تيانشان تورى - شينجياڭ گازەتىنىڭ حابارى (ءتىلشى سو رۇڭجى حابارلايدى). كوكتەم مەرەكەسى تاسىمالى كەزىندە، ءۇرىمجى قالالىق قاتىناس - تاسىمال مەكەمەسى كۇنىنە 20 كىرە كولىك كاسپورىنىنان 5000نان استام تاكسي ورنالاستىرىپ، قامتاماسىزداندىرۋ مىندەتىن اتقارىپ، ءۇرىمجى ۆوگزالى مەن ءۇرىمجى ديوپۋ حالىقارالىق اۋەجايى سىندى ەكى ءىرى كەشەندى تورابىنداعى جولاۋشىلاردىڭ قاتىناۋ ماسەلەسىن كۇش سالا شەشەدى.
1 ـ ايدىڭ 10 ـ كۇنى ءتىلشىنىڭ ءۇرىمجى قالالىق قاتىناس ـ تاسىمال مەكەمەسىنەن ۇعىسۋىنشا، ءۇرىمجى قالالىق قاتىناس ـ تاسىمال مەكەمەسى كەزەكشى ۇشاقتىڭ كەلۋ ۋاقىتى مەن پويەزدىڭ بەكەتتەن شىعۋ ۋاقىت كەستەسىمەن ۇشتاستىرىپ، ءار كۇنگى ءتۇيىندى كەزەڭدەگى تاسىمال قۋاتىن ورنالاستىرۋ ءتىزىمى مەن كىرە كولىك كاسىپورىندارىنىڭ تاسىمال قۋاتى كەزەكشىلىك كەستەسىن جاساپ، ءارقايسى كاسىپورىنداردىڭ تاسىمال قۋاتىن ورنالاستىرۋ ءتىزىمى مەن كەزەكشىلىك كەستەسىنە نەگىزدەلىپ، بەلگىلەنگەن سانداعى تاكسيدى ءۇرىمجى ۆوگزالى مەن ءۇرىمجى ديوپۋ حالىقارالىق اۋەجايىنا جولاۋشى تاسىمالداۋعا ورنالاستىرىپ، جولاۋشىلاردىڭ قاتىناۋ قاجەتىن قاناعاتتاندىرىپ، تاسىمال كۇشىمەن تولىق قامداۋعا شىنايى كەپىلدىك ەتىپ، جولاۋشىلاردىڭ اۆتوكولىك كۇتۋ ۋاقىتىن قىسقارتادى ەكەن.
كىرە كولىك كاسىپورىندارىنان ەكى ۇلكەن كەشەندى تورابىنىڭ تاسىمال قۋاتىن قامتاماسىز ەتۋ تالاپ ەتىلدى، سونىمەن قاتار ءۇرىمجى قالالىق الەۋمەتتىك قاتىناس كاسىپورىندارى دا ءۇرىمجى جوعارى قارقىندى تەمىر جول حالىقارالىق اۆتوكولىك جولاۋشى تاسىمال بەكەتىن، ءۇرىمجى ديوپۋ حالىقارالىق اۋەجايىن، ءۇرىمجى ۆوگزالىن باسىپ وتەتىن الەۋمەتتىك اۆتوبۋس جەلىسىندەگى 18 لەنيانىڭ تيجارات ۋاقىتىن بەلسەنە رەتتەدى ءارى 260تان استام الەۋمەتتىك اۆتوبۋستىڭ جولاۋشىلار مولشەرىنە قاراي قاتىناۋ كەزەگىن دەر كەزىندە مولايتىپ، تيجارات ۋاقىتىن ۇيلەسىمدى ۇزارتتى.
ءتىلشى وسى ءۇش ءىرى كەشەندى تورابىنىڭ الەۋمەتتىك اۆتوبۋس جەلىسىن رەتتەپ شىقتى، مۇنىڭ ىشىندە ءۇرىمجى ديوپۋ حالىقارالىق اۋەجايىندا اۋەجايدىڭ تەز قارقىندى لەنياسىنىڭ 1 ـ جەلىسى مەن 2 ـ جەلىسى، رەليستى قاتىناس 1 ـ جەلىسى، سونداي ـ اق 27 - جول، 51 - جول الەۋمەتتىك اۆتوبۋس جەلىسى بار؛ ءۇرىمجى ۆوگزالىنىڭ سولتۇستىك الاڭىندا 29 - جول، 54 - جول، 909 - جول، 5035 - جول، 6502 - جول، BRT5، D008، D011، D014، K2، K3 سياقتى جيىنى 11 الەۋمەتتىك قاتىناس جەلىسى بار؛ ءۇرىمجى ۆوگزالىنىڭ وڭتۇستىك الاڭىندا 301 - جول، 59 - جول، 5004 - جول، 2004 - جول، 23 - جول، 6501 - جول، 5007 - جول، D011 - جولى سياقتى 8 الەۋمەتتىك اۆتوبۋس جەلىسى بار.
جولاۋشىلار الەۋمەتتىك قاتىناس قۇرالدارىن پايدالانۋ ارقىلى قاتىناس بەكەتى، تەمىرجول ۆوگزالى جانە اۋەجايلاردىڭ ءونىمدى سايكەسىمدىلىگىنەن يگىلىكتەنىپ، ىركىلسسىز ۇشتاسۋ، ىڭعايلى اۋىسىپ وتىرۋعا قىزمەت كورسەتۋ كەپىلدىگىن شىنايى سەزىنەتىن بولادى.
