تيانشان تورى
تيانشان تورى   ›   جاڭالىقتار   ›   ەل ءىشى حابارى

ونىنشى نۇسقاداعى جاڭا تيپتى ايدارشا ۆيرۋسپەن جۇعىمدالۋعا دياگنوز قويۋ جانە ونى ەمدەۋ جوباسى باسىپ تاراتىلدى

  شينحۋا اگەنتتىگىنىڭ 1 - ايدىڭ 6 - كۇنى بەيجيڭنەن بەرگەن حابارى. مەملەكەتتىك دەنساۋلىق ساقتاۋ جانە سالاماتتىق كوميتەتى، مەملەكەتتىك جۇڭي شيپاگەرلىك - دارىگەرلىك باسقارۋ مەكەمەسى 1 - ايدىڭ 6 - كۇنى «جاڭا تيپتى ايدارشا ۆيرۋسپەن جۇعىمدالۋعا دياگنوز قويۋ جانە ونى ەمدەۋ جوباسىن (سىناق رەتىندە اتقارىلاتىن ونىنشى نۇسقا)» باسىپ تاراتتى. دياگنوز قويۋ - ەمدەۋ جوباسىنىڭ جاڭا نۇسقاسىندا اۋرۋدىڭ اتى ”جاڭا تيپتى ايدارشا ۆيرۋس وكپە قابىنۋىنان“ ”جاڭا تيپتى ايدارشا ۆيرۋسپەن جۇعىمدالۋ“ بولىپ وزگەرتىلدى، ەندىگارى ”كۇماندى ناۋقاستار“ دەپ بەلگىلەنبەيتىن بولدى، ”كلينيكالىق توپقا ايىرۋ“ ونان ارى ساپالىلاندىرىلىپ، ەمدەۋ ادىستەرى ونان ارى كەمەلدەندىرىلدى جانە ”شيپاحانادان شىعۋ ولشەمى“ رەتتەلدى.

  جوباعا ساي، ەندىگارى ”كۇماندى ناۋقاستار“ جونىندە تۇجىرىم جاسالمايتىن بولدى. قازىر جاڭا تيپتى ايدارشا ۆيرۋسپەن جۇعىمدالۋعا حىسۋان نەمەسە انتيگەن تەكسەرۋ سياقتىلار ارقىلى دەر كەزىندە، جەدەل، ءدال دياگنوز قويۋعا بولادى. كلينيكالىق دياگنوز قويۋ جانە ەمدەۋ ونىمدىلىگىن ونان ارى جوعارىلاتىپ، شاپشاڭ ەمدەۋگە الۋدى اناعۇرلىم ويداعىداي جۇزەگە اسىرۋ ءۇشىن، ونىنشى نۇسقاداعى جوبادا ەندىگارى ”كۇماندى ناۋقاستار“ جونىندە تۇجىرىم جاسالمايتىن بولدى.

  سونىمەن قاتار، B ءتۇر بويىنشا B باسقارۋ شارالارىنىڭ اتقارىلۋىنا مەڭزەس، جاڭا تيپتى ايدارشا ۆيرۋسپەن جۇعىمدالعانداردىڭ اۋرۋ جاعدايى بويىنشا قۇتقارۋ - ەمدەۋدىڭ قاجەتىنە قاراي ۇيدە ەمدەلۋدى نەمەسە ەمدەۋ قۇرىلىمدارىنا بارىپ ەمدەلۋدى تاڭداۋىنا بولادى، ءتۇرلى ەمدەۋ قۇرىلىمدارىنىڭ بارلىعى جاڭا تيپتى ايدارشا ۆيرۋسپەن جۇعىمدالعانداردى ەمدەۋگە قابىلداي بەرەدى. وسىعان بايلانىستى ونىنشى نۇسقاداعى جوبادا ەمدەۋگە الۋ تاكتيكاسى ۋاقىتقا، اۋقىمعا قاراي رەتتەلەتىن، ناۋقاستاردى شوعىرلى اۋاشالاپ ەمدەۋگە الۋ ەندىگارى تالاپ ەتىلمەيتىن بولدى.

  كەزەكتە تارالىپ جۇرگەن ۆيرۋس شتاممىنىڭ ەرەكشەلىگىنە باعىتتاي وتىرىپ، جوبا ەمدەۋ ءادىسىن 5 جاقتان ونان ارى كەمەلدەندىردى. اتاپ ايتقاندا، ەلىمىزدە بەكىتۋدەن ءوتىپ بازارعا شىققان، جاڭا تيپتى ايدارشا ۆيرۋسقا قارسى ەمدەيتىن ءدارى - دارمەكتەر جاڭا نۇسقاداعى دياگنوز قويۋ - ەمدەۋ جوباسىنا ەنگىزىلگەن؛ تولىق بارىس بويىنشا ۆاكسينا ەكتىرمەگەن قارتتار سالماقتى ناۋقاس قاتەرى جوعارى قاۋىمدار قاتارىنا قوسىلعان؛ جاڭا تيپتى ايدارشا ۆيرۋسپەن جۇعىمدالۋدى نەگىزدىك اۋرۋلارمەن بىرگە ەمدەۋ ۇستانىمى كۇشەيتىلەدى؛ جۇعىمدالعان بالالاردا پايدا بولۋى ىقتيمال شۇعىل كومەي قابىنۋ، جۇيكە جۇيەسىندەگى قوسالقى اۋرۋلار سياقتى ەرەكشە جاعدايلارعا ەمدەۋ جوباسى ۇسىنىلعان؛ جۇڭي شيپاگەرلىگىمەن ەمدەۋگە قاتىستى مازمۇندار ونان ارى كەمەلدەندىرىلىپ، اۋىر، قاتەرلى تيپتەگى ناۋقاستاردى جۇڭي شيپاگەرلىگىمەن قۇتقارۋ - ەمدەۋگە جەتەكشىلىك ەتۋ كۇشەيتىلگەن، ت.ب.

  ”شيپاحانادان شىعۋ ولشەمىنە“ باعىتتاي وتىرىپ، جوبادا مىنالار ايقىندالدى: جاڭا تيپتى ايدارشا ۆيرۋسپەن جۇعىمدالۋدى B ءتۇر بويىنشا B باسقارۋ شارالارى اتقارىلعان سوڭ، جۇعىمدالۋشىلاردى اۋاشالاپ باسقارۋ ەندىگارى كۇشەيتىلمەيدى، ونى B تۇردەگى جۇقپالى اۋرۋلار بويىنشا دياگنوز قويۋعا، ەمدەۋگە بولادى. بۇل جونىندە ونىنشى نۇسقاداعى جوبادا جۇعىمدالۋشىلار شيپاحانادان شىققان كەزدە حىسۋان تەكسەرۋىنىڭ ناتيجەسىنە ەندىگارى تالاپ قويىلمايتىن بولدى. ناۋقاستاردىڭ جاعدايى نەداۋىر جاقسارىپ، تىرشىلىك بەلگىلەرى تۇراقتانىپ، دەنە تەمپەراتۋراسى 24 ساعاتتان ارتىق قالىپتى بولىپ، وكپە ءبولىمىنىڭ رەنتگەنوگرافياسىنداعى شۇعىل جالقاقتىق اۋرۋ وزگەرىسىندە كورنەكتى جاقسارۋ بولعان كەزدە ءدارى ءىشىپ ەمدەلۋگە اۋىستىرۋعا بولادى، ونان ارى ەمدەۋدى قاجەت ەتەتىن قوسالقى اۋرۋ بولماۋ سياقتى جاعدايلاردا شيپاحانادان شىعارۋدى ويلاستىرۋعا بولادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.