باسقارۋ“ قىزمەتتەرىن تياناقتاندىرۋ جونىندە ورنالاستىرۋ جاسادى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەپ، بىلاي دەپ باسا دارىپتەدى: يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، ىندەتتەن ساقتانۋ - تىزگىندەۋ قىزمەتى جونىندەگى مەملەكەتتىك تەلەۆيزور - تەلەفون ءماجىلىسىنىڭ ورنالاستىرۋلارى، تالاپتارى بويىنشا، ”B تۇردەگى B باسقارۋ“ يدەياسىن، قىزمەتىن، قابىلەت دايىندىعىن اتقارۋدى كۇشەيتىپ، ءبىر تۇتاس جوسپارلاپ سايكەستىرىپ، نەگىزگى تۇيىندەردى كورنەكتىلەندىرىپ، جاڭا كەزەڭدەگى ىندەتتەن ساقتانۋ - تىزگىندەۋ شارالارىن تىڭعىلىقتى تياناقتاندىرىپ، تارتىپپەن جاڭا كەزەڭگە وتۋگە، قاۋىرت كەزدەن ورنىقتى وتۋگە شىنايى كەپىلدىك ەتىپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن بار كۇشپەن قامتاماسىز ەتۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى.
بۇكىل رايوننىڭ ىندەت جاعدايى جانە ساقتانۋ - تىزگىندەۋ قىزمەتى جونىندەگى مالىمەتتى تىڭداعاننان كەيىن، ما شيڭرۇي بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتىمەن جۇعىمدالۋعا ساياتىن ”B تۇردەگى A باسقارۋدان“ ”B تۇردەگى B باسقارۋعا“ وزگەرتۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ۆيرۋستىڭ وزگەرۋى، ىندەت جاعدايى جانە ساقتانۋ - تىزگىندەۋ قىزمەتى سياقتىلارعا جان - جاقتى تالداۋ جاساي وتىرىپ جاساعان كەلەلى شەشىمى. بۇكىل رايوندا جوعارىدان تومەنگە دەيىن ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ساقتانۋ - تىزگىندەۋ قىزمەتىنىڭ ءتۇيىنىن ”سالاماتتىقتى ساقتاۋعا، سالماقتى اۋرۋلاردان ساقتانۋعا“ اۋدارىپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىنا وسكەلەڭ جاۋاپتى بولۋ پوزيتسياسىمەن، جەر - جەردەگى ىندەتتىڭ ۇلعايۋ جاعدايى، ەمدەۋ بايلىق كۇشى، ساقتانۋ - تىزگىندەۋ نەگىزدىك شارت - جاعدايى سياقتى ءىس جۇزىندىكپەن ۇشتاستىرا وتىرىپ، كوكتەم مەرەكەسى كەزىندە جىلجىمالى بولۋ، شوعىرلانۋ سيپاتىنىڭ ارتۋى سياقتى ەرەكشەلىكتەرگە مەڭزەس، ۇيىمدىق باسشىلىقتى كۇشەيتۋگە كۇش سالىپ، توتەپ بەرۋ دايىندىعىن كەمەلدەندىرىپ، ولقىلىقتاردى، ءالسىز تۇستاردى تولىقتاپ، ساقتانۋ - تىزگىندەۋ شارالارىن تياناقتاندىرىپ، بۇكىل رايوننىڭ ىندەتتەن ساقتانۋ - تىزگىندەۋىنىڭ ورنىقتى تۇردە جاڭا كەزەڭگە وتۋىنە جانە ورنىقتى جالعاسۋىنا شىنايى كەپىلدىك ەتۋ كەرەك.
