− 20 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپ-ى ءماجىلىسى اشىلۋ قارساڭىندا
شينحۋا اگەنتتىگىنىڭ تىلشىلەرى سۇن شاۋلۇڭ، گاۋ لەي، جاڭ يان
”پارتيامىز دۇنيە جۇزىندەگى ەڭ ءىرى ماركسيزمدىك بيلىك باسىنداعى پارتيا رەتىندە، باستان - اياق حالىقتىڭ قولداۋىنا يە بولۋ، ۇزاق ۋاقىت بيلىك جۇرگىزۋ ورنىن بەكەمدەۋ ءۇشىن، ءسوز جوق، قاي - قاشان دا ءىرى پارتياعا عانا ءتان قيىن ماسەلەلەردى شەشەتىن سەرگەكتىك پەن تاباندىلىقتى ساقتاۋ كەرەك“.
پارتيانىڭ 20 - قۇرىلتايىندا باس شۋجي شي جينپيڭ بۇكىل پارتيانى تاباندىلىقپەن پارتيانى جاپپاي قاتاڭ باسقارىپ، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتۋگە ۇندەدى.
2023 - جىلى 1 - ايدىڭ 9 - كۇنى 20 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ءماجىلىسى بەيجيڭدە اشىلادى. ءماجىلىس جاڭا ءبىر جىلدا پارتيانى جاپپاي قاتاڭ باسقارۋدى ىلگەرىلەتۋ، ءتارتىپ تەكسەرۋ، باقىلاۋ - تەكسەرۋ قىزمەتىن ويداعىداي ىستەۋ جونىندە ورنالاستىرۋ جاسايدى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگو كوممۋنيستىك پارتياسى وزىنە - ءوزى ۇلى توڭكەرىس جاساۋ ارقىلى ۇلى قوعامدىق توڭكەرىسكە جەتەكشىلىك ەتۋگە تاباندى بولىپ، پارتيانى جاپپاي قاتاڭ باسقارۋدى ىلگەرىلەتۋدە بوساڭسىماي، توقتاپ قالماي، تاعى دا جولعا شىعىپ، قىراعىلىقپەن ءوزىن تەكسەرىپ، باستان - اياق بايسالدى پوزيتسيامەن جاڭا ەمتيحان تاپسىرۋ جولىنا قادام قويدى.
قاجىماي - تالماي ىلگەرىلەتىپ، جاڭا داۋىردەگى پارتيانىڭ وزىنە - ءوزى ۇلى توڭكەرىس جاساۋىن سوڭىنا دەيىن جۇرگىزدى
2022 - جىلى 10 - ايدىڭ 23 - كۇنى حالىق سارايىنىڭ جينسى زالىندا شىراقتار جارقىراپ، ايبىندى دا دۋماندى رايعا شومدى.
جۇڭگولىق، شەتەلدىك 600دەن استام ءتىلشىنىڭ الدىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ ەندى عانا سايلانعان شي جينپيڭ نىق سەنىممەن سويلەدى −
”ءبىز، ءسوز جوق، اسا قىراعى بولىپ، ەمتيحان تاپسىراتىن سەرگەكتىك پەن بايسالدىلىقتى ماڭگى ساقتاپ، پارتيانى جاپپاي قاتاڭ باسقارۋدى قاجىماي - تالماي ىلگەرىلەتىپ، 100 جىلدىق ءىرى پارتيانىڭ وزىنە - ءوزى توڭكەرىس جاساۋ بارىسىندا جالىندى ومىرشەڭدىگىن ۇزدىكسىز تاسقىنداتۋىمىز كەرەك“.
”قاجىماي - تالماي ىلگەرىلەتۋ“ دەگەن سوزدەن جاڭا داۋىردەگى جۇڭگو كوممۋنيستىك پارتياسىنىڭ پارتيانى جاپپاي قاتاڭ باسقارۋدى سوڭىنا دەيىن جۇرگىزەتىن بەرىك بەكىمىن، بۇلجىماس قايسارلىعىن كورۋگە بولادى.
پارتيانى جاپپاي قاتاڭ باسقارۋدى سوڭىنا دەيىن جۇرگىزۋ − بولاتتاي بەرىك ساياسي تاباندىلىق.
2022 - جىلى 10 - ايدىڭ 25 - كۇنى، پارتيا 20 - قۇرىلتايى جابىلعانىنا ەندى عانا 3 كۇن بولعاندا باس شۋجي شي جينپيڭ ورتالىق كوميتەت ساياسي بيۋروسىنىڭ ءماجىلىسىن باسقارىپ اشتى. ءماجىلىستىڭ ماڭىزدى كەڭەستىك ءتارتىبىنىڭ ءبىرى «جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ورتالىقتىڭ 8 ءتۇرلى بەلگىلەمەسىن دايەكتىلەندىرۋدى، تياناقتاندىرۋدى اتقارۋ ەگجەي - تەگجەيلى ەرەجەسىن» قاراۋ بولدى.
18 - كەزەكتى ورتالىق كوميتەتى ساياسي بيۋروسىنىڭ تۋ باستا - اق ستيل قۇرىلىسى جونىندە قاعيدا ورناتقانىنان 19 - كەزەكتى ورتالىق كوميتەتى ساياسي بيۋروسىنىڭ، 20 - كەزەكتى ورتالىق كوميتەتى ساياسي بيۋروسىنىڭ 1 - ءماجىلىسىنىڭ بىردەي مازمۇنداردى اقىلداسۋىنا ءارى ۇزدىكسىز تەرەڭدەتۋىنە، ەگجەي - تەگجەيلىلەندىرۋىنە دەيىن ستيل قۇرىلىسى 10 جىل بويى ۇزدىكسىز دايەكتىلەنىپ، ەگجەي - تەگجەيلى تياناقتاندى.
