− باس شۋجي شي جينپيڭنىڭ 20 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
پارتيامىز دۇنيە ءجۇزى بويىنشا ەڭ ۇلكەن ماركسيزمدىك بيلىك باسىنداعى پارتيا، ۇلكەننىڭ ۇلكەنگە ءتان بەينەسى بولۋ كەرەك، ۇلكەننىڭ ۇلكەنگە ءتان قيىنشىلىعى دا بولادى. 20 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە باس شۋجي شي جينپيڭ پارتيا مەن مەملەكەت ىستەرى دامۋىنىڭ جالپى جاعدايى بيىگىندە تۇرىپ، ءىرى پارتياعا عانا ءتان قيىن ماسەلەلەردىڭ قالىپتاسۋ سەبەبىنە، نەگىزگى بەينەسىنە جانە ونى شەشۋ جولدارىنا تەرەڭدەي تالداۋ جاساپ، پارتيانى جاپپاي قاتاڭ باسقارۋ جۇيەسىن اقاۋسىزداندىرۋدىڭ نىسانا - مىندەتتەرىن، امالياتتىق تالاپتارىن تەرەڭدەي بايىمدادى، پارتيانى جاپپاي قاتاڭ باسقارۋدى بۇلجىتپاي ىشكەرىلەي ىلگەرىلەتۋ جونىندە ستراتەگيالىق ورنالاستىرۋ جاسادى. باس شۋجي شي جينپيڭنىڭ ماڭىزدى ءسوزىنىڭ ويى ورەلى، يدەياسى تەرەڭ، مازمۇنى باي، بايىمداۋى ەگجەي - تەگجەيلى، وتە كۇشتى ساياسي سيپاتقا، جەتەكشىلىك سيپاتقا، باعىتتامالىلىق سيپاتقا يە، پارتيانى جاپپاي قاتاڭ باسقارۋدى ىشكەرىلەي ىلگەرىلەتۋدىڭ ءتۇبىرلى بويسۇنۋ ولشەمى، جاڭا داۋىردەگى جاڭا جورىقتا ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىنىڭ ءتۇبىرلى جەتەكشىسى.
مەملەكەتتى باسقارۋدا، ءسوز جوق، الدىمەن پارتيانى باسقارۋ كەرەك، پارتيا گۇلدەنگەندە عانا مەملەكەت قۇدىرەتتەنەدى. جاڭا ءداۋىردىڭ 10 جىلىندا شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى جاپپاي قاتاڭ باسقارۋدى ”ءتورتتى جاپپاي ورىنداۋ“ ستراتەگيالىق ورنالاستىرۋىنا ەنگىزىپ، ورتالىقتىڭ 8 ءتۇرلى بەلگىلەمەسىن جاساۋدان جانە تياناقتاندىرۋدان باستاما اشىپ، جاڭا داۋىردەگى پارتيا قۇرىلىسىنىڭ باس تالابىن ورتاعا قويىپ جانە تياناقتاندىرىپ، پارتيانىڭ ساياسي قۇرىلىسى ارقىلى پارتيا قۇرىلىسىنىڭ ءتۇرلى قىزمەتتەرىنە ءبىر تۇتاس جەتەكشىلىك ەتىپ، پارتيانى يدەيالىق جاقتان قۇرۋ مەن پارتيانى ءتۇزىم ارقىلى باسقارۋعا باعدارلاس كۇش سالۋعا تاباندى بولىپ، ستيلدى دۇرىستاپ، ءتارتىپتى قاتايتۋعا تاباندى بولىپ، تاريحتا بولىپ كورمەگەن شىرىكتەسۋگە قارسى كۇرەستى ورىستەتىپ، ”مىڭداعان ادامدى رەنجىتسە دە، ءبىر ميلليارد 400 ميلليون حالىقتىڭ ءۇمىتىن اقتاۋ“ بورىشىن ارقالاۋ ارقىلى اۋرۋدى ايىقتىرىپ، بىلىقپالىقتى وڭاپ، ۇزاق ۋاقىت تەجەلمەي كەلگەن كەيبىر تەرىس ستيلدەردى تەجەپ، كوپ جىلداردان بەرى ارىلماعان ەسكىلىكتى دەرتتەردى جويىپ، پارتيانىڭ، مەملەكەتتىڭ، ارميانىڭ ىشكى بولىگىندە ءومىر ءسۇرىپ وتىرعان اۋىر كومەسكى قاتەرلەردى جويدى. قاجىماي - تالماي قۇلشىنۋ ارقىلى پارتيا