ما شيڭرۇي ماجىلىسكە قاتىناستى ءارى ءسوز سويلەدى
لي يفي بايانداما جاسادى ءارى ءسوز سويلەدى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 1 - ايدىڭ 11 - كۇنى ۇرىمجىدەن حابارلايدى. جۇڭگو كوممۋنيستىك پارتياسى شينجياڭ ءوندىرىس - قۇرىلىس بيڭتۋانى 8 - كەزەكتى كوميتەتىنىڭ ءتورتىنشى جالپى ءماجىلىسى 1 - ايدىڭ 11 - كۇنى اشىلدى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋيى ما شيڭرۇي ماجىلىسكە قاتىناستى ءارى ءسوز سويلەدى.
بيڭتۋان پارتكومىنىڭ شۋجيى، جىڭۋيى لي يفي بيڭتۋان پارتكومى تۇراقتى كوميتەتى اتىنان جالپى ماجىلىسكە قىزمەتتەن بايانداما جاسادى ءارى ءسوز سويلەدى. بيڭتۋان پارتكومىنىڭ ورىنباسار شۋجيى، سىليڭيۋانى شۋە بين ماجىلىسكە قاتىناستى ءارى بيڭتۋاننىڭ ەكونوميكالىق قىزمەتى جونىندە ناقتى ورنالاستىرۋ جاسادى.
ما شيڭرۇي بىلاي دەپ اتاپ كورسەتتى: بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدەگى، تياناقتاندىرۋداعى باستاما اشاتىن جىل، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحى مەن جاڭا داۋىردەگى پارتيانىڭ شينجياڭدى باسقارۋ جالپى جوباسىن دايەكتىلەندىرىپ، تياناقتاندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدەگى ماڭىزدى ءبىر جىل، سونداي - اق بيڭتۋان ىستەرىندە قۇلشىنا جاڭا جاعداي اشۋداعى شەشۋشى ءبىر جىل. بيڭتۋان پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى ۇزاق ۋاقىتتىق كەلەلى ساياسي مىندەت ەتۋگە تاباندى بولىپ، قالىڭ پارتيا مۇشەلەرىن، كادرلاردى، جۇمىسشى - قىزمەتكەرلەردى جانە ءار ۇلت بۇقاراسىن ”ەكىنى تۇراقتاندىرۋدى“ قولداۋداعى، ”ەكىنى قورعاۋدى“ امالياتتا ايگىلەۋدەگى ساياسي سانالىلىقتى، يدەيالىق سانالىلىقتى، ارەكەت سانالىلىعىن شىن مانىندە كۇشەيتۋگە تاربيەلەپ جانە جەتەكتەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، ورتالىقتىڭ ەكونوميكالىق قىزمەت ءماجىلىسىنىڭ جانە ورتالىقتىڭ اۋىل - قىستاق قىزمەتى ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاپپاي سوتسياليستىك وسىزاماندانعان قۇدىرەتتى ەل قۇرۋداعى شينجياڭنىڭ ستراتەگيالىق ورنىن تۇراقتاندىرۋ تالابىنا ساي، كىرىسۋ ءتۇيىنىن، كۇش سالۋ ءتۇيىنىن ءدال تاۋىپ، بيڭتۋاننىڭ وسىزامانداندىرۋ قۇرىلىسىن جوعارى ساپالى ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا باستامانى جاقسى اشىپ، قادامدى جاقسى باسۋ كەرەك.
