جۇڭي شيپاگەرلىگى مەن باتىس شيپاگەرلىگىن بىرلەستىرىپ تىنىس جولى اۋرۋلارىن ەمدەيتىن مامان:
پارىقتى بەلگىلەرىنە قاراي ەمدەسە بولعانى، جاڭا تيپتى ايدارشا ۆيرۋسپەن جۇعىمدالۋدى جۇڭي دارىلەرىمەن ەمدەۋدىڭ ءونىمى نەداۋىر جاقسى بولادى
انار بۇلت \ شينجياڭ گازەتىنىڭ ءتىلشىسى سۋ لۋپيڭ 1 - ايدىڭ 6 - كۇنى ۇرىمجىدەن حابارلايدى. جۋىقتا ناۋقاستاردىڭ قاجەتىن اناعۇرلىم ويداعىداي قاناعاتتاندىرۋ ءۇشىن، جاڭا تيپتى ايدارشا ۆيرۋسپەن جۇعىمدالۋشىلارعا پارىقتى بەلگىلەرىنە قاراي ەمدەۋ نەگىزىندە، رايونىمىزداعى ءبىرتالاي ەمدەۋ - دەنساۋلىق ساقتاۋ قۇرىلىمدارى جۇڭي دارىلەرىنىڭ كەلىسىلگەن رەتسەپتەرىن شىعاردى. جاڭا تيپتى ايدارشا ۆيرۋسپەن جۇعىمدالۋدى جۇڭي دارىلەرىمەن ەمدەۋدىڭ ءونىمى قانداي؟ ءدارى قولدانعاندا نەلەرگە كوڭىل ءبولۋ قاجەت؟ 1 - ايدىڭ 4 - كۇنى ءتىلشى شينجياڭ مەديتسينا داشۋەسىنە قاراستى جۇڭي شيپاحاناسىنىڭ (اۆتونوميالى رايوندىق جۇڭي شيپاحاناسى) تىنىس جولى جانە قاتەرلى، سالماقتى اۋرۋلار مەديتسيناسى بولىمىندەگى لي فىڭسىن پروفەسسورعا تىلشىلىك ىستەدى.
”پارىقتى بەلگىلەرىنە قاراي عىلمي ەمدەسە بولعانى، جاڭا تيپتى ايدارشا ۆيرۋسپەن جۇعىمدالۋدى جۇڭي دارىلەرىمەن ەمدەۋدىڭ ءونىمى نەداۋىر جاقسى بولادى“، - دەيدى لي فىڭسىن. ونىڭ ايتۋىنشا، جۇعىمدالۋدىڭ العاشقى مەزگىلىندە قىزۋى ورلەۋ، جۇتقىنشاعى اۋىرۋ سياقتى سىرقات بەلگىلەرى پايدا بولعاندا يىنچياۋ، ساڭجۇييىن سياقتى تەر شىعارىپ، قىزۋدى قايتاراتىن، جۇتقىنشاقتى اشۋعا پايدالى جۇڭي دارىلەردى تاڭداپ قولدانۋعا بولادى؛ جۇتقىنشاق اۋىرۋ، جۇتقىنشاق جىبىرلاپ جوتەلۋ سياقتى سىرقات بەلگىلەرى پايدا بولعاندا، ساڭشيڭتاڭ ءدارىسىنىڭ نەمەسە ساڭشيڭ جوتەل تيۋ ءدارىسىنىڭ دوزاسىن لايىقتى كوبەيتۋ نەمەسە ازايتۋ ارقىلى ەمدەۋگە بولادى؛ ءىشى ءوتۋدى، لوقسۋدى نەگىز ەتكەندەرگە حوشياڭ جىڭچي كاپسۋلاسى \ تامىزعىسىن نەمەسە باسقا دا جاساۋلى دارىلەر تاڭداپ قولدانسا بولعانى.