2022 - جىلى 10 - ايدىڭ 27 - كۇنى باس شۋجي شي جينپيڭ جاڭادان سايلانعان جۇڭگو كوممۋنيستىك پارتياسى 20 - كەزەكتى ورتالىق كوميتەتى ساياسي بيۋروسىنىڭ تۇراقتى مۇشەلەرىن باستاپ يان - انعا كەلدى. يان - ان توڭكەرىستىك ەسكەرتكىش سارايىندا باس شۋجي شي جينپيڭ ”پارتيانىڭ وزىنە - ءوزى توڭكەرىس جاساۋىن باتىلدىقپەن ىلگەرىلەتىپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، پارتيانىڭ العاباسارلىعى مەن كىرشىكسىزدىگىن باستان - اياق ساقتاۋ كەرەك“، - دەپ باسا دارىپتەدى؛
2022 - جىلى 12 - ايدىڭ 6 - كۇنى باس شۋجي شي جينپيڭ ورتالىق كوميتەت ساياسي بيۋروسىنىڭ ءماجىلىسىن باسقارىپ اشتى. ءماجىلىس مىنالاردى اتاپ كورسەتتى: پارتيانى تاباندىلىقپەن جاپپاي قاتاڭ باسقارۋدىڭ ساياسي تاباندىلىعىن ونان ارى كۇشەيتىپ، قاتاڭدىق سىندى نەگىزگى اۋەندى، قاتاڭ شارالاردى، قاتاڭ رايدى ۇزاق ۋاقىت تاباندىلىقپەن جالعاستىرىپ، جاڭا داۋىردەگى پارتيانىڭ وزىنە - ءوزى ۇلى توڭكەرىس جاساۋىن سوڭىنا دەيىن جۇرگىزۋ كەرەك؛
2022 - جىلى 12 - ايدىڭ 26 - كۇنىنەن 27 - كۇنىنە دەيىن ورتالىق كوميتەت ساياسي بيۋروسى دەموكراتيالىق تۇرمىس جيىنىن اشىپ، تابىستاردى قورىتىندىلاپ، جەتەرسىزدىكتەردى تەكسەرىپ جايىپ سالىپ، پارتيالىلىق تالداۋ جاساپ، سىن جانە ءوز - وزىنە سىن ورىستەتتى؛
...
پارتيا 20 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ءبىرسىپىرا ناقتى شارالار، ايقىن تالاپتار ارقىلى بۇكىل پارتياعا پارتيانى جاپپاي قاتاڭ باسقارۋدى تيتتەي دە بوساڭسىتپاۋدىڭ، تيتتەي دە شەگىنبەۋدىڭ ايقىن سيگنالىن جەتكىزدى.
پارتيانى جاپپاي قاتاڭ باسقارۋدى سوڭىنا دەيىن جۇرگىزۋ − بيىكتە تۇرىپ الىستى بولجاعان كەلەلى ستراتەگيالىق ورنالاستىرۋ.
پارتيا 20 - قۇرىلتايىنىڭ بايانداماسى پارتيا تۇرعان تاريحي ورىنعا، ءدوپ كەلگەن جاعدايعا، مىندەتكە، پارتيا جاعدايىنىڭ دامۋىنا، وزگەرىسىنە تەرەڭ تالداۋ جاساپ، ”پارتيانى جاپپاي قاتاڭ باسقارۋدان بۇلجىماي، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتۋ“ جونىندە ءبىر قىدىرۋ كەلەلى ورنالاستىرۋلار جاسادى −
”پارتيانى جاپپاي قاتاڭ باسقارۋ جۇيەسىن اقاۋسىزداندىرۋدى“ تۇڭعىش رەت ورتاعا قويدى، بۇل پارتيانى باسقارۋدى، پارتيانى جونگە سالۋدى جاپپاي جۇيەلى ورنالاستىرۋدى كۇشەيتۋدىڭ، سايكەستى، جوعارى ءونىمدى ىلگەرىلەتۋدىڭ كەلەلى شاراسى؛
پارتيا قۇرىلىسى قىزمەتى جونىندە 7 جاقتان ورنالاستىرۋ جاسادى، ونىڭ مازمۇنى ساياسي قۇرىلىس، يدەيالىق قۇرىلىس، ءتۇزىم قۇرىلىسى، ۇيىمدىق قۇرىلىس، ستيل قۇرىلىسى، ءتارتىپ قۇرىلىسى، شىرىكتەسۋگە قارسى تۇرۋ كۇرەسى سياقتى جاقتاردى قامتىدى؛
”پارتيانىڭ ساياسي قۇرىلىسىن كۇشەيتۋدىڭ“ تالاپتارىن ايقىنداپ، ساياسي ءتارتىپ پەن ساياسي قاعيدانى قاتايتىپ، ءار دارەجەلى پارتكومداردىڭ (پارتيا باسشىلىق گرۋپپالارى) تۇلعالىق جاۋاپكەرشىلىگىن تياناقتاندىرىپ، ءار دارەجەلى پارتيا ۇيىمدارى مەن پارتيالى كادرلاردىڭ ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتۋدى باسا دارىپتەدى؛
”پارتيانىڭ وزىنە - ءوزى توڭكەرىس جاساۋ ءتۇزىمىن ارناعا ءتۇسىرۋ جۇيەسىن كەمەلدەندىرۋ“ جونىندە تۇڭعىش رەت ارناۋلى ورنالاستىرۋ جاساپ، ءتۇزىم قۇرىلىسىن اناعۇرلىم كورنەكتى ورىنعا قويىپ، ”اقيقاتقا تاباندى بولۋ، قاتەلىكتى تۇزەتۋ، ماسەلەلەردى بايقاۋ، اۋىتقۋلاردى تۇزەتۋ مەحانيزمىن قالىپتاستىرۋدى“ باسا دارىپتەدى؛
...