تىنىشتىق - بىلىقپالىق، كوركەيۋ - قۇلدىراۋ سىندى تاريح پەريودىنان اتتاپ ءوتۋدىڭ وزىنە - ءوزى توڭكەرىس جاساۋ سىندى وسى ەكىنشى جاۋابىن تاۋىپ شىقتى، ءوزىن - ءوزى كىرشىكسىزدەندىرۋ، ءوزىن - ءوزى كەمەلدەندىرۋ، ءوزىن - ءوزى جاڭارتۋ، ءوز دەڭگەيىن جوعارىلاتۋ قابىلەتىن كورنەكتى كۇشەيتىپ، پارتيانى باسقارۋدا، پارتيانى جونگە سالۋدا كەڭ، بوس، دارمەنسىز بولۋ جاعدايىندا ءتۇبىرلى بۇرىلىس تۋىلىپ، پارتيا ىشىندە ستيلى پاك، سالتى دۇرىس ساياسي ەكولوگيا ۇزدىكسىز قالىپتاستى جانە دامىدى، پارتيا توڭكەرىستىك شىڭدالۋ بارىسىندا ءتىپتى دە قۇدىرەتتى، قۋاتتى بولىپ، ءتىپتى دە ومىرشەڭ كۇشىن قاۋلاتتى. اماليات پارتيانى جاپپاي قاتاڭ باسقارۋ جاڭا داۋىردەگى پارتيانىڭ وزىنە - ءوزى توڭكەرىس جاساۋىنىڭ ۇلى امالياتى ەكەندىگىن، 100 جىلدىق ءىرى پارتيانىڭ وزىنە - ءوزى توڭكەرىس جاساۋىنىڭ تىڭ ءورىسىن اشىپ، حالىق بۇقاراسىمەن ەتەنە بايلانىستى ساقتايتىن، حالىق شىن جۇرەكتەن قولدايتىن تاريحي ىرىقتىلىققا قول جەتكىزگەندىگىن، بۇكىل پارتيا وسكەلەڭ ىنتىماق پەن بىرلىككە ۇيىسقان، ءداۋىردىڭ الدىڭعى لەگىندە ءجۇرىپ، حالىقتى باستاپ جۇڭحۋا ۇلتىنىڭ ۇلى گۇلدەنۋىن جۇزەگە اسىراتىن تاريحي ىرىقتىلىققا قول جەتكىزگەندىگىن ىشكەرىلەي دالەلدەدى.
جاڭا داۋىردەگى پارتيانى جاپپاي قاتاڭ باسقارۋدا تاريحي سيپاتتى، جاسامپازدىق سيپاتتى تابىسقا قول جەتۋىنىڭ، جان - جاقتى، تەرەڭ قاتپارلى ىقپال تۋىلۋىنىڭ ءتۇبىرلى نەگىزى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگى بولعاندىعىندا. اماليات ”ەكىنى تۇراقتاندىرۋ“ − پارتيا مەن مەملەكەت ىستەرىن ىلگەرىلەتۋدە تاريحي تابىسقا قول جەتكىزۋدىڭ، تاريحي وزگەرىس تۋدىرۋدىڭ شەشۋشى فاكتورى، بارلىق قيىنشىلىقتار مەن قاتەرلەردى، كەدەرگىلەردى جەڭۋدىڭ، بارلىق تۇراقسىزدىققا توتەپ بەرۋدىڭ ەڭ ۇلكەن تۇراقتىلىعى، ەڭ زور ارىنى، ەڭ ۇلكەن كەپىلى ەكەندىگىن تولىق دالەلدەدى. ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، پارتيانى جاپپاي قاتاڭ باسقارۋدى ءبىر ءسات تە توقتاتپاي ىلگەرىلەتىپ، پارتيانىڭ العاباسارلىعى مەن كىرشىكسىزدىگىنە زيان جەتكىزەتىن بارلىق زياندى فاكتورلاردى ۇزدىكسىز الاستايتىن، پارتيانىڭ اقاۋسىز تۇلعاسىن شىرىتەتىن بارلىق اۋرۋ قوزدىرعىشتاردى ۇزدىكسىز الاستايتىن بولساق، پارتيانىڭ سيپاتىن ماڭگى وزگەرتپەۋگە، ءتۇسىن ماڭگى وزگەرتپەۋگە، قاسيەتىن ماڭگى وزگەرتپەۋگە، ءسوز جوق، شىنايى كەپىلدىك ەتە الامىز، پارتيانىڭ جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ تاريحي ۇردىسىندە باستان - اياق پارمەندى باسشىلىق ۇيتقىعا اينالۋىنا شىنايى كەپىلدىك ەتە الامىز.
