(جۇڭگو كوممۋنيستىك پارتياسى 20 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە 2023 - جىلى 1 - ايدىڭ 10 - كۇنى ماقۇلداندى)
جۇڭگو كوممۋنيستىك پارتياسى 20 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ءماجىلىسى 2023 - جىلى 1 - ايدىڭ 9 - كۇنىنەن 10 - كۇنىنە دەيىن بەيجيڭدە وتكىزىلدى. بۇل جولعى جالپى ماجىلىسكە ورتالىق ءتارتىپ تەكسەرۋ كوميتەتىنىڭ 127 مۇشەسى قاتىناستى، 207 ادام سىرتتاي قاتىناستى.
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جالپى ماجىلىسكە قاتىناستى ءارى ماڭىزدى ءسوز سويلەدى. لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتارلى پارتيا مەن مەملەكەت باسشىلارى ماجىلىسكە قاتىناستى.
جالپى ءماجىلىستى ورتالىق ءتارتىپ تەكسەرۋ كوميتەتىنىڭ تۇراقتى كوميتەتى باسقاردى. جالپى ءماجىلىس شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، 2023 - جىلعى ءتارتىپ تەكسەرۋ، باقىلاۋ - تەكسەرۋ قىزمەتىن اقىلداسىپ ورنالاستىردى، لي شي جولداستىڭ ورتالىق ءتارتىپ تەكسەرۋ كوميتەتى تۇراقتى كوميتەتى اتىنان جاساعان «پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا جورىقتا پارتيانى جاپپاي قاتاڭ باسقارۋدى بۇلجىتپاي ىلگەرىلەتەيىك» دەگەن قىزمەت بايانداماسىن قاراپ ماقۇلدادى.
جالپى ءماجىلىس باس شۋجي شي جينپيڭنىڭ ماڭىزدى ءسوزىن مۇقيات ۇيرەندى، تەرەڭ ۇعىندى. ءبىر اۋىزدان بىلاي دەپ قارادى: ءسوز جاڭا ءداۋىردىڭ جاڭا جورىعىنداعى پارتيا مەن مەملەكەت ىستەرى دامۋىنىڭ جالپى جاعدايى تۇرعىسىنان، ءىرى پارتياعا عانا ءتان قيىن ماسەلەلەردىڭ قالىپتاسۋ سەبەبىنە، نەگىزگى بەينەسىنە جانە شەشۋ جولدارىنا تەرەڭدەي تالداۋ جاساپ، پارتيانى جاپپاي قاتاڭ باسقارۋ جۇيەسىن اقاۋسىزداندىرۋ نىسانا - مىندەتتەرىن، امالياتتىق تالاپتارىن تەرەڭدەي بايىمدادى، پارتيانى جاپپاي قاتاڭ باسقارۋدى بۇلجىماي ىشكەرىلەي ىلگەرىلەتۋ جونىندە ستراتەگيالىق ورنالاستىرۋ جاسادى. ءسوزدىڭ ويى ورەلى، يدەياسى تەرەڭ، مازمۇنى باي، بايىمداۋى ەگجەي - تەگجەيلى، باس شۋجي شي جينپيڭنىڭ ۇزاق بولاشاقتى كوزدەگەن ستراتەگيالىق كوز اياسىن، قالتقىسىز، وزىمەن ساناسپايتىن اسقاق ورەسىن، توتەنشە شىنايى حالىقتىق سۇيىسپەنشىلىگىن، ماسەلەگە بەتپە - بەت كەلەتىن بورىش ارقالاۋىن تولىق ايگىلەدى، وتە كۇشتى ساياسي سيپاتقا، جەتەكشىلىك سيپاتقا، باعىتتامالىلىق سيپاتقا يە، بۇل جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتۋدىڭ ءتۇبىرلى بويسۇنۋ ولشەمى بولىپ، جاڭا داۋىردەگى جاڭا جورىقتا ءتارتىپ تەكسەرۋ، باقىلاۋ - تەكسەرۋ قىزمەتىن ويداعىداي ىستەۋگە ءتۇبىرلى جەتەكشىلىك ازىرلەدى. باس شۋجي شي جينپيڭ ءتارتىپ تەكسەرۋ، باقىلاۋ - تەكسەرۋ كادرلارى قوسىنىنا شىنايى ءۇمىت ارتىپ، ايقىن تالاپ قويدى. باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن سانالىلىقپەن بىرلىككە كەلتىرىپ، جاڭا داۋىردەگى جاڭا جورىقتا پارتيانى جاپپاي قاتاڭ باسقارۋدى ءبىر ءسات تە توقتاتپاي ىلگەرىلەتىپ، پارتيانىڭ وزىنە - ءوزى ۇلى توڭكەرىس جاساۋىن سوڭىنا دەيىن جۇرگىزۋ كەرەك.