ءبىر قىدىرۋ ىجداعاتتى جوبالاۋلار، ستراتەگيالىق ورنالاستىرۋلار پارتيانىڭ قاتاڭ دا كۇردەلى سىن - سىناقتار جونىندەگى ايقىن تانىمىن، پارتيانىڭ وزىنە - ءوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتۋدەگى وسكەلەڭ سانالىلىعىن تولىق ايگىلەدى.
پارتيانى جاپپاي قاتاڭ باسقارۋدى سوڭىنا دەيىن جۇرگىزۋ − ەڭ تۇبەگەيلى كۇرەسكەرلىك رۋح.
2022 - جىلى 10 - ايدىڭ 17 - كۇنى پارتيا 20 - قۇرىلتايى اشىلعاننىڭ كەلەسى كۇنى باس شۋجي شي جينپيڭ ءوزى تۇرعان گۋاڭشي ۋاكىلدەر ۇيىرمەسىنە كەلىپ، كوپشىلىكپەن بىرگە 20 - قۇرىلتاي بايانداماسىن تالقىلادى.
شىرىكتەسۋگە قارسى تۇرۋ كۇرەسىن تىلگە العاندا، باس شۋجي شي جينپيڭ بىلاي دەپ قورىتىندىلادى: ”پارتيانىڭ 18 - قۇرىلتايىنان بەرى، پارتيا ورتالىق كوميتەتى ’10 جىلدا شىڭدالۋ‘ تاباندىلىعىمەن پارتيانى جاپپاي قاتاڭ باسقارۋدى ىلگەرىلەتىپ، ’مىڭداعان ادامدى رەنجىتسە دە، ءبىر ميلليارد 400 ميلليون حالىقتىڭ ءۇمىتىن اقتاۋ‘ بورىشىن ارقالاۋ ارقىلى تاريحتا بولىپ كورمەگەن شىرىكتەسۋگە قارسى تۇرۋ كۇرەسىن ىلگەرىلەتىپ، وزىنە - ءوزى توڭكەرىس جاساۋدىڭ ’كەشەندى شاراسىن‘ جۇرگىزدى“.
10 جىلدان بەرى، شىرىكتەسۋگە قارسى تۇرۋ سىندى ”جەڭىلىستى كوتەرمەيتىن ءارى استە جەڭىلۋگە بولمايتىن كەلەلى ساياسي كۇرەس“ الدىندا، باس شۋجي شي جينپيڭ تالاي جەردە ايقىن پوزيتسيا ءبىلدىرىپ، تاۋدا جولبارىس بار ەكەنىن بىلە تۇرا، تاۋعا قاراي اتتانعان قايتپاس باتىلدىقپەن پارتيا سەنىمىنە، ارميا تىلەگىنە، حالىق تىلەگىنە قول جەتكىزدى.
وسى رەتكى ماجىلىستە باس شۋجي شي جينپيڭ تاعى دا كەسىپ ايتىپ، ءبىر اۋىز سوزبەن سوڭعى شەشىمدى تۇيىندەدى:
”كوممۋنيستەر − ماتەرياليستەر، ەشنارسەدەن جاسقانبايتىندار، نەدەن قورقادى؟ داۋىلدى نوسەردىڭ، اساۋ تولقىنداردىڭ سىنىن قابىلداۋ كەرەك، مەن ’سان مىڭ ادام جولىمدى توسسا دا، ەرلىكپەن ىلگەرىلەيمىن‘ دەيمىن! قورقاتىن دانەڭە جوق“.
پارتيا 20 - قۇرىلتايىنىڭ بايانداماسىندا اتاپ كورسەتىلگەندەي، شىرىكتەسۋ ماسەلەلەرىن تۋدىراتىن ورتا جانە شارت - جاعداي بولسا بولعانى، شىرىكتەسۋگە قارسى تۇرۋ كۇرەسىن تيتتەي دە توقتاتۋعا بولمايدى، اتوي دابىلىن، ءسوز جوق، ماڭگى قاعۋ كەرەك.
ۇستىنەن وڭاۋ مەن تۇبىرىنەن وڭاۋدى بىردەي جۇرگىزىپ، ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن ىلگەرىلەتتى
2022 - جىلى 12 - ايدىڭ 8 - كۇنى ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى سايتىندا مىناداي حابار جاريالاندى −
”گۋاڭدۇڭ ولكەلىك حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، پارتيا باسشىلىق گرۋپپاسىنىڭ ورىنباسار شۋجيى لي چۇنشىڭ تارتىپكە، زاڭعا اۋىر قايشىلىق جاسادى دەگەن كۇمانمەن ىرىقتى تۇردە دەلوسىن مالىمدەدى، قازىر ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى جاعىنان تارتىپتىك تەكتەۋگە جانە باقىلاۋ - تەكسەرۋگە الىندى“.
”ىرىقتى تۇردە دەلوسىن مالىمدەۋ“ حابارداعى كوزگە وڭاي شالىعاتىن جاي - جاپسار. ءىس جۇزىندە تەك پارتيا 20 - قۇرىلتايى جابىلعاننان كەيىنگى ءبىر ايدان استام ۋاقىتتا ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ سايتىندا تارتىپكە، زاڭعا اۋىر قايشىلىق جاساۋ كۇمانىمەن 10 نەشە پارتيالى كادردىڭ ىرىقتى تۇردە دەلوسىن مالىمدەگەن حابارى جاريالاندى.