جاڭا تيپتى ايدارشا ۆيرۋسپەن جۇعىمدالۋدىڭ سىرقات بەلگىلەرى تۇماۋعا ۇقسامايدى. تۇماۋراتقاننان كەيىنگى 3 − 4 كۇندە مۇرىننان سۋ اققاندا مۇرىن بوق جابىسقاق بولادى، ال وسى رەتكى كۇز، قىس ماۋسىمدارىندا جاڭا تيپتى ايدارشا ۆيرۋسپەن جۇعىمدالعانداردىڭ مۇرىن بوعى ءمولدىر كەلەدى. تۇرلىشە سىرتقى بەلگىلەرگە قاراي، كەيبىرەۋلەر ءدارى قولدانعاندا اشتى سۋىقتىققا بەيىم، كەيبىرەۋلەر اشتى ىستىقتىققا بەيىم بولۋى مۇمكىن. تەر از شىقسا نەمەسە شىقپاسا ماحۋاڭتاڭ، گۇيجىتاڭ سياقتىلاردى قولدانۋعا بولادى؛ كوپ تەرلەپ، قىزۋى ورلەسە، اۆتونوميالى رايوننىڭ جاڭا تيپتى ايدارشا ۆيرۋسپەن جۇعىمدالۋشىلارعا ارنالعان 1 - ءنومىرلى رەتسەبىن (شىنماينيڭ وكپە ارالاستىرمالى سۇيىق ءدارىسى) جانە اۆتونوميالى رايوننىڭ جاڭا تيپتى ايدارشا ۆيرۋسپەن جۇعىمدالۋشىلارعا ارنالعان 2 - ءنومىرلى رەتسەبىن (گانلۋ چيڭۋىن ارالاستىرمالى سۇيىق ءدارىسى) پايدالانۋعا بولادى. قىزۋى ورلەۋ، تۇلا بويى سىرقىراپ دارمەنسىزدەنۋ، جوتەلۋ، جۇتقىنشاعى اۋىرۋ سياقتى سىرقات بەلگىلەرى بايقالعان جاعدايدا دەنە تەمپەراتۋراسى ℃38تان تومەن بولعاندار اۆتونوميالى رايوننىڭ جاڭا تيپتى ايدارشا ۆيرۋسپەن جۇعىمدالۋشىلارعا ارنالعان 1 - ءنومىرلى رەتسەبىن (شىنماينيڭ وكپە ارالاستىرمالى سۇيىق ءدارىسى) قولدانادى؛ دەنە تەمپەراتۋراسى ℃38تان جوعارى بولعاندار اۆتونوميالى رايوننىڭ جاڭا تيپتى ايدارشا ۆيرۋسپەن جۇعىمدالۋشىلارعا ارنالعان 2 - ءنومىرلى رەتسەبىن (گانلۋ چيڭۋىن ارالاستىرمالى سۇيىق ءدارىسى) قولدانادى.
لي فىڭسىن مىنانى ەسكەرتتى: دايىن جۇڭي دارىلەرىن نەمەسە جۇڭي قايناتپا دارىلەرىن قاباتتاپ پايدالانباعان ءجون. باستىرمالاتا ءدارى ىشكەننەن كەيىن تاۋىرلەنىپ قالعانداي بولعانىمەن، باۋىر مەن بۇيرەكتىڭ قىزمەتىنە زيان جەتكىزەدى. سىرقاتى جەڭىلىرەك جاستار مەن ورتا جاستاعىلاردىڭ كوپ ءدارى تۇتىنۋى قاجەتسىز، سىرقاتى سالماقتىراق ناۋقاستار تەزىرەك ساۋىعىپ كەتۋ ءۇشىن پارىقتى بەلگىلەرىنە قاراي جۇڭي دارىلەرىمەن ەمدەلۋىنە نەمەسە سايكەستى جۇڭي دارىلەرىنىڭ كەلىسىلگەن رەتسەپتەرىن تاڭداپ قولدانۋىنا بولادى.
”سىناما ناتيجەسى بولىمسىزعا اينالعاننان كەيىن كەيبىر ادامداردا دارمەنسىزدەنۋ، دەمى سىعىلۋ سياقتى سىرقات بەلگىلەرى پايدا بولعاندا، شىڭماييىن سياقتى دايىن جۇڭي دارىلەرىمەن قۋاتتى تولىقتاپ، دەنەنى نارلەندىرىپ، سىلەكەي بولۋگە بولادى“، - دەيدى لي فىڭسىن. ونىڭ ايتۋىنشا، ءىس جۇزىندە 3 − 5 كۇندە قىزۋى قايتقان سوڭ، كوپتەگەن ادامداردا السىزدىك بايقالادى، مۇندايدا شىڭماييىن، يۇيپيڭ فىڭسان سياقتى دايىن جۇڭي دارىلەرىن تاڭداپ قولدانعان راۋا، ءجيى تەرلەيتىن ادامدار يۇيپيڭ فىڭسان ءدارىسىن پايدالانسا ءونىمى ءتىپتى جاقسى بولادى ەكەن. ”پارىقتى بەلگىلەرىنە قاراي تالداۋ دۇرىس بولسا ءارى ءدارىنى دۇرىس قولدانسا بولعانى، ەمدەۋدىڭ ءونىمى ايتارلىقتاي جاقسى بولادى. ال پارىقتى بەلگىلەرىنە قاراي تالداۋ دۇرىس بولماسا كەرى اسەر پايدا بولادى جانە زاقىم كەلتىرەدى“.