ما شيڭرۇي وتكەن ءبىر جىلدا بيڭتۋاننىڭ ءتۇرلى ىستەرىندە قول جەتكەن تىڭ ناتيجەلەردى تولىق تۇراقتاندىردى. ول بىلاى دەپ باسا دارىپتەدى: جاڭا ءبىر جىلدا بيڭتۋان باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، نازاردى شينجياڭ قىزمەتى باس نىساناسىنا شوعىرلاندىرىپ، جاڭا داۋىردەگى جاڭا جورىقتاعى بيڭتۋاننىڭ بورىشىن، مىندەتىن مىقتاپ يگەرىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، كورىكتى شينجياڭ قۇرۋدا اناعۇرلىم زور رولىن ساۋلەلەندىرۋى كەرەك. بيڭتۋاننىڭ رەفورمانى تەرەڭدەتۋدە تىڭ ىلگەرىلەۋشىلىككە قول جەتكىزۋىن جۇيەلى ىلگەرىلەتىپ، ”ۇكىمەت“ رەفورماسىن ۇزدىكسىز تەرەڭدەتىپ، تۋان - الاڭداردىڭ جالپىلىق سايكەستى رەفورماسى مەن مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار، قازىنا - سالىق ءتۇزىلىسى سياقتى ءتۇيىندى سالالارداعى رەفورمانى ءبىر تۇتاس جوسپارلاپ ىلگەرىلەتىپ، رەفورما جەتىستىكتەرىن تۇزىمدىك ارتىقشىلىققا جانە باسقارۋ ونىمدىلىگىنە اينالدىرۋدى جەدەلدەتۋ كەرەك. جاڭا داۋىردە بيڭتۋاننىڭ ورنىقتىلىقتى قورعاپ، شەكارانى كۇزەتۋدە جاڭا باسىمدىق قالىپتاستىرۋىن كۇش سالا ىلگەرىلەتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن جاپپاي ىلگەرىلەتىپ، شەكارانى ورنىقتىرىپ، قورعانىستى بەكەمدەۋ قابىلەتىن جاپپاي جوعارىلاتىپ، جۇڭحۋا ۇلتى ورتاق تۇلعا تانىمىن بەرىك ورناتۋدى ىلگەرىلەتىپ، بيڭتۋاننىڭ مادەنيەت باسىمدىعىن تۇلعالاۋ كەرەك. بيڭتۋان مەن جەرگىلىكتى ورىننىڭ جان - جاقتى تەرەڭدەي توعىسا دامۋىندا جاڭا جاعداي اشۋدى كۇش بىرىكتىرە ىلگەرىلەتىپ، ”بيڭتۋان مەن جەرگىلىكتى ورىن ءبىر تۇتاس جۇيە“ يدەياسىن بەرىك ورناتىپ، بيڭتۋان مەن جەرگىلىكتى ورىننىڭ ەكونوميكا، قوعام، مادەنيەت، ەكولوگيالىق وركەنيەت قۇرىلىسى، ۇلتتار ىنتىماعى، كادر - دارىندى سياقتىلارىنىڭ توعىسا دامۋىن جاپپاي ىلگەرىلەتۋ كەرەك. بيڭتۋاننىڭ جوعارى ساپالى دامۋىنىڭ تىڭ ساتىعا قادام تاستاۋىن جاپپاي ىلگەرىلەتىپ، جاڭا دامۋ ارناسىنا بەلسەنە قىزمەت وتەپ جانە ونىمەن توعىسىپ، باسىمدىقتى زورايتىپ، اۋىل شارۋاشىلىعىنىڭ ساپاسىن جوعارىلاتۋدى ىلگەرىلەتىپ، تىزبەكتى ۇزارتۋدى، تىزبەكتى تولىقتاۋدى، تىزبەكتى كۇشەيتۋدى جەدەلدەتىپ، ونەركاسىپتە سەرپىلىس جاساۋدى ىلگەرىلەتىپ، ءتۇيىندى كورنەكتىلەندىرىپ، قىزمەت وتەۋ كاسىبىنىڭ دامۋىن ىلگەرىلەتىپ، ءونىمدى قارجى ۇسىنىلىمىن بەلسەنە كەڭەيتىپ، جوعارى دەڭگەيدە سىرتقا ەسىك اشۋدى كەڭەيتىپ، حالىق تۇرمىسىمەن تىعىز جاناسىپ جوعارى ساپالى دامۋدى ىلگەرىلەتۋ كەرەك. پارتيانىڭ بيڭتۋان قىزمەتىنە باسشىلىعىن ۇزدىكسىز كۇشەيتىپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، جوعارى ساپالى ماماندانعان كادرلار قوسىنىن قۇرىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن تەرەڭدەتىپ، شىندىققا جۇگىنىپ، ناقتى ىستەر تىندىرىپ، شىنايى يگەرىپ، ناقتى ىستەپ، جاڭا داۋىردەگى بيڭتۋاننىڭ ءتۇرلى ىستەرىندە قۇلشىنا جاڭا جاعداي اشۋ كەرەك.
