شي جينپيڭ ساياسي - زاڭ قىزمەتى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى:
رەفورما جاساۋعا، جاڭالىق اشۋعا تاباندى بولىپ، كۇرەسكەرلىك رۋحتى ساۋلەلەندىرىپ، ساياسي - زاڭ قىزمەتىن وسىزامانداندىرۋدى كۇش سالا ىلگەرىلەتۋ كەرەك
”جۇڭگو حالىق ساقشىلارى مەرەكەسى“ كەلۋ قارساڭىندا بۇكىل ەلدەگى حالىق ساقشىلارىنىڭ مەرەكەسىن قۇتتىقتادى جانە ولاردان حال سۇرادى
شينحۋا اگەنتتىنىڭ 1 - ايدىڭ 8 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا ساياسي - زاڭ قىزمەتى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى: ساياسي - زاڭ قىزمەتى − پارتيا مەن مەملەكەت قىزمەتىنىڭ ماڭىزدى قۇرامداس بولىگى. پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، پارتيانىڭ ساياسي - زاڭ قىزمەتىنە شارتسىز باسشىلىعىنا تاباندى بولىپ، ساياسي دەڭگەيدى جانە ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتىپ، حالىقتى وزەك ەتۋگە تاباندى بولىپ، جۇڭگوشا سوتسياليستىك زاڭمەن باسقارۋ جولىنا تاباندى بولىپ، رەفورما جاساۋعا، جاڭالىق اشۋعا تاباندى بولىپ، كۇرەسكەرلىك رۋحتى ساۋلەلەندىرۋگە تاباندى بولىپ، ساياسي - زاڭ قىزمەتىن وسىزامانداندىرۋدى كۇش سالا ىلگەرىلەتىپ، مەملەكەتتىڭ ساياسي حاۋىپسىزدىگىن قورعاۋ، قوعامدىق كەلەلى جاعدايدىڭ ورنىقتىلىعىنا شىنايى كەپىلدىك ەتۋ، قوعامدىق ادىلدىك پەن تۋراشىلدىقتى جەبەۋ، حالىقتىڭ تىنىش ءومىر، شات - شادىمان تىرشىلىك كەشىرۋىن قامتاماسىز ەتۋ قىزمەت جاۋاپكەرشىلىگىن، بورىشىن بار كۇشپەن اتقارىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە كۇش - قۋات ارناۋ كەرەك. ءار دارەجەلى پارتكومدار ساياسي - زاڭ قىزمەتىنە باسشىلىقتى كۇشەيتىپ، ساياسي - زاڭ قىزمەتىن وسىزامانداندىرۋدى ىلگەرىلەتۋگە پارمەندى قامتاماسىزدىق ازىرلەۋ كەرەك.
”جۇڭگو حالىق ساقشىلارى مەرەكەسى“ تاياپ قالدى، شي جينپيڭ پارتيا ورتالىق كوميتەتى اتىنان بۇكىل ەلدەگى حالىق ساقشىلارىنىڭ مەرەكەسىن قۇتتىقتادى جانە ولاردان حال سۇرادى، جولداستاردىڭ مۇرات - ماقساتتان جازباي، پارتيا مەن حالىقتىڭ ادال قورعاۋشىسى بولىپ، مەملەكەت حاۋىپسىزدىگى مەن قوعام ورنىقتىلىعىن قورعاۋعا تاعى دا تىڭ ۇلەس قوسۋىن ءۇمىت ەتتى.
ورتالىقتىڭ ساياسي - زاڭ قىزمەت ءماجىلىسى 1 - ايدىڭ 7 - كۇنىنەن 8 - كۇنىنە دەيىن بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق ساياسي - زاڭ كوميتەتىنىڭ شۋجيى چىن ۋىنچيڭ ماجىلىستە شي جينپيڭنىڭ ماڭىزدى نۇسقاۋىن جەتكىزدى ءارى ءسوز سويلەپ، مىنالاردى ءبىلدىردى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيانىڭ 20 - قۇرىلتاي رۋحىن جاپپاي دايەكتىلەندىرىپ، تياناقتاندىرىپ، باس شۋجي شي جينپيڭنىڭ ساياسي - زاڭ قىزمەتى جونىندەگى ماڭىزدى نۇسقاۋىن باتىل تياناقتاندىرىپ، ”ەكىنى تۇراقتاندىرۋدىڭ“ شەشۋشى سيپاتتى ءمانىن تەرەڭ ۇعىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ ساياسي - زاڭ قىزمەتىنە شارتسىز باسشىلىعىنا تاباندى بولىپ، ەل ءىشى، حالىقارا سىندى ەكى كەلەلى جاعدايدى ءبىر تۇتاس جوسپارلاۋعا تاباندى بولىپ، دامۋ، حاۋىپسىزدىك سىندى ەكى ءىرى ءىستى ءبىر تۇتاس جوسپارلاۋعا تاباندى بولىپ، قىزمەت جاۋاپكەرشىلىگىن، بورىشىن بار كۇشپەن اتقارىپ، جاڭا ءداۋىردىڭ جاڭا جورىعىندا ساياسي - زاڭ قىزمەتىن وسىزامانداندىرۋدى كۇش سالا ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە كۇش - قۋات ارناۋ كەرەك.
جۇڭگو كوممۋنيستىك پارتياسى ورتالىق كوميتەتى شۋجيچۋىنىڭ شۋجيى، قوعام حاۋىپسىزدىگى مينيسترى ۋاڭ شياۋحۇڭ ءماجىلىستى باسقاردى ءارى قورىتىندى ءسوز سويلەدى. ەڭ جوعارى حالىق سوتى مەكەمەسىنىڭ باستىعى جوۋ چياڭ، ەڭ جوعارى حالىق پروكۋراتۋراسىنىڭ باس پروكۋرورى جاڭ جۇن ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا اشىلدى.