ساندى مالىمەتتە كورسەتىلۋىنشە، 5 جىلدان بەرى، وكتەم سەس پەن ساياساتتىڭ يلاندىرۋىندا 81 مىڭ ادام ءتارتىپ تەكسەرۋ، باقىلاۋ - تەكسەرۋ ورگاندارىنا ىرىقتى تۇردە دەلوسىن مالىمدەگەن، 2020 - جىلدان بەرى 216 مىڭ ادام ماسەلەسىن ىرىقتى تۇردە تاپسىرعان.
”تەك دلوسىن ەرتە مالىمدەپ، ماسەلەسىن ەرتە تاپسىرعاندا عانا، كوڭىلدەگى جۇكتەن ەرتەرەك ارىلۋعا بولادى“. 2022 - جىلدىڭ باسىندا قىزۋ قارسى الۋعا بولەنگەن ارناۋلى تەلە فيلم «نولدىك توزىمدىلىكتە» بەيجيڭ شىفان داشۋەسى پارتكومىنىڭ بۇرىنعى شۋجيى ليۋ چۋانشىڭنىڭ وپىق جەۋى جاڭا داۋىردەگى شىرىكتەسۋگە قارسى تۇرۋ كۇرەسىنىڭ ساننىڭ توپتالۋىنان ساپا وزگەرىسىنە بەت العاندىعىنىڭ پارمەندى دالەلى، جاڭا داۋىردە ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن ىلگەرىلەتۋدىڭ ايقىن بەتالىسىن بەينەلەدى.
”مەملەكەتتىڭ زور ءىسىن“ ارقاۋ ەتىپ، ساياسي باقىلاۋدىڭ ناقتىلانۋىن، دالمە - دالدەنۋىن، ۇدايىلانۋىن ىلگەرىلەتتى −
قىسقى كەش، باتار كۇننىڭ ساۋلەسىندە ليجياڭ وزەنىنىڭ ايدىنىندا كۇمىس تولقىندار ويناۋدا.
سوڭعى جىلدارى تاس الاڭىن جابۋ، مال، قۇس باعىمشىلىعىنداعى لاستانۋدى جونگە سالۋ سياقتى ءبىر قىدىرۋ شارالار ارقىلى ليجياڭ وزەنىنىڭ ەكولوگياسى بارعان سايىن جاقسارىپ، قالا تۇرعىندارىن، ساياحاتشىلاردى وزىنە باۋرادى.
ەكولوگيالىق ورتانى ويداعىداي قورعاۋ − ”مەملەكەتتىڭ زور ءىسى“. گۇيلين قالالىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ”ليجياڭ وزەنىن ويداعىداي قورعاۋ، گۇيليننىڭ تاماشا تاۋ - وزەندەرىن ويداعىداي قورعاۋ“ ارناۋلى باقىلاۋ قىزمەتى ارناۋلى ءبانىن قۇرىپ، نازاردى ەكولوگيالىق ورتانى قورعاۋداعى ءتۇيىندى قىزمەتتەرگە، ءالسىز بۋىندارعا شوعىرلاندىرىپ، قاتىستى ماسەلەلەردى الدىمەن تەكسەرىپ ءبىر جاقتى ەتتى، تەز تەكسەرىپ، تەز ءبىتىردى.
ساندى مالىمەتتە كورسەتىلۋىنشە، 2022 - جىلى 1 - ايدان 9 - ايعا دەيىن گۇيلين ەكولوگيالىق ورتا سالاسىنداعى شىرىكتەسۋ جانە ستيل ماسەلەسىنەن 53ىن تەكسەرىپ ءبىر جاقتى ەتىپ، 80 ادامعا سىن ايتىپ، تاربيە بەرىپ، كومەكتەسىپ جانە ءبىر جاقتى ەتىپ، پارمەندى ساياسي باقىلاۋ ارقىلى تاۋى جاسىل، سۋى تۇنىق جاراتىلىستىق ەكولوگيانى قورعاعان.
ىندەتتەن ساقتانۋ - تىزگىندەۋدەن ەكولوگيالىق ورتانى قورعاۋعا دەيىن، كەدەيلىكتەن ارىلتۋدان قامال الۋدان اۋىل - قىستاقتى گۇلدەندىرۋگە دەيىن، ونان ءبىر قىدىرۋ كەلەلى ستراتەگيالىق، ءتۇيىندى مىندەتتەرگە دەيىن... ساياسي باقىلاۋ باستان - اياق پارمەندى، ءونىمدى بولىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتاپ تياناقتانۋىن ىلگەرىلەتىپ، ەكونوميكالىق، قوعامدىق دامۋدى قورعادى.
ىشكى بايلانىستى يگەرىپ، پارتيانى جاپپاي قاتاڭ باسقارۋدىڭ جۇيەلىلىگىن، تۇتاس تۇلعالىلىعىن ۇزدىكسىز جوعارىلاتتى −
2022 - جىلدىڭ سوڭىندا ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ سايتى شىرىكتەسۋگە قارسى تۇرۋدا قىزۋ تالقىلانعان 10 ءسوزدى جاريالادى، سونىڭ ءبىرى ”بۇرىس ستيل مەن شىرىكتەسۋدى قاتار تەكسەرۋ“ بولدى.
ال 2021 - جىلدىڭ جىل سوڭىندا ”بۇرىس ستيل مەن شىرىكتەسۋدىڭ ءبىر تۇلعالانۋى“ شىرىكتەسۋگە قارسى تۇرۋداعى سول جىلى قىزۋ تالقىلانعان 10 ءسوزدىڭ ءبىرى بولىپ تاڭدالعان بولاتىن.
