ەرتەڭگى جۇڭگونى اناعۇرلىم كوركەم ەتەيىك
− ءتوراعا شي جينپيڭنىڭ 2023 - جىلعى جاڭا جىلدى قۇتتىقتاۋ ءسوزى تۋرالى تولعانىس ⑤
□ حالىق گازەتىنىڭ شولۋشىسى
”ەرتەڭگى جۇڭگودا كۇرەس كەرەمەتتەر جاراتادى“، ”ەرتەڭگى جۇڭگودا كۇش - قۋات ىنتىماقتان كەلەدى“، ”ەرتەڭگى جۇڭگو جاستارعا ءۇمىت ارتادى“. 2023 - جىلعى جاڭا جىلدى قۇتتىقتاۋ سوزىندە ءتوراعا شي جينپيڭ ”بۇگىنگى جۇڭگوعا“ كوز جىبەرىپ، ”ەرتەڭگى جۇڭگوعا“ نازار سالىپ، سان ميلليونداعان حالىققا ”ءبىز العان بەتتەن قايتپاي، قايسارلىقپەن ايانباي قۇلشىنىپ، ەرتەڭگى جۇڭگونى اناعۇرلىم كوركەم ەتۋىمىز كەرەك“ دەپ ءۇمىت ارتتى. ەكپىندى لەبىز، ىقىلاستى تىلەك سان ميلليونداعان جۇڭحۋا ۇلاندارىن جاڭا جورىققا ارشىنداي قادام تاستاۋعا، بولاشاققا كوكىرەك كەرە اتتانۋعا ىنتالاندىردى جانە شابىتتاندىردى.
وتكەن ءبىر جىل − پارتيا مەن مەملەكەتتىڭ دامۋ تاريحىنداعى ەرەكشە ماڭىزدى جىل. ىندەتتىڭ قايتالانۋى، سوزىلۋى جانە كۇردەلى دە قاتاڭ ەل ءىشى - سىرتى ورتاسى الدىندا شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، قيىندىققا قارسى اتتانىپ، قايراتتانا العا باسىپ، وڭاي - وسپاق كەلە قويمايتىن ناتيجەگە قول جەتكىزدى. جۇڭگو كوممۋنيستىك پارتياسىنىڭ 100 جىلدا قانشاما بوران - شاشىندى باستان كەشىرگەندىگىنە، كەدەرگى - بوگەتتەردى الاستاعانىنا قايىرىلا قاراعان ءتوراعا شي جينپيڭ: ”بۇل − ەرەكشە ماشاقاتتى ءارى توتەنشە ۇلى بارىس“، - دەپ ءسۇيىندى. ارمان بولسا، جەر شەتى الىستىق ەتپەيدى، جەلكەن جايىپ، الىس ساپارعا تاعى اتتانايىق! پارتيانىڭ 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ايبىندى جوباسىن كەسكىندەدى، جاڭا جورىقتا ەكپىندەي ىلگەرىلەۋدىڭ ءداۋىر دابىلىن قاقتى. بۇل داڭق پەن ارمانعا تولى ۇزاق جورىق، داڭق ءبىزدى شابىتتاندىرادى، ارمان ءبىزدى شاقىرادى. ءبىز باتىلدىق كورسەتىپ، تەبىن تانىتىپ، ۇزدىكسىز ۇمتىلىپ، قاجىماي - تالماي ەكپىندەي ىلگەرىلەپ، ەرتەڭگى جۇڭگونى اناعۇرلىم كوركەم ەتۋىمىز كەرەك.
