− باس شۋجي شي جينپيڭنىڭ 20 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
پارتيانى جاپپاي قاتاڭ باسقارۋ ماڭگى جالعاسادى، پارتيانىڭ وزىنە - ءوزى توڭكەرىس جاساۋى ماڭگى جالعاسادى. باس شۋجي شي جينپيڭ 20 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە ماڭىزدى ءسوز سويلەپ، پارتيانى جاپپاي قاتاڭ باسقارۋدى بۇلجىماي ىشكەرىلەي ىلگەرىلەتۋ جونىندە ستراتەگيالىق ورنالاستىرۋ جاساپ، مىنالاردى باسا دارىپتەدى: پارتيانىڭ ۇزاق ۋاقىت بيلىك جۇرگىزۋىنە، مەملەكەتتىڭ باياندى تىنىشتىعىنا، حالىقتىڭ باقىتى مەن امان - ساۋلىعىنا ساياتىن بيىك تۇرعىدا تۇرىپ، پارتيانى جاپپاي قاتاڭ باسقارۋدى پارتيانىڭ ۇزاق ۋاقىتتىق ستراتەگياسى، ماڭگىلىك تاقىرىبى ەتىپ، ماسەلەنى باعدار ەتۋگە باستان - اياق تاباندى بولىپ، ستراتەگيالىق تاباندىلىقتى ساقتاپ، وزىنە - ءوزى تۇبەگەيلى توڭكەرىس جاساۋ رۋحىن اسقاقتاتىپ، اتوي دابىلىن ماڭگى قاعىپ، قاتاڭدىق سىندى نەگىزگى اۋەندى، قاتاڭ شارالاردى، قاتاڭ رايدى ۇزاق ۋاقىت تاباندىلىقپەن جالعاستىرىپ، پارتيانىڭ وزىنە - ءوزى ۇلى توڭكەرىس جاساۋىن سوڭىنا دەيىن جۇرگىزۋ كەرەك.
جۇڭگونىڭ ءىسىن ويداعىداي ءبىتىرۋدىڭ تەتىگى پارتيادا، تەتىگى پارتيانى جاپپاي قاتاڭ باسقارۋدا. پارتيانىڭ 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ايبىندى جوباسىن كەسكىندەپ، جاڭا جورىقتا ەكپىندەي ىلگەرىلەۋدىڭ ءداۋىر دابىلىن قاقتى. جاڭا كۇرەس نىساناسىنا اتتانىپ، جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ سىندى ۇلى قوعامدىق توڭكەرىستى ويداعىداي جۇرگىزىپ، جاڭا جورىقتا جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە ۇزدىكسىز قول جەتكىزۋ ءۇشىن، پارتيامىز، ءسوز جوق، ەرلىكپەن وزىنە - ءوزى توڭكەرىس جاساپ، پارتيانى اناعۇرلىم پارمەندى دە قۋاتتى ەتىپ قۇرۋدان اۋىتقىماۋى كەرەك. سونىمەن بىرگە مىنانى كورە ءبىلۋىمىز كەرەك: 18 - قۇرىلتايدان بەرى پارتيانى جاپپاي قاتاڭ باسقارۋ ارقىلى ءبىز پارتيانىڭ ىشىندەگى كوپتەگەن كورنەكتى ماسەلەلەردى شەشتىك، الايدا پارتيا ءدوپ كەلىپ وتىرعان ”ءتورت ۇلكەن سىناق“، ”ءتورت ءتۇرلى قاتەر“ ۇزاق ۋاقىت ءومىر سۇرەدى، ءىرى پارتياعا عانا ءتان قيىن ماسەلەلەردى شەشۋ − پارتيانى جاپپاي قاتاڭ باسقارۋدىڭ جاڭا جاعدايعا، جاڭا تالاپقا ۇيلەسۋىندە، ءسوز جوق، شەشۋگە ءتيىستى ماشاقاتتى ءتۇيىن بولىپ تابىلادى. اماليات بىزگە مىنانى ەسكەرتىپ كەلەدى: پارتيانى باسقارۋدا، پارتيانى جونگە سالۋدا ءبىر ءسات تە بوساڭسۋعا بولمايدى، بوساڭسۋ، دامىلداۋ، قالجىراۋ، شايقاستان جالىعۋ پيعىلىنىڭ بولۋىنا استە بولمايدى، ءسوز جوق، پارتيانى جاپپاي قاتاڭ باسقارۋدى باياندى ىلگەرىلەتىپ، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتىپ، پارتيانىڭ وزىنە - ءوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتۋ كەرەك.