ما شيڭرۇي مىنالاردى باسا دارىپتەدى: جەر - جەر، تاراۋلار، اسىرەسە، پارتيا، ۇكىمەتتىڭ نەگىزگى جاۋاپتى جولداستارى نازاردى شەشۋشى بۋىندارعا شوعىرلاندىرىپ، ءتۇيىندى وڭىرلەر مەن ادامدار شوعىرىن كورنەكتىلەندىرىپ، ءتۇرلى ساقتانۋ - تىزگىندەۋ شارالارىنىڭ تياناقتانۋىن، ەگجەي - تەگجەيلىلەنۋىن، ناقتىلانۋىن ىلگەرىلەتۋى كەرەك. مەديتسينالىق قۇتقارۋ - ەمدەۋ جانە ءدارى - دارمەكپەن قامتاماسىز ەتۋ قابىلەتىن جوعارىلاتىپ، دارەجەگە، تۇرگە ءبولىپ دياگنوز قويۋ - ەمدەۋ قىزمەت وتەۋ جۇيەسىن كەمەلدەندىرىپ، ەمدەۋ - دەنساۋلىق ساقتاۋ قۇرىلىمدارىنىڭ سيىمدىلىعىن ارتتىرۋدى جەدەلدەتىپ، قىزۋ امبولاتورياسى، شۇعىل ەمدەۋ اۋرۋحاناسى سياقتىلاردى قۇرۋعا تيىستىلەرىن مۇمكىندىگىنشە قۇرۋعا، اشۋعا تيىستىلەرىن مۇمكىندىگىنشە اشۋعا شىنايى كەپىلدىك ەتىپ، ەمدەۋ قىزمەتكەرلەرىن باۋلۋدى كۇشەيتىپ، مەديتسينالىق قىزمەت وتەۋ قابىلەتىن جاپپاي جوعارىلاتۋ؛ ەمدەۋ زاتتىق ماتەريالدارى، ءدارى - دارمەك سياقتىلار بويىنشا قامداۋ مەن قاجەتسىنۋدى ۇشتاستىرۋدى كۇشەيتىپ، ساتىپ الۋ، زاپاس ساقتاۋ تەبىنىن ارتتىرىپ، شينجياڭداعى ءدارى - دارمەك كاسىپورىندارىنىڭ ءونىمدى ارتتىرىپ، قۋاتىن كەڭەيتۋىن ىلگەرىلەتىپ، جۇڭي دارىلەرى، ەرەكشە ۇلتتىق ءدارى - دارمەك سياقتىلاردى ويداعىداي پايدالانىپ، نەگىزگى ساتىعا دالمە - ءدال تاراتىلۋىن كۇشەيتىپ، بۇقارانىڭ ەمدەلۋ، ءدارى - دارمەك ىستەتۋ قاجەتىن قاناعاتتاندىرۋعا شىنايى كەپىلدىك ەتۋ كەرەك. اۋىل - قىستاق وڭىرلەرىنىڭ ساقتانۋ - تىزگىندەۋىن ءتۇيىندى تۇردە ويداعىداي يگەرىپ، اۋدان شيپاحانالارىنىڭ، اۋىل - قالاشىق شيپاحانالارىنىڭ، قىستاق ەمحانالارىنىڭ ناۋقاس قابىلداۋ جانە قىزمەت وتەۋ قابىلەتىن جاپپاي كۇشەيتىپ، ەمدەۋ بايلىعىنىڭ تومەنگە ءتۇسۋىن ىلگەرىلەتىپ، قۇرىلعى - جابدىقتاردى، ءدارى - دارمەكتەردى زاپاس ساقتاۋ، قامداۋ سياقتى جاقتارداعى ولقىلىقتاردى جەدەل تولىقتاۋ؛ نەگىزگى ساتى پارتيا ۇيىمىنىڭ رولىن ساۋلەلەندىرىپ، بۇقارانىڭ سالاماتتىعىن قاداعالاۋدى جانە جەكەلەردىڭ ساقتانۋ - قورعانۋىنا جەتەكشىلىك ەتۋدى كۇشەيتىپ، شەكارا، شالعاي، تاۋلى وڭىرلەر، شەكاراداعى ەگىن، مال شارۋاشىلىق وڭىرلەرى سياقتى جەرلەردەگى ءتۇيىندى ادامدار شوعىرىنا ”سالاماتتىق سومكەسىن“ تاراتىپ، اۋىل - قىستاق پەن قالاداعى ەمدەۋ قۇرىلىمدارىنىڭ ناۋقاستاردى جىلدام جونەلتىپ ەمدەۋ ارناسىن ىركىلىسسىزدەندىرۋ كەرەك. ەرەكشە قاۋىمنىڭ دەنساۋلىعىن شىن مانىندە قامتاماسىز ەتىپ، توركوزدەندىرىپ باسقارۋ ونىمدىلىگىن جوعارىلاتىپ، قاراستى رايونداعى قارتتار، جۇكتى، بوسانعان ايەلدەر، بالالار سياقتى شوعىرعا باعىتتاي وتىرىپ، ۇيىنە بارىپ قىزمەت وتەۋ، سالاماتتىقتى باسقارۋ، ەمدەۋگە سەلبەسۋ سياقتى قىزمەتتەردى جاپپاي كۇشەيتىپ، 60 جاستان اسقان قارتتارعا ۆاكسينا ەگۋ سالىستىرماسىن ۇزدىكسىز جوعارىلاتىپ، قارتتاردى كۇتىمدەۋ يگىلىك قۇرىلىمى، مەكتەپ سياقتى ءتۇيىندى ورىنداردا ساقتانۋ - تىزگىندەۋ شارالارىن دالمە - ءدال تياناقتاندىرۋ كەرەك.
