− باس شۋجي شي جينپيڭنىڭ 20 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
”پارتيانى جاپپاي قاتاڭ باسقارۋ جۇيەسىن ورناتۋ − جالپى جاعداي سيپاتىنا، نەگىز قالاۋ سيپاتىنا يە قىزمەت“. 20 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە باس شۋجي شي جينپيڭ جاڭا داۋىردەگى 10 جىلدا پارتيامىزدىڭ پارتيانى جاپپاي قاتاڭ باسقارۋ جۇيەسىن العاشقى قادامدا ورناتقاندىعىن ەگجەي - تەگجەيلى قورىتىندىلاپ، پارتيانى جاپپاي قاتاڭ باسقارۋ جۇيەسىن اقاۋسىزداندىرۋدىڭ نىسانا - مىندەتتەرىن، امالياتتىق تالاپتارىن ىشكەرىلەي بايىمدادى، بۇل جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىنىڭ ىشكەرىلەي دامۋىن ىلگەرىلەتۋدە كەلەلى جەتەكشى مانگە يە.
پارتيانى جاپپاي قاتاڭ باسقارۋ − جاڭا داۋىردەگى پارتيانىڭ وزىنە - ءوزى توڭكەرىس جاساۋداعى ۇلى امالياتى، جاڭا داۋىردەگى پارتيا قۇرىلىسىنىڭ ايقىن تاقىرىبى. پارتيا 18 − قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى وزىنە - ءوزى توڭكەرىس جاساۋدىڭ زاڭدىلىعى جونىندەگى تانىمدى ۇزدىكسىز تەرەڭدەتىپ، پارتيا قۇرىلىسىنىڭ نازاريادا جاڭالىق اشۋىن، امالياتتا جاڭالىق اشۋىن، تۇزىمدە جاڭالىق اشۋىن ۇزدىكسىز ىلگەرىلەتىپ، پارتيانى جاپپاي قاتاڭ باسقارۋ جۇيەسىن العاشقى قادامدا ورناتتى. 10 جىلدان بەرى، پارتيانىڭ ساياسي قۇرىلىسىن ءبىر تۇتاس باسشىلىققا الىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعى ەڭ جوعارى ساياسي پرينسيپ دەگەنگە تاباندى بولىپ، ءار دارەجەلى پارتيا ۇيىمدارى مەن پارتيالى كادرلاردىڭ ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتتى؛ يدەيالىق قۇرىلىستى پارتيانىڭ نەگىزدىك قۇرىلىسى ەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى ۇيىستىرۋعا، رۋحتى سومداۋعا مىزعىماي تاباندى بولدى؛ جاڭا داۋىردەگى پارتيانىڭ ۇيىمدىق لۋشيانىنا تاباندى بولىپ، پارتيا ۇيىمىنىڭ ساياسي فۋنكتسياسى مەن ۇيىمداستىرۋ قۋاتىن، ۇيىستىرۋ قۋاتىن كۇشەيتتى؛ ورتالىقتىڭ 8 ءتۇرلى بەلگىلەمەسىنىڭ رۋحىن باتىل تياناقتاندىرىپ، شەگە قاعۋ رۋحىمەن ءتورت بۇرىس ستيلدى تۇزەتىپ، جاڭا سالت ورناتتى؛ ءتارتىپ قۇرىلىسىن پارتيا قۇرىلىسىنىڭ جالپى تۇلعالىق ورنالاستىرۋىنا ەنگىزىپ، ءتارتىپتىڭ زاڭنان قاتاڭ بولۋىنا، ءتارتىپتىڭ زاڭنىڭ الدىندا تۇرۋىنا تاباندى بولدى؛ ءتۇزىم قۇرىلىسىن پارتيانىڭ ءتۇرلى قۇرىلىسىنا ءسىڭىرىپ، پارتيا قۇرىلىسىنىڭ عىلميلانۋ، تۇزىمدەنۋ، جۇيەلىلەنۋ دەڭگەيىن ۇزدىكسىز جوعارىلاتتى؛ نايزاعاي ەكپىنمەن شىرىكتەسۋگە قارسى تۇرىپ، سۇرقيالىقتى جازالاۋعا تاباندى بولىپ، شىرىكتەسۋگە قارسى تۇرۋ كۇرەسى ۇستەم جەڭىسكە جەتتى ءارى جاپپاي بەكەمدەلدى. 2022 - جىلى ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى مەن مەملەكەتتىك ساناق مەكەمەسى سەلبەسىپ ورىستەتكەن حالىق رايىن تەكسەرۋ ناتيجەسىندە كورسەتىلۋىنشە، ％97.4 بۇقارا پارتيانى جاپپاي قاتاڭ باسقارۋ كورنەكتى ونىمدىلىككە قول جەتكىزدى دەپ قاراپ، 2012 - جىلداعىدان ％4. 22 جوعارىلاعان. ％99 بۇقارا پارتيا ورتالىق كوميتەتىنىڭ ستيلدى دۇرىستاپ، ءتارتىپتى قاتايتىپ شىرىكتەسۋگە قارسى تۇرۋ شاراسى پارتيامىزدىڭ تۇبەگەيلى وزىنە - ءوزى توڭكەرىس جاساۋ رۋحىن ايگىلەدى دەپ قاراعان.