بيىل − پارتيا 20 - قۇرىلتايىنىڭ رۋحىن دايەكتىلەندىرۋدەگى، تياناقتاندىرۋداعى باستاما جىل، ”14 - بەسجىلدىق“ جوبانى اتقارۋدا بۇرىنعىعا مۇراگەرلىك ەتىپ، كەيىنگىگە جول اشاتىن شەشۋشى جىل، جاپپاي سوتسياليستىك وسىزاماندانعان مەملەكەت قۇرۋعا نەگىز قالايتىن ماڭىزدى جىل. باستاما جالپى جاعدايعا سايادى، باستاپقى قادام سوڭعى بارىستى بەلگىلەيدى، پارتيانى جاپپاي قاتاڭ باسقارۋدى ىشكەرىلەي ىلگەرىلەتۋدىڭ ماڭىزى زور. مىنانى تەرەڭ تانىپ جەتۋىمىز كەرەك: ساياسي باقىلاۋ − بۇكىل پارتيانى پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋعا قۋزاۋدىڭ پارمەندى شاراسى، تەك ساياسي باقىلاۋدى كۇشەيتكەندە عانا، بۇكىل پارتيانىڭ نىسانا بىرلىگىن، ىنتىماق بىرلىگىن، اياق الىسىنىڭ بىرلىگىن ىلگەرىلەتۋگە بولادى؛ ورتالىقتىڭ 8 ءتۇرلى بەلگىلەمەسىن جاساۋ، اتقارۋ − پارتيامىزدىڭ جاڭا داۋىردەگى تيپ ورناتىپ، سەنىمگە يە بولۋ شاراسى، تەك بۇلجىماي يگەرىپ، ۇزاق ۋاقىت ەڭبەك كورسەتكەندە عانا، سالتقا اينالدىرىپ، تاڭداۋلى پارتيا ستيلى ارقىلى قوعامدىق سالتقا، حالىقتىق سالتقا جەتەكشىلىك ەتۋگە بولادى؛ ءتارتىپ − پارتيانى باسقارۋدىڭ، پارتيانى جونگە سالۋدىڭ ”تەجەمدىك قۇرالى“، سونداي - اق پارتيا مۇشەلەرىنىڭ، كادرلاردىڭ ءوز ءىس - ارەكەتىن تەجەۋىنىڭ ولشەمى جانە بويسۇنۋ ولشەمى، تەك قاتاڭدىق تالابىن پارتيا قاعيداسىن جاساۋ، پارتيا ءتارتىبى تاربيەسى، ءتارتىپتىڭ اتقارىلۋىن باقىلاۋدىڭ تۇتاس بارىسىندا دايەكتىلەندىرگەندە عانا، بۇكىل پارتيادا قاعيداعا قۇرمەت ەتىپ، تارتىپكە بويسۇناتىن وسكەلەڭ سانالىلىقتى قالىپتاستىرۋعا بولادى؛ شىرىكتەسۋگە قارسى تۇرۋ كۇرەسىنىڭ جاعدايى ءالى دە قاتاڭ، كۇردەلى، سانىنىڭ ارتۋىن تەجەۋ، قالدىقتارىن جويۋ مىندەتى ءالى دە جاپالى، شىرىكتەسۋ ماسەلەسى تۋىلاتىن ورتا مەن شارت - جاعداي ءومىر سۇرەدى ەكەن، شىرىكتەسۋگە قارسى تۇرۋ كۇرەسىن ءبىر ءسات تە توقتاتۋعا بولمايدى؛ پارتيا ءبىر تۇتاس باسشىلىق ەتەتىن، جاپپاي قامتىعان، قۇزىرلى دا جوعارى ءونىمدى باقىلاۋ جۇيەسىن اقاۋسىزداندىرۋ − مەملەكەتتى باسقارۋ جۇيەسى مەن باسقارۋ قابىلەتىنىڭ وسىزاماندانۋىن جۇزەگە اسىرۋدىڭ ماڭىزدى بەلگىسى، تەك ءتۇرلى باقىلاۋ كۇشتەرىن بىرىكتىرۋدى، ءتارتىپتىڭ سايكەستى بولۋىن، قىزمەتتىڭ توعىسۋىن ءبىر تۇتاس جوسپارلاپ ىلگەرىلەتكەندە عانا، ۇقىقتىڭ اشىق، جاريا جۇرگىزىلۋىنە مۇمكىندىك جاساۋعا بولادى.