جالپى ءماجىلىس مىنالاردى اتاپ كورسەتتى: ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى پارتيا 20 - قۇرىلتايىنىڭ رۋحىن ۇيرەنۋدى، دايەكتىلەندىرۋدى كەزەكتەگى جانە مۇنان بىلايعى ءبىر مەزگىلدەگى ماڭداي الدى ساياسي مىندەت ەتىپ، ىشكەرىلەي ۇيرەنىپ، ناقتى تەكسەرۋ - زەرتتەۋ جۇرگىزىپ، تياناقتاندىرۋدى يگەرىپ، پارتيا 20 - قۇرىلتايىنىڭ رۋحىن تەرەڭدەي ۇيرەنىپ، جەتە ءتۇسىنىپ، تولىق مەڭگەرىپ، ناقتىلاندىرىپ، تياناقتاندىرىپ، جاڭا داۋىردەگى جاڭا جورىقتا ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن ىشكەرىلەي ىلگەرىلەتۋدىڭ قۋاتتى ەكپىندەي ىلگەرىلەۋ كۇشىنە اينالدىرۋ، بۇلجىماي ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرۋدىڭ ناقتى ارەكەتىنە اينالدىرۋ، پارتيانىڭ العاباسارلىعىن، كىرشىكسىزدىگىن باتىل قورعاپ، پارتيانىڭ تىرشىلىك تىنىسىن، ومىرشەڭ كۇشىن ماڭگى ساقتاۋداعى ءىس جۇزىندىك ناتيجەگە اينالدىرۋ كەرەك. پارتيا 20 - قۇرىلتايىنىڭ پارتيانى جاپپاي قاتاڭ باسقارۋ جونىندەگى ستراتەگيالىق ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، ”ەكىنى تۇراقتاندىرۋدىڭ“ شەشۋشى ءمانىن ىشكەرىلەي ۇعىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋ“ كەلەلى ساياسي جاۋاپكەرشىلىگىن بۇلجىماي ارقالاۋ؛ دۇرىس ساياسي بەتالىسقا باستان - اياق تاباندى بولىپ، بۇلجىماي شي جينپيڭ جاڭا ءداۋىر جۇڭگوشا سوتسياليزم يدەياسىمەن ءتارتىپ تەكسەرۋدىڭ، باقىلاۋ - تەكسەرۋدىڭ بارلىق قىزمەتىنە ءبىر تۇتاس جەتەكشىلىك ەتۋ؛ پارتيا ۋستاۆىن ۇيرەنىپ، پارتيا ۋستاۆىن قاستەرلەپ، پارتيا ۋستاۆى جۇكتەگەن قىزمەت جاۋاپكەرشىلىگىن بۇلجىماي اتقارۋ؛ قاي - قاشان دا ءىرى پارتياعا عانا ءتان قيىن ماسەلەلەردى شەشەتىن سەرگەكتىك پەن باتىلدىقتى ساقتاپ، پارتيانى جاپپاي قاتاڭ باسقارۋ جۇيەسىن اقاۋسىزداندىرۋدى بۇلجىماي ىلگەرىلەتۋ؛ باتىلدىقپەن كۇرەس جۇرگىزىپ، شەبەرلىكپەن كۇرەس جۇرگىزىپ، ستيلدى دۇرىستاۋدىڭ، ءتارتىپتى قاتايتۋدىڭ، شىرىكتەسۋگە قارسى تۇرۋدىڭ ىشكەرىلەي دامۋىن بۇلجىماي ىلگەرىلەتىپ، پارتيا مەن حالىق جۇكتەگەن بورىشتى، جاۋاپكەرشىلىكتى اناعۇرلىم ويداعىداي ارقالاۋ كەرەك.