”بۇرىس ستيل مەن شىرىكتەسۋدىڭ ءبىر تۇلعالانۋىنان“ ”بۇرىس ستيل مەن شىرىكتەسۋدى قاتار تەكسەرۋگە“ دەيىن ءتارتىپ تەكسەرۋ، باقىلاۋ - تەكسەرۋ ورگاندارىنىڭ پارتيالىلىقتىڭ، پارتيا ستيلىنىڭ، پارتيا ءتارتىبىنىڭ ىشكى بايلانىسىن يگەرىپ، ”ءتورت ءتۇرلى بۇرىس ستيلدىڭ“ جانە شىرىكتەسۋ مەن بۇرىس ستيلدىڭ تامىرلاستىعىنىڭ، بۇرىس ستيل مەن شىرىكتەسۋدىڭ ءبىر تۇلعالانۋىنىڭ ەرەكشەلىگىن يگەرىپ، بۇرىس ستيل مەن شىرىكتەسۋ ماسەلەلەرىن ءبىر تۇتاس جوسپارلاپ يگەرەتىن، ءبىر تۇلعادا تۇزەتەتىن، جونگە سالاتىن باسقارۋ تاسىلىنە بۇرىلىس جاساعاندىعىن تولىق ايگىلەدى.
ستيل ماسەلەسىنەن ىسكە كىرىسىپ، ”ءتورت ءتۇرلى بۇرىس ستيلدى“ توقتاۋسىز تۇزەتتى. قازىرگە دەيىن ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساعان ماسەلەلەردى تەكسەرىپ ءبىر جاقتى ەتۋ جونىندەگى ساندى مالىمەتتەردى ۇدايى 111 اي جاريالاپ، ”ءتورت ءتۇرلى بۇرىس ستيل“ ماسەلەسىن قاتاڭ تۇزەتتى، جونگە سالدى؛
ءبىر تۇلعادا تۇزەتىپ، جونگە سالىپ، شىرىكتەسۋ ماسەلەسىنىڭ استارىنداعى ”ءتورت ءتۇرلى بۇرىس ستيل“ سىڭايلارىن تەرەڭ قازدى. ءتارتىپ تەكسەرۋ، باقىلاۋ - تەكسەرۋ ورگاندارى ”دەلو دەرەكتەرىنەن ستيلگە قاراۋعا“ تاباندى بولىپ، قايسى ستيل ماسەلەلەرىنىڭ شىرىكتەسۋگە ەڭ وڭاي وزگەرەتىندىگىنە دالمە - ءدال تالداۋ جاساپ جانە تاۋىپ، باعىتتامالى تۇردە تۇزەتىپ، جونگە سالىپ، رەتتەپ، شىرىكتەسۋدىڭ ءونىپ - وسەتىن كەڭىستىگىن ۇزدىكسىز تارىلتتى.
شىرىكتەسۋگە باتىلدىق ەتكىزبەۋدى، شىرىكتەسۋدى ويىنا الدىرماۋدى، شىرىكتەسۋگە مۇمكىندىك بەرمەۋدى ءبىر تۇلعادا ىلگەرىلەتىپ، ”جالپى بارىستىق باسقارۋ“ تانىمىن ورناتتى. ءتارتىپ تەكسەرۋ، باقىلاۋ - تەكسەرۋ ورگاندارى بۇرىس ستيل مەن شىرىكتەسۋدىڭ ءوزارا قاباتتاسۋىنداعى كورنەكتى ماسەلەلەردى ءجىتى قاداعالاي وتىرىپ قاتاڭ سوققى بەرۋمەن، قاتاڭ تەكسەرۋمەن بىرگە، كونەنى قيراتۋ مەن جاڭانى ورناتۋدى قاتار ۇستاۋعا، ادىلەتتى جاقتاپ، زۇلىمدىقتى جويۋعا تاباندى بولىپ، ساياسي ەكولوگيا، كىرشىكسىزدىك مادەنيەتى قۇرىلىسىن ىشكەرىلەي ىلگەرىلەتىپ، شىرىكتەسۋگە قارسى تۇرىپ، وزگەرۋدەن ساقتانۋدىڭ يدەيالىق توسپاسىن بەرىك سوقتى.
ءتۇزىلىس - مەحانيزمدى اقاۋسىزداندىرىپ، ءتارتىپ تەكسەرۋ، باقىلاۋ - تەكسەرۋ قىزمەتىنىڭ ارناعا ءتۇسۋ، زاڭمەن باسقارىلۋ، جۇيەلى بولۋ دەڭگەيىن ۇزدىكسىز جوعارىلاتتى −
2022 - جىلى 6 - ايدىڭ 28 - كۇنى «ءتارتىپ تەكسەرۋ، باقىلاۋ - تەكسەرۋ ورگاندارى وكىلەتتى قۇرىلىمدارىنىڭ قىزمەت ەرەجەسىنىڭ» تولىق ءماتىنى جاريالانىپ، جاريالانعان كۇننەن باستاپ اتقارىلدى.
ءتارتىپ تەكسەرۋ، باقىلاۋ - تەكسەرۋ ورگاندارىنىڭ وكىلەتتى قۇرىلىمدارىنىڭ قىزمەتىن ارناعا تۇسىرگەن ورتالىق كوميتەتتىڭ پارتيا ىشىندەگى نەگىزدىك زاڭ - ەرەجەسى رەتىندە ەرەجە جۇيەلى جيناقتالعان، سايكەسىمدى، جوعارى ءونىمدى وكىلەتتىك باقىلاۋ ءتۇزىلىس - مەحانيزمىن اقاۋسىزداندىرۋدى كوزدەي وتىرىپ، ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارىنىڭ وكىلەتتى ورگاندارىنىڭ ۇيىمدىق ورنالاسۋى، باسشىلىق ءتۇزىلىسى، قىزمەت جاۋاپكەرشىلىگى، مىندەت اتقارۋ ءتارتىبى سياقتىلاردى جالپى بەتتىك ارناعا ءتۇسىردى.
