شينحۋا اگەنتتىگى كولەمدى ادەبي حابار تاراتتى
«جۇڭگونىڭ ىندەتپەن شايقاسى جاڭا كەزەڭگە ءوتتى − ەلىمىزدىڭ ۋاقىتقا، جاعدايعا قاراي ىندەتتەن ساقتانۋ - تىزگىندەۋ شارالارىن ساپالىلاندىرۋىنان ەستەلىك»
شينحۋا اگەنتتىگىنىڭ 1 - ايدىڭ 8 - كۇنى بەيجيڭنەن بەرگەن حابارى. شينحۋا اگەنتتىگى 1 - ايدىڭ 8 - كۇنى «جۇڭگونىڭ ىندەتپەن شايقاسى جاڭا كەزەڭگە ءوتتى − ەلىمىزدىڭ ۋاقىتقا، جاعدايعا قاراي ىندەتتەن ساقتانۋ - تىزگىندەۋ شارالارىن ساپالىلاندىرۋىنان ەستەلىك» اتتى كولەمدى ادەبي حاباردى تاراتتى.
ماقالادا بىلاي دەلىندى: 2023 - جىلى 1 - ايدىڭ 8 - كۇنى، جۇڭگو جاڭا تيپتى ايدارشا ۆيرۋس وكپە قابىنۋ ىندەتىنە 3 جىل ساقتانۋ - تىزگىندەۋ جۇرگىزگەننەن كەيىن، جاڭا تيپتى ايدارشا ۆيرۋسپەن جۇعىمدالۋ B تۇردەگى باسقارۋعا ورالدى.
”20 تارماق“ جانە ”جاڭا 10 تارماق“ ساپالىلاندىرۋ شارالارىن شىعارۋدان، جاڭا تيپتى ايدارشا ۆيرۋس وكپە قابىنۋدى جاڭا تيپتى ايدارشا ۆيرۋسپەن جۇعىمدالۋ دەپ وزگەرتۋگە دەيىن، ونان ”B تۇردەگى A باسقارۋدى“ رەسمي تۇردە ”B تۇردەگى B باسقارۋعا“ رەتتەۋگە دەيىن... ەلىمىز جاڭا تيپتى ايدارشا ۆيرۋس ىندەتىن ساقتانۋ - تىزگىندەۋگە ىرىقتى تۇردە ءبىر قىدىرۋ رەتتەۋلەر جاسادى.
ماقالادا بىلاي دەپ اتاپ كورسەتىلدى: ىندەت جاعدايىنىڭ تۇراقسىزدىعى الدىندا، جۇڭگو باستان - اياق حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، شىندىقتى ءىس جۇزىنەن ىزدەۋگە، عىلىمعا قۇرمەت ەتۋگە تاباندى بولىپ، ۋاقىتقا، جاعدايعا قاراي ساقتانۋ - تىزگىندەۋ شارالارىن ۇزدىكسىز كەمەلدەندىرىپ، ساقتانۋ - تىزگىندەۋ ستراتەگياسىنىڭ ورنىقتىلىعى، ساقتانۋ - تىزگىندەۋ شاراسىنىڭ يكەمدىلىگى ارقىلى ۆيرۋسپەن شايقاسىپ، ىندەتكە قارسى اتتانۋدىڭ ورنىقتى كەزەڭ اۋىستىرۋىنا قۇندى ۋاقىت جانە ەڭ زور كەڭستىك اپەردى.
ماقالا 4 بولىككە ءبولىندى: ۋاقىتقا، جاعدايعا قاراي عىلمي شەشىم جاسادى، ەلىمىزدىڭ ىندەتتەن ساقتانۋ - تىزگىندەۋى جاڭا كەزەڭگە ءوتتى؛ عىلمي، دەر كەزىندە، قاجەتتى بولدى، ەلىمىز ساقتانۋ - تىزگىندەۋ شارالارىن ونان ارى كەمەلدەندىرۋدىڭ نەگىزگى شارت - جاعدايىن ازىرلەدى؛ جوعارىدان تومەنگە دەيىن ءبىر نيەتتە بولىپ، قيىن - قىستاۋدى بىلەك بىرىكتىرە جەڭدى، ساقتانۋ - تىزگىندەۋ قىزمەتىنىڭ ءتۇيىنى ”سالاماتتىقتى قامتاماسىز ەتۋگە، سالماقتى اۋرۋدان ساقتانۋعا“ بۇرىلىس جاسادى؛ يدەيانى بىرلىككە كەلتىرىپ، سەنىمدى سەرپىلتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلادى.
