انار بۇلت \ شينجياڭ گازەتىنىڭ ءتىلشىسى چىن چياڭۋي، لۋ فىڭباۋ 1 - ايدىڭ 4 - كۇنى ۇرىمجىدەن حابارلايدى. 2022 - جىلى 12 - ايدىڭ 28 - كۇنى ساعات 10نان 30 مينۋت وتكەندە 7000 - رەتكى جۇڭگو - ەۆروپا كەزەكشى پويەزى قورعاس شەكارا وتكەلى ارقىلى شەكارادان ءساتتى شىقتى. كۇندەلىكتى ءتۇرلى بۇيىمدارى، ماشينا بولشەكتەرى، ەلەكترون ونىمدەرى سياقتى جۇكتەر تيەگەن بۇل رەتكى كەزەكشى پويەزدىڭ شەكارادان شىعۋى وسى شەكارا وتكەلى ارقىلى 2022 - جىل ءبىر جىلدا وتكەن جۇڭگو - ەۆروپا كەزەكشى پويەزدارىنىڭ سانى بۇكىل ەلدەگى شەكارا وتكەلدەرىنىڭ الدىڭعى ورنىن يەلەپ، تاريحتاعى جوعارى دەڭگەيدى جاراتقاندىعىن اڭعارتادى.
جۇڭگو - ەۆروپا كەزەكشى پويەزدارىنىڭ دامۋى ساننىڭ ارتۋىندا ايگىلەنىپ قالماستان، ساپا جاعىنداعى قارىشتاۋدان دا ايگىلەندى. 2022 - جىلدىڭ باسىنان بەرى قورعاس شەكارا وتكەلى ارقىلى قايتقان كەزەكشى پويەزداردىڭ كونتينەر مولشەرى ورنىقتى جوعارىلاپ، ”جۇك تيەپ بارىپ، جۇك تيەپ قايتۋى“ جۇزەگە اسىرىلدى.
كەزەكشى پويەزداردى جۇرگىزۋ قاجەتىنىڭ ۇزدىكسىز جوعارىلاۋىنا مەڭزەس، ءۇرىمجى كەدەنىنە قاراستى قورعاس كەدەنى مەن جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنىڭ قورعاس بەكەتى تاسىمال ۇلگىسىن بىرىكتىرىپ، ينفورماتسيالاندىرۋ باسىمدىعىن ساۋلەلەندىرىپ، تەمىر جول جۇك ءتىزىمىن بىرىكتىرۋ جانە ”تەمىر جولدا تەز وتكىزۋ“ ۇلگىسىن بار كۇشپەن جولعا قويىپ، ”ەكى قادامدا مالىمدەۋ“، ”الدىن الا مالىمدەۋ“، ”قاينارىن قۋالاپ باسقارۋ“ سياقتى قولايلىلاندىرۋ شارالارىن اتقارىپ، شەكارا وتكەلىنىڭ كەدەننەن وتكىزۋ ونىمدىلىگىن كۇش بىرىكتىرە جوعارىلاتىپ، جۇڭگو - ەۆروپا كەزەكشى پويەزدارىنىڭ جوعارى ونىممەن قاتىناۋىنا شىنايى كەپىلدىك ەتتى.
” ءبىز ’جۇڭگو - ەۆروپا كەزەكشى پويەزى + شەكارا اتتاعان ەلەكتروندىق ساۋدا‘ سياقتى جاڭا ۇلگىلەردىڭ تياناقتانۋىن بەلسەنە قولداپ، سىرتقى ساۋدا قۇرىلىمىنىڭ ۇزدىكسىز ساپالىلانۋىن جەبەپ، شينجياڭنىڭ ’شىعىسپەن بىرلەسىپ، باتىسقا شىعارۋ‘ سىندى سىرتقا ەسىك اشۋدىڭ جاڭا بيىگىن تۇلعالاۋىنا دەم بەردىك“، - دەدى ءۇرىمجى كەدەنىنە قاراستى قورعاس كەدەنى باقىلاۋ - باسقارۋ 3 - ءبولىمىنىڭ ورىنباسار باستىعى ساڭ يۇنشيا.
قازىر قورعاس شەكارا وتكەلى ارقىلى قاتىنايتىن جۇڭگو - ەۆروپا كەزەكشى پويەزدارىنىڭ ءاركۇنى 19 كەزەك قاتىناۋىن ساقتاپ، باراتىنى 12 پويەز، قايتاتىنى 7 پويەز بولدى. وسى شەكارا وتكەلى ارقىلى قاتىنايتىن جۇڭگو - ەۆروپا كەزەكشى پويەزى جەلىسى 76عا جەتتى، مۇنىڭ ىشىندە 2022 - جىلى 20 كەزەكشى پويەز جەلىسى تىڭنان قوسىلدى.
ەلىمىزدە جيىنى 5 شەكارا وتكەلىنەن جۇڭگو - ەۆروپا كەزەكشى پويەزدارى وتەدى، قورعاس وسىلاردىڭ ءبىرى. 2016 - جىلى قورعاس شەكارا وتكەلىندە تۇڭعىش رەت جۇڭگو - ەۆروپا كەزەكشى پويەزى قاتىنادى، سودان باستاپ قاتىنايتىن كەزەكشى پويەزداردىڭ سانى ورنىقتى ارتىپ كەلەدى. 2016 - جىلدان 2021 - جىلعا دەيىن، قورعاس شەكارا وتكەلى ارقىلى قاتىنايتىن جۇڭگو - ەۆروپا كەزەكشى پويەزدارىنىڭ سانى جەكە - جەكە 377 كەزەك، 834 كەزەك، 2055 كەزەك، 3403 كەزەك، 5024 كەزەك، 6362 كەزەك بولدى.
