□ انار بۇلت \ شينجياڭ گازەتىنىڭ ءتىلشىسى شيە حۇيبيان
1 - ايدىڭ 6 - كۇنى ەرەكشە ترانسفورماتور جارنا شەكتى سەرىكتەستىگى شينجياڭ ەلەكتر جەتكىزۋ، كەرنەۋ وزگەرتۋ عىلىم - تەحنيكا كاسىپ سالاسى باقشاسى ەرەكشە جوعارى كەرنەۋلى ءوندىرىس ورتالىعىندا جۇمىسشىلار مەملەكەت تورى جىجياڭ نىسانىنىڭ كەرنەۋ وزگەرتكىش ونىمدەرىن سىناپ كورۋدە. سوڭعى جىلدارى ەرەكشە ترانسفورماتور جارنا شەكتى سەرىكتەستىگى باستان - اياق ”جاسىل دامۋعا، تومەن كومىر قىشقىل گازدى دامۋعا“ كۇش سالىپ، عىلىم - تەحنيكادا جاڭالىق اشۋ ارقىلى سەرىكتەستىكتى جوعارى ساپالى دامۋعا جەتەكتەۋدە.
□ سۋرەتتى نيۋ گوحۋا تۇسىرگەن
2022 - جىلى شينجياڭنىڭ جوعارى، جاڭا تەحنيكالىق كاسىپورىندارىنىڭ جالپى سانى 1368گە جەتىپ، تاريحتاعى تىڭ دەڭگەيدى جاراتتى؛ بۇكىل رايونداعى زەرتتەۋ مەن تاجىريبەنى دامىتۋ (R&D) قىزمەتكەرلەرىنىڭ سانى 38 مىڭ ادامنان اسىپ، تاريحتاعى تىڭ دەڭگەيگە جەتتى؛ عىلىم - تەحنيكانىڭ ەكونوميكالىق، قوعامدىق دامۋدى ىلگەرىلەتۋ كورسەتكىشىنىڭ ارتۋ مولشەرى 5.48 پايىز بولىپ، بۇكىل ەلدە ءبىرىنشى ورىندى يەلەدى...
وسىناۋ كوزگە تۇسەرلىك ءبىرسىپىرا ناتيجەلەر جاڭالىق اشۋعا سۇيەنە وتىرىپ دامۋدىڭ جاڭا قوزعاۋشى قۋاتىن جەتىلدىرۋ، زورايتۋ − ەكونوميكانىڭ جوعارى ساپالى دامۋىن جۇزەگە اسىرۋدا، ءسوزسىز، باسىپ وتەتىن جول ەكەندىگىن تاعى ءبىر رەت دالەلدەدى.
2022 - جىلعى ورتالىقتىڭ ەكونوميكالىق قىزمەت ءماجىلىسى مىنالاردى اتاپ كورسەتتى: ناقتى ەكونوميكانى كۇش سالا دامىتىپ، جاڭالىق اشۋعا سۇيەنە وتىرىپ دامۋدىڭ جاڭا قوزعاۋشى قۋاتىن جەتىلدىرۋ، زورايتۋ كەرەك. جۋىقتا عانا اشىلعان اۆتونوميالى رايوندىق 10 - كەزەكتى پارتكومنىڭ جەتىنشى جالپى ءماجىلىسى مىنانى ايقىن ورتاعا قويدى: جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، مەملەكەت دارەجەلى ءتۇيىندى تاجىريبەحانا قۇرىلىسىن كۇشەيتۋ كەرەك.
جاڭا ءبىر جىلدا، شينجياڭ عىلىم - تەحنيكادا جاڭالىق اشۋدا قايتكەندە جىلدامدىقتى ارتتىرىپ، جوعارى ونىمدىلىك جاراتىپ، جوعارى ساپالى دامۋدىڭ قوزعاۋشى قۋاتىن ءتىپتى دە كۇشەيتە الادى؟ ءتىلشى وسى جونىندە قاتىستى مامان، وقىمىستىلارعا جانە قاتىستى تاراۋلاردىڭ جاۋاپتىلارىنا تىلشىلىك ىستەدى.
