تيانشان تورى - شينجياڭ گازەتىنىڭ ءتىلشىسى جاڭ رۇيلين
1 -ايدىڭ 9 - كۇنى ”2023 - جىلعى شينجياڭ ءوندىرىس رايونى ءجۇزىم شارابىن حاڭجوۋدا ارالامالى كورمەلەۋ - تانىستىرۋ جينالىسى“ حاڭجوۋ قالاسى گۇڭشۋ رايونىنداعى شينجياڭ ءجۇزىم شارابى مادەنيەتىن سەزىنۋ ورتالىعىندا (تۇرپان ءجۇزىم شارابى سارايى) شىمىلدىعىن اشتى، سول كۇنى اتالعان سەزىنۋ ورتالىعى رەسمي تيجارات باستادى.
1 - ايدىڭ 9 - كۇنى ”2023 - جىلعى شينجياڭ ءوندىرىس رايونى ءجۇزىم شارابىن حاڭجوۋدا ارالامالى كورمەلەۋ - تانىستىرۋ جينالىسىنىڭ“ اشىلۋ سالتىندا، كورەرمەندەر شينجياڭ ءجۇزىم شارابى مادەنيەتىن سەزىنۋ ورتالىعىن (تۇرپان ءجۇزىم شارابى سارايى) ەكسكۋرسيالادى. سۋرەتتى شينجياڭ ءجۇزىم شارابى مادەنيەتىن سەزىنۋ ورتالىعى (تۇرپان ءجۇزىم شارابى سارايى) بەرگەن
وسى رەتكى تانىستىرۋ جينالىسى 3 كۇنگە ۇلاسادى، اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى، ساۋدا ىستەرى مەڭگەرمەسى، مادەنيەت جانە ساياحات مەڭگەرمەسى، اۋىل شارۋاشىلىعى، اۋىل - قىستاق مەڭگەرمەسى، تۇرپان قالالىق حالىق ۇكىمەتى مىندەتىنە الىپ وتكىزدى، قيمىل كەزىندە شينجياڭ ءجۇزىم شارابى ءوندىرىس رايونىنىڭ تانىستىرۋ جينالىسى، شينجياڭنىڭ ايگىلى ءجۇزىم شارابىن الي باسەكەلەستىرە ساتۋ، شينجياڭ اس - سۋ قاقتاما تاعامدار جارىسى قاتارلى جەلىلەس قيمىلدار وتكىزىلەدى. شينجياڭ مەن جىجياڭ ەكى جەردەن كەلگەن 300دەن استام ادام اشىلۋ سالتىنا قاتىناستى، قيمىل ينتەرنەت جەلىسىندە، جەلىدەن تىس قاتار تىكە تاراتۋ ۇلگىسىندە وتكىزىلەدى.
اشىلۋ سالتى كۇنگى قارجى قوسىپ سەلبەستىك جاساۋ نىسانىنا قول قويۋ سالتىندا، ءجۇزىم شارابىن ساتۋ - ساتىپ الۋ توقتامىنان جيىنى 19ىنا قول قويىلىپ، قول قويىلعان جالپى سوما 654 ميلليون يۋانعا جەتتى. ساتىپ الۋشى ساۋداگەرلەر جەكە - جەكە جىجياڭ، حۋنان، سىچۋان، فۋجيان، گۋاڭدۇڭ قاتارلى جەرلەردەن كەلدى.
”بۇل رەتكى قيمىل شينجياڭ ءجۇزىم شارابىنىڭ ’بوساعادان‘ اتتاپ، بۇكىل ەلگە ءتىپتى دۇنيە جۇزىنە بەت الۋىنا وراي جاراتۋمەن قاتار، چاڭجياڭ اتىراۋى سياقتى ەل ىشىندەگى باسقا دا ولكە، قالالاردىڭ شينجياڭدى اناعۇرلىم ءتۇسىنىپ، قولداپ، قىزۋ سۇيۋىنە جەبەۋ بولدى“،- دەدى تۇرپان قالاسىنىڭ ورىنباسار باستىعى چىن گۋاڭياۋ. ارالاپ ءجۇرىپ كورمە وتكىزۋ كەزىندە تاعى اۋىل شارۋاشىلىق ونىمدەرىن، ءجۇزىم شارابىن جەلىدە ساتۋدى جەبەۋ سياقتى قيمىلدار وتكىزىلدى. اناعۇرلىم كوپ جىجياڭدىق تۇتىنۋشىلاردىڭ شينجياڭنان كەلگەن ٴتۇرلى ەرەكشە اۋىل شارۋاشىلىق قوسىمشا ونىمدەرىنەن يگىلىكتەنۋىنە مۇمكىندىك جاسادى.
