انار بۇلت \ شينجياڭ گازەتىنىڭ تىلشىلەرى جاڭ يۇنمەي، لي ياڭ 1 - ايدىڭ 13 - كۇنى ۇرىمجىدەن حابارلايدى. 1 - ايدىڭ 13 - كۇنى تۇستەن كەيىن اۆتونوميالى رايوندىق ساياسي كەڭەس 13 - كەزەكتى كوميتەتى 1 - ءماجