تيانشان تورى
تيانشان تورى   ›   ۇيرەنۋ   ›   شولۋ

ناتيجەلەرگە قول جەتكىزۋ وڭايعا تۇسكەن جوق، مىعىم سەنىممەن العا ىلگەرىلەۋ كەرەك

  ناتيجەلەرگە قول جەتكىزۋ وڭايعا تۇسكەن جوق، مىعىم سەنىممەن العا ىلگەرىلەۋ كەرەك

  اۆتونوميالى رايوندىق 10-كەزەكتى پارتكوم جەتىنشى جالپى ءماجىلىسىنىڭ رۋحىن دايەكتىلەندىرۋ، تياناقتاندىرۋ تۋرالى

  □ گازەتىمىزدىڭ شولۋشىسى

  زەيىن - زەردەنى، كۇش - قۋاتتى ۇيىستىرىپ، سۇبەلى تابىستارعا قول جەتكىزىپ، قايراتتانا العا ۇمتىلىپ، جاڭا جورىقتى باستادى. جاڭا عانا وتكەن 2022 - جىل − پارتيا مەن مەملەكەت تاريحىنداعى ەرەكشە ماڭىزدى ءبىر جىل ءارى شينجياڭنىڭ دامۋ بارىسىنداعى ەرەكشە ءبىر جىل. اۆتونوميالى رايوندىق 10 - كەزەكتى پارتكومنىڭ جەتىنشى جالپى ءماجىلىسى وتكەن ءبىر جىلداعى قىزمەتتەردى قورىتىندىلاپ، بيىلعى ءتۇيىندى مىندەتتەردى ورنالاستىردى، بۇل بۇكىل رايوندا جوعارىدان تومەنگە دەيىن يدەيانى ونان ارى بىرلىككە كەلتىرىپ، سەنىمدى بەكەمدەپ، ىنتىماقتاسا كۇرەس جۇرگىزىپ، قايراتتانا ىلگەرىلەپ، جاڭالىق اشا ناقتى ىستەپ، جاڭا جورىقتا كورىكتى شينجياڭ قۇرۋعا قۇلشىنۋ جونىنەن كەلەلى مانگە يە.