جالپى ءماجىلىس مىنالاردى باسا دارىپتەدى: 2023 - جىل − پارتيا 20 - قۇرىلتايىنىڭ رۋحىن دايەكتىلەندىرۋدە باستاما اشاتىن جىل، ”14 - بەسجىلدىق“ جوبانى اتقارۋدا، بۇرىنعىعا مۇراگەر، كەيىنگىگە بۇيداگەر بولاتىن شەشۋشى ءبىر جىل، جاپپاي سوتسياليستىك وسىزاماندانعان مەملەكەت قۇرۋعا نەگىز قالايتىن ماڭىزدى ءبىر جىل. ءتارتىپ تەكسەرۋ، باقىلاۋ - تەكسەرۋ قىزمەتىن ويداعىداي ىستەۋدە، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، بۇلجىماي پارتيانى جاپپاي قاتاڭ باسقارۋدىڭ ستراتەگيالىق ورنالاستىرۋلارىن باتىل دايەكتىلەندىرىپ، پارتيانى جاپپاي قاتاڭ باسقارۋ جۇيەسىن اقاۋسىزداندىرۋدىڭ مىندەت - تالاپتارىن مۇقيات تياناقتاندىرىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ورىستەتىپ، جاڭا داۋىردەگى جاڭا جورىقتا ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن ىشكەرىلەي ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋدىڭ باستاماسىن جاقسى اشۋعا، قادامىن جاقسى باسۋعا پارمەندى كەپىلدىك ەتۋ كەرەك.
ءبىرىنشى، پارتيا 20 - قۇرىلتايىنىڭ ستراتەگيالىق ورنالاستىرۋلارىن تياناقتاندىرۋدى ارقاۋ ەتىپ، ساياسي باقىلاۋدى كۇشەيتۋ كەرەك. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن باتىل قورعاپ، ءار دارەجەلى پارتيا ۇيىمدارىنىڭ پارتيانىڭ ساياسي قۇرىلىسىن كۇشەيتۋىن ىلگەرىلەتىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتىپ، بۇكىل پارتيانىڭ ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋىنا شىنايى كەپىلدىك ەتۋ كەرەك. ساياسي ءتارتىپ پەن ساياسي قاعيدانى قاتايتىپ، ”جەتى ءتۇرلى نىساي“ ماسەلەسىن دەر كەزىندە بايقاۋ، كۇش سالا شەشۋ كەرەك. ساياسي باقىلاۋدىڭ ناقتىلانۋىن، دالمە - ءدال بولۋىن، ۇدايىلانۋىن ىلگەرىلەتىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرۋ، جاڭا دامۋ ارناسىن جەدەل قالىپتاستىرۋ، جوعارى ساپالى دامۋدى كۇش سالا ىلگەرىلەتۋ سياقتى كەلەلى ستراتەگيالىق ورنالاستىرۋلاردى ارقاۋ ەتىپ، پارتيا ورتالىق كوميتەتىنىڭ ۋاقىتقا، جاعدايعا قاراي جاساعان شەشىمدەرىن، ورنالاستىرۋلارىن ارقاۋ ەتىپ، باقىلاۋدى، تەكسەرۋدى كۇشەيتىپ، اتقارۋدا باعداردان اۋىتقىماۋعا، ءتۇسىن تۇرلەندىرمەۋگە، فورماسىن وزگەرتپەۋگە شىنايى كەپىلدىك ەتۋ كەرەك.