ورتانى ساپالىلاندىرىپ، بۇكىل قوعامنىڭ جاڭالىق اشۋ ومىرشەڭدىك قۋاتىن جانداندىردى
1 - ايدىڭ 10 - كۇنى، حاينان سان - يا عىلىم - تەحنيكالىق ۇلگى كورسەتۋ باقشاسىندا، شينجياڭ اۋىل شارۋاشىلىق عىلىم اكادەمياسى قۇمىل قاۋىنىن زەرتتەۋ ورتالىعىنىڭ دوكتورى ليۋ بين قۇمىل قاۋىنى مايساسىنىڭ ءوسۋ احۋالىن باقىلاپ جاتتى.
”بۇل قاۋىن مايسالارى گەن رەتتەۋ تەحنيكاسىن قولدانىپ تاجىريبەحانادا جەتىلدىرۋ ءساتتى بولعاننان كەيىن وسى اراعا كوشىرىلىپ ەگىلگەن، 3 - ايدا ۇرىعىن جيىپ العان سوڭ شينجياڭعا الىپ قايتىپ، جالعاستى اتىزدا تاجىريبە جۇرگىزەمىز“. ليۋ بين تانىستىرىپ بىلاي دەدى: تاجىريبە تابىسقا جەتكەننەن كەيىن شينجياڭنىڭ قۇمىل قاۋىنىنىڭ زات سورەسىنە شىعارىلۋ مەزگىلىنىڭ قىسقا بولۋ ماسەلەسىن شەشەتىن بولادى.
سىرتتان اكەلىنگەن دارىندى رەتىندە، ليۋ بين شينجياڭ اۋىل شارۋاشىلىق عىلىم اكادەمياسىنا جاڭادان كەلگەن، نەگىزىنەن، قاۋىن - قاربىز تەكتەستەردىڭ گەنىن رەتتەۋ جانە مولەكۋلالىق ساپالى تۇقىم جەتىلدىرۋدى زەرتتەۋمەن اينالىسادى. ول شەتەلدەن وقىپ كەلگەن، عىلمي نەگىزى بەرىك، ەل ءىشى - سىرتىندا كوپتەگەن وزىق زەرتتەۋ قۇرىلىمدارى كەزىندە ونى ”وزدەرىنە تارتقىسى“ كەلگەن. ەڭ اقىرىندا، ول شينجياڭعا كەلۋدى تاڭدادى.
شينجياڭنىڭ جاڭالىق اشۋ ورتاسىنىڭ ۇزدىكسىز ساپالىلانۋىنىڭ ”ماگنيت اسەرى“ ليۋ بيندى وزىنە تارتقان ەدى. ”عىلىم - تەحنيكاعا قارجى قوسۋ تەبىنى زور، دارىندىلارعا ايرىقشا ءمان بەرەدى، بايلىق باسىمدىعى كورنەكتى، دامۋ كومەسكى كۇشى زور“... وسىنىڭ ءبارى مەنىڭ تاستاپ كەتە الماۋىمنىڭ سەبەبى دەيدى ليۋ بين.
تاياۋدا، جۇڭگو عىلىم اكادەمياسى شينجياڭ ەكولوگيا جانە جاعراپيا زەرتتەۋ ورنى بۇكىل دۇنيە جۇزىنە باعىتتاي وتىرىپ كوش باستاۋشى دارىندىلاردى قىزمەتكە قابىلدادى، كەلىسىمدەگى جىلدىق ەڭبەكاقىسى ءبىر ميلليون يۋاننان تومەن ەمەس، عىلمي زەرتتەۋ نىسانىن باستاپ اتقارۋ قارجىسى 3 ميلليون يۋاننان تومەن بولمايدى ەكەن...