سالماقتى اۋرۋلاردان ساقتانۋدى جانە ناۋقاستاردى ەمدەۋدى كۇشەيتىپ، سالماقتى اۋرۋلاردان ساقتانۋ وتكەلىن وتباسىلارىنا جانە الەۋمەتتىك اۋماقتارعا الدىن الا جەتكىزىپ، جاسى ۇلعايعان قارتتار، نەگىزدىك اۋرۋى بار ناۋقاستار سياقتى اۋرۋى سالماقتى، قاتەرى جوعارى ادامدارعا ەرتە باستان كوڭىل ءبولىپ، قۇتقارۋ - ەمدەۋ توسەگى، جابدىق، كاسىپتىك قىزمەتكەر سياقتى جاقتاعى دايىندىقتى كۇشەيتىپ، شيپاحاناعا جەتكىزىلۋدەن ىلگەرگى شۇعىل قۇتقارۋ، وزگە جەرگە جونەلتۋ قابىلەتىن نىعايتىپ، وزگە جەرگە اپارىپ ەمدەتۋ ونىمدىلىگىن جوعارىلاتىپ، ەمدەۋگە تيىستىلەرىن مۇمكىندىگىنشە ەمدەۋگە، دەر كەزىندە قۇتقارىپ ەمدەۋگە شىنايى كەپىلدىك ەتۋ كەرەك. ساقتانۋ - تىزگىندەۋ جاۋاپكەرشىلىگىن تياناقتاندىرۋدى كۇشەيتۋدە پارتيا، ۇكىمەتتىڭ نەگىزگى جاۋاپتى جولداستارى تىكە يگەرىپ، يكەمدى قاداعالاۋعا، ساقتاندىرۋعا جانە عىلمي تالداۋ جاساۋعا تاباندى بولىپ، ءبىر تۇتاس جوسپارلاپ سايكەستىرۋدى جانە ۇيىمدىق ورنالاستىرۋدى كۇشەيتىپ، بايلىقتى ۇيلەسىمدى ىڭعايلاستىرىپ، جۇمىس ءبولىسى بويىنشا سەلبەسۋدى كۇشەيتىپ، نەگىزگى ساتىنىڭ ساقتانۋ - تىزگىندەۋ قابىلەتىن جوعارىلاتۋعا باسا ءمان بەرىپ، ءتۇرلى شارالاردىڭ تياناقتانىپ ونىمدىلىك كورسەتۋىن ىلگەرىلەتۋ؛ ساياساتتى ۇگىتتەۋدى، ءتۇسىندىرۋدى جانە عىلمي جەتەكشىلىك ەتۋدى كۇشەيتىپ، ينتەرنەت جەلىسى ينفورماتسياسىن ويداعىداي باسقارىپ، ساقتانۋ - تىزگىندەۋ ءتارتىبىن قورعاۋ؛ الدىڭعى شەپتەگى قىزمەتكەرلەرگە جانە ەمدەۋ قىزمەتكەرلەرىنە قامقورلىق جاساپ، قوسىننىڭ ورنىقتىلىعىنا، ساقتانۋ - تىزگىندەۋ قىزمەتىنىڭ ءونىمدى ورىستەتىلۋىنە شىنايى كەپىلدىك ەتۋ كەرەك.
ەركىن تۇنياز بىلاي دەپ اتاپ كورسەتتى: جەر - جەر، تاراۋلار ساياسي دەڭگەيدى جوعارىلاتىپ، ”سالاماتتىقتى ساقتاۋدى، سالماقتى اۋرۋلاردان ساقتانۋدى“ ارقاۋ ەتىپ، ”B تۇردەگى B باسقارۋ“ قىزمەتتەرىن ورنىقتى تۇردە ويداعىداي ىستەۋى كەرەك. قىزمەت وتەۋگە، قامتاماسىز ەتۋگە كۇش سالىپ، دارەجەگە، تۇرگە ءبولىپ ەمدەۋ، ءدارى - دارمەك ءوندىرۋ، قامداۋ، ەمدەۋ بايلىعىن زاپاس ساقتاۋ، ۆاكسينا ەگۋ، ءالسىز ادامدار شوعىرىن قورعاۋ سياقتى شارالاردى تياناقتاندىرىپ، قوعام ءتارتىبىنىڭ ورنىقتىلىعى مەن ينتەرنەت جەلىسىندەگى قوعامدىق پىكىردى باسقارۋدى ءبىر تۇتاس جوسپارلاپ، ويداعىداي يگەرىپ، كوكتەم مەرەكەسى كەزىندەگى ىندەتتەن ساقتانۋ - تىزگىندەۋ قىزمەتىن الدىن الا ورنالاستىرۋ كەرەك. ماسەلەنى باعدار ەتۋدى كۇشەيتىپ، نەگىزگى ساتىنى باسقارۋ، ەمدەۋ جۇيەسى سياقتى جاقتارداعى ولقىلىقتاردى، ءالسىز تۇستاردى تەز ارادا تولىقتاپ، باسشى كادرلاردىڭ قابىلەت دەڭگەيىن جوعارىلاتىپ، ورنالاستىرۋ، سايكەستىرۋ جانە قۋزاۋ - جەتەكشىلىك ەتۋ تەبىنىن ارتتىرىپ، جاڭا كەزەڭدەگى ىندەتتەن ساقتانۋ - تىزگىندەۋ قىزمەتىن تىڭعىلىقتى، پارمەندى، ويداعىداي ىستەۋ كەرەك.
چىن ۋيجۇن، ياڭ فاسىن، قادەن كابەن، ليۋ سۋشى، لي ۋىن قاتارلىلار ماجىلىسكە قاتىناستى.