پارتيا 20 - قۇرىلتايىندا جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تەتىگى پارتيادا ەكەندىگى العا قويىلدى. پارتيامىز باستان - اياق حالىقتىڭ قولداۋىنا يە بولىپ، ۇزاق ۋاقىت بيلىك جۇرگىزۋ ورنىن بەكەمدەۋ ءۇشىن، قاي - قاشان دا ءىرى پارتياعا عانا ءتان قيىن ماسەلەلەردى شەشەتىن سەرگەكتىك پەن تاباندىلىقتى، ءسوزسىز، ساقتاۋى كەرەك. ءىرى پارتيا، ءىرى ەل ءبىزدىڭ ەڭ ۇلكەن ءىس تىندىرۋ، ۇلى ءىستى كوركەيتۋ ابزالدىلىعىمىز بولۋمەن بىرگە، ءبىزدى پارتيانى باسقارۋدا، مەملەكەتتى باسقارۋدا كوپتەگەن ەرەكشە قيىن ماسەلەلەرگە دە جولىقتىراتىندىعىن تەرەڭ تانۋىمىز كەرەك. باس شۋجي شي جينپيڭ بىلاي دەپ باسا دارىپتەدى: ”قايتكەندە باستان - اياق اۋەلگى ماقساتتى ۇمىتپاۋعا، بورىشتى ەستە بەرىك ساقتاۋعا بولادى، قايتكەندە باستان - اياق يدەيانى بىرلىككە كەلتىرۋگە، ەرىك - جىگەردى بىرلىككە كەلتىرۋگە، ارەكەتتى بىرلىككە كەلتىرۋگە بولادى، قايتكەندە باستان - اياق قۋاتتى بيلىك جۇرگىزۋ قابىلەتى مەن باسشىلىق دەڭگەيىن ازىرلەۋگە بولادى، قايتكەندە باستان - اياق ءىس تىندىرىپ، ناتيجە شىعارۋدىڭ رۋحاني كۇيىن ساقتاۋعا بولادى، قايتكەندە باستان - اياق وزىمىزدە ورىن تەۋىپ وتىرعان ماسەلەلەردى دەر كەزىندە بايقاۋعا جانە شەشۋگە بولادى، قايتكەندە باستان - اياق ستيلى پاك، سالتى دۇرىس ساياسي ەكولوگيانى ساقتاۋعا بولادى، وسىلاردىڭ بارلىعى وسى ءىرى پارتيامىزدىڭ، ءسوز جوق، شەشەتىن وزىنە ءتان قيىن ماسەلەلەرى“. بۇل پارتيامىزدىڭ قازىرگى تاريحي ورنىن، ارقالاعان بورىش - مىندەتىن، ءدوپ كەلگەن كۇردەلى ورتاسىن سەرگەكتىكپەن تانىعاندىعىن تولىق ايگىلەپ، جاڭا داۋىردەگى جۇڭگو كوممۋنيستەرىنىڭ پارتيانىڭ ءتۇبىرلى سيپاتىن جانە پارتيا جاعدايىنىڭ، مەملەكەت جاعدايىنىڭ دامۋ وزگەرىسىن تەرەڭ يگەرگەندىگىن تولىق كورسەتىپ، ءبىزدىڭ جاڭا جورىقتا پارتيانى جاپپاي قاتاڭ باسقارۋدىڭ ىشكەرىلەي دامۋىن ىلگەرىلەتۋىمىزگە قۇلشىنۋ بەتالىسىن ايقىن كورسەتىپ بەردى.