  وتكەن ءبىر جىلدا پارتيانىڭ 20 - قۇرىلتايى جەڭىسپەن اشىلىپ، جاپپاي سوتسياليستىك وسىزاماندانعان مەملەكەت قۇرۋدىڭ ايبىندى جوباسى عىلمي كەسكىندەلىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ تىڭ جورىقتا ەكپىندەي ىلگەرىلەپ، جاڭا داۋىردە ۇلەس قوسۋىنا ايقىن العا باسۋ باعدارى كورسەتىلدى. باس شۋجي شي جينپيڭ شينجياڭدى تاعى دا كوزدەن كەشىرىپ، پارتيا مەن مەملەكەت قىزمەتىنىڭ جالپى جاعدايى تۇرعىسىنان شينجياڭنىڭ دامۋىن جوسپارلاپ، ورنالاستىرىپ، جاعدايدى باعامداپ، باعدار بەلگىلەدى. باس شۋجي شي جينپيڭنىڭ، پارتيا ورتالىق كوميتەتىنىڭ پارمەندى باسشىلىعى مەن شىنايى قامقورلىعىندا، اۆتونوميالى رايوندىق پارتكوم بۇكىل رايونىمىزداعى ءار ۇلت كادرى مەن بۇقاراسىن ىنتىماقتاستىرىپ، باستاپ، پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى ماڭداي الدى ساياسي مىندەت ەتۋگە تاباندى بولىپ، سوتسياليستىك وسىزاماندانعان قۇدىرەتتى ەل قۇرۋداعى شينجياڭنىڭ ستراتەگيالىق ورنىن مىقتاپ يگەرىپ، بۇكىل رايونىمىزدا جوعارىدان تومەنگە دەيىن جاڭا جورىقتا ىنتىماقتاسا ەكپىندەي ىلگەرىلەۋدىڭ تەلەگەي كۇشىن ۇيىستىردى؛ باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن ىشكەرىلەي دايەكتىلەندىرىپ، تياناقتاندىرىپ، شينجياڭنىڭ باياندى تىنىشتىعىنا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى جۇيەلى جوسپارلاپ، شينجياڭ قىزمەتىنىڭ باستان - اياق دۇرىس بەتالىسپەن العا ىلگەرىلەۋىنە شىنايى كەپىلدىك ەتتى؛ دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولىپ، شينجياڭدى زاڭمەن باسقارۋدى ىشكەرىلەي ىلگەرىلەتىپ، مەملەكەتتىڭ حاۋىپسىزدىگى مەن قوعام ورنىقتىلىعىن قورعاۋدىڭ ءتۇرلى قىزمەتتەرىن تىڭعىلىقتى ويداعىداي ىستەدى؛ ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاۋعا تاباندى بولىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، قيىندىقتى ەڭسەرە ورگە ۇمتىلىپ، جوعارى ساپالى دامۋدى ىلگەرىلەتۋدە تىڭ ناتيجەگە قول جەتكىزدى؛ ەل ءىشى جانە حالىقارا سىندى ەكى كەلەلى جاعدايدى ءبىر تۇتاس جوسپارلاپ، تاباندىلىقپەن رەفورمانى جاپپاي تەرەڭدەتىپ، جوعارى دەڭگەيدە سىرتقا ەسىك اشۋدى ىلگەرىلەتىپ، ەكونوميكالىق، قوعامدىق دامۋعا قوزعاۋشى كۇش، ومىرشەڭدىك كۇش قوستى؛ پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، ادال، كىرشىكسىز، جاۋاپكەرشىلىك ارقالايتىن ءار ۇلت كادرى قوسىنىن كۇش سالا قۇرىپ، شينجياڭنىڭ رەفورماسىن، دامۋىن، ورنىقتىلىعىن ىلگەرىلەتۋگە پارمەندى ساياسي كەپىلدىك ازىرلەدى، تيانشان الابىندا تىنىش، بەرەكەلى، قارىشتاپ دامىعان جاڭا بەينە جارىققا شىعىپ، كورىكتى شينجياڭ قۇرۋدىڭ جاڭا جورىعىنا قادام تاستالدى.

  100 جىلدىق وزگەرىس پەن عاسىرلىق ىندەت ءوزارا قاباتتاسقان كۇردەلى جاعدايدا، كوپتەگەن مەجەدەن اسىپ تۇسكەن فاكتورلاردىڭ سوققىسى الدىندا مۇنداي ناتيجەلەرگە قول جەتكىزۋ وڭايعا تۇسكەن جوق. ءبىز قول جەتكىزگەن ءاربىر ىلگەرىلەۋشىلىكتىڭ، ءاربىر ناتيجەنىڭ ءتۇپ نەگىزى باس شۋجي شي جينپيڭنىڭ رول ۇستاپ، جول باستاۋىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە جاتىر. سونىمەن بىرگە ءبىز ”ەكىنى تۇراقتاندىرۋدى“ باتىل قولداۋ، ”ەكىنى قورعاۋدى“ ادالدىقپەن امالياتتا ايگىلەۋ − ءبىز، ءسوز جوق، تاباندى بولاتىن ەڭ جوعارى ساياسي پرينسيپ جانە ءتۇبىرلى ساياسي قاعيدا، سونداي - اق ءبىزدىڭ قامال الىپ، قيىندىقتاردى ەڭسەرىپ، بارلىق حاۋىپ - قاتەر مەن سىن - سايىستاردى جەڭىپ، ىستەرىمىزدىڭ دامۋىنا تىڭ ءورىس اشۋداعى ەڭ زور سەنىمىمىزدىڭ، قايراتىمىزدىڭ جانە كۇش - قۋاتىمىزدىڭ تياناعى ەكەندىگىن تەرەڭ تانىپ جەتتىك؛ جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ توتەنشە كەمەڭگەر، بۇكىلدەي دۇرىس ەكەندىگىن، ونىڭ شينجياڭ قىزمەتىن تۋراشىلدىقتان اينىماي جاڭالىق اشۋعا، جەڭىسپەن العا ىلگەرىلەۋگە باستايتىن قۇدىرەتتى يدەيالىق قارۋ، شينجياڭ قىزمەتىن ويداعىداي ىستەۋدىڭ ارقاۋى مەن جانى ەكەندىگىن، تەك تولىق، دالمە - ءدال تۇسىنسەك، جاپپاي دايەكتىلەندىرىپ، اتقارساق، ءسوز جوق، شينجياڭ قىزمەتى باس نىساناسىن جۇزەگە اسىرا الاتىندىعىمىزدى، ءسوز جوق، شينجياڭنىڭ اناعۇرلىم كوركەم بولاشاعىن اشا الاتىندىعىمىزدى ءتىپتى دە تەرەڭ سەزىندىك.

  بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋ، تياناقتاندىرۋ باستالعان جىل، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن دايەكتىلەندىرىپ، تياناقتاندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتەتىن ماڭىزدى جىل. بيىلعى شينجياڭ قىزمەتىن جاقسى ىستەۋدىڭ ماڭىزى زور، جاۋاپكەرشىلىگى كەلەلى. قازىرگى ۋاقىتتا دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى بۇرىن بولماعان تاسىلمەن ورىستەۋدە، رەفورما، دامۋ، ورنىقتىلىق قىزمەتتەرىن ويداعىداي ىستەۋ ءالى دە كوپتەگەن حاۋىپ - قاتەرلەرگە، سىن - سايىستارعا ءدوپ كەلەدى. سەنىم − ءبىزدىڭ قيىنشىلىق اتاۋلىنى جەڭەتىن كۇش - قۋاتىمىزدىڭ قاينارى. بوران كۇشتى، تولقىن قاتتى بولعان سايىن، سەنىمدى بەكەمدەپ، ورنىقتىلىق بارىسىندا ىلگەرىلەۋگە ۇمتىلىپ، وزىندىك باسىمدىقتى كۇش سالا ساۋلەلەندىرىپ، سەرپىلىس جولىن ءدال تاۋىپ، ”ايقىندىق“ قۇلشىنىسى ارقىلى ”ايقىنسىزدىق“ حاۋىپ - قاتەرىنە توتەپ بەرىپ، ۇزدىكسىز تولقىن جارا العا ىلگەرىلەپ، بەلگىلەنگەن نىسانانى جۇزەگە اسىرۋىمىز كەرەك.

  جۇرەكتە سەنىم بولسا، ءىس باياندى بولادى. ءبىز ستراتەگيالىق جالپى جاعدايدى نەگىزگە الىپ، قوعامدىق پسيحيكا مەجەسىن جاقسارتۋدان، دامۋ سەنىمىن سەرپىلتۋدەن باستاپ كىرىسىپ، نەگىزدى ارقاۋ ەتە وتىرىپ قىزمەتتەردى ويداعىداي ىستەپ، العان بەتتەن قايتپايتىن كۇرەسكەرلىك كۇيمەن جانە ەشقاشان بويكۇيەزدىككە سالىنبايتىن رۋحاني كۇيمەن اۆتونوميالى رايوندىق 10 - كەزەكتى پارتكوم جەتىنشى جالپى ءماجىلىسىنىڭ رۋحىن باتىلدىقپەن ناقتاپ تياناقتاندىرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جاعدايىن اشىپ، جاقسى قادام باسۋعا شينجياڭ ۇلەسىن قوسۋىمىز كەرەك.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.