ماقالادا بىلاي دەلىندى: ىندەت تۋىلعاننان بەرى، جۇڭگو تالاي رەتكى ىندەتتىڭ سوققىسىنا توتەپ بەرىپ، ۆيرۋس ەڭ قۇتىرىنعان جاپالى مەزگىلدەن ءونىمدى ءوتتى. الەمدىك ادامزات دامۋ كورسەتكىشى ءۇرتىس 2 جىل تومەندەگەن جاعدايدا، جۇڭگونىڭ ادامزات دامۋ كورسەتكىشىندەگى قاتارى 6 ورىن جوعارىلادى.
ادامزاتتىڭ دامۋ تاريحى − اۋرۋمەن كۇرەسۋ تاريحى. ۆيرۋسپەن شايقاستىڭ ”ۇزاققا سوزىلاتىن سوعىسىندا“ عىلمي تانىمدى ۇزدىكسىز جوعارىلاتىپ، ىرىقتىلىققا ۇزدىكسىز بەتتەدى.
توتەنشە قاجىرلى قۇلشىنىس جاساۋ ارقىلى، ءبىز بۇرىن بولماعان قيىنشىلىقتار مەن سايىستاردى جەڭدىك، بۇل كىم - كىمگە دە وڭاي تيگەنى جوق.
2023 - جىلى جاڭا جىل كەزىندە، ىندەتتەن ساقتانۋ - تىزگىندەۋ شارالارىنىڭ ىشكەرىلەي تياناقتانۋىنا ىلەسە، ىشكى سۇرانىستى كەڭەيتۋدىڭ، تۇتىنۋدى جەبەۋدىڭ جەلىلەس ساياساتتارى بىرتىندەپ ونىمدىلىك كورسەتىپ، كوپ جەردە جۇمىستى، ءوندىرىستى قالپىنا كەلتىرۋ جەدەلدەپ، تۇرمىستىق قىزمەت وتەۋ كاسىبى تارتىپپەن قالپىنا كەلدى.
كەزەكتە، كوپ جەرلەردىڭ قالا رايونىنداعى ادامدار اعىنى، ماشينالار اعىنى كورنەكتى ارتتى؛ اس - سۋ اسحانالارى ىركەس - تىركەس قالپىنا كەلىپ، كوپتەگەن ساۋدا شەڭبەرلەرىندە قاريدار مولشەرى مولايدى؛ قىزۋ قارسى الۋعا بولەنگەن كورىنىس اۋماقتارىندا ساياحاتشىلار كوبەيىپ، مادەنيەت - ساياحات بازارىندا جاندانۋ اۋقىمى جارىققا شىقتى... تىرشىلىك تىنىسى، قاربالاس تەبىن بىرتىندەپ قالپىنا كەلە باستادى.
”قازىر ىندەتتەن ساقتانۋ - تىزگىندەۋ جاڭا كەزەڭگە ءوتتى، دەسەدە ءالى دە قيىن كەزدە تۇرمىز، كوپشىلىكتىڭ بارلىعى مىزعىماس ەرىك - جىگەرمەن قۇلشىنۋدا، ءۇمىت شۇعىلاسى كوز الدىمىزدا تۇر“. ءتوراعا شي جينپيڭ جاريالاعان 2023 - جىلعى جاڭا جىلدى قۇتتىقتاۋ ءسوزىنىڭ ءاربىر ءسوزى مەيىرگە تولى، ءاربىر سويلەمى شىنايى بولدى.
ماقالادا بىلاي دەپ اتاپ كورسەتىلدى: ءبىر ادام بولسىن، ءبىر وتباسى، ءبىر مەملەكەت بولسىن، قاشان قيىنشىلىققا جولىقپاۋشى ەدى؟ ءبىر ميلليارد 400 ميلليوننان استام جۇڭگولىقتار قيىن - قىستاۋدا بىلەك بىرىكتىرىپ، ەل بىرلىگىنەن بەرىك قامال تۇرعىزسا، تىندىرمايتىن ءىسى، اسپايتىن اسۋى بولمايدى.
تاعى دا قايراتتانا تۇسەيىك، تاباندىلىق − جەڭىس، ىنتىماق − جەڭىس.
