اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسىنىڭ جانە اۋىل - قىستاقتى گۇلدەندىرۋ باسشىلىق گرۋپپاسىنىڭ ءماجىلىسى اشىلدى
ما شيڭرۇي باسقاردى ءارى ءسوز سويلەدى
ەركىن تۇنياز، شاۋكەت يمىن، نۇرلان ءابىلماجىن، لي يفي، حى جۇڭيوۋ قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 1 - ايدىڭ 6 - كۇنى ۇرىمجىدەن حابارلايدى. اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسى جانە اۋىل - قىستاقتى گۇلدەندىرۋ باسشىلىق گرۋپپاسى 1 - ايدىڭ 5 - كۇنى ءماجىلىس اشىپ، پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، ورتالىقتىڭ اۋىل - قىستاق قىزمەتى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق 10 - كەزەكتى پارتكومنىڭ جەتىنشى جالپى ءماجىلىسىنىڭ ورنالاستىرۋلارىن، تالاپتارىن تياناقتاندىردى، بۇكىل رايوننىڭ اۋىل شارۋاشىلىعى، اۋىل - قىستاق، شارۋالار قىزمەتىنە ورنالاستىرۋ جاسادى. اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسىنىڭ جانە اۋىل - قىستاقتى گۇلدەندىرۋ باسشىلىق گرۋپپاسىنىڭ باستىعى ما شيڭرۇي ءماجىلىستى باسقاردى ءارى ءسوز سويلەدى.
اۆتونوميالى رايون باسشىلارىنان ەركىن تۇنياز، شاۋكەت يمىن، نۇرلان ءابىلماجىن، لي يفي، حى جۇڭيوۋ قاتارلىلار ماجىلىسكە قاتىناستى.
ما شيڭرۇي بىلاي دەپ اتاپ كورسەتتى: جەر - جەر، تاراۋلار باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، اۋىل شارۋاشىلىعىندا قۋاتتى رايون قۇرۋدىڭ شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋداعى ەرەكشە ماڭىزدى ءمانىن تولىق تانىپ، ستراتەگيالىق جانە جالپى جاعداي تۇرعىسىنان شينجياڭنىڭ اۋىل شارۋاشىلىعى، اۋىل - قىستاق، شارۋالار قىزمەتىن جوسپارلاپ ىلگەرىلەتۋگە تاباندى بولىپ، بايلىق ارتىقشىلىعى مەن وڭىرلىك ورىن ابزالدىلىعىن تياناق ەتىپ، استىق، ماقتا، جەمىس - جيدەك، كوكونىس سياقتى بايلىقتار مەن كاسىپ سالالارىنىڭ بۇكىل ەلدىڭ ەكونوميكالىق كەلەلى جاعدايىنداعى ماڭىزدى رولىن ساۋلەلەندىرىپ، اۋىل شارۋاشىلىعىندا قۋاتتى ەل قۇرۋعا، استىقپەن جانە ماڭىزدى اۋىل شارۋاشىلىعى ونىمدەرىمەن ورنىقتى، حاۋىپسىز قامداۋدى قامتاماسىز ەتۋگە شينجياڭ ۇلەسىن قوسىپ، ءىس جۇزىندىك ارەكەت ارقىلى ”ەكىنى تۇراقتاندىرۋدى“ قولداپ، ”ەكىنى قورعاۋدى“ ورىنداۋى كەرەك.
ما شيڭرۇي بىلاي دەپ باسا دارىپتەدى: ورتالىقتىڭ اۋىل - قىستاق قىزمەتى ءماجىلىسى كەزەكتەگى جانە بۇدان بىلايعى ءبىر مەزگىلدەگى اۋىل شارۋاشىلىعى، اۋىل - قىستاق، شارۋالار قىزمەتىنىڭ نىسانالارىن، مىندەتتەرىن، ستراتەگيالىق تۇيىندەرىن جانە نەگىزگى قامال الۋ بەتالىسىن ايقىنداپ، استىقپەن جانە ماڭىزدى اۋىل شارۋاشىلىعى ونىمدەرىمەن ورنىقتى، حاۋىپسىز قامداۋدى قامتاماسىز ەتۋ جونىندە ايقىن تالاپتاردى العا قويدى. ءبىز ساياسي دەڭگەيدى شىن مانىندە جوعارىلاتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، شينجياڭنىڭ مەملەكەت بويىنشا ەگىن، مال شارۋاشىلىق ونىمدەرىمەن قامداۋ ماڭىزدى بازاسىن قۇرۋ ستراتەگيالىق ورنىن كوزدەپ، ەگىستىك جەر اۋماعىن بەلسەنە كەڭەيتىپ، استىق حاۋىپسىزدىگى نەگىزىن جان - جاقتى بەكەمدەپ، اۋىل شارۋاشىلىعىنىڭ جالپىلىق ءوندىرىس قۋاتىن جوعارىلاتىپ، مەملەكەتتىڭ استىق حاۋىپسىزدىگىن جانە ماڭىزدى اۋىل شارۋاشىلىق ونىمدەرىمەن قامداۋدى قامتاماسىز ەتۋگە ۇلەس قوسۋ مولشەرىن جوعارىلاتۋىمىز كەرەك. استىق حاۋىپسىزدىگى ساياسي جاۋاپكەرشىلىگىن باتىل ارقالاپ، استىق حاۋىپسىزدىگىنە پارتيا مەن ۇكىمەت بىردەي جاۋاپتى بولۋعا تاباندى بولىپ، استىق حاۋىپسىزدىگى جاۋاپكەرشىلىگى ءتۇزىمىن باعالاۋدى قاتايتىپ، مەملەكەتتىڭ جاڭا كەزەكتى 100 ميلليارد جىڭدىق استىق ءوندىرىس قۋاتىن جوعارىلاتۋ ارەكەتىنىڭ تالابىنا ساي، اتقارۋ جوباسىن جاساپ، قىزمەت ورنالاستىرۋلارىن ەگجەي - تەگجەيلىلەندىرىپ، استىق قىزمەتى باعىتىنىڭ ”رايون ىشىندە ىركىلىپ قالۋ، مەملەكەتتى قامداۋعا“ قاراي بۇرىلىس جاساۋىن ىلگەرىلەتۋىمىز كەرەك. ەگىستىك جەردى قورعاۋدىڭ ەڭ قاتاڭ ءتۇزىمىن تياناقتاندىرىپ، جاڭا كەزەكتى جوعارى ولشەمدى ەگىنجاي قۇرىلىسى جوباسىن ويداعىداي اتقارىپ، ەگىستىك جەردىڭ پايدالانىلۋىن باسقارۋ - مەڭگەرۋدى كۇشەيتىپ، استىق ەككەن ديقانداردىڭ تابىسىن قامتاماسىز ەتۋ مەحانيزمىن جانە نەگىزگى ءوندىرىس وڭىرلەرىنىڭ مۇددەلىك تولىقتاما قاراجات مەحانيزمىن اقاۋسىزداندىرىپ، استىق ءونىمىن ارتتىرۋعا بەرىك نەگىز قالاۋىمىز كەرەك. استىق ءوندىرىسىنىڭ ورنالاسۋى مەن ماڭىزدى اۋىل شارۋاشىلىق ونىمدەرىنىڭ ەگىمشىلىك قۇرىلىمىن ساپالىلاندىرىپ، ”استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋ“ ستراتەگياسىن تياناقتاندىرىپ، ءبيداي ەگىلەتىن جەر اۋماعىن ورنىقتىرىپ، بىرلىك ءونىمدى ارتتىرۋعا كۇش سالىپ، جالپى ءونىمدى ارتتىرىپ، جۇگەرى ەگۋ كولەمىن ارتتىرىپ، جەر جاڭعاعى، سويا بۇرشاق سياقتى مايلى داقىلداردى ەگۋ اۋماعىن كەڭەيتىپ، مال، قۇس جانە كوكونىسپەن ءونىمدى قامداۋدى ويداعىداي يگەرىپ، استىق پەن ماڭىزدى اۋىل شارۋاشىلىعى ونىمدەرىن ورنىقتى ءوندىرۋدى، ءونىمىن ارتتىرۋدى ىلگەرىلەتۋىمىز كەرەك. شارۋالاردىڭ كىرىسىن ارتتىرۋدى امالدىڭ بارىنشا جەبەپ، شارۋالاردىڭ كىرىسىن ارتتىرۋدى وزەكتى مىندەت ەتىپ، تەحنيكالىق شەبەرلىككە باۋلۋدى كۇشەيتىپ، اۋىل - قىستاق ەڭبەككۇشتەرىن جۇمىستاندىرۋدى كوپ ارنامەن جەبەۋىمىز؛ اۋىل -قىستاقتاردىڭ جاڭا كاسىپ سالاسىن، جاڭا كاسىپ كۇيىن جەتىلدىرىپ، اۋىل شارۋاشىلىق ونىمدەرىن ساتۋ بازارىن كەڭەيتۋىمىز؛ كەدەيلىكتەن قۇتىلدىرۋدان قامال الۋ جەتىستىكتەرىن بەكەمدەپ، كەڭەيتىپ، كومەكتەسۋ - سۇيەمەلدەۋ ساياساتىن ورنىقتىرىپ، كەمەلدەندىرىپ، اۋىل - قىستاقتىڭ گۇلدەنۋىن جاپپاي ىلگەرىلەتۋىمىز كەرەك.