ەرتەڭگى جۇڭگونى اناعۇرلىم كوركەم ەتۋدە قايراتتانا كۇرەس جۇرگىزۋ جىگەرى بولۋ كەرەك. وتكەن ءبىر جىلدا قار - مۇز ساڭلاقتارىنىڭ جارىس الاڭىندا قۇيىنداي جۇيتكىپ، ماقتانارلىق ناتيجەگە قول جەتكىزۋىنەن عىلمي زەرتتەۋ قىزمەتكەرلەرىنىڭ بار زەيىنىن سالىپ ءىرى ەلدىڭ ماڭىزدى قۇرالىن جاساپ شىعۋىنا دەيىن؛ سان ميلليونداعان ەگىنشىلەردىڭ قاجىرلىلىقپەن ەڭبەك ىستەپ، استىق وندىرىسىندە ”ءۇرتىس 19 جىل مول ءونىم الۋدى“ جۇزەگە اسىرۋدان ەمدەۋ قىزمەتكەرلەرىنىڭ كۇندى تۇنگە جالعاپ حالىقتىڭ دەنساۋلىعىن، حاۋىپسىزدىگىن قورعاۋىنا دەيىن... سانسىزداعان ادامدار ايانباي شايقاسۋ، كۇرەس جاساۋ جانە ماڭداي تەرىن توگۋ ارقىلى سالماقتى جۇڭگو جاۋاپناماسىن جازدى. الدىڭعى جاقتا ءالى دە اسقار تاۋلار بار، ايتسەدە ”جول الىس بولعانىمەن، جۇرە بەرسەك كوزدەگەن جەرىمىزگە جەتەمىز؛ ءىس قيىن بولعانىمەن، ىستەي بەرسەك قالايدا ورىندالادى“. بەلگىلەنگەن نىسانانى جۇزەگە اسىرۋعا ءبىزدىڭ سەنىمىمىز كامىل، ويتكەنى سان ميلليونداعان حالىقتىڭ ورتاق كۇرەس جۇرگىزۋى قانداي قامالدى بولسىن تالقان ەتەتىن تەلەگەي كۇش ۇيىستىرادى. ءتوراعا شي جينپيڭ باسا دارىپتەگەندەي، ”يۇيگۇڭنىڭ تاۋدى كوشىرۋىندەي جىگەر، تامشى سۋ تاس تەسەتىن قايسارلىق بولسا، تاباندى دا تياناقتى بولىپ، باس الماي قاجىرلىلىقپەن ىستەپ، جارتى قادامداردى جالعاي - جالعاي مىڭ شاقىرىمعا جەتكىزسەك، ۇلى نىسانانى، ءسوز جوق، تاماشا رەالدىققا اينالدىرا الامىز“.
ەرتەڭگى جۇڭگونى اناعۇرلىم كوركەم ەتۋدە ىنتىماق كۇشىن ۇيىستىرۋ كەرەك. ىنتىماق − كۇش، ىنتىماقتاسقاندا عانا جەڭىسكە جەتۋگە بولادى. باسىپ وتكەن جولىمىزدا ەكونوميكانى ورنىقتىردىق، دامۋدى جەبەدىك، كەدەيلىكتى جەڭدىك، دوڭگەلەك داۋلەتتىلىك ورناتتىق، ىندەتتى تىزگىندەدىك، اۋىر اپاتقا قارسى اتتاندىق، وزگەرىسكە توتەپ بەردىك، داعدارىستى جويدىق... العا باسۋ جولىنداعى داۋىلدار الدىندا جۇڭگو حالقى قاشاندا پارتيا تۋى استىندا ”بەرىك قۇرىش“ بولىپ ىنتىماقتاسىپ، ”جۇرت تىلەگى بىرىكسە، تايشان تاۋىن كوشىرەر“ دەيتىن اسەرلى تاراۋ جازدى. ءتوراعا شي جينپيڭ بىلاي دەپ ايرىقشا اتاپ كورسەتتى: ”جۇڭگو وسىنشاما ۇلكەن، تۇرلىشە ادامداردا تۇرلىشە تالاپ - تىلەك بولادى، بىردەي ءبىر ءىس جونىندە دە تۇرلىشە كوزقاراس بولادى، بۇل − وتە قالىپتى جاعداي، پىكىرلەسۋ، كەڭەسۋ ارقىلى ورتاق تانىم ۇيىستىرۋ كەرەك“. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا ىنتىماقتاسۋعا بولاتىن بارلىق كۇشتەردى ىنتىماقتاستىرىپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، جۇڭگو ارمانىن ءبىر نيەتپەن ورتاق جۇزەگە اسىراتىن قۋاتتى بىرىككەن كۇش قالىپتاستىرۋعا تۋرا كەلەدى. ءبىز ”ءبىر ميلليارد 400 ميلليوننان استام جۇڭگولىق ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، قيىندىقتى بىلەك بىرىكتىرە جەڭىپ، ەل بىرلىگىنەن بەرىك قامال تۇرعىزسا، قولدان كەلمەيتىن ءىس، اتتاپ وتە المايتىن بوگەت بولمايتىندىعىنا“ كامىل سەنەمىز.
