بۇگىنگى جۇڭگو − دۇنيە جۇزىمەن تىعىز بايلانىسقان جۇڭگو
− ءتوراعا شي جينپيڭنىڭ 2023 - جىلعى جاڭا جىلدى قۇتتىقتاۋ ءسوزى تۋرالى تولعانىس ④
□ حالىق گازەتىنىڭ شولۋشىسى
”بۇگىنگى جۇڭگو − دۇنيە جۇزىمەن تىعىز بايلانىسقان جۇڭگو“. 2023 - جىلعى جاڭا جىلدى قۇتتىقتاۋ سوزىندە ءتوراعا شي جينپيڭ وتكەن ءبىر جىلدى ”بەيجيڭدە كوپتەگەن جاڭا، كونە دوستاردى قارسى الدىم، سونداي - اق شەتەلگە دە شىعىپ، جۇڭگونىڭ قۋاتتامالارىن باياندادىم“ دەپ تەرەڭ سۇيىسپەنشىلىكپەن ەسكە الىپ، جۇڭگو ”باتىلدىقپەن تاريحتىڭ دۇرىس جاعىندا تۇرادى، ادامزات وركەنيەتىنىڭ العا باسۋى جاعىندا تۇرادى“ دەپ ايبىندى تۇردە جاريالاپ، جۇڭگونىڭ دۇنيە ءجۇزىنىڭ بەيبىتشىلىگىن قورعايتىن، بىرگە دامۋدى جەبەيتىن ءىرى ەلدىك جاۋاپكەرشىلىك ارقالاۋىن تولىق ايگىلەدى.
ءبىر جىلدان بەرى، ءتوراعا شي جينپيڭ ەل ءىشى - سىرتىندا 10 نەشە رەتكى ماڭىزدى حالىقارالىق كوپ جاقتى ءماجىلىستى باسقاردى جانە وعان قاتىناستى، 60 نەشە شەتەل باسشىسىمەن جانە حالىقارالىق ۇيىمداردىڭ جاۋاپتىلارىمەن كەڭەس وتكىزىپ، كەزدەسىپ، 30عا جۋىق سىرتقى جاق باسشىلارىمەن تەلەفوندا سويلەسىپ، بەينە بايلانىس ارقىلى ديدارلاسىپ، ەكى جاقتى قارىم - قاتىناستىڭ دامۋى جانە كەلەلى حالىقارالىق ماسەلەلەر سياقتىلار جونىندە ءجيى ىقپالداسىپ، ىشكەرىلەي بايلانىس جاسادى. ءدال ءتوراعا شي جينپيڭ باسا دارىپتەگەندەي ”ءبىز باستان - اياق بەيبىتشىلىك پەن دامۋدى قاستەرلەيمىز، باستان - اياق دوستارىمىز بەن سەرىكتەرىمىزدى قادىرلەيمىز“. بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن تابىستى وتكىزىپ، ءار ەل حالقىنا ”بولاشاققا بىرگە اتتانايىق“ دەگەن ىقىلاستى ۇندەۋ تاستادى؛ جۇڭگو حالىقارالىق يمپورت كورمەسى، گۋاڭجوۋ جارمەڭكەسى، جۇڭگو حالىقارالىق قىزمەت وتەۋ ساۋدا جارمەڭكەسى، جۇڭگو حالىقارالىق تۇتىنۋ بۇيىمدارى كورمەسى جۇڭگو تۇعىر ورناتقان ”شىعىس ۋادەلەرى“ ”اشىلعان قاقپاسى ونان ارى ايقارا اشىلادى“ دەگەن بەرىك ۋادەنى امالياتتا ايگىلەدى؛ بىلتىر الدىڭعى 11 ايدا جۇڭگونىڭ ”ءبىر بەلدەۋ، ءبىر جول“ سەلبەستىك سەرىكتەرىمەن ساۋدا سوماسى ءتيىمسىز جاعدايدا ％20.4 ارتتى، جۇڭگو - ەۆروپا كەزەكشى پويەزدارىنىڭ قاتىناۋ سانى تاعى دا تىڭ دەڭگەي جاراتتى، ءبىر توپ بەلگى سيپاتتى نىساندار جاپپاي باستالدى... شار تاراپپەن دوستاسىپ، الەمنىڭ جولىندا بىرگە جۇرگەن جاڭا داۋىردەگى جۇڭگو سەنىمدى دە بايسالدى، دارقاندىقپەن، ءبارىن قامتىعان ارىنمەن جۇڭگو دامۋىنىڭ دۇنيە ءجۇزىنىڭ دامۋىمەن ءوزارا توعىسقان، ءبىرىن - ءبىرى تابىسقا جەتكىزگەن جاڭا جورىعىن باستادى. سەنىمدى، سۇيىكتى، قادىرلى جۇڭگونىڭ تۇسىنۋگە، قۇرمەتتەۋگە جانە قولداۋعا يە بولۋى بارعان سايىن كوبەيدى.
