شينجياڭ گازەتى باسماقالاسى
جاڭا جىل باستالىپ، بار الەم تىڭ پاراق اشتى. 2023 - جىلى − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدە، تياناقتاندىرۋدا باستاما اشاتىن جىل، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنىڭ جاڭا جورىعىنا شەرۋ تارتۋدىڭ ماڭىزدى جىلى. اۆتونوميالى رايوندىق 10 - كەزەكتى پارتكومنىڭ جەتىنشى جالپى ءماجىلىسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، ورتالىقتىڭ ەكونوميكالىق قىزمەت ءماجىلىسى مەن ورتالىقتىڭ اۋىل - قىستاق قىزمەتى ءماجىلىسىنىڭ رۋحىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، وتكەن ءبىر جىلداعى قىزمەتتەردى قورىتىندىلادى، بيىلعى ءتۇيىندى مىندەتتەردى ورنالاستىردى، بۇكىل رايونداعى ءار ۇلت كادرلارى مەن بۇقاراسىن سەنىمدى بەكەمدەپ، ىنتىماقتاسا كۇرەس جۇرگىزىپ، جىگەرلەنە العا باسىپ، جاڭالىق اشا ناقتى ىستەپ، جاقسى باستاما اشىپ، جاقسى قادام باسىپ، جاڭا جورىقتا كورىكتى شينجياڭ قۇرۋعا قۇلشىنۋعا جۇمىلدىرۋ جونىنەن كەلەلى ماڭىز الادى.
ۋاقىت كەرۋەنى جوڭكىلە العا ىلگەرىلەيدى، كۇرەس قادامى ماڭگى توقتامايدى. 2022 - جىلعا قايىرىلا قاراساق، بۇل پارتيا مەن مەملەكەت تاريحىنداعى ءداۋىر بولگىش، بەلەستىك مانگە يە ءبىر جىل ءارى شينجياڭداعى ءار ۇلت كادرلارى مەن بۇقاراسى كوسەمنىڭ تاپسىرماسىن ەستە بەرىك ساقتاپ، العىس ايتىپ، ەكپىندەي العا تارتقان ءبىر جىل بولدى. شىلدەنىڭ شىلىڭگىر ىستىعىندا شينجياڭعا تاعى دا كەلىپ كوزدەن كەشىرۋدەن التىن كۇز 9 - ايدا 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حاتىن جولداۋعا دەيىن، بۇل باس شۋجي شي جينپيڭنىڭ شينجياڭ قىزمەتىنە وسكەلەڭ ءمان بەرگەندىگىن جانە ايرىقشا كوڭىل بولگەندىگىن تولىق بەينەلەدى، حالىق كوسەمىنىڭ شينجياڭداعى ءار ۇلت كادرلارى مەن بۇقاراسىنا دەگەن شىنايى سۇيىسپەنشىلىگى مەن ەرەكشە قامقورلىعىن تولىق ايگىلەدى. باس شۋجيدىڭ، پارتيا ورتالىق كوميتەتىنىڭ پارمەندى باسشىلىعىندا جانە شىنايى قامقورلىعىندا، اۆتونوميالى رايوندىق پارتكوم بۇكىل رايونداعى ءار ۇلت كادرلارى مەن بۇقاراسىن ىنتىماقتاستىرىپ، باستاپ، پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، تيانشان الابىندا تىنىش تا بەرەكەلى، قارىشتاپ دامىعان جاڭا بەينە جارىققا شىعىپ، كورىكتى شينجياڭ قۇرۋدىڭ جاڭا جورىعىنا قادام تاستادى.
باسىپ وتكەن اسا وزگەشە تاريحي بارىسقا قايىرىلا قاراساق، ءبىز قول جەتكىزگەن ءاربىر ىلگەرىلەۋشىلىكتىڭ، ءاربىر ناتيجەنىڭ ءتۇپ نەگىزى باس شۋجي شي جينپيڭنىڭ جول باستاپ، رول ۇستاۋىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە ەكەندىگىن اناعۇرلىم تەرەڭ سەزىنەمىز؛ ”ەكىنى تۇراقتاندىرۋدى“ باتىل قولداۋدىڭ، ”ەكىنى قورعاۋدى“ ادالدىقپەن امالياتتا ايگىلەۋدىڭ ءبىز، ءسوز جوق، تاباندى بولۋعا ءتيىستى ەڭ جوعارى ساياسي پرينسيپ جانە ءتۇبىرلى ساياسي قاعيدا ەكەندىگىن، سونداي - اق ءبىزدىڭ قامال الىپ، قيىندىقتاردى ەڭسەرىپ، بارلىق حاۋىپ - قاتەرلەر مەن سىن - سايىستاردى جەڭىپ، ىستەرىمىزدىڭ دامۋىنا تىڭ ءورىس اشۋداعى ەڭ زور سەنىمىمىزدىڭ، قايراتىمىزدىڭ جانە كۇش - قۋاتىمىزدىڭ تياناعى ەكەندىگىن اناعۇرلىم تەرەڭ تانيمىز؛ جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ توتەنشە كەمەڭگەر، بۇكىلدەي دۇرىس ەكەندىگىن، شينجياڭ قىزمەتىنىڭ تۋراشىلدىقتان اينىماي، جاڭالىق اشۋىنا، جەڭىسپەن العا باسۋىنا جەتەكشىلىك ەتەتىن قۋاتتى يدەيالىق قارۋ ەكەندىگىن، شينجياڭ قىزمەتىن جاقسى ىستەۋدىڭ ارقاۋى جانە جانى ەكەندىگىن اناعۇرلىم تەرەڭ سەزىنەمىز.