بۇل ءتارتىپ تەكسەرۋ، باقىلاۋ - تەكسەرۋ ورگاندارىنىڭ پارتيانى ەرەجە بويىنشا باسقارۋ مەن مەملەكەتتى زاڭ بويىنشا باسقارۋدىڭ ىشكى بىردەيلىگىن يگەرىپ، ءتارتىپ تەكسەرۋ، باقىلاۋ - تەكسەرۋ زاڭ - ەرەجە، ءتۇزىم جۇيەسىن ورناتۋدى ىلگەرىلەتۋىنىڭ شاعىن كارتيناسى.
ساندى مالىمەتتەردە كورسەتىلۋىنشە، 5 جىلدان بەرى، ءتارتىپ تەكسەرۋدىڭ، باقىلاۋ - تەكسەرۋدىڭ باستى زاڭ - ەرەجەلەرىنەن، تۇزىمدەرىنەن جالپى 111ى قوسىلىپ، ءتارتىپ تەكسەرۋ، باقىلاۋ - تەكسەرۋ زاڭ - ەرەجەلەرىنىڭ، تۇزىمدەرىنىڭ مازمۇنى عىلمي، ءتارتىبى قاتاڭ، سەپتەلۋى تولىق، جۇمىس جۇرگىزۋى ءونىمدى جۇيەسىن العاشقى قادامدا قالىپتاستىرعان.
سونىمەن بىرگە ءتارتىپ تەكسەرۋ، باقىلاۋ - تەكسەرۋ جۇمىسىنىڭ جالپى بارىسىن، بارلىق فاكتورلارىن ساباقتاستىرعان ينفورماتسيالانعان جۇيە قۇرىپ، بۇكىل ەلدەگى ءتارتىپ تەكسەرۋ، باقىلاۋ - تەكسەرۋ جۇيەسىن قامتيتىن اشكەرەلەۋ - مالىمدەۋ تۇعىرىن ورناتتى... ءتارتىپ تەكسەرۋ، باقىلاۋ - تەكسەرۋ قىزمەتىنىڭ ينفورماتسيالانۋ دەڭگەيى ۇزدىكسىز جوعارىلاپ، ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىنا پارمەندى قامتاماسىزدىق ازىرلەدى.
جاڭا جورىققا تاعى اتتانىپ، پارتيانىڭ قاسيەتىنىڭ ماڭگى ساقتالۋىنا، ءتۇسىنىڭ ماڭگى وزگەرمەۋىنە، سيپاتىنىڭ ماڭگى ساقتالۋىنا شىنايى كەپىلدىك ەتتى
”جۇڭگو حالىق بانكەسى پارتكومىنىڭ مۇشەسى، ورىنباسار بانكە باستىعى فان يفي تارتىپكە، زاڭعا اۋىر دارەجەدە قايشىلىق جاسادى دەگەن كۇمانمەن قازىر ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ تارتىپتىك تەكتەۋىنە جانە باقىلاۋ - تەكسەرۋىنە الىندى“.
2022 - جىلى 11 - ايدىڭ 5 - كۇنى ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ سايتىندا جاريالانعان وسى ”ءبىر سويلەمدى“ حابار پارتيا 20 - قۇرىلتايىنان كەيىنگى ”العاشقى جولبارىستىڭ“ وماقاسقاندىعىن جاريالادى. وسىدان سوڭعى ءبىر ايدان استام ۋاقىتتا ورتالىق كوميتەت ۇيىمداستىرۋ ءبولىمى ەستەلىككە العان كادرلار تەكتەۋگە، تەكسەرۋگە الىندى.
جاڭا جورىققا قادام تاستادى، جاڭا سايىستاردى قارسى الدى. پارتيامىز ءدوپ كەلگەن ”ءتورت ۇلكەن سىناق“، ”ءتورت ءتۇرلى قاتەر“ ۇزاق ۋاقىت ءومىر سۇرەدى، پارتيا قۇرىلىسى، اسىرەسە، پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسى وڭاي بوي بەرمەيتىن، ءجيى تۋىلاتىن كوپتەگەن ماسەلەلەرگە تاپ بولىپ وتىر، پارتيامىزدىڭ وزىنە - ءوزى توڭكەرىس جاساۋىنىڭ مىندەتى اۋىر، جولى ۇزاق.
پارتيا 20 - قۇرىلتايىندا باس شۋجي شي جينپيڭ بۇكىل پارتياعا بىلاي دەپ ۇندەۋ جاريالادى: پارتيانى جاپپاي قاتاڭ باسقارۋ ماڭگى توقتالمايدى، پارتيانىڭ وزىنە - ءوزى توڭكەرىس جاساۋى ماڭگى توقتالمايدى، بوساڭسۋ، قالجىراۋ، دامىلداۋ، جالىعۋ پيعىلىنىڭ بولۋىنا استە بولمايدى.
جاڭا جورىققا تاعى اتتانۋدا، ءسوز جوق، ”ەكىنى قورعاۋدىڭ“ كەلەلى ساياسي جاۋاپكەرشىلىگىن ارقالاۋ كەرەك −
2022 - جىلى 10 - ايدىڭ 30 - كۇنى ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ سايتىندا جياڭشي ولكەلىك مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ بۇرىنعى شۋجيى، بۇرىنعى مەڭگەرمە باستىعى لي شياۋباۋدىڭ پارتيادان شىعارىلىپ، قىزمەتتەن ايدالعاندىعى تۋرالى حابار جاريالاندى.