پارتيا 20 - قۇرىلتايىنىڭ بايانداماسىندا ”پارتيانى جاپپاي قاتاڭ باسقارۋ جۇيەسىن اقاۋسىزداندىرۋ“ ورتاعا قويىلدى، بۇل − جاڭا داۋىردەگى پارتيا قۇرىلىسىن كۇشەيتۋدىڭ كەلەلى شاراسى. پارتيانى جاپپاي قاتاڭ باسقارۋدىڭ ماڭگى جالعاساتىندىعىن، پارتيانىڭ وزىنە - ءوزى توڭكەرىس جاساۋىنىڭ ماڭگى جالعاساتىندىعىن، ءسوز جوق، جەتە تانۋ كەرەك. پارتيامىز ۇزاق ۋاقىت بيلىك جۇرگىزگەن ماركسيزمدىك ساياسي پارتيا رەتىندە پارتيانىڭ ۇلى نىساناسى مەن تاريحي بورىشى، پارتيا قوسىنىنىڭ زور كولەمى مەن كەڭ تارالۋى، پارتيا ءدوپ كەلگەن زور حاۋىپ - قاتەرلەر مەن قاتاڭ سىن - سايىستاردىڭ بارلىعى پارتيانى جاپپاي قاتاڭ باسقارۋ جۇيەسىن، ءسوز جوق، اقاۋسىزداندىرىپ، پارتيانى اناعۇرلىم بەرىك، پارمەندى ەتىپ قۇرىپ شىعۋدى تالاپ ەتەدى. استە ءىشىنارالىق ەمەس، قايتا تۇتاس تۇلعالى، استە ۇساق - تۇيەك ءىس ەمەس، قايتا جۇيەلى، استە قىسقا ۋاقىتتىق ەمەس، قايتا ۇزاق ۋاقىتتىق، استە ادەتتەگىدەي ەمەس، قايتا جوعارى ولشەمدى بولىپ، پارتيانى جاپپاي قاتاڭ باسقارىپ، پارتيانىڭ ءوزىن - ءوزى كىرشىكسىزدەندىرۋىن، ءوزىن - ءوزى كەمەلدەندىرۋىن، ءوزىن - ءوزى جاڭارتۋىن، ءوزىن - ءوزى جوعارىلاتۋىن جاپپاي ىلگەرىلەتكەندە عانا، پارتيامىزدىڭ اۋەلگى ماقساتتان، بورىشتان اينىماي، باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسىنا اينالۋىنا مۇمكىندىك جاساۋعا بولادى.
باس شۋجي شي جينپيڭ بىلاي دەپ باسا دارىپتەدى: ”پارتيانى جاپپاي قاتاڭ باسقارۋ جۇيەسى مازمۇنى باي، فۋنكتسياسى كەمەلدى، عىلمي جۇيەگە تۇسكەن، اينالىمى جوعارى ءونىمدى، يكەمدى جۇيە بولۋعا ءتيىس“. پارتيانى جاپپاي قاتاڭ باسقارۋ جۇيەسىن اقاۋسىزداندىرۋ ءۇشىن، پارتيانى ءتۇزىم ارقىلى باسقارۋعا، پارتيانى قاعيدا بويىنشا باسقارۋعا تاباندى بولىپ، پارتيانىڭ ءتۇرلى جاقتاعى قۇرىلىستارىنىڭ جاندى ۇشتاسۋىن، بىرگە ارەكەتتەنىپ شوعىرلانۋىن، سەلبەسىپ سايكەسۋىن اناعۇرلىم كورنەكتىلەندىرۋگە، ءتۇزىلىس - مەحانيزمدەردىڭ اقاۋسىز، كەمەلدى بولۋىن جانە زاڭ - ەرەجەلەردىڭ، تۇزىمدەردىڭ عىلمي، ءونىمدى بولۋىن اناعۇرلىم كورنەكتىلەندىرۋگە، باسقارۋ ۇستانىمىن، جۇيە كوزقاراسىن، ديالەكتيكالىق ويدى قولدانىپ پارتيانى باسقارۋدى، پارتيانى جونگە سالۋدى، پارتيانى گۇلدەندىرۋدى اناعۇرلىم كورنەكتىلەندىرۋگە تۋرا كەلەدى. مازمۇن جاعىندا جاپپاي قامتىپ، پارتيا قۇرىلىسى قاي جەرگە دەيىن ىلگەرىلەتىلسە، پارتيانى جاپپاي قاتاڭ باسقارۋ جۇيەسىن سول جەرگە دەيىن ورناتىپ، پارتيانى جاپپاي قاتاڭ باسقارۋدى پارتيا قۇرىلىسىنىڭ ءارقايسى جاعىنا ءسىڭىرۋ كەرەك؛ وبيەكتى جاعىندا جاپپاي قامتىپ، باسشى كادرلار قوسىنىن، پارتيا مۇشەلەرى قوسىنىن، ءار دارەجەلى پارتيا ۇيىمدارى قۇرىلىسىن قاتاڭ ويداعىداي يگەرۋ كەرەك، مۇنداعى ءتۇيىن − ”شەشۋشى ازشىلىقتى“ ويداعىداي يگەرۋ؛ جاۋاپكەرشىلىك جاعىندا تۇتاس تىزبەكتى بولىپ، ءار دارەجەلى پارتكومداردىڭ (پارتيا باسشىلىق گرۋپپاسى) پارتيانى جاپپاي قاتاڭ باسقارۋ تۇلعالىق جاۋاپكەرشىلىگىن قاتايتىپ، پارتيانى باسقارۋ، پارتيانى جونگە سالۋ تانىمىن كۇشەيتىپ، پارتيانى باسقارۋ، پارتيانى جونگە سالۋ جاۋاپكەرشىلىگىن تياناقتاندىرۋ كەرەك؛ ءتۇزىم جاعىندا جاپپاي تۇتاستىرۋعا تاباندى بولىپ، پارتيانى جاپپاي قاتاڭ باسقارۋ جۇيەسىنىڭ ساباقتاسۋىن، بىرلەسىپ ارەكەتتەنۋىن ءتۇزىم ارقىلى جەبەپ، پارتيانى ءتۇزىم ارقىلى باسقارۋدى، پارتيانى ەرەجە بويىنشا باسقارۋدى شىن مانىندە جۇزەگە اسىرۋ كەرەك. پارتيانى جاپپاي قاتاڭ باسقارۋ جۇيەسىن ونان ارى اقاۋسىزداندىرىپ، پارتيانى جاپپاي قاتاڭ باسقارۋ قىزمەتتەرىنىڭ داۋىرلىك سيپاتىن اناعۇرلىم ويداعىداي ايگىلەۋىنە، زاڭدىلىقتى يگەرۋىنە، جاسامپازدىققا باي بولۋىنا مۇمكىندىك جاساعاندا عانا، پارتيانى جاپپاي قاتاڭ باسقارۋدى تەرەڭدەتىپ، پارتيانى شەبەرلىكپەن باسقارۋعا، پارتيانى پارمەندى باسقارۋعا، پارتيا قۇرىلىسىن ءونىمدى جۇرگىزۋگە بولادى.
جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تەتىگى پارتيادا. پارتيانى جاپپاي قاتاڭ باسقارۋ − پارتيانىڭ جاندى، ومىرشەڭدىك كۇشىن ماڭگى ساقتاپ، جاڭا ەمتيحان تاپسىرۋ جولىن ويداعىداي باسۋداعى، ءسوزسىز، باسىپ وتەتىن جول. جاڭا جورىقتا ءبىز تاعى قانشالىقتى قايقاڭعا شىعاتىندىعىمىزدى، قانشالىقتى كەدەرگىدەن وتەتىندىگىمىزدى، قانشالىقتى بوران - شاشىندى باستان وتكەرەتىندىگىمىزدى، قانشالىقتى ماشاقاتتى، قيىندىقتى، قاتەردى، كەدەرگىنى جەڭەتىندىگىمىزدى بىلمەيمىز. ەمتيحان تاپسىرۋداعى سەرگەكتىك پەن ساقتىقتى ماڭگى ساقتاپ، پارتيانى جاپپاي قاتاڭ باسقارۋدى ۇزدىكسىز ىلگەرىلەتىپ، پارتيانى جاپپاي قاتاڭ باسقارۋ جۇيەسىن ۇزدىكسىز اقاۋسىزداندىرىپ، پارتيانىڭ وزىنە - ءوزى ۇلى توڭكەرىس جاساۋىن سوڭىنا دەيىن جۇرگىزىپ، پارتيانىڭ وزىنە - ءوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتسەك، ءبىز، ءسوز جوق، تاريح پەن حالىققا جاڭا، ۇزدىك جاۋاپ بەرىپ، جاڭا دا اناعۇرلىم زور كەرەمەتتەردى جاراتا الامىز.
(شينحۋا اگەنتتىگىنىڭ 1 - ايدىڭ 11 - كۇنى بەيجيڭنەن بەرگەن حابارى)