لي يفي بايانداماسىندا 2022 - جىلعى بيڭتۋان پارتكومى تۇراقتى كوميتەتىنىڭ قىزمەتىن ەسكە الدى جانە قورىتىندىلادى. ول بىلاي دەپ اتاپ كورسەتتى: يدەيا مەن ارەكەتتى اناعۇرلىم پارتيا 20 - قۇرىلتايىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىمەن جانە پارتيا ورتالىق كوميتەتىنىڭ بيڭتۋاننىڭ ورنى جونىندەگى تالابىمەن بىرلىككە كەلتىرىپ، پارتيا ورتالىق كوميتەتىنىڭ بيىلعى ەكونوميكالىق قىزمەت پەن اۋىل شارۋاشىلىعى، اۋىل - قىستاق قىزمەتىن ويداعىداي ىستەۋ جونىندەگى ورنالاستىرۋلارىمەن بىرلىككە كەلتىرىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، نازاردى شينجياڭ قىزمەتىنىڭ باس نىساناسىنا شوعىرلاندىرىپ، بيڭتۋاننىڭ ءىس جۇزىندىك جاعدايىنا تىعىز جاناسىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتۋ كەرەك. بيڭتۋان ەكونوميكاسىنىڭ جوعارى ساپالى دامۋىن جەدەل ىلگەرىلەتىپ، قارجى قوسۋدى كۇشەيتۋگە، تۇتىنۋدى جەبەۋگە كۇش سالىپ، بيڭتۋاننىڭ وسىزاماندانعان كاسىپ سالاسى جۇيەسىن ورناتىپ، بازار نەگىزگى تۇلعالارىن جەتىلدىرىپ، زورايتىپ، ىشكە، سىرتقا ەسىك اشۋ دەڭگەيىن جوعارىلاتىپ، ەكونوميكانىڭ جوعارى ساپالى دامۋىنا جاقسى باستاما اشۋ، جاقسى قادام باسۋ كەرەك. رەفورما ونىمدىلىگىنىڭ جاڭا ءورىس اشۋىن، ورنىقتىلىقتى قورعاپ، شەكارانى كۇزەتۋدە جاڭا باسىمدىق قالىپتاستىرۋدى، عىلىم - تەحنيكا، وقۋ - اعارتۋدا گۇلدەنگەن بيڭتۋان، دارىندىلاردا قۋاتتى بيڭتۋان ستراتەگياسىندا جاڭا جاعداي اشۋدى، حالىق تۇرمىسىنىڭ ىرىس - قۇتىن تىڭنان جاقسارتۋدى، شينجياڭدى مادەنيەتپەن نارلەندىرۋدە تىڭ ىلگەرىلەۋشىلىككە قول جەتكىزۋدى، تىنىش بيڭتۋان، زاڭمەن باسقارىلاتىن بيڭتۋان قۇرىلىسىندا تاعى دا تىڭ ساتىعا كوتەرىلۋدى، ەلەۋلى حاۋىپ - قاتەردەن ساقتانۋ جانە ونى جويۋدا تىڭ ىسكەرلىك ايگىلەۋدى، بيڭتۋان مەن جەرگىلىكتى ورىننىڭ توعىسپالى دامۋىندا تىڭ ناتيجەگە قول جەتكىزۋدى ءبىر تۇتاس جوسپارلاپ ىلگەرىلەتىپ، جاڭا داۋىردەگى بيڭتۋاننىڭ پارتيا قۇرىلىسىن جاپپاي كۇشەيتىپ، كورىكتى شينجياڭ قۇرۋدا، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدا اناعۇرلىم زور رول اتقارىپ، جاپپاي سوتسياليستىك وسىزاماندانعان مەملەكەت قۇرۋدا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ بارىسىندا بيڭتۋاننىڭ جاڭا تاراۋىن قۇلشىنا جازۋ كەرەك.
بيڭتۋان پارتكومىنىڭ تۇراقتى مۇشەلەرى ليۋ جيانميڭ، لي جىنگو، ءمۇتالىپ ءماتتوحتى، ليۋ شينجيان، جياۋ شياۋپيڭ، جاڭ ۋىنشىڭ، جياڭ شينجۇن، حا زىڭيوۋ، لي يۇڭحۇڭ، لي شۇي، جۋ شۋەبيڭ، ياڭ شيۋلي ماجىلىسكە قاتىناستى.