پارتيانى جاپپاي قاتاڭ باسقارۋدى بۇلجىماي ىشكەرىلەي ىلگەرىلەتۋ ءۇشىن، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، ساياسي دەڭگەيدى جوعارىلاتىپ، ساياسي جاۋاپكەرشىلىك ارقالاۋدى كۇشەيتىپ، قىزمەتتى تياناقتاندىرۋدى مىقتى يگەرىپ، جاپپاي سوتسياليستىك وسىزاماندانعان مەملەكەت قۇرۋعا جاقسى باستاما اشۋ، جاقسى قادام تاستاۋ ءۇشىن پارمەندى قامتاماسىزدىق ازىرلەۋ كەرەك. پارتيا 20 - قۇرىلتايىنىڭ شەشىمدەرىنىڭ، ورنالاستىرۋلارىنىڭ تياناقتانىپ ونىمدىلىك كورسەتۋىن پارمەندى ساياسي باقىلاۋمەن قامتاماسىز ەتىپ، ناقتىلاندىرۋ، دالمە - ءدال بولۋ، ۇدايىلاندىرۋ جاعىنا اناعۇرلىم زور كۇش سالىپ، دايەكتىلەندىرۋ، اتقارۋ بارىسىنداعى بوگەتتىك تۇيىندەردى، قوردالانعان تۇيىندەردى، قيىن تۇيىندەردى شىن مانىندە اشىپ، پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن تياناقتاندىرۋ مەحانيزمىنىڭ كەمەلدەنۋىن ىلگەرىلەتۋ؛ ورتالىقتىڭ 8 ءتۇرلى بەلگىلەمەسىنىڭ رۋحىن تىنباي قۇلشىنا تياناقتاندىرىپ، راقاتقۇمارلىقتى، استا - توك ىسىراپشىلدىقتى ۇزدىكسىز تۇزەتىپ - وڭاپ، فورماشىلدىقتى، تورەشىلدىكتى تۇزەتۋدى، وڭاۋدى ستيل قۇرىلىسىنىڭ ءتۇيىندى مىندەتى ەتىپ، ستيل قۇرىلىسىنىڭ ۇدايىلانۋىن، ۇزاق ونىمدىلىككە يە بولۋىن ىلگەرىلەتۋ؛ ءتارتىپ قۇرىلىسىن اناعۇرلىم كورنەكتى ورىنعا قويىپ، ءارى بولاتتاي بەرىك ءتارتىپتىڭ تەگەۋرىنىن، ايبارىن كورسەتۋ، ءارى كادرلاردىڭ باسا ءمان بەرۋىنە، سەرگەك بولۋىنا، تيىلۋدى بىلۋىنە مۇمكىندىك جاساپ، ءاربىر كوممۋنيستىك پارتيا مۇشەسىن، اسىرەسە، باسشى كادرلاردى پارتيا ۋستاۆى تانىمىن بەرىك ورناتىپ، باقىلاۋ مەن تەجەۋدە بولاتىن ورتادا قىزمەت ىستەۋ، تۇرمىس كەشىرۋ ادەتىن ونان ارى قالىپتاستىرۋعا باستاۋ؛ ۇستىنەن وڭاۋ مەن تۇبىرىنەن وڭاۋعا تەڭ ءمان بەرۋدى، جۇيەلى باسقارۋدى تەرەڭدەتىپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالاندىرىپ ىلگەرىلەتىپ، پارا بەرۋدى جازالاۋدىڭ زاڭدارىن، زاڭ ەرەجەلەرىن ونان ارى اقاۋسىزداندىرىپ، كەمەلدەندىرىپ، ايتىلمىس ”سۇيەنىشى بار“ ”ساياسي الدامكوستەرگە“ قاتاڭ سوققى بەرۋ؛ پارتكومنىڭ (پارتيا باسشىلىق گرۋپپاسىنىڭ) جەتەكشىلىك رولىن ساۋلەلەندىرىپ، ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىن ۇزدىكسىز تەرەڭدەتىپ، شارلاۋ سەمسەرىن اناعۇرلىم جارقىراتا قايراپ، جۇرەكتىلىكپەن ايقىن پوزيتسيا ءبىلدىرىپ، سەمسەردى بيىك ۇستاۋدى، قاي - قاشان دا سەس كورسەتۋدى باستان - اياق ورىنداۋ كەرەك. ءتارتىپ تەكسەرۋ، باقىلاۋ - تەكسەرۋ ورگاندارى − پارتيانى جاپپاي قاتاڭ باسقارۋدى ىلگەرىلەتۋشى ماڭىزدى كۇش، داڭقتى مىندەت، زور جاۋاپكەرشىلىك ارقالاپ وتىر، ءسوز جوق، پارتياعا ادال بولىپ، اۋىر جۇكتى باتىل ارقالاپ، باتىلدىقپەن قاتاڭ شايقاس جۇرگىزىپ، كۇرەس جۇرگىزۋگە شەبەر بولىپ، قامال الۋ شايقاسىندا، ۇزاققا سوزىلاتىن شايقاستا قاشاندا اتويلاپ الدا ءجۇرۋى كەرەك.
جاڭا جورىق − داڭق پەن ارمانعا تولى ۇزاق جورىق. پارتيا قۇرىلىسىنىڭ جاڭا ۇلى ينجەنەرياسى − ۇلى كۇرەسكە، ۇلى ىسكە جەتەكشىلىك ەتىپ، ەڭ سوڭىندا ۇلى ارماندى جۇزەگە اسىرۋدىڭ ءتۇبىرلى كەپىلى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيانى جاپپاي قاتاڭ باسقارۋدى ءبىر ءسات تە توقتاتپاي ىلگەرىلەتىپ، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتسەك، ءبىزدىڭ 100 جىلدىق ءىرى پارتيامىز، ءسوزسىز، وزىنە - ءوزى توڭكەرىس جاساۋ بارىسىندا تاسقىنداعان تىڭ تىنىسىن ۇزدىكسىز قاۋلاتىپ، جالىنداعان تىرشىلىك قۋاتى مەن قۇدىرەتتى جاۋىنگەرلىك قۋاتىن ماڭگى ساقتاپ، ميلليارد حالىقتى ىنتىماقتاستىرىپ جانە باستاپ، العا باسۋ جولىنداعى بارلىق حاۋىپ - قاتەر، سىن - سايىستى جەڭىپ، جاڭا داۋىردەگى جۇڭگوشا سوتسياليزمنىڭ اناعۇرلىم اسەم تاراۋىن جازا الادى.
(شينحۋا اگەنتتىگىنىڭ 1 - ايدىڭ 12 - كۇنى بەيجيڭنەن بەرگەن حابارى)
