انار بۇلت \ شينجياڭ گازەتىنىڭ تىلشىلەرى جاڭ يۇنمەي، لي ياڭ 1 - ايدىڭ 13 - كۇنى ۇرىمجىدەن حابارلايدى. 12 - كەزەكتى اۆتونوميالى رايوندىق ساياسي كەڭەس كەزىندە جيىنى 4022 ۇسىنىس جوبا تاپسىرىپ الىندى، تەكسەرۋ ارقىلى 3318ى ەستەلىككە الىندى، ۇسىنىس جوبالاردىڭ ءبىتىرىلۋ، جاۋاپ قايتارىلۋ مولشەرى ％100 بولدى.
مۇنىڭ ىشىندە ەكونوميكالىق قۇرىلىس تۇرىندەگىلەر ％46.8ىن، ساياسي قۇرىلىس تۇرىندەگىلدەر ％18.6ىن، مادەنيەت قۇرىلىسى تۇرىندەگىلەر ％5.0ىن، قوعامدىق قۇرىلىس تۇرىندەگىلەر ％26.7ىن، ەكولوگيالىق وركەنيەت تۇرىندەگىلەر ％2.9ىن يەلەدى؛ مۇشەلەردىڭ ۇسىنىس جوباسى 2622، ساياسي كەڭەستىڭ ءارقايسى ارناۋلى كوميتەتتەرى مەن ءارقايسى دەموكراتيالىق پارتيا - توپتاردىڭ شينجياڭ رايوندىق كوميتەتتەرىنىڭ ۇسىنىس جوباسى 639، اۆتونوميالى رايوندىق ساۋدا - ونەركاسىپشىلەر بىرلەستىگى مەن قاتىستى حالىقتىق ۇيىمداردىڭ ۇسىنىس جوباسى 57 بولدى، توپتىق ۇسىنىس جوبالار ەستەلىككە الىنعان ۇسىنىس جوبا جالپى سانىنىڭ ％20.9ىن يەلەپ، الدىڭعى كەزەكتەگىدەن ％6.5 جوعارىلادى.
5 جىلدان بەرى شينجياڭداعى ءار ۇلت، ءار سالا ساياسي كەڭەس مۇشەلەرى، ساياسي كەڭەسكە قاتىناسۋشى ورىندار مەن ارناۋلى كوميتەتتەر شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، اۆتونوميالى رايوندىق پارتكومنىڭ كەلەلى ورنالاستىرۋلارىن، تالاپتارىن تىعىز ارقاۋ ەتىپ، ۇسىنىس جوبا ارقىلى بەلسەندىلىكپەن شىنايى كەڭەس ۇسىنىپ، ناقتى شارا كورسەتىپ، ورتاق تانىم ۇيىستىردى. ءبىتىرۋدى ۇستىنە العان ورىندار بەلسەندى تۇردە ۇسىنىس جوبالارداعى شىنايى پىكىرلەردى رەفورمانى تەرەڭدەتۋدەگى، دامۋدى جەبەۋدەگى، قيىن ماسەلەلەردى شەشۋدەگى شەشىم شىعارۋ تالعامىنا اينالدىرىپ، كورىكتى شينجياڭ قۇرۋعا بەلسەندى ۇلەس قوستى.
ەكونوميكالىق قۇرىلىس جاعىندا، جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ سياقتى كەلەلى ستراتەگيالىق ورنالاستىرۋلاردى ارقاۋ ەتىپ ەستەلىككە الىنعان ۇسىنىس جوبا 1554 بولدى. بۇلاردىڭ ىشىندە وسى زامانعى ەگىن شارۋاشىلىعى مەن مال شارۋاشىلىعىن جەدەل دامىتۋ، ەرەكشە، باسىمدىققا يە جەمىس ورمانى شارۋاشىلىعىن زورايتۋ، ءجۇزىم شارابى كاسىپ سالاسىن گۇلدەندىرۋ سياقتى ۇسىنىستار اۆتونوميالى رايوننىڭ ”14 - بەسجىلدىق“ جوباسىن جاساۋدا، جاڭالىق اشۋ ارقىلى دامۋعا دەم بەرۋ ستراتەگياسىن اتقارۋدا ماڭىزدى رول اتقاردى.