ما شيڭرۇي بىلاي دەپ باسا دارىپتەدى: سۋ سىندى ”بۇيدانى“ مىقتاپ يگەرىپ، سۋدان پايدالانۋ قۇرىلىمىن ساپالىلاندىرىپ، جەتكىزۋ، ساقتاۋ قابىلەتىن كۇشەيتىپ، پايدالانۋ ونىمدىلىگىن جوعارىلاتىپ، اۋىل شارۋاشىلىعىنىڭ باياندى دامۋىن مىعىم سۋ بايلىعىمەن قامتاماسىز ەتۋ كەرەك. ماڭىزدى سۋ بايلىعىن ورنالاستىرۋ جانە جەتكىزۋ، ساقتاۋ قۇرىلىسىن جۇيەلى ىلگەرىلەتىپ، ءىرى، ورتاشا سۋارمالى الاپتاردى قۇرۋدى، سايكەستى قۇرىلعىلار سالۋدى جالعاستىرۋ جانە سۋ ۇنەمدەۋ باعىتىنداعى جاڭارتۋ ينجەنەرياسىن جەدەل اتقارىپ، ينجەنەريا اينالىمىن باسقارۋدى كۇشەيتىپ، اۋىل شارۋاشىلىعىنىڭ سۋ ىستەتۋ قاجەتىن قامتاماسىز ەتۋ؛ سۋ بايلىعىنان شوعىرلى، ۇنەمدى پايدالانۋ ورەسىن جوعارىلاتىپ، سۋدى ۇنەمدەۋدى الدىڭعى ورىنعا قويۋعا تاباندى بولىپ، سۋعا قاراي جەردى ايقىنداۋعا، سۋعا قاراي ءوندىرىستى ايقىنداۋعا تاباندى بولىپ، اۋىل شارۋاشىلىعىنىڭ جوعارى ءونىمدى سۋ ۇنەمدەۋ تەحنيكاسىن زور كۇشپەن جالپىلاستىرىپ، سۋ بايلىعىنىڭ پايدالانىلۋ ونىمدىلىگىن جوعارىلاتۋ؛ اۋىل شارۋاشىلىعىندا سۋ ىستەتۋمەن قامداۋدى قامتاماسىز ەتۋدى، سۋارۋعا كەپىلدىك ەتۋدى، ورنالاستىرۋدى كۇشەيتىپ، قامداۋ مەن قاجەتسىنۋدى ۇشتاستىرۋدى كۇشەيتىپ، سۋ مولشەرىن دالمە - ءدال ۇلەستىرىپ، جەر بەتى سۋىنىڭ پايدالانىلۋ مولشەرىن ەڭ جوعارى شەكتە جوعارىلاتىپ، اۋىل شارۋاشىلىعىنىڭ ونىمدىلىگىن ارتتىرۋعا، شارۋالاردىڭ كىرىسىن ارتتىرۋعا، استىق حاۋىپسىزدىگىنە ءونىمدى قولداۋ كورسەتۋ كەرەك.
ما شيڭرۇي بىلاي دەپ باسا دارىپتەدى: جەر - جەردەگى پارتكومدار مەن ۇكىمەتتەر اۋىل شارۋاشىلىعى، اۋىل - قىستاق، شارۋالار قىزمەتىن، اسىرەسە، استىق حاۋىپسىزدىگىن ماڭىزدى ورىنعا قويىپ، ءوز جەرىنىڭ ەگىستىك جەر، سۋ بايلىعى سياقتى ءىس جۇزىندىك جاعدايىمەن ۇشتاستىرىپ، ىشكەرىلەي تەكسەرۋ - زەرتتەۋ جۇرگىزىپ، عىلمي جوسپارلاپ، ورنالاستىرىپ، ورنىقتى، تارتىپپەن ىلگەرىلەتىپ، استىقپەن جانە ماڭىزدى اۋىل شارۋاشىلىعى ونىمدەرىمەن قامداۋدى قامتاماسىز ەتۋ قابىلەتىن جەدەل جوعارىلاتۋى كەرەك. دۇرىس ناتيجە كوزقاراسىن بەرىك ورناتىپ، قازىرگىنى تياناق ەتىپ، ۇزاق بولاشاقتى كوزدەپ، شىنايى يگەرىپ، ناقتى ىستەپ، فورماشىلدىق پەن تورەشىلدىكتەن ساقتانىپ، ءتۇرلى قىزمەت ورنالاستىرۋلارىنىڭ ناقتى تياناقتانۋىنا، ناقتى ونىمدىلىك كورسەتۋىنە شىنايى كەپىلدىك ەتۋ كەرەك. اۋىل - قىستاق وڭىرلەرىندە ىندەتتەن ساقتانۋ - تىزگىندەۋدى ويداعىداي يگەرىپ، ىندەتتەن ساقتانۋ جۇيەسى اينالىمى، ءدارى - دارمەكپەن قامتاماسىز ەتۋ، قامداۋ سياقتى قىزمەتتەردى ويداعىداي ىستەپ، بۇقارانىڭ دەنساۋلىعىن جانە قالىپتى ءوندىرىس، تۇرمىس ءتارتىبىن ويداعىداي قورعاۋ كەرەك.
جاڭ جۋ، تيان شياڭلي، چىن ۋيجۇن، ۋاڭ ميڭشان، ۋاڭ جيانشين، ءزۇمىرات وبۇل، ياڭ فاسىن، ەلزات احمەتجان، قادەن كابەن، اۆتونوميالى رايوندىق ۇكىمەتتىڭ قاتىستى باسشى جولداستارى، قاتىستى تاراۋلاردىڭ، مەكەمە - ورىنداردىڭ جانە ايماقتاردىڭ، وبلىستاردىڭ، قالالاردىڭ نەگىزگى جاۋاپتى جولداستارى، ت.ب ماجىلىسكە قاتىناستى.