باس شۋجي شي جينپيڭ بىلاي دەپ اتاپ كورسەتتى: ”وسى قيىن ماسەلەلەردى شەشۋ جاڭا داۋىردەگى جاڭا جورىقتا پارتيانىڭ بورىشىن، مىندەتىن جۇزەگە اسىرۋدا، ءسوزسىز، باسىپ وتەتىن وتكەل، پارتيانى جاپپاي قاتاڭ باسقارۋدىڭ جاڭا جاعدايعا، جاڭا تالاپقا ۇيلەسۋىندە، ءسوزسىز، شەشەتىن قيىن ماسەلەلەر“. جاڭا جورىقتا ەلىمىزدىڭ رەفورما، دامۋ، ورنىقتىلىق ىستەرى كوپتەگەن تەرەڭ قاتپارلى قايشىلىقتاردان جالتارا المايدى، اينالىپ وتە المايدى، پارتيا قۇرىلىسى، اسىرەسە، پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسى وڭاي بوي بەرمەيتىن، ءجيى تۋىلاتىن كوپتەگەن ماسەلەلەرگە تاپ بولىپ وتىر، پارتيامىز ءدوپ كەلگەن ”ءتورت ۇلكەن سىناق“، ”ءتورت ءتۇرلى قاتەر“ ۇزاق ۋاقىت ءومىر سۇرەدى، پارتيانى جاپپاي قاتاڭ باسقارۋ ماڭگى توقتالمايدى، پارتيانىڭ وزىنە - ءوزى توڭكەرىس جاساۋى ماڭگى توقتالمايدى. پارتيانىڭ ۇزاق ۋاقىت بيلىك جۇرگىزۋىنە، مەملەكەتتىڭ باياندى تىنىشتىعىنا، حالىقتىڭ باقىتى مەن امان - ساۋلىعىنا ساياتىن بيىك تۇرعىدا تۇرىپ، پارتيانى جاپپاي قاتاڭ باسقارۋدى پارتيانىڭ ۇزاق ۋاقىتتىق ستراتەگياسى، ماڭگىلىك تاقىرىبى ەتىپ، ماسەلەنى باعدار ەتۋگە باستان - اياق تاباندى بولىپ، ستراتەگيالىق تاباندىلىقتى ساقتاپ، وزىنە - ءوزى تۇبەگەيلى توڭكەرىس جاساۋ رۋحىن اسقاقتاتىپ، اتوي دابىلىن ماڭگى قاعىپ، قاتاڭدىق سىندى نەگىزگى اۋەندى، قاتاڭ شارالاردى، قاتاڭ رايدى ۇزاق ۋاقىت تاباندىلىقپەن جالعاستىرىپ، پارتيانىڭ وزىنە - ءوزى ۇلى توڭكەرىس جاساۋىن سوڭىنا دەيىن جۇرگىزۋ كەرەك. قاتاڭ باسقارۋ مەن ايرىقشا قامقورلىقتى ۇشتاستىرۋعا، شابىتتاندىرۋ مەن تەكتەۋگە تەڭ ءمان بەرۋگە تاباندى بولىپ، ”ءۇشتى ايىرا بىلۋگە“ تاباندى بولىپ، قالىڭ پارتيا مۇشەلەرىنىڭ، كادرلاردىڭ بەلسەندىلىگىن، ىرىقتىلىعىن، جاسامپازدىعىن اناعۇرلىم ويداعىداي قاۋلاتىپ، جاڭا جورىقتا ەكپىندەي ىلگەرىلەۋدىڭ، جاڭا داۋىرگە ەسە قوسۋدىڭ قويۋ رايى مەن جالىندى جاعدايىن قالىپتاستىرۋ كەرەك.
سان - ساناقسىز وزگەرىستى باستان كەشسە دە، اۋەلگى ماقساتىنان اينىماعان پارتيا عانا، نەگىزى مىعىم بولىپ، مىزعىماي تۇرا الادى؛ شۇعىلالى ناتيجە جاراتسا دا، جۇرەكتىلىكپەن وزىنە - ءوزى توڭكەرىس جاساعان پارتيا عانا، الماس قامالى بولمايتىن جەڭىمپاز بولا الادى. العا باسۋ جولىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، قاي - قاشان دا ءىرى پارتياعا عانا ءتان قيىن ماسەلەلەردى شەشەتىن سەرگەكتىك پەن تاباندىلىقتى ساقتاپ، العان بەتىنەن قايتپايتىن كۇرەسكەرلىك بەينەمەن، ماڭگى بويكۇيەزدىككە سالىنبايتىن رۋحاني كۇيمەن، پارتيانى جاپپاي قاتاڭ باسقارۋدىڭ جاڭا ونىمىنە ۇزدىكسىز قول جەتكىزىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا تاراۋىن قۇلشىنا جازايىق.
(شينحۋا اگەنتتىگىنىڭ 1 - ايدىڭ 10 - كۇنى بەيجيڭنەن بەرگەن حابارى)
