تيانشان تورى - شينجياڭ گازەتىنىڭ ٴتىلشىسى دۋ جيانحۇي
”بەكزادالارمەن بەلدەسۋگە قۇلقىم جوق، كەستەلى دوپتى تەك پيڭگۇيدىڭ باسىنا دالدەيمىن... “ 1 – ايدىڭ 8 - كۇنى ٴسۇبارا تايىر ۇيىندە حىبەي باڭزىسى (حىبەي تەاترى) «ورداعا ورالۋ» ۇزىندىسىنە جۇيەلى تۇردە جاتتىعۋدا.
ٴسۇبارا بايىنعولين موڭعۇل اۆتونوميالى وبلىسى كورلا قالالىق 23 - ورتا مەكتەپ 8 - جىلدىق 4 - كلاسىنىڭ وقۋشىسى. اتالعان مەكتەپتى حىبەيدىڭ شينجياڭعا كومەكتەسۋ وقۋ ـ اعارتۋ ۇجىمى تۇتاس اماناتتاپ باسقاردى، وقۋ - وقىتۋدى مىقتى يگەرۋمەن بىرگە، مەكتەپ جۇڭحۋا ۇلتى ورتاق تۇلعا تانىمىن بەرىك ورناتۋدى ەرەكشە وقۋ ـ اعارتۋدىڭ ماڭىزدى مازمۇنى ەتىپ، حاتكەرلىك، سۋرەت، تەاتر، ٴبي سياقتى مادەنيەت كوركەمونەر تاربيەسىن ىشكەرىلەي ورىستەتتى. 2022 – جىلى 4 - ايدا وسى مەكتەپ حىبەي باڭزى كوركەمونەر ۇجىمىن قۇرىپ، 19 مۇشە قابىلدادى، ٴسۇبارا سولاردىڭ ٴبىرى.
2022 – جىلى 5 – ايدا كورلا قالالىق 23 – ورتا مەكتەپتىڭ حىبەي باڭزى كوركەمونەر ۇجىمىنىڭ وقۋشىلارى دايىندالۋ ۇستىندە. سۋرەتتى ۋاڭ جيڭ تۇسىرگەن
”«ورداعا ورالۋ» حىبەي باڭزىنىڭ كلاسسيك تەاترى «قىزىل جالدى اساۋ» تولىق تەاترىنىڭ سوڭى، وندا شۋە پيڭگۇي مەن ۋاڭ باۋچۋاننىڭ 18 جىلدى اراعا سالعان ماحاببات حيكاياسى باياندالعان. ەڭ سوڭىندا شۋە پيڭگۇي جەڭىسپەن ورالىپ، ەرلى - زايىپتىلار باس قوسادى، ونىڭ مازمۇنى ەرەكشە اسەرلى“. ٴسۇبارا بىلاي دەدى: حىبەي باڭزىنىڭ اۋەنى ادەمى دە جاعىمدى، حيكاياسى اسەرلى.
”حىبەي باڭزىنى ۇيرەنۋ وتە قيىن. اسىرەسە، مىنا شينجياڭداعى بالالاردىڭ تىلدىك دىبىستاۋ ادەتى ۇقسامايتىندىقتان، قايتا - قايتا ۇيرەتكەندە عانا ولاردىڭ دىبىستاۋىن دۇرىس ماقامعا تۇسىرۋگە بولادى. كەي كەزدەرى، ٴبىر شاعىن ٴۇزىندىنى ٴبىر كۇن ۇيرەتۋگە تۋرا كەلەدى، توتەنشە شارشايسىڭ. شىنىمدى ايتسام، مەندە دە بۇرىن باز كەشۋ ويى بولعان“، ـ دەدى حىبەي باڭزى كوركەمونەر ۇجىمىنىڭ جاۋاپتىسى، شينجياڭعا كومەككە كەلگەن وقىتۋشى ۋاڭ جينفىڭ.
ٴبىر كۇنى تۇسكى دەمالىس ارەدىگىندە، ۋاڭ جينفىڭ جاتتىعۋ زالىنا كەلگەندە، جاتتىعۋ زالىنان شىققان اۋىق - اۋىق ٴان ايتۋعا جاتتىققان داۋىستى ەستيدى. ەسىكتى اشىپ قاراسا ٴسۇبارا ەكەن. ٴسۇبارا: ”مۇعالىم، اكەم ماعان جاسانعان بەينەڭ جاقسى، داۋىسىڭ جاعىمدى، سىزگە ىلەسىپ ۇيرەنسەڭ، ٴسوز جوق، ۇيرەنە الاسىڭ دەدى. وتباسىمىزداعىلار مەنىڭ ونەرىمدى كورۋدى كۇتۋدە!“،– دەيدى. بالانىڭ ىنتىزار بولعان جانارىنا قاراپ، ۋاڭ جينفىڭدە لەزدە جالعاستىرا ءتۇسۋ سەنىمى پايدا بولدى.