ەكىنشى، پارتيانىڭ وزىنە - ءوزى توڭكەرىس جاساۋ ءتۇزىمىن ارناعا ءتۇسىرۋ جۇيەسىن كەمەلدەندىرۋدى ىلگەرىلەتۋ كەرەك. پارتيا ىشىندەگى زاڭ ەرەجە، ءتۇزىم جۇيەسىن كەمەلدەندىرۋدى جەبەپ، پارتيانىڭ ءتارتىپ جازاسى ەرەجەسىنە وزگەرىس ەنگىزۋدى اقىلداسىپ، شىرىكتەسۋگە قارسى مەملەكەتتىك زاڭ شىعارۋدى ىلگەرىلەتىپ، ءتارتىپ تەكسەرۋدىڭ، باقىلاۋ - تەكسەرۋدىڭ زاڭ ەرەجە، ءتۇزىم جۇيەسىن ۇزدىكسىز اقاۋسىزداندىرۋ، كەمەلدەندىرۋ كەرەك. پارتيا ءبىر تۇتاس باسشىلىق ەتۋ، جاپپاي قامتۋ، قۇزىرلى دا جوعارى ءونىمدى بولۋ تالابى بويىنشا، ءتارتىپ تەكسەرۋ، باقىلاۋ - تەكسەرۋدىڭ ارناۋلى جاۋاپتى بولىپ باقىلاۋ جۇيەسىنىڭ، پارتيا ىشىندەگى باقىلاۋ جۇيەسىنىڭ، ءتۇرلى باقىلاۋدى ۇلاستىرۋ، سايكەستىرۋ مەحانيزمى مەن نەگىزگى ساتى باقىلاۋ جۇيەسىنىڭ كەمەلدەنۋىن ىلگەرىلەتىپ، باقىلاۋدىڭ بىرىككەن كۇشىن قالىپتاستىرۋ كەرەك. كۇندەلىكتى باقىلاۋدى ەگجەي - تەگجەيلىلەندىرىپ، ناقتىلاپ، باقىلاۋدىڭ ۇنەمىلىگىن ساقتاۋ، ۇدايىلىق قالىپتاستىرۋ كەرەك. ”ءبىرىنشى باسشى“ مەن باسشىلىق القاسىن باقىلاۋدى كۇشەيتىپ، ءوزىن قاتاڭ تارتىپكە سالۋعا، ءوز جاۋاپكەرشىلىگىن قاتاڭ ارقالاۋعا، ءوز قاراستىلىعىنداعىلاردى قاتاڭ باسقارۋعا قۋزاۋ كەرەك. قازىنالىق باقىلاۋ ورگاندارىمەن سايكەسۋدى، سەلبەسۋدى كۇشەيتىپ، قازىنالىق باقىلاۋ جەتىستىكتەرىنەن ويداعىداي پايدالانۋ كەرەك. پارتيانى جاپپاي قاتاڭ باسقارۋ ساياسي جاۋاپكەرشىلىگىن قاتايتۋ، جاۋاپقا تارتۋ وتكىر قارۋىنان ويداعىداي پايدالانۋ ءارى جاۋاپقا تارتۋدىڭ دارمەنسىز بولۋىنان ساقتانۋ، ءارى جاۋاپقا تارتۋدىڭ كەڭەيىپ كەتۋىنەن ساقتانۋ كەرەك.
ءۇشىنشى، ساياسي شارلاۋدىڭ وتكىر سەمسەرلىك رولىن پارمەندى ساۋلەلەندىرۋ كەرەك. ساياسي شارلاۋدىڭ ورنىن كورنەكتىلەندىرىپ، ورتالىقتىڭ شارلاۋ قىزمەتى باعىتىن جاپپاي دايەكتىلەندىرىپ، ”ەكىنى قورعاۋدى“ ءتۇبىرلى مىندەت ەتىپ، قاتاڭ بولۋ تالابىن شارلاۋدىڭ جالپى بارىسىندا، ءارقايسى بۋىندارىندا دايەكتىلەندىرۋ كەرەك. شارلاۋ قىزمەتى ەرەجەسىنە وزگەرىس ەنگىزىپ، ورتالىقتىڭ شارلاۋ قىزمەتىنىڭ 5 جىلدىق جوباسىن جاساۋ كەرەك. داعدىلى شارلاۋدى، ارناۋلى شارلاۋدى، جىلجىمالى شارلاۋدى جانە شارلاۋ بويىنشا ”قايتا قاداعالاۋدى“ ءبىر تۇتاس جوسپارلاپ ورنالاستىرىپ، ورتالىقتىڭ شارلاۋىن ءتارتىپتى ىلگەرىلەتىپ، 20 - كەزەكتى ورتالىق كوميتەتتىڭ 1 - رەتكى، 2 - رەتكى شارلاۋىن تىڭعىلىقتى تۇردە ويداعىداي ىستەۋ كەرەك. شارلاۋ بويىنشا رەتتەۋ - تۇزەتۋدى جانە ونىڭ جەتىستىكتەرىنەن پايدالانۋدى كۇشەيتىپ، شارلاۋدا، ارالاپ تەكسەرۋدە جوعارى مەن تومەننىڭ بىرلەسىپ ارەكەتتەنۋ قىزمەت ارناسىن كەمەلدەندىرۋ كەرەك.