وسىنشاما كەڭ قولدىلىقپەن قىزمەتكەر قابىلداۋ كاسىبي سالادا كۇشتى اڭىس قوزعادى. جۇڭگو عىلىم اكادەمياسى شينجياڭ ەكولوگيا جانە جاعراپيا زەرتتەۋ ورنى كادرلار قىزمەتى باسقارماسىنىڭ باستىعى جياڭ حۇيپيڭ بىلاي دەدى: ”بيىل زەرتتەۋ ورنىمىزدا كوپتەگەن ءىرى نىساندار اتقارىلادى، دارىندىلارعا قاتتى ءزارۋمىز، اسىرەسە، كوش باستاۋشى دارىندىلاردىڭ قاتارىمىزعا قوسىلۋىن كۇتۋدەمىز. شينجياڭدا قۇرىلعان 10 ميلليارد يۋاندىق دارىندىلاردى دامىتۋ قورى ءبىزدىڭ ەگەي دارىندىلاردى قىزمەتكە شاقىرۋىمىزعا تىرەك بولىپ وتىر“.
ەلەۋلى ەڭبەك دارىندىلاردان كەلەدى، دارىندىلار بولعاندىقتان ىستەرىمىز داميدى. پارتيا 20 - قۇرىلتايىنىڭ بايانداماسىندا مىنالار ورتاعا قويىلدى: دارىندىلاردى دامىتۋ ءتۇزىلىس - مەحانيزمى رەفورماسىن تەرەڭدەتىپ، دارىندىلاردى شىنايى قادىرلەپ، دارىندىلاردى شىن پەيىلمەن تاربيەلەپ، دارىندىلاردى شىن ىقىلاسپەن باۋراپ، دارىندىلاردى دەن قويا ىستەتىپ، دارىندىلاردى ەرەكشە قاستەرلەپ، ءبىر سارىندىلىققا بوي ۇرماي، ءارقايسى جاقتاعى ۇزدىك دارىندىلاردى پارتيا مەن حالىق ىستەرىنە شوعىرلاندىرۋ كەرەك.
ءتىلشى 2022 - جىلدان بەرى قاراي، جۇڭگو عىلىم اكادەمياسى شينجياڭ ەكولوگيا جانە جاعراپيا زەرتتەۋ ورنىن قامتىعان شينجياڭداعى كوپتەگەن عىلمي زەرتتەۋ قۇرىلىمدارىنىڭ ءبارى دارىندىلاردى باۋراۋ تەبىنىن كۇشەيتكەندىگىن، يگىلىكتەردىڭ دە ادامدى توتەنشە باۋرايتىندىعىن بايقادى.
عىلىم - تەحنيكادا جاڭالىق اشۋ قۋاتىنىڭ تۇپكىلىكتى قاينارى ادام. عىلمي زەرتتەۋ ورىندارىنىڭ دارىندىلارعا ايرىقشا ءمان بەرۋىنەن ءدال شينجياڭنىڭ عىلىم - تەحنيكادا جاڭالىق اشۋدا كورنەكتى ىلگەرىلەۋشىلىككە قول جەتكىزۋدى جۇزەگە اسىرۋعا كۇش سالعان سەنىمى مەن باتىلدىعىن بايقاۋعا بولادى، سونىمەن بىرگە عىلىم - تەحنيكادا جاڭالىق اشۋ ورتاسىنىڭ ۇزدىكسىز ساپالىلانعاندىعىنىڭ ەڭ تاماشا دالەلى دە بولا الادى.
”2022 - جىل شينجياڭ تاريحىنداعى جاڭالىق اشۋ ارقىلى دامۋعا دەم بەرۋ ەڭ تەز، عىلىم - تەحنيكا ىستەرىنىڭ العا باسۋى ەڭ زور ءبىر جىل بولدى“. اۆتونوميالى رايوندىق عىلىم - تەحنيكا مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، مەڭگەرمە باستىعى قايسار ابدۇكەرىم بىلاي دەدى: بيىل، عىلىم - تەحنيكادا جاڭالىق اشۋعا قاتىستى ساياساتتاردىڭ تياناقتانۋىن، ناقتىلانۋىن جەدەلدەتىپ، تاراۋ، كاسىپ، سالا شەكتەمەسىن بۇزىپ، جوعارى مەن تومەن بىرلەسە ارەكەتتەنەتىن، جوعارى ءونىمدى دە سايكەسىمدى، جاڭالىق اشۋدى بىرگە جەبەيتىن تاماشا جاعدايدىڭ قالىپتاسۋىن ىلگەرىلەتىپ، تۇتاس قوعامنىڭ جاڭالىق اشۋ ومىرشەڭدىگىن جانداندىرىپ، جاڭالىق اشۋ ارقىلى دامۋدىڭ جاڭا قۋاتىن ارتتىرامىز.
