شينحۋا اگەنتتىگىنىڭ 1 - ايدىڭ 7 - كۇنى بەيجيڭنەن بەرگەن حابارى (ءتىلشى پىڭ يۇنجيا). جاڭا تيپتى ايدارشا ۆيرۋسپەن جۇعىمدالعان ناۋقاستاردىڭ اۋرۋحاناعا جاتۋ قاراجاتى ماسەلەسى سەبەبىنەن ەمدەلۋىنىڭ ىقپالعا ۇشىراماۋىن قامتاماسىز ەتۋ ءۇشىن، مەملەكەتتىك ەمدەۋ قامتاماسىزداندىرۋ مەكەمەسى، قازىنا مينيسترلىگى، مەملەكەتتىك دەنساۋلىق ساقتاۋ، سالاماتتىق كوميتەتى، مەملەكەتتىك اۋرۋدان ساقتانۋ، تىزگىندەۋ مەكەمەسى سىندى 4 تاراۋ جۋىقتا «”B تۇردەگى B باسقارۋ“ اتقارىلعاننان كەيىنگى جاڭا تيپتى ايدارشا ۆيرۋسپەن جۇعىمدالعان ناۋقاستاردىڭ ەمدەلۋ قاراجاتىنىڭ ەمدەۋ قامتاماسىزدىعىنا قاتىستى ساياساتتى ساپالىلاندىرۋ جونىندەگى حابارلاندىرۋدى» باسىپ تاراتىپ، اۋرۋحاناعا جاتقان جاڭا تيپتى ايدارشا ۆيرۋسپەن جۇعىمدالعان ناۋقاستارعا ”B تۇردەگى A باسقارۋ“ كەزىندەگى ساياساتتى جالعاستىرىپ، جاڭا تيپتى ايدارشا ۆيرۋسپەن جۇعىمدالعان ناۋقاستاردىڭ اۋرۋحاناعا جاتۋ قاراجاتىن تولىق قامتاماسىزداندىرۋدى بەلگىلەدى.
حابارلاندىرۋدا مىنالار ايقىندالدى: جاڭا تيپتى ايدارشا ۆيرۋسپەن جۇعىمدالعان ناۋقاستاردىڭ ەمدەۋگە قابىلداعان بارلىق ەمدەۋ قۇرىلىمدارىندا ىستەتكەن، دەنساۋلىق ساقتاۋ، سالاماتتىق تاراۋلارى جاساعان جاڭا تيپتى ايدارشا ۆيرۋسپەن جۇعىمدالۋعا دياگنوز قويۋ - ەمدەۋ جوباسىنا ۇيلەسەتىن اۋرۋحاناعا جاتىپ ەمدەلۋ قاراجاتى نەگىزگى ەمدەۋ قامسىزداندىرۋ، سالماقتى اۋرۋلاردى قامسىزداندىرۋ، مەديتسينالىق قۇتقارۋ - ەمدەۋ سياقتىلاردان بەلگىلەمە بويىنشا تولەنگەننەن كەيىن، جەكەلەردىڭ ارقالاۋعا ءتيىس بولىگىنە قازىنادان كومەك قاراجات بەرىلەدى. وسى ساياسات جاڭا تيپتى ايدارشا ۆيرۋسپەن جۇعىمدالعان ناۋقاس اۋرۋحاناعا كىرگەن ۋاقىت بويىنشا ەسەپتەلەدى، الدىمەن 2023 - جىلى 3 - ايدىڭ 31 - كۇنىنە دەيىن اتقارىلادى.
مۇنان تىس، قامسىزداندىرۋعا قاتىناسقان ناۋقاستار نەگىزگى ساتى ەمدەۋ قامتاماسىزداندىرۋىندا بەلگىلەنگەن ەمدەۋ قۇرىلىمدارىندا ىستەتكەن جاڭا تيپتى ايدارشا ۆيرۋسپەن جۇعىمدالۋدى ەمدەۋگە قاتىستى (ەمدەۋ قامتاماسىزداندىرۋ مازمۇنى كولەمى ىشىندە) ەمدەلۋ، شۇعىل ەمدەلۋ قاراجاتتارىنا پرينسيپ جاقتان قامسىزداندىرۋ باس سىزىعى جانە شەك سىزىعى بەلگىلەنبەيدى، ەسەپتەن كوتەرۋ سالىستىرماسى ％70تەن تومەن بولمايدى. ناقتى بەلگىلەمەنى جەرگىلىكتى ورىنداعى ەمدەۋ قامسىزداندىرۋ تاراۋلارى، ساۋدا، قازىنا تاراۋلارى ەمدەۋ قامسىزداندىرۋ قورىنىڭ جۇمىس جۇرگىزۋ احۋالى بويىنشا اقىلداسىپ تۇراقتاندىرادى، الدىمەن 2023 - جىلى 3 - ايدىڭ 31 - كۇنىنە دەيىن اتقارىلادى.