ءتورتىنشى، ورتالىقتىڭ 8 ءتۇرلى بەلگىلەمەسىنىڭ رۋحىن تياناقتاندىرۋدى، ”ءتورت ءتۇرلى بۇرىس ستيلدى“ تۇزەتۋدى ۇزدىكسىز تەرەڭدەتۋ كەرەك. پارتيانىڭ وبرازىنا اقاۋ تۇسىرەتىن، بۇقارانىڭ اڭىسى كۇشتى بولعان راقاتقۇمارلىقتى، استا - توك ىسىراپشىلدىقتى قاتاڭ وڭاپ، قاسارىسا تارتىپكە قايشىلىق جاساۋ ارەكەتى بايقالعان زامان سوققى بەرىپ، قاتاڭ تەكسەرىپ، ءبىر جايلى ەتۋ، قايتا بەلەڭ بەرۋدەن، قايتا ورشۋدەن باتىل ساقتانۋ، جاسىرىن وزگەرۋدەن ساقتانۋ، قالجىراپ، شايقاستان جالىعۋدان ساقتانۋ كەرەك. قايتالامالى، قاسارىسپالى، ءتۇر - ءتۇسى وزگەرگەن، جاسىرىن، كومەسكى ماسەلەلەردى ءجىتى قاداعالاپ، تەكسەرىپ ءبىر جايلى ەتۋ، جاۋاپقا تارتۋ سەرپىنىن ارتتىرىپ، ەرەكشە ۇقىق يدەياسى مەن ەرەكشە ۇقىق ارەكەتىن باتىلدىقپەن جويۋ كەرەك. فورماشىلدىقتى، تورەشىلدىكتى ءتۇيىندى تۇردە تۇزەتىپ، پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن دايەكتىلەندىرۋدە جاۋاپكەرشىلىك ارقالاماۋدى، كۇش سالماۋدى ءجىتى قاداعالاپ، ساياسات - شارالار مەن قىزمەت ورنالاستىرۋلارىن ءبىر جاقتى ءتۇسىنۋ، مەحانيكالى اتقارۋ، دورەكىلىكپەن ىستەۋ، قىزمەتكە سەلقوستىق ىستەپ، ىسكەرلىك كورسەتپەۋ، ۇقىقتان جۇگەنسىزدىكپەن پايدالانىپ، بەتالدى ىستەۋ، ۇقىق كوزقاراسى وزگەشەلەنۋ، ناتيجە كوزقاراسى بۇرمالانۋ، ءىس كوزقاراسى اۋىتقۋ سياقتى ماسەلەلەردىڭ ءتۇپ تامىرىن تەرەڭ اشىپ، تۇيىنشەگىن ءدال تاۋىپ، دالمە - ءدال تۇزەتىپ، ناقتى ونىمدىلىكتى ارتتىرۋ كەرەك. ”ءتورت ءتۇرلى بۇرىس ستيلدى“ تۇزەتۋ مەن جاڭا سالت ورناتۋدى قاتار اتقارۋعا تاباندى بولىپ، پارتيا مۇشەلەرى مەن كادرلاردى ”ءۇش ءسوز جوقتى“ ەستە بەرىك ساقتاۋعا تاربيەلەپ، باستاپ، ستيل قۇرىلىسىنىڭ ۇدايىلانۋىن، ۇزاق ونىمدىلىككە يە بولۋىن ىلگەرىلەتۋ كەرەك.