ماسەلەنى باعدار ەتۋدەن جازباۋ − شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى ءادىسناماسى. اۆتونوميالى رايوندىق 10 - كەزەكتى پارتكوم جەتىنشى جالپى ءماجىلىسى ماسەلەگە بەتپە - بەت كەلۋگە، قايشىلىقتان جالتارماۋعا، ماسەلەلەردى جاسىرماۋعا تاباندى بولىپ، بىلتىرعى قىزمەتتە ورىن تەپكەن كەيبىر باستى ماسەلەلەردى ارنايى كورسەتىپ، شىندىقتى ءىس جۇزىنەن ىزدەۋ، شىندىققا جۇگىنىپ، ناقتى ىستەۋ قىزمەت ستيلىن ايگىلەدى. ءبىز ماسەلەنى باعدار ەتۋدەن باستاپ ىسكە كىرىسۋگە تاباندى بولىپ، قىزمەتتە ورىن تەپكەن الشاقتىقتارعا، ولقىلىقتارعا جانە جەتەرسىزدىكتەرگە تۋرا قاراپ، ماسەلەلەردى زەرتتەۋدى، قيىن ماسەلەلەردى شەشۋدى شىن مانىندە شينجياڭ قىزمەتىنىڭ جاڭا جاعدايىن اشۋدىڭ شەشۋشى ءتۇيىنى ەتىپ، ماسەلەلەردى ۇزدىكسىز شەشىپ، قىزمەتتى جاقسارتىپ، شەبەرلىكتى ارتتىرىپ، قابىلەتتى كۇشەيتىپ، پارتيا مەن حالىققا تولىمدى جاۋاپ بەرۋىمىز كەرەك.
جالپى ءماجىلىس شينجياڭنىڭ ءىس جۇزىندىك جاعدايىمەن ۇشتاستىرىپ، بيىلعى رەفورمانىڭ، دامۋدىڭ، ورنىقتىلىقتىڭ ءتۇيىندى مىندەتتەرىن ورنالاستىردى. بۇكىل شينجياڭدا جوعارىدان تومەنگە دەيىن اقىل - پاراسات پەن كۇش - قۋاتتى ءماجىلىس العا قويعان ءتۇيىندى مىندەتتەردى تياناقتاندىرۋعا شوعىرلاندىرىپ، پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، شينجياڭدى زاڭمەن باسقارۋدى جاپپاي تەرەڭدەتىپ، جاڭا داۋىردەگى پارتيانىڭ ۇلت، ءدىن قىزمەتىن تىڭعىلىقتى ويداعىداي ىستەپ، پارتيانىڭ يدەولوگيا قىزمەتىنە باسشىلىق ۇقىعىن مىقتاپ يگەرىپ، جاڭا دامۋ ارناسىنا بەلسەنە قىزمەت وتەپ جانە ونىمەن توعىسىپ، اۋىل شارۋاشىلىعى، اۋىل - قىستاق، شارۋالار قىزمەتىنە وسكەلەڭ ءمان بەرىپ ءارى ونى بار كۇشپەن ويداعىداي ىستەپ، ەكولوگيالىق وركەنيەت قۇرىلىسىن ۇزدىكسىز ىلگەرىلەتىپ، دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، بيڭتۋاننىڭ باس نىسانانى جۇزەگە اسىرۋدا اناعۇرلىم زور رول اتقارۋىن ىلگەرىلەتىپ، ءتۇيىندى سالالارداعى حاۋىپ - قاتەرلەردەن، كومەسكى كىناراتتاردان ءونىمدى ساقتانىپ جانە ونى جويىپ، جالپى بارىستىق حالىق دەموكراتياسىن دامىتىپ، پارتيانى جاپپاي قاتاڭ باسقارۋدىڭ ىشكەرىلەي دامۋىن ىلگەرىلەتىپ، العان بەتىنەن قايتپايتىن كۇرەسكەرلىك بەينەمەن جانە ماڭگى بويكۇيەزدىككە سالىنبايتىن رۋحاني كۇيمەن اۆتونوميالى رايوندىق 10 - كەزەكتى پارتكوم جەتىنشى جالپى ءماجىلىسىنىڭ رۋحىن باتىل تۇردە ناقتاپ تياناقتاندىرىپ، دامۋدىڭ تاماشا جوباسىن جاندى رەالدىققا اينالدىرۋ كەرەك.
تاريحتىڭ كارتيناسى ءدۇبىرلى جورىق ۇستىندە كەسكىندەلەدى؛ ءداۋىردىڭ داڭقى جالعاستىرا كۇرەس جۇرگىزۋ بارىسىندا جازىلادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءۇش ءسوز جوقتى“ ەستە بەرىك ساقتاپ، شينجياڭدى زاڭمەن باسقارۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، ەل ءىشى، حالىقارا سىندى ەكى كەلەلى جاعدايدى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، كۇش - قايراتتى تاسقىنداتىپ، قولايلى ساتتەن ۇتىمدى پايدالانىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە شينجياڭ ۇلەسىن قوسىپ، جاڭا داۋىردەگى جاڭا جورىقتا اناعۇرلىم ۇلى جەڭىسكە جانە داڭققا قول جەتكىزەيىك!