دالمە - ءدال قىزمەت وتەپ، كاسىپورىنداردىڭ جاڭالىق اشۋ قوزعاۋشى كۇشىن جارىققا شىعاردى
جاڭا جىل باستالىسىمەن، شينجياڭ تيانشانحۇڭ ءدارى - دارمەك شەكتى سەرىكتەستىگى قاربالاس كۇيگە ەندى: تاجىريبەحاناداعى عىلمي زەرتتەۋ قىزمەتكەرلەرى ءدارى الۋ سىناعىن جاساۋعا دەن قويۋدا؛ ءوندىرۋ سەحىنداعى ماشينالاردىڭ گۇرىلى توقتامادى...
− ”سەرىكتەستىك ەندى عانا جوعارى، جاڭا تەحنيكالىق كاسىپورىندى مويىنداۋدان ءوتىپ، جۇمىسشى - قىزمەتشىلەر بۇدان توتەنشە شابىتتاندى“. اتالعان سەرىكتەستىكتىڭ ورىنباسار باس ديرەكتورى ياڭ حايپيڭ: ”بۇل − سەرىكتەستىكتىڭ عىلىم - تەحنيكادا جاڭالىق اشۋ قۋاتىن مويىنداعاندىق، مۇنان دا ماڭىزدىسى، ۇزاق بولاشاقتىق دامۋ ءۇشىن جاڭا جاعداي اشتى، ساياساتتىق تيىمدىلىك جاسادى، قارجىلىق قولداۋ كورسەتتى، بازار ءورىسىن كەڭەيتتى... سەرىكتەستىكتىڭ بولاشاعى اناعۇرلىم تاماشا بولادى“، - دەدى.
اتالعان سەرىكتەستىك 2009 - جىلى قۇرىلعان، باستابىندا ءونىم ساتۋدى نەگىز ەتكەن، قازىر زەرتتەۋ - اشۋ، ءوندىرۋ، ساتۋ ءبىر تۇلعالاندىرىلدى. وسى جولدا، ياڭ حايپيڭ كاسىپورىننىڭ، ءسوز جوق، عىلىم - تەحنيكادا جاڭالىق اشۋعا سۇيەنگەندە عانا ۇزاق بولاشاقتىق دامۋدى جۇزەگە اسىرا الاتىندىعىن تەرەڭ تانىپ جەتتى.
”سەرىكتەستىك زەرتتەپ - اشقان جۇڭي ءدارىسى Ⅰ تۇرىندەگى جاڭالىق اشۋ دارىسىنە 3 مەرزىمدىك كلينيكالىق سىناق جۇرگىزىلەدى، جاڭا ءدارى تەكسەرىپ بەكىتۋدەن وتسە، سەرىكتەستىكتىڭ دامۋى جاڭا كەزەڭگە قادام تاستايدى“، - دەدى ياڭ حايپيڭ تەبىرەنىستى كوڭىل كۇيىن جاسىرا الماي، - ”وسىنىڭ بارىنە عىلىم - تەحنيكادا جاڭالىق اشۋدىڭ ارقاسىندا قول جەتكىزدىك“.
2022 - جىلى شينجياڭ جاڭادان 639 جوعارى، جاڭا تەحنيكالىق كاسىپورىندى مويىندادى، بۇل الدىڭعى جىلداعىدان ％4. 43 ارتىپ، جالپى سانى 1368گە جەتىپ، تاريحي تىڭ ورەگە جەتتى.
كاسىپورىن − عىلىم - تەحنيكادا جاڭالىق اشۋداعى نەگىزگى تۇلعا، جوعارى، جاڭا تەحنيكالىق كاسىپورىن عىلىم - تەحنيكادا جاڭالىق اشۋدىڭ سەركەسى بولىپ تابىلادى. جوعارى، جاڭا تەحنيكالىق كاسىپورىندى جەتىلدىرۋ، قۇرۋ ءتۇرلى بازار تۇلعالارىنىڭ جاڭالىق اشۋ ومىرشەڭدىگىن قاۋلاتۋعا پايدالى، ەكونوميكانىڭ جوعارى ساپالى دامۋدى جۇزەگە اسىرۋىنا جاڭا قوزعاۋشى قۋات قوسادى.
ساناق ساندى مالىمەتتەرىندە كورسەتىلۋىنشە، 2021 - جىلى بۇكىل شينجياڭداعى كاسىپورىندا زاڭدىق تۇلعالارىنىڭ ％34. 0ىن يەلەيتىن جوعارى، جاڭا تەحنيكالىق كاسىپورىندار بۇكىل شينجياڭنىڭ ％97. 8تىك GDPىن جاراتىپ، ％14. 24 سالىق كىرىسىن قوسىپ، كاسىپورىننىڭ پايدا مولشەرى كولەمنەن جوعارى ونەركاسىپ كاسىپورىندارىنان 06. 2 پايىز جوعارى بولىپ، جان باسىندىق ەڭبەڭ ءوندىرىس مولشەرى كولەمنەن جوعارى ونەركاسىپ كاسىپورىندارىنىڭ 43. 1 ەسەسىندەي بولعان.
اۆتونوميالى رايوندىق عىلىم - تەحنيكا مەڭگەرمەسىنىڭ قاتىستى جاۋاپتىسى مىنانى ءبىلدىردى: بيىل نازاردى جوعارى، جاڭا تەحنيكالىق كاسىپورىنداردىڭ زاپاس كۇشىن جەتىلدىرۋ، جوعارى، جاڭا تەحنيكالىق كاسىپورىنعا ءوتىنىش بەرۋدىڭ ىشكى قوزعاۋشى كۇشىن تاسقىنداتۋ جانە قاتىستى ءتيىمدى ساياساتتاردىڭ تياناقتانۋى، ناقتىلانۋى سياقتى جاقتاردا جۇيەلى كۇش سالۋعا شوعىرلاندىرىپ، 2025 - جىلعا جەتكەندە بۇكىل شينجياڭداعى جوعارى، جاڭا تەحنيكالىق كاسىپورىنداردى 2000نان اسىرۋعا قۇلشىنامىز.
ايتسەدە، شينجياڭ قوعامدىق عىلىمدار اكادەمياسى اۋىل - قىستاقتىڭ دامۋىن زەرتتەۋ ورنىنىڭ باستىعى، اعا زەرتتەۋشى ابدۇۋالي ماحپۇللانىڭ قاراۋىنشا، ساننىڭ ارتۋى تەك ءبىرىنشى قادام، بولاشاقتا كاسىپورىن جاڭالىق اشۋىنىڭ ىشكى قوزعاۋشى كۇشىن تاسقىنداتۋعا كۇش سالۋ كەرەك.
ول بىلاي دەپ قارادى: عىلىم - تەحنيكا ساياساتىنىڭ جەتەكتەۋى جانە قارجى، دارىندى، تەحنيكا سياقتىلاردىڭ كاسىپورىندارعا بەيىمدەلۋىنىڭ ءبارى كەم بولسا بولمايدى، اسىرەسە، قارجى جاعىندا، كاسىپورىندار ءۇشىن شارت - جاعداي ازىرلەپ، كاسىپورىنداردى كوپ نەگىزدى جولمەن قارجى قۇراۋعا ىنتالاندىرۋ كەرەك. مۇنان تىس، ول تاعى قاتىستى تاراۋلار كاسىپورىندار ءۇشىن قىزمەت وتەۋ اشىق ەسەبىن ورناتىپ، ءبىر كاسىپورىنعا ءبىر شارا شىعارىپ، دالمە - ءدال ءتۇيىلىستىرىپ، كاسىپورىنداردىڭ دامۋىنداعى كەسىرلى، بوگەتتى ماسەلەلەردى شىنداپ شەشىپ، كاسىپورىنداردىڭ جاڭالىق اشۋ ومىرشەڭدىگىن تولىق جارىققا شىعارۋ كەرەك دەگەن ۇسىنىس قويدى.
سەلبەسىپ قوسىلا ارەكەتتەنىپ، كاسىپورىنداردىڭ جوعارى ساپالى دامۋىنا قۋات ۇستەدى
دامۋى قانشا كەنجە بولعان وڭىرلەر، دامۋعا جاڭالىق اشۋ ارقىلى دەم بەرۋ ستراتەگياسىن اتقارۋدى سولعۇرلىم قاجەت ەتەدى.
شينجياڭنىڭ بايلىق باسىمدىعى كورنەكتى، وڭىرلىك ورىن باسىمدىعى وزگەشە بولۋ سياقتى فاكتورلار عىلىم - تەحنيكادا جاڭالىق اشۋعا وراسان زور كومەسكى كۇش قوستى، قايتكەندە جاڭالىق اشۋدان قوزعاشى كۇش الىپ، عىلىم - تەحنيكادان كومەسكى كۇش الىپ، ارتىقشىلىقتاردى اسىرىپ، ولقىلىقتاردى تولىقتاپ، توپتان وزۋعا بولادى؟
ابدۇۋالي بىلاي دەپ قارادى: شىعىس پەن باتىس قوسىلا ارەكەتتەنۋ جانە باعىتتامالى كومەكتەسۋ سياقتى مەحانيزمدەر ارقىلى عىلىم - تەحنيكادا جاڭالىق اشۋدىڭ كۇش - قۋاتىن ارتتىرۋعا بولادى.
2022 - جىلى، نازاردى ”سەگىز ءىرى كاسىپ سالاسى شوعىرىنا“ شوعىرلاندىرىپ، شينجياڭ تۇڭعىش رەت مەڭگەرمە مەن مەڭگەرمە، مەڭگەرمە مەن جەرگىلىكتى ورىن قوسىلا ارەكەتتەنۋ نىسانىن ىسكە قوسىپ اتقارىپ، ءارقايسى كاسىپتەردىڭ، تاراۋلاردىڭ جانە ايماق، وبلىس، قالالاردىڭ عىلىم - تەحنيكادا جاڭالىق اشۋ قىزمەتىنە ات سالىسۋ بەلسەندىلىگىن تولىق جۇمىلدىردى.
عىلىم - تەحنيكا قاجەتىن بىرگە تۇجىرىمداپ، زەرتتەۋ - اشۋ مىندەتىن بىرگە جوبالاپ، نىساندى اتقارۋعا بىرگە ۇيىمداستىرىپ، جەرگىلىكتى ەرەكشەلىككە، باسىمدىققا يە كاسىپ سالالارىن زورايتۋ مەن جەتىلدىرۋ وسى ۇلگىنىڭ كورنەكتى ەرەكشەلىگى.
”ماسەلەن، وسى نىساننىڭ ىسكە قوسۋ قارجىسى 5 ميلليون يۋان، مەڭگەرمە مەن جەرگىلىكتى ورىن قوسىلا ارەكەتتەنگەننەن كەيىن، جەرگىلىكتى ۇكىمەت تە 5 ميلليون يۋان سايكەستىرىپ، زەرتتەۋ - اشۋ قارجىسىن اناعۇرلىم تولىقتىرا تۇسەدى؛ سونىمەن بىرگە، ۇكىمەت تە ات سالىسىپ، بايلىقتى سايكەستىرۋ جانە كەيىنگى بازاردا قولدانۋ سياقتى جاقتاردا دا اناعۇرلىم زور باسىمدىققا يە بولادى“، - دەدى قارامايلى قالاسى وزىق عىلىم - تەحنيكا بىرلەسكەن اكادەمياسى دامۋ، ستراتەگيا ءبولىمىنىڭ ورىنباسار باستىعى جاڭ لويۋان.