بەسىنشى، پارتيانىڭ ءتارتىپ قۇرىلىسىن جاپپاي كۇشەيتۋ كەرەك. ۇنەمىلىك ءتارتىپ تاربيەسىن كۇشەيتىپ، كۇندەلىكتى باسقارۋمەن، باقىلاۋمەن توعىستىرىپ، پارتيا مۇشەلەرى مەن كادرلاردىڭ ءتارتىپ تانىمىن كۇشەيتۋىن جەبەپ، پارتيانىڭ ءتارتىبىن، قاعيداسىن جۇرەككە ۇيالاتۋ كەرەك. جاس باسشى كادرلاردىڭ ءتارتىپ تاربيەسىنە بارىنشا ءمان بەرۋ كەرەك. ەلەۋلى تارتىپكە قايشىلىق جاساۋ، زاڭعا قايشىلىق جاساۋ دەلوسى تۋىلعان قاتىستى مەكەمە - ورىنداردىڭ پارتكومدارىن (پارتيا باسشىلىق گرۋپپالارىن) ارناۋلى تاقىرىپتاعى دەموكراتيالىق تۇرمىس جيىنىن اشۋعا قۋزاپ، جەتەكشىلىك ەتىپ، بىرەۋى ارقىلى وزگەسىن تۇسپالداپ، دەلو ارقىلى ءتارتىپتى ايقىنداۋ كەرەك. پارتيانىڭ ءتارتىپ بەلگىلەمەلەرى مەن ەرەجە - تۇزىمدەرىن قاتاڭ اتقارىپ، پارتيا تارتىبىنە قايشىلىق جاساۋ ماسەلەلەرىن بايقالعان زامان باتىل تەكسەرىپ ءبىر جايلى ەتۋ كەرەك. ”ءتورت ءتۇرلى فورماتسيانى“ ءدال قولدانىپ، ”ءۇشتى ايىرا ءبىلۋدى“ تياناقتاندىرىپ، كادرلاردى باتىلدىقپەن جاۋاپكەرشىلىك ارقالاۋعا، بەلسەنە ىسكەرلىك كورسەتۋگە ىنتالاندىرىپ، ساياسي ونىمدىلىكتىڭ، ءتارتىپ - زاڭ ونىمدىلىگىنىڭ، قوعامدىق ونىمدىلىكتىڭ ورگانيكالى بىرلىگىن جۇزەگە اسىرۋ كەرەك.
التىنشى، شىرىكتەسۋگە قارسى تۇرۋ كۇرەسىنىڭ قامال الۋ شايقاسىنىڭ، ۇزاققا سوزىلاتىن شايقاسىنىڭ جەڭىسىنە باتىل قول جەتكىزۋ كەرەك. شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعادا ىلگەرىلەتۋگە تاباندى بولىپ، مولشەرىنىڭ ارتۋىن اناعۇرلىم پارمەندى شاۋجايلاۋ، قالدىقتارىن اناعۇرلىم ءونىمدى الاستاۋ كەرەك. ءتۇيىندى ماسەلەلەردى قاتاڭ تەكسەرىپ، ساياسي ماسەلە مەن ەكونوميكالىق ماسەلە قاباتتاسقان شىرىكتەسۋدى باتىل تەكسەرىپ ءبىر جايلى ەتىپ، باسشى كادرلاردىڭ مۇددە توپتارى مەن ۇقىق ۇجىمدارىنىڭ جارشىسى، ۋاكىلى بولۋىنان باتىل ساقتانۋ، ۇكىمەت پەن ساۋداگەرلەردىڭ استاسۋى، كاپيتالدىڭ ساياسي سالاعا كەۋلەپ كىرۋى سياقتىلاردىڭ ساياسي ەكولوگيا مەن ەكونوميكالىق دامۋ ورتاسىن بۇلدىرۋىنەن باتىل ساقتانۋ؛ ءتۇيىندى سالالاردى كورنەكتىلەندىرىپ، فينانس، مەملەكەت مەنشىگىندەگى كاسىپورىندار، ساياسي - زاڭ، استىق ساتىپ الۋ - ساتىپ بەرۋ سياقتى ۇقىق، قارجى، بايلىق شوعىرلانعان سالالارداعى شىرىكتەسۋدى رەتتەۋ - وڭاۋدى تەرەڭدەتۋ؛ ءتۇيىندى وبيەكتىلەردى ءجىتى قاداعالاپ، پارتيا 18 - قۇرىلتايىنان كەيىن دە ايىلىن جيماعانداردى، قولىن تارتپاعانداردى، ويىنا كەلگەنىن ىستەگەندەردى باستى ءتۇيىن ەتىپ، باسشى كادرلاردىڭ جۇبايى، پەرزەنتتەرى جانە ولاردىڭ جۇبايى سياقتى تۋىس - تۋعاندارىنىڭ جانە توڭىرەگىندەگى قىزمەتكەرلەردىڭ ىقپال كۇشىنەن پايدالانىپ، جەكە مۇددەسىن كوزدەۋ، قياناتشىلدىق ىستەۋ، شىرىكتەسۋ ماسەلەلەرىن قاتاڭ تەكسەرىپ، ءبىر جايلى ەتۋ كەرەك. بۇقارانىڭ مۇددەسىن زياندايتىن شىرىكتەسۋ ماسەلەلەرىن باتىل رەتتەپ - وڭاۋ كەرەك. جاڭاشا شىرىكتەسۋ مەن كومەسكى شىرىكتەسۋدى باتىل تەكسەرىپ، ءبىر جايلى ەتۋ كەرەك. پارا الۋ مەن پارا بەرۋدى بىرگە تەكسەرۋگە تاباندى بولىپ، پارا الۋ ارەكەتىن جازالاۋ سەرپىنىن ارتتىرىپ، كىرشىكسىزدىكتى قادىرلەيتىن، شىرىكتەسۋگە قارسى تۇراتىن تاماشا سالت قالىپتاستىرۋ جانە ونى اسقاقتاتۋ كەرەك. شىرىكتەسۋگە قارسى حالىقارالىق سەلبەستىكتى تەرەڭدەتىپ، ”اسپان تورى ارەكەتىن“ ۇزدىكسىز ورىستەتىپ، قاشقىنداردى قۋدالاۋ، قاشىپ كەتۋدەن ساقتانۋ، قيانات اقشانى قايتارىپ الۋ مەحانيزمىن ءبىر تۇلعالاندىرا ورناتۋ كەرەك.
جەتىنشى، ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىن ىشكەرىلەي ىلگەرىلەتۋ كەرەك. رەفورما جەتىستىكتەرىن بەكەمدەپ، كەڭەيتىپ، پارتيانىڭ ءتارتىپ تەكسەرۋ ءتۇزىلىسى رەفورماسىن، مەملەكەتتىڭ باقىلاۋ - تەكسەرۋ ءتۇزىلىسى رەفورماسىن، ءتارتىپ تەكسەرۋ، باقىلاۋ - تەكسەرۋ قۇرىلىمدارى رەفورماسىن ءبىر تۇلعالى تەرەڭدەتىپ، ىلگەرىلەتىپ، ”ءۇش ءتۇرلى رەفورمانى“ ءبىر تۇتاس جوسپارلاپ ىلگەرىلەتۋدىڭ باسشىلىق ءتۇزىلىسى مەن قىزمەت مەحانيزمىن اقاۋسىزداندىرۋ كەرەك. وكىلەتتىك باقىلاۋ جۇيەسى مەحانيزمىن كەمەلدەندىرىپ، وكىلەتتى قۇرىلىمداردىڭ، وكىلەتتىككە جىبەرگەن قۇرىلىمداردىڭ باقىلاۋ - تەكسەرۋ ۇقىعىن جاپپاي قولدانۋىن ىلگەرىلەتۋ كەرەك. رەفورما ارقىلى كۇش پەن بايلىقتى بىرىكتىرۋدى ىلگەرىلەتىپ، ينفورماتسيالاردى بايلانىستىرۋ، دەرەكتەردى وتكىزىپ بەرۋ، شارالاردى سايكەستىرۋ، جەتىستىكتەردەن بىرگە يگىلىكتەنۋ قىزمەت مەحانيزمىنىڭ كەمەلدەنۋىن ىلگەرىلەتۋ كەرەك. پارتيا ءتارتىبى مەن مەملەكەت زاڭىن ءوزارا ۇشتاستىرۋ، بەدەلدى، جوعارى ءونىمدى اتقارۋ مەحانيزمىن اقاۋسىزداندىرۋ كەرەك.