8 - جىلدىق 2 - كلاستاعى ماربياگۇل ميھمانشا ادەتتە ٴبي بيلەۋدى ۇناتادى، حىبەي باڭزى كوركەمونەر ۇيىرمەسىنە قاتىناسقاننان كەيىن، ونىڭ ٴبي ەرەكشەلىگى ساۋلەلەندىرىلدى. الايدا، قيمىل وقىتۋى بارىسىندا ول جىلانقياق ساۋساقتىڭ جانە جىلانقياق الاقاننىڭ ۇقساماعان ٴمانىن بەينەلەگەندە ۇنەمى يلىگە المايدى. ماربياگۇلدىڭ دۇرىس بەينەنى يگەرۋىنە كومەكتەسۋ ٴۇشىن، ۋاڭ جينفىڭ تالاي رەت بەينەبايلانىس ٴتاسىلى ارقىلى، شىجياجۋاڭ قالالىق 44 - ورتا مەكتەپتىڭ وقىتۋشى - وقۋشىلارىنا ”قاشىقتان“ ساباق وتكىزىپ، ماربياگۇلگە قايتا - قايتا ۇلگى كورسەتتى. قازىر ماربياگۇلدىڭ ورىنداۋى ەرەكشە تاماشا بولدى.
2022 - جىلى 5 - ايدىڭ 23 - كۇنى كورلا قالالىق 23 - ورتا مەكتەپتىڭ حىبەي باڭزى كوركەمونەر ۇجىمى بايىنعولين وبلىسى وقۋ - اعارتۋ جۇيەسىنىڭ ”ۇلتتار ىنتىماعى تاربيەسى يدەيا - ساياسي ساباعىن بىرگە وقيىق“ قيمىلىنا قاتىناسقانداعى ونەر كورسەتۋ ناق مايدانى. سۋرەتتى لي يانبين تۇسىرگەن
تالاپتى ەرگە نۇر جاۋار دەگەن، 2022 - جىلى 5 - ايدىڭ 23 - كۇنى حىبەي باڭزى كوركەمونەر ۇجىمىنداعى بالالار بايىنعولين وبلىسى وقۋ - اعارتۋ جۇيەسىنىڭ ”ۇلتتار ىنتىماعى تاربيەسى يدەيا - ساياسي ساباعىن بىرگە وقيىق“ قيمىلىنىڭ ونەر كورسەتۋ ساحناسىندا ٴساتتى ونەر كورسەتتى. ويىن اياقتاعاننان كەيىن، ٴسۇبارا تەبىرەنە بىلاي دەدى: ”ۇستازدار مەن ساباقتاستارىم، سونداي - اق وتباسىمداعىلار تۇگەل جاسانۋ بەينەمدى، ٴان شىرقاۋىمدى جاقسى بولدى دەپ القادى. مەن حىبەي باڭزىنى ۇزدىكسىز جاقسى ۇيرەنىپ، اناعۇرلىم ۇلكەن ساحناعا شىعۋ ءۇشىن قۇلشىنامىن“.
2022 - جىلى 7 - ايدىڭ 3 - كۇنى بايىنعولين وبلىسىنىڭ ”تۋىسىم ەكەۋىمىزدىڭ ايتاتىن اڭگىمەمىز بار، ٴبىر نيەتپەن جۇڭگو ارمانىن بىرگە جۇزەگە اسىرايىق“ اتتى مالىمەت كونسەرتىندە وسى مەكتەپتىڭ حىبەي باڭزى كوركەمونەر ۇجىمىنىڭ ورەلى ورىنداۋى كورەرمەندەردىڭ تەگىس القاۋىنا يە بولدى. بەينەبايان حىبەي ولكەسىنە جەتكەندە، كوپتەگەن ساقا كوركەمونەرشىلەر توتەنشە اسەرلەندى. ولار تەلەفون شالىپ، حىبەي باڭزىنىڭ شالعايداعى شينجياڭدا گۈل اشقانىنا قۋانعاندارىن ايتىپ، شينجياڭدىق بالالاردىڭ وسىنشاما جاقسى شىرقاعانىن شابىتتاندىردى جانە ماداقتادى.
”بۇدان كەيىن ٴبىز جۇڭحۋا ۇلتىنىڭ ٴداستۇرلى مادەنيەت تاربيەسىن ۇزدىكسىز ويداعىداي ورىستەتىپ، بالالارعا مادەنيەت جاۋھارىنىڭ قۇدىرەتىن سەزىندىرەمىز“. حىبەي ولكەسى حىڭشۇي ورتا مەكتەبىنەن شينجياڭعا كومەككە كەلگەن وقىتۋشى، كورلا قالالىق 23 ـ ورتا مەكتەپتىڭ باستىعى فىڭ يۇڭجۋاڭ بىلاي دەدى: مەكتەبىمىز ”حىبەي جيڭشيڭ ۇزارمالى گۇلى“، ”ساڭجوۋ سايىسكەرلىگى“ سياقتى تاڭداۋلى ٴداستۇرلى مادەنيەت - كوركەمونەر ۇجىمدارىن قۇرۋ جوسپارىن جاساپ بولدى، جاقىن ارادا اتقارامىز.
اۋدارعان: قادىر ماقان