اۋمالى - توكپەلى دۇنيە جۇزىنە جۇرت كوڭىلىن ورنىقتىراتىن كۇش اسا قاجەتتى؛ وزگەرىسكە تولى ءداۋىر بۇكىل الەمدى قۇشاعىنا الاتىن جاۋاپكەرشىلىك ارقالاۋعا ۇندەيدى. وتكەن ءبىر جىلعا قايىرىلا قاراساق، جاڭا تيپتى ايدارشا ۆيرۋس ىندەتى قايتالانىپ، ۇزاققا سوزىلىپ، دۇنيە ءجۇزى ەكونوميكاسىنىڭ دارمەنسىزدىگى اناعۇرلىم كورنەكتىلەنىپ، وڭىرلىك ساياسي جاعداي شيەلەنىسىپ، الەمدىك باسقارۋدا اۋىر جەتەرسىزدىكتەر تۋىلىپ، استىق جانە ەنەرگيا سياقتىلاردا كوپ ءتۇرلى داعدارىستار قاباتتاستى. بۇرىن بولىپ كورىلمەگەن سىن - سايىستار الدىندا، ”ادامزات قايدا بارادى“ سىندى بولاشاق ماسەلەسى ەشقاشان دا وسىنداي كوكەي تەستى بولىپ كورگەن ەمەس. ءتوراعا شي جينپيڭ: ”ادامزاتتىڭ بەيبىتشىلىگى مەن دامۋ ىستەرىنە جۇڭگونىڭ اقىل - پاراساتىن، جۇڭگو جوباسىن قۇلشىنا ارنايمىز“، - دەپ باسا دارىپتەدى. الەمدىك دامۋ باستاماسىن تياناقتاندىرىپ، 70كە جۋىق مەملەكەت ”الەمدىك دامۋ باستاماسى دوستىق گرۋپپاسىنا“ قوسىلدى؛ الەمدىك حاۋىپسىزدىك باستاماسىن العا قويىپ، حاۋىپسىزدىك قىزىل سيفرىن تولىقتىرۋعا حالىقارالىق الەۋمەتتىك ءونىم ارنادى؛ جەر شارى تىرشىلىك ورتاق تۇلعاسىن بىرگە قۇرۋعا ۇندەپ، «ورگانيزمدەردىڭ الۋان تۇرلىلىگى شارتى» 15 - رەتكى شارت جاساسۋشى جاقتار جينالىسىنىڭ بەلەستىك ۇلگىدەگى جەتىستىككە قول جەتكىزۋىن ىلگەرىلەتتى... ءبىز ەل ءىشى، حالىقارا سىندى ەكى كەلەلى جاعدايدى ءبىر تۇتاس جوسپارلاپ، بۇكىل ادامزاتتىڭ ورتاق مۇددەسىن كوزدە ۇستاپ، ادامزاتتىڭ تاعدىرلاس ورتاق تۇلعاسى تۋىن بيىك ۇستاپ، ادامزات ءدوپ كەلىپ وتىرعان ورتاق ماسەلەلەردى شەشۋگە اقىل - پاراسات جانە كۇش - قۋات قوسىپ، اۋمالى - توكپەلى، وزگەرىستى دۇنيە جۇزىنە تىنباي سەنىم جانە ءۇمىت سيلادىق. اماليات جۇڭگونىڭ دۇنيە ءجۇزى بەيبىتشىلىگى مەن دامۋىن قورعايتىن ماڭىزدى كۇش ەكەنىن تولىق دالەلدەدى.