سەگىزىنشى، جاڭا داۋىردەگى جاڭا جورىقتا اۋىر مىندەتتەردى ارقالاي الاتىن جوعارى ساپالى ءتارتىپ تەكسەرۋ، باقىلاۋ - تەكسەرۋ كادرلارى قوسىنىن شىڭداۋ كەرەك. ساياسي قۇرىلىستى كۇشەيتىپ، ورتالىق ءتارتىپ تەكسەرۋ كوميتەتى تۇراقتى كوميتەتىنىڭ ونەگەلىك رولىن ساۋلەلەندىرىپ، بۇكىل جۇيەنى بەلگىلەمەگە، تارتىپكە بويسۇنۋدىڭ ۇلگىسى بولۋعا جەتەكتەپ، پارتياعا شارتسىز ادال بولاتىن ءتارتىپ تەكسەرۋ، باقىلاۋ - تەكسەرۋ قۇرىش قوسىنىن تۇلعالاۋ كەرەك. قابىلەت قۇرىلىسىن كۇشەيتىپ، كۇرەس رۋحىن اسقاقتاتىپ، كۇرەس جىگەرىن بەكەمدەپ، كۇرەس قابىلەتىن كۇشەيتىپ، ىشكەرىلەي ۇيرەنەتىن، ناقتى تەكسەرۋ - زەرتتەۋ جۇرگىزەتىن، تياناقتاندىرۋدى يگەرەتىن قىزمەت ادىسىنەن ويداعىداي پايدالانىپ، كۇرەس جۇرگىزۋگە باتىل، شەبەر ءتارتىپ تەكسەرۋ، باقىلاۋ - تەكسەرۋ قۇرىش قوسىنىن تۇلعالاۋ كەرەك. پاكتىك قۇرىلىسىن كۇشەيتىپ، ”شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى“ ءبىر تۇلعالى ىلگەرىلەتۋ ۇستانىمىن وزىندىك قۇرىلىسقا ءسىڭىرىپ، ءتارتىپ اتقارۋدا تارتىپكە قايشىلىق جاساۋ، زاڭ اتقارۋدا زاڭعا قايشىلىق جاساۋ جايتتەرىنە استە راقىم ەتپەي، شىرىق بۇزۋشىلاردى باتىل الاستاپ، ”شامنىڭ ءتۇبى قاراڭعى“ بولۋدان باتىل ساقتانىپ جانە ونى جونگە سالىپ، ءوزى ءتۇزۋ، ءوزى شىڭدالعان ءتارتىپ تەكسەرۋ، باقىلاۋ - تەكسەرۋ قۇرىش قوسىنىن تۇلعالاۋ كەرەك.
جالپى ءماجىلىس مىناعان ۇندەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، پارتيانىڭ 20 - قۇرىلتايى نۇسقاعان بەتالىسپەن، پارتيا قۇرۋ ۇلى رۋحىن اسقاقتاتىپ، وزىمىزگە سەنىپ، ءوزىمىزدى الۋەتتەندىرىپ، تۋراشىلدىقتان اينىماي، جاڭالىق اشىپ، اسقاق جىگەرمەن قايراتتانا ۇمتىلىپ، ەرلىكپەن العا باسىپ، العان بەتىنەن قايتپاي كۇرەس جۇرگىزەتىن بەينەمەن، ماڭگى بوساڭسىمايتىن رۋحاني كۇيمەن مىندەتتى اتقارىپ، جاۋاپكەرشىلىكتى ادا ەتىپ، پارتيانى جاپپاي قاتاڭ باسقارۋدىڭ، پارتيا ستيلى، پاكتىك قۇرىلىسىنىڭ جانە شىرىكتەسۋگە قارسى تۇرۋ كۇرەسىنىڭ جاڭا ناتيجەلەرىنە ۇزدىكسىز قول جەتكىزىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ءۇشىن ىنتىماقتاسا كۇرەس جۇرگىزەيىك!
(شينحۋا اگەنتتىگىنىڭ 1 - ايدىڭ 10 - كۇنى بەيجيڭنەن بەرگەن حابارى)