حابارلاندىرۋدا مىنالار اتاپ كورسەتىلدى: ”لي شياۋباۋ ’ەكىنى قورعاۋدان‘ بەت بۇرىپ، ’جەتى ءتۇرلى نىسايعا‘ بوي ۇرىپ، ’شاعىن شەڭبەر‘، ’شاعىن توپ‘ ۇيىمداستىرىپ، پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن قاز - قالپىندا تياناقتاندىرماي، بۇرمالادى“، ونىڭ ”ەكىبەتكەيلىك“ قاسيەتىن دالمە - ءدال ىسپاتتاپ بەردى.
ساياسي ءتارتىپ سىندى ەڭ ءتۇبىرلى، ەڭ ماڭىزدى ءتارتىپتى باستان - اياق مىقتى يگەرىپ، ”جەتى ءتۇرلى نىساي“ ماسەلەلەرىن دەر كەزىندە بايقاپ، كۇش سالا شەشىپ، ساياسيداعى كومەسكى كىناراتتاردى جويىپ، ساياسي حاۋىپسىزدىكتى قورعادى...
ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى جانە ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارمەندى ساياسي باقىلاۋ ارقىلى پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاپ، بۇكىل پارتيانىڭ ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنۋىن، ”ءتورت تانىمدى“ كۇشەيتۋىن، ”ءتورت سەنىمدى“ بەكەمدەۋىن، ”ەكىنى قورعاۋدى“ ورىنداۋىن ىلگەرىلەتتى.
جاڭا جورىققا تاعى اتتانعاندا، ءسوز جوق، قاتاڭدىق نەگىزگى اۋەننەن اۋىتقىماۋ كەرەك −
”پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانۋىنا ىقپال جاسايتىن، حاۋىپسىز دامۋعا ىقپال جاسايتىن، نەگىزگى ساتىنىڭ اۋىرتپالىعىن اۋىرلاتاتىن فورماشىلدىقتى، تورەشىلدىكتى ءجىتى قاداعالاي وتىرىپ، قاز - قالپىندا تياناقتاندىرماۋدى، بۇرمالاۋدى، اركىم ءوز بىلگەنىن ىستەۋدى، وڭاي ولجاعا بوي ۇرۋدى، ءىس جۇزىندىكتەن قول ۇزگەن ناتيجە ينجەنەرياسىمەن، وبراز ينجەنەرياسىمەن اينالىسۋدى باتىل تۇزەتۋ كەرەك...“
2022 - جىلى 11 - ايدا ورتالىق ءتارتىپ تەكسەرۋ كوميتەتى كەڭسەسى «پارتيا 20 - قۇرىلتايىنىڭ ورنالاستىرۋلارىن، تالاپتارىن دايەكتىلەندىرىپ، ورتالىقتىڭ 8 ءتۇرلى بەلگىلەمەسىنىڭ رۋحىن تاباندىلىقپەن تياناقتاندىرىپ، ”ءتورت بۇرىس ستيلدى“ تۇزەتىپ، جونگە سالۋ قىزمەتىن تەرەڭدەتۋ جونىندەگى پىكىردى» باسىپ تاراتىپ، ستيل قۇرىلىسىنىڭ ىشكەرىلەي دامۋىن ىلگەرىلەتتى.
بۇل ءتارتىپ تەكسەرۋ، باقىلاۋ - تەكسەرۋ ورگاندارىنىڭ پارتيا ىشىندەگى باقىلاۋ مەن مەملەكەتتىك باقىلاۋ - تەكسەرۋگە ارناۋلى جاۋاپتى ورگانىندىق قىزمەت مىندەتىن اتقارىپ، قاتاڭ نەگىزگى اۋەننەن اۋىتقىماۋىنىڭ ىقشام كورىنىسى.
”ءبىرىنشى باسشى“ مەن باسشىلىق القانى باقىلاۋدىڭ ناقتى ونىمدىلىگىن كۇشەيتتى، 2022 - جىلى 10 - ايدىڭ 29 - كۇنى حىبەي ولكەلىك 10 - كەزەكتى پارتكومنىڭ 2 - كەزەكتى شارلاۋ قىزمەتىنە اتتانىسقا كەلتىرۋ، ورنالاستىرۋ ءماجىلىسى جانە شارلاۋدىڭ الدىندا توپتىق اڭگىمەلەسۋ ءماجىلىسى شىجياجۋاڭدا اشىلىپ، ”ءبىرىنشى باسشى“ مەن باسشىلىق القاعا باقىلاۋدى كۇشەيتۋدى ايقىن تالاپ ەتتى؛
ستيل قۇرىلىسىنىڭ ۇدايىلانۋىن، ۇزاق ءونىمدى بولۋىن ىلگەرىلەتۋدى ارقاۋ ەتىپ، شينجياڭ ءوندىرىس - قۇرىلىس بيڭتۋانى ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ارناۋلى ورنالاستىرۋ جاساپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدە ”جالعان بەينە كورسەتۋ، ءسانى بار، ءمان جوق جاساندىلىققا بوي ۇرۋ، قارابايىر جۇمىس ىستەۋ“ سياقتى فورماشىلدىقتىڭ، تورەشىلدىكتىڭ كورنەكتى ماسەلەلەرىن باتىل جونگە سالۋدى ايقىندادى؛
ۇقىق، قارجى، بايلىق شوعىرلانعان سالالارداعى شىرىكتەسۋدى رەتتەپ، جونگە سالۋدى تەرەڭدەتتى، لياۋنيڭ ولكەلىك ءتارتىپ تەكسەرۋ، باقىلاۋ - تەكسەرۋ ورگاندارى فينانس، ساياسي - زاڭ، مەملەكەت مەنشىگىندەگى كاسىپورىن سالاسىنداعى شىرىكتەسۋدى جونگە سالۋدى ىشكەرىلەي ىلگەرىلەتىپ، كاپيتالدىڭ جويداقسىز كەڭەيۋى، تۇعىرلار مونوپولياسى سياقتىلاردىڭ استارىنداعى شىرىكتەسۋ ارەكەتتەرىن كۇش سالا تەكسەرىپ ءبىر جاقتى ەتتى.
ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى جانە ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، قاتاڭ نەگىزگى اۋەننەن اۋىتقىماي، ءتارتىپ - زاڭ بەلگىلەمەلەرىن كەمەلدەندىرىپ، ءتارتىپتى قاتاڭ اتقارىپ، ستيلدى قاتاڭ تۇزەتىپ، شىرىكتەسۋگە قاتاڭ قارسى تۇرىپ، پارتيانى جاپپاي قاتاڭ باسقارۋدىڭ قويۋ رايىن ۇزدىكسىز كۇشەيتتى.
جاڭا جورىققا تاعى اتتانۋدا، ءسوز جوق، حالىقتى وزەك ەتكەن ءتۇبىرلى ساياسي تۇرعىدا باستان - اياق بەرىك تۇرۋ كەرەك −
”ءسوز جوق، حالىقتى بارىنەن جوعارى قويۋعا تاباندى بولۋ كەرەك“، ”حالىقتى وزەك ەتكەن دامۋ يدەياسىنا تاباندى بولۋ كەرەك“، ”مەملەكەت دەگەنىمىز حالىق، حالىق دەگەنىمىز مەملەكەت“...
پارتيا 20 - قۇرىلتايىنىڭ بايانداماسىندا حالىق دەگەن ءسوز 170 نەشە رەت كەزدەسەدى.
”ءداۋىر − ەمتيحان سۇراۋىن شىعارۋشى، ءبىز − ەمتيحان تاپسىرۋشى، حالىق − ەمتيحان جاۋابىن تەكسەرۋشى“. ءبىر پارتيانىڭ ۇزاق ۋاقىت بيلىك جۇرگىزە الۋ - الماۋىندا، باستىسى، حالىق بۇقاراسىمەن بايلانىسىنا، حالىق بۇقاراسىنىڭ قولداۋ - قولداماۋىنا، رازى بولۋ - بولماۋىنا قاراۋ كەرەك.
جىجياڭنىڭ حۋجوۋىندا جەرگىلىكتى ءتارتىپ تەكسەرۋ، باقىلاۋ - تەكسەرۋ ورگاندارى اۋىل - قىستاقتاعى قارتتاردى كۇتىمدەۋ، بالالاردى باعۋ - تاربيەلەۋگە اماناتتاۋ سياقتى قىزمەت وتەۋلەردىڭ نىسان قۇرىلىسى، قارجىنى پايدالانۋ سياقتى ءتۇيىندى سالالارداعى شەشۋشى بۋىندارعا قاراتا ءتىزىم، نىسان بويىنشا باقىلاۋ جۇرگىزىپ، قىستاقتاعى قارتتاردىڭ، بالالاردىڭ ساپالى قىزمەت وتەۋدەن يگىلىكتەنۋىنە شىنايى كەپىلدىك ەتتى؛
حۋناننىڭ شينحۋاسىندا جەرگىلىكتى ءتارتىپ تەكسەرۋ، باقىلاۋ - تەكسەرۋ ورگاندارى ”توتەلەي تەكسەرىپ، توتەلەي ءبىر جاقتى ەتۋدى“، ”دارەجەسىن كوتەرىپ ءبىتىرۋدى“ كۇشەيتىپ، اۋىل شارۋاشىلىعىنا تيىمدىلىك جاساۋ، شارۋالارعا تيىمدىلىك جاساۋ بويىنشا قازىنالىق قوسىمشا قاراجات بەرۋ قىزمەتىندەگى ”بولماشى شىرىكتەسۋ“ مەن بۇرىس ستيلدەردى قاتاڭ تەكسەرىپ ءبىر جاقتى ەتتى؛
حىبەيدىڭ ۋيشيان اۋدانىندا ۇكىمەتتىڭ قىزمەت وتەۋ ورتالىعى ”جۇمىس بىتىرە الماۋدى“ اڭىس ەتۋ تەرەزەسىن قۇرىپ، ءىس ءبىتىرۋدىڭ توتە ارناسىن قالىپتاستىرىپ، بۇقارانىڭ ءىس بىتىرۋدە جولىققان ءتۇرلى شۇعىل، قيىن، ۋايىمداعان، ءزارۋ ماسەلەلەرىن شەشۋىنە كومەكتەستى...
العان بەتىنەن قايتپاي، شىنايى ىستەپ، بويكۇيەزدىككە سالىنباي، ءداۋىردىڭ، حالىقتىڭ ءۇمىتىن اقتادى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءىرى پارتياعا عانا ءتان قيىن ماسەلەلەردى شەشەتىن سەرگەكتىك پەن تاباندىلىقتى باستان - اياق ساقتاپ، پارتيانى جاپپاي قاتاڭ باسقارۋدى قاجىماي - تالماي ىلگەرىلەتكەن 100 جىلدىق ءىرى پارتيا، ءسوز جوق، وزىنە - ءوزى توڭكەرىس جاساۋ بارىسىندا جالىندى ومىرشەڭدىك كۇش قاۋلاتىپ، باستان - اياق جۇڭگو حالقىنىڭ ەڭ سەنىمدى، ەڭ بەرىك تىرەگى بولادى.
(شينحۋا اگەنتتىگىنىڭ 1 - ايدىڭ 8 - كۇنى بەيجيڭنەن بەرگەن حابارى)