وسى اكادەميا باستاماشى بولعان ”ونىمدىلىگى تومەن مۇنايلىقتاردى جاسىل اشۋعا باعىتتالعان اسىلگى ورنىندا كومىرتەگىن الۋ، پايدالانۋ جانە شەشۋشى تەحنيكانى زەرتتەپ - اشۋدى پەشەتتەپ ساقتاۋ جانە پايدالانۋ نىسانى“ 2022 - جىلعى 3 - توپتاعى اۆتونوميالى رايوننىڭ مەڭگەرمە مەن مەڭگەرمە، مەڭگەرمە مەن جەرگىلىكتى ورىن قوسىلا ارەكەتتەنۋ نىسانى تىزىمىنە تاڭدالدى، قازىر نىساندى قولداۋ قارجىسىنىڭ 5 ميلليون 100 مىڭ يۋانى ەسەپشوتقا ءتۇستى. وسى نىسان شينجياڭنىڭ ءىشى - سىرتىنداعى 7 جوعارى مەكتەپ، عىلمي زەرتتەۋ ورنى سياقتىلارمەن بىرلەسىپ، 3 جىل ۋاقىت جۇمساپ، شينجياڭنىڭ مۇناي - تابيعي گاز اشۋ سالاسىنداعى بۋ قازاننىڭ تۇتىنىندەگى كومىر قوس توتىعىنىڭ قويۋلىعىن تومەندەتۋ، جيناپ الىپ قايتا پايدالانۋ وزىندىك قۇنى جوعارى بولۋ ماسەلەسىن ءونىمدى شەشەدى.
بۇل عانا ەمەس، اۆتونوميالى رايوندىق عىلىم - تەحنيكا مەڭگەرمەسى تاعى ”قابىلەتتىلەر باستاماشى بولىپ ىستەۋ“ نىسانىن اتقارۋعا ىزدەنىس جاساپ، 2022 - جىلى 17 ”قابىلەتتىلەر باستاماشى بولىپ ىستەۋ“ نىسانىن ۇيىمداستىرىپ اتقاردى.
قايسار بىلاي دەدى: ”كەلەسى قادامدا، ءبىز جىبەك جولى ەكونوميكالىق بەلدەۋى جاڭالىق اشۋ ارقىلى دامۋعا دەم بەرۋ سىناق رايونىنا، ءۇرىمجى − سانجى − شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونىنا سۇيەنىپ، نازاردى ’سەگىز ءىرى كاسىپ سالاسى شوعىرىنا‘ شوعىرلاندىرا وتىرىپ، كەلەلى جاڭالىق اشۋ ينجەنەريالارىن اتقارىپ، عىلىم - تەحنيكا مينيسترلىگىمەن، جۇڭگو عىلىم اكادەمياسىمەن، شىنجىن قالاسىمەن ’ءتورت جاق سەلبەستىگى‘ مەحانيزمىن ونان ارى تەرەڭدەتىپ، شىعىس، باتىس بولىكتەردىڭ سەلبەسىپ جاڭالىق اشۋىن كۇشەيتىپ، ەل ىشىندەگى باسىمدىققا يە جاڭالىق اشۋ بايلىقتارىنىڭ شينجياڭعا توپتالۋىن جەدەلدەتىپ، عىلىم - تەحنيكادا اشىق ۇستاۋدىڭ، سەلبەستىك جاساۋدىڭ جاڭا ارناسىن قالىپتاستىرىپ، رايونىمىزدىڭ جاڭالىق اشۋ ارقىلى دامۋعا دەم بەرۋدەگى جاڭا قوزعاۋشى قۋاتىن ۇزدىكسىز سومدايمىز“.