ساياسي قۇرىلىس جاعىندا، جالپى بارىستىق حالىق دەموكراتياسىن دامىتۋ، جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرۋ، پارتيانى جاپپاي قاتاڭ باسقارۋ، شينجياڭدى زاڭمەن باسقارۋدى، شينجياڭدى ىنتىماقتاسا ورنىقتىرۋدى، شينجياڭدى مادەنيەتپەن نارلەندىرۋدى، حالىقتى بايىتىپ، شينجياڭدى گۇلدەندىرۋدى، شينجياڭدى باياندى كوركەيتۋدى ىلگەرىلەتۋدى ارقاۋ ەتىپ ەستەلىككە الىنعان ۇسىنىس جوبا 617 بولدى. بۇلاردىڭ ىشىندە ۇلتتار ىنتىماعىن كۇشەيتۋدى تەرەڭدەتۋ، شينجياڭدا ءىسلام ءدىنىن جۇڭگوشالاندىرۋدى ىلگەرىلەتۋ سياقتىلار جونىندەگى ۇسىنىستار جۇڭحۋا ۇلتى ورتاق تۇلعا تانىمىن بەرىك ورناتۋدا، ۇلتتاردىڭ ارالاسۋىن، ىشتەسۋىن، توعىسۋىن جەبەۋدە، ءدىن ىستەرىن باسقارۋ قابىلەتىن جوعارىلاتۋدا ماڭىزدى رول اتقاردى.
مادەنيەت قۇرىلىسى جاعىندا، مادەنيەت سەنىمىن كۇشەيتۋ، سوتسياليستىك وزەكتى قۇن كوزقاراسىن امالياتتا ايگىلەۋ سياقتىلاردى ارقاۋ ەتىپ ەستەلىككە الىنعان ۇسىنىس جوبا 166 بولدى. بۇلاردىڭ ىشىندە شينجياڭداعى دۇنيە جۇزىلىك مادەنيەت مۇرا ورىندارىن قورعاۋدى، پايدالانۋدى كۇشەيتۋ جانە الەۋمەتتىك مادەنيەتپەن قامداۋ جۇيەسى قۇرىلىسى، قار - مۇز كاسىپ سالاسىن جوعارى ساپالى دامىتۋ سياقتى ۇسىنىستار اۆتونوميالى رايوننىڭ ”14 - بەسجىلدىق“ جوباسىندا جانە قاتىستى ساياسات - شارالارىندا ايگىلەندى.
قوعامدىق قۇرىلىس جاعىندا، بىرگە بايۋدى جۇزەگە اسىرۋ، حالىق تۇرمىسىنا كوڭىل ءبولۋ جانە ونى جاقسارتۋ، حالىقتى بايىتىپ، شينجياڭدى گۇلدەندىرۋدى ىلگەرىلەتۋ سياقتى حالىق ءجىتى قاداعالاپ وتىرعان ىستەردى ارقاۋ ەتىپ ەستەلىككە الىنعان ۇسىنىس جوبا 885 بولدى. بۇلاردىڭ ىشىندە اۋىل - قىستاقتاعى ارتىق ەڭبەككۇشتەردى باسقا كاسىپكە ويىستىرىپ جۇمىستاندىرۋ تەبىنىن ارتتىرۋ، قازىنانىڭ، فينانستىڭ شارۋاشىلىق قۇرۋعا، جۇمىستانۋعا قولداۋىن ساپالىلاندىرۋ سياقتى ۇسىنىستار قاتىستى ساياسات - شارالاردا ايگىلەندى.
ەكولوگيالىق وركەنيەت قۇرىلىسى جاعىندا، تۇنىق سۋ، جاسىل تاۋ − باعالى بايلىق، قارلى القاپ، مۇزدى دالا دا باعالى بايلىق ۇستانىمىن امالياتتا ايگىلەۋدى ارقاۋ ەتىپ، كورىكتى شينجياڭ قۇرىلىسىن ىلگەرىلەتۋ سياقتى سالالاردا ەستەلىككە الىنعان ۇسىنىس جوبا 96 بولدى. بۇلاردىڭ ىشىندە تاۋ، سۋ، ورمان، اتىز، كول، جايلىم، قۇمدى جونگە سالۋدى ءبىر تۇتاس جوسپارلاۋ، ادام مەن تابيعاتتىڭ جاراسىمدى بىرگە ءومىر ءسۇرۋىن جەبەۋ سياقتى ۇسىنىستار ەكولوگيالىق ورتانى قورعاۋدى كۇشەيتۋدە، تاماشا مەكەندى بىرگە قۇرۋدا ماڭىزدى دايەك ازىرلەدى.