ەرتەڭگى جۇڭگونى اناعۇرلىم كوركەم ەتۋدە جاستىق گۇلىن قاۋلاتۋ كەرەك. جاستار كوركەيسە، مەملەكەت كوركەيەدى، جۇڭگونىڭ دامۋى قالىڭ جاستاردىڭ العا شىعىپ، جاۋاپكەرشىلىك ارقالاۋىنا سۇيەنەدى. بايتاق اۋىل - قىستاقتاردا ماڭداي تەرلەرىن اعىزىپ، گۇلدەنۋگە كۇش ۇستەدى، زاۆود سەحتارىندا قىزمەت ورنىن تياناق ەتىپ، بىرەگەي بولۋعا ۇمتىلدى، عىلىم - تەحنيكا شەبىندە جاڭالىق اشۋعا كۇش سالىپ، اقىل - پاراساتتارىن ارنادى، ءۇش كەز ساباق مىنبەرىندە پارتيا ءۇشىن ادام تاربيەلەدى، مەملەكەت ءۇشىن دارىندى تاربيەلەدى، قارلى بوراندى شەكارا وتكەلدەرىندە مەملەكەت قورعانىسى ءۇشىن ءوزىن ارنادى، بەيبىتشىلىكتى قورعادى... بۇگىنگى جۇڭگونىڭ بايتاق دالاسىندا جاستار جالىنعا تولى، جاستىق كوكتەم ۇمىتكە جۇكتى. جۇڭگو ارمانىن جۇزەگە اسىرۋ تاريحي ۇتىلامالى جارىس، قازىرگى زامان جاستارى ۇلتتىڭ گۇلدەنۋىن جۇزەگە اسىراتىن جارىس جولىندا ەرلىكپەن وزات بولۋعا ۇمتىلۋ كەرەك. جاڭا جىلدى قۇتتىقتاۋ سوزىندە ءتوراعا شي جينپيڭ قالىڭ جاستاردى ”وتباسى - وتان سۇيىسپەنشىلىگىن تەرەڭ ورناتىپ، العا ۇمتىلعىش قاسيەت جەتىلدىرىپ، كۇرەسكەرلىك بەينەمەن جاستىق كوكتەمنىڭ جىگەرىن تاسقىنداتىپ، ءداۋىردىڭ تىلەگىنەن شىعۋعا، جاستىق داۋرەننىڭ ءۇمىتىن اقتاۋعا“ ىنتالاندىردى. ارمان ارقالاپ ءارى تاباندىلىق كورسەتىپ، كوكەيىنە ارمان ۇيالاتىپ ءارى قادامىن نىق باسىپ، باتىلدىقپەن ويلاپ، باتىلدىقپەن ءىس تىندىرىپ ءارى ءىستى باسىنان اياعىنا دەيىن ءساتتى جۇرگىزىپ، تابىستى اياقتاتىپ، جاۋاپكەرشىلىك ارقالاۋ بارىسىندا شىڭدالىپ، جاۋاپكەرشىلىكتى ادا ەتۋ بارىسىندا جەتىلىپ، ۇلى مۇرات جولىندا ارمانعا ۇمتىلۋشى بولىپ، ۇلى ءىستىڭ جالىندى كۇشى بولۋعا ۇمتىلعان جاڭا داۋىردەگى جۇڭگو جاستارى، ءسوز جوق، جاستىق ورالىن جاپپاي سوتسياليستىك وسىزاماندانعان مەملەكەت قۇرۋدىڭ دابىرالى امالياتىندا شەشەك اتتىراتىن بولادى.
جۇڭگونىڭ كەشەگى كۇنى ادامزاتتىڭ تاريح بەتىنە جازىلدى، جۇڭگونىڭ بۇگىنى سان ميلليونداعان حالىقتىڭ قولىمەن جاراتىلۋدا، جۇڭگونىڭ ەرتەڭى، ءسوز جوق، اناعۇرلىم كوركەم بولادى. جاڭا جورىقتا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، بۇلجىماس سەنىممەن، تەز قارماناتىن تەبىنمەن، قاجىرلى قايسارلىقپەن قايراتتانا العا ۇمتىلىپ، باتىلدىقپەن العا باسىپ، ىنتىماقتاسا كۇرەس جۇرگىزىپ، نىق قاداممەن بۇرىنعىلار ىستەپ كورمەگەن ۇلى ىستەردى العا ىلگەرىلەتىپ، اناعۇرلىم شۇعىلالى بولاشاقتى قۇلشىنا جاراتايىق!
(1 - ايدىڭ 5 - كۇنگى «حالىق گازەتىندە» باسىلعان)