قازىرگى ۋاقىتتا ”100 جىلدىق وزگەرىس جەدەل قۇبىلۋدا، دۇنيە ءجۇزى تىنىش ەمەس“، ءار ەل بولاشاق جولىنا وي جۇگىرتۋدە، جۇڭگو دەربەس، وزىنە - ءوزى قوجايىن بولۋ سىندى بەيبىت ديپلوماتيا ساياساتىن بۇلجىماي اتقارىپ، دۇنيە ءجۇزىنىڭ بەيبىتشىلىگىن قورعاۋ، بىرگە دامۋدى جەبەۋ سىندى ديپلوماتيا باس ماقساتىنا تاباندى بولىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە كۇش سالادى. جۇڭگونىڭ دامۋى دۇنيە ءجۇزى بەيبىتشىلىك كۇشىنىڭ ارتۋى سانالادى، جۇڭگو ماڭگى زورەكەر بولمايدى، ماڭگى ىرگە كەڭەيتپەيدى. جۇڭگو ءوزىنىڭ ءتۇزىمىنىڭ ورنىقتىلىعى، باسقارۋىنىڭ ورنىقتىلىعى، ساياساتىنىڭ ورنىقتىلىعى، دامۋىنىڭ ورنىقتىلىعى ارقىلى حالىقارالىق قوعامعا ۇزدىكسىز قىمباتتى ايقىندىق، ورنىقتىلىق سيلاۋعا سەنىمى بار، قابىلەتى دە قاپتال جەتەدى. جاڭا جورىقتا جۇڭگو بۇلجىماي بەيبىت دامۋ جولىمەن ءجۇرىپ، بۇلجىماي رەفورمانى تەرەڭدەتىپ، ەسىك اشۋدى كەڭەيتىپ، بۇلجىماي جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتەدى. ۇزدىكسىز وسىزاماندانۋعا بەت العان جۇڭگو، ءسوز جوق، دۇنيە جۇزىنە اناعۇرلىم كوپ وراي ازىرلەپ، حالىقارالىق سەلبەستىككە اناعۇرلىم قۋاتتى قوزعاۋشى كۇش سيلاپ، بۇكىل ادامزاتتىڭ العا باسۋىنا اناعۇرلىم زور ۇلەس قوسادى.
الماعايىپ وزگەرىستەر دۇنيەنىڭ دۇرىس جولىن وزگەرتە المايدى؛ قۇبىلمالى زاماندا تىپتەن تولقىن جارا العا ىلگەرىلەۋ كەرەك. ءبىز ءبىر سىن - سايىستارعا تولى داۋىردە، سونداي - اق ءبىر ۇمىتكە تولى داۋىردە تۇرمىز، ادامزاتتىڭ بولاشاق تاعدىرىن دۇنيە جۇزىندەگى ءار ەل حالقى يگەرۋى جانە بەلگىلەۋى ءتيىس. بولاشاققا بەت العاندا ءار ەل الەمنىڭ داڭعىل جولىندا بىرگە ءجۇرىپ، بۇكىل ادامزاتتىڭ ورتاق قۇندىلىعىن زور كۇشپەن اسقاقتاتىپ، ادامزاتتىڭ تاعدىرلاس ورتاق تۇلعاسىن قۇرۋدى ۇزدىكسىز ىلگەرىلەتكەندە عانا، ءسوزسىز، ادامزاتتىڭ اناعۇرلىم كوركەم بولاشاعىن قول ۇستاسا اشادى.
(1 - ايدىڭ 4 - كۇنگى «حالىق گازەتىندە» باسىلعان)