قامسىزداندىرۋعا قاتىناسۋشىلاردىڭ باسقا ەمدەۋ قۇرىلىمدارىندا ىستەتكەن جاڭا تيپتى ايدارشا ۆيرۋسقا قاتىستى ەمدەلۋ، شۇعىل ەمدەلۋ قاراجاتتارى باسقا B تۇردەگى جۇقپالى اۋرۋلاردى ەمدەۋ قامسىزداندىرۋىنان كوتەرۋ ساياساتى بويىنشا، ەمدەۋ قامسىزداندىرۋ كولەمىنە ەنگىزىلگەن اۋرۋ كورسەتۋ جانە ءدارى - دارمەك قاراجاتتارىنا مەڭزەس، كوتەرۋگە تيىستىلەرى مۇمكىندىگىنشە كوتەرىلەدى.
جاڭا تيپتى ايدارشا ۆيرۋسپەن جۇعىمدالعان ناۋقاستاردىڭ دەر كەزىندە ەمدەلۋىنە كەپىلدىك ەتۋ ءۇشىن، حابارلاندىرۋ جەر - جەردىڭ دەنساۋلىق ساقتاۋ، سالاماتتىق تاراۋلارىنان ”ينتەرنەت +“ ەمدەۋ قىزمەت كورسەتۋىن ازىرلەيتىن ەمدەۋ قۇرىلىمدارىنىڭ ءتىزىمىن دەر كەزىندە جاريالاپ، سالالار، تاراۋلار رۇقسات ەتكەن جاڭا تيپتى ايدارشا ۆيرۋسپەن جۇعىمدالۋعا اشىق ينتەرنەتتىك العاشقى دياگنوز قويۋ قىزمەت كورسەتۋى جونىنەن، بەلگىلەمە بويىنشا جاڭا تيپتى ايدارشا ۆيرۋسپەن جۇعىمدالۋعا قاتىستى اۋرۋ بەلگىلەرى بايقالعان، «جاڭا تيپتى ايدارشا ۆيرۋسپەن جۇعىمدالۋشىلاردىڭ ۇيىندە ەمدەلۋ باعدارناماسىنا» ۇيلەسەتىن جاڭا تيپتى ايدارشا ۆيرۋسپەن جۇعىمدالۋشىلارعا ەمدەۋ قامسىزداندىرۋىن جىلجىمالى تولەپ، ەسەپ جابۋ قىزمەت كورسەتۋىن ازىرلەپ، جەر - جەردىڭ ەمدەۋ قامسىزداندىرۋ تاراۋلارىنىڭ ينتەرنەت جەلىسىندە جانە جەلىدەن تىس بىردەي بولۋ پرينسيبى بويىنشا ينتەرنەتتىك العاشقى دياگنوز قويۋ ەمدەۋى بويىنشا قىزمەت كورسەتۋ باعاسى ساياساتىن سايكەستىرۋىنە بولادى، ەسەپتەن كوتەرۋ ولشەمى ينتەرنەت جەلىسىنەن تىس جاعدايمەن بىردەي بولادى.
حابارلاندىرۋدا مىنالار ايقىندالدى: ەمدەۋ قامسىزداندىرۋى ءدارى - دارمەك ءتىزىمىن ۋاقىتشا كەڭەيتۋ ۇيعارىلدى، الدىمەن 2023 - جىلى 3 - ايدىڭ 31 - كۇنىنە دەيىن اتقارىلادى. قازىر اتقارىلىپ وتىرعان مەملەكەتتىڭ ەمدەۋ قامتاماسىزداندىرۋى ءدارى - دارمەك تىزىمىندەگى قىزۋى ورلەۋ، جوتەلۋ سياقتى جاڭا تيپتى ايدارشا ۆيرۋس اۋرۋ بەلگىلەرىن ەمدەۋگە قاتىستى ءدارى - دارمەك 660 ءتۇرلى، وسى نەگىزدە جاڭا تيپتى ايدارشا ۆيرۋسپەن جۇعىمدالۋعا دياگنوز قويۋ - ەمدەۋ جوباسى ىشىندە قامتىلعان جاڭا تيپتى ايدارشا ۆيرۋسپەن جۇعىمدالۋشىلاردى ەمدەۋ ءدارى - دارمەكتەرىنە دە ەمدەۋ قامسىزداندىرۋىنان ۋاقىتشا تولەۋ ساياساتى اتقارىلادى. ءدارى - دارمەك ءالى دە جەتىسپەي تۇرعان جەرلەردىڭ ەمدەۋ قامسىزداندىرۋ تاراۋلارى ءارقايسى ولكەلەردىڭ بىرلەسىپ ساقتانۋ - بىرلەسىپ تىزگىندەۋ مەحانيزمى مويىنداعان جاڭا تيپتى ايدارشا ۆيرۋسپەن جۇعىمدالۋدى ەمدەۋ ءدارى - دارمەك ءتىزىمى بويىنشا، ەمدەۋ قامسىزداندىرۋ قورىنىڭ اينالىم احۋالىمەن ۇشتاستىرىپ، ەمدەۋ قامسىزداندىرۋ ءدارى - دارمەك ءتىزىمىن ۋاقىتشا كەڭەيتۋگە بولادى.
