اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 37 - رەتكى ءماجىلىسى
اۆتونوميالى رايوندىق 14 - كەزەكتى حالىق قۇرىلتايىنىڭ 1 - ءماجىلىسىن 1 - ايدىڭ 14 - كۇنى اشۋدى ۇيعاردى
انار بۇلت \ شينجياڭ گازەتىنىڭ ءتىلشىسى ۋاڭ نا 1 - ايدىڭ 11 - كۇنى ۇرىمجىدەن حابارلايدى. اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 37 - رەتكى ءماجىلىسى 1 - ايدىڭ 11 - كۇنى وتكىزىلدى، ءماجىلىس اۆتونوميالى رايوندىق حالىق قۇرىلتايى تۇراقتى كوميتەتىنىڭ اۆتونوميالى رايوندىق 14 - كەزەكتى حالىق قۇرىلتايىنىڭ 1 - ءماجىلىسىن اشۋ ۋاقىتى جونىندەگى قاۋلىسىن داۋىسقا سالىپ ماقۇلداپ، اۆتونوميالى رايوندىق 14 - كەزەكتى حالىق قۇرىلتايىنىڭ 1 - ءماجىلىسىن 1 - ايدىڭ 14 - كۇنى ۇرىمجىدە اشۋدى ۇيعاردى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءماجىلىستى باسقاردى.
تۇراقتى كوميتەت قۇرامىنداعىلاردان 48 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
ءماجىلىس تاعى اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسىنىڭ كەڭەستىك ءتارتىبىن (جوبا) داۋىسقا سالىپ ماقۇلداپ، اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسىنىڭ دايىندىق جيىنىنىڭ قاراۋىنا ۇسىنۋدى ۇيعاردى؛ اۆتونوميالى رايوندىق 14 - كەزەكتى حالىق قۇرىلتايىنىڭ 1 - ءماجىلىسى ءتوراعالار القاسىنداعىلاردىڭ جانە باس حاتشىسىنىڭ ەسىمدىگىن (جوبا) داۋىسقا سالىپ ماقۇلداپ، اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسى دايىندىق جيىنىنىڭ سايلاۋىنا ۇسىنۋدى ۇيعاردى؛ اۆتونوميالى رايوندىق 14 - كەزەكتى حالىق قۇرىلتايىنىڭ 1 - ماجىلىسىنە سىرتتاي قاتىناساتىنداردىڭ ەسىمدىگىن، اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەت بايانداماسىنىڭ نۇسقاسىن، اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميتەتىنىڭ ءىشىنارا ۋاكىلدەردىڭ ۋاكىلدىك تولىمدىلىعى جونىندەگى بايانداماسىن، اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميتەتىنىڭ اۆتونوميالى رايوندىق 14 - كەزەكتى حالىق قۇرىلتايى ۋاكىلدەرىنىڭ ۋاكىلدىك تولىمدىلىعىن تەكسەرۋ جونىندەگى بايانداماسىن، سونداي - اق كادرلاردى مىندەتكە تاعايىنداۋ، مىندەتىنەن قالدىرۋ ىستەرىن داۋىسقا سالىپ ماقۇلدادى.
ماجىلىستە، اۆتونوميالى رايوننىڭ جاڭادان تاعايىندالعان مەملەكەت قىزمەتكەرلەرىنە مىندەتكە تاعايىنداۋ كۋالىگى تاراتىلدى ءارى نەگىزگى زاڭ الدىندا سەرت بەرۋ سالتى وتكىزىلدى.
ءماجىلىس مىنالاردى اتاپ كورسەتتى: پارتيانىڭ 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ايبىندى جوباسىن كەسكىندەپ، جاڭا جورىقتا ەكپىندەي ىلگەرىلەۋدىڭ ءداۋىر دابىلىن قاقتى. كوپشىلىكتىڭ باستان - اياق ۇلى نىسانانى كوكەيدە ساقتاپ، جىگەرلەنە العا باسىپ، تاباندىلىقپەن العا ۇمتىلىپ، جۇڭگو ۇلگىسىندەگى وسىزامانداندىرۋدى جۇزەگە اسىراتىن شينجياڭعا اناعۇرلىم زور ۇلەس قوسۋىن ءۇمىت ەتەمىز.
تۇستەن بۇرىن، اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 187 - رەتكى مەڭگەرۋشىلەر ءماجىلىسى تۇراقتى كوميتەت ءماجىلىسىنىڭ ءتۇرلى كەڭەستىك تاقىرىپتارىن قاراۋ جاعدايى جونىندەگى مالىمەتتى تىڭداپ، تۇراقتى كوميتەتتىڭ جالپى ماجىلىسىندە داۋىسقا سالۋعا تاپسىرىلاتىن كەڭەستىك جوبالاردى ۇيعاردى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى دۇڭ شينگۋاڭ، جاۋ چيڭ، قادىلبەك قامزا، سو يۋە، لي نيڭپيڭ، توحتى ياقۇپ، مۇقيات جارمۇقامەت، باس حاتشى ءمۇتالىپ روزى ماجىلىسكە قاتىناستى.
اۆتونوميالى رايوننىڭ ورىنباسار ءتوراعاسى سۇن حۇڭمەي، اۆتونوميالى رايوندىق باقىلاۋ - تەكسەرۋ كوميتەتىنىڭ قاتىستى جاۋاپتىسى، اۆتونوميالى رايوندىق جوعارى حالىق سوتى مەكەمەسىنىڭ باستىعى باھارگۇل سامەت، اۆتونوميالى رايوندىق حالىق پروكۋراتۋراسىنىڭ قاتىستى جاۋاپتىسى، اۆتونوميالى رايوندىق حالىق قۇرىلتايى زاڭ - ءتۇزىم كوميتەتىنىڭ، قازىنا - ەكونوميكا كوميتەتىنىڭ مۇشەلەرى جانە اۆتونوميالى رايوندىق حالىق قۇرىلتايىنىڭ ءىشىنارا ۋاكىلدەرى، تۇراقتى كوميتەتتىڭ ورىنباسار باس حاتشىلارى، قىزمەت تاراۋلارىنداعى، سونداي - اق اۆتونوميالى رايوندىق حالىق ۇكىمەتىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.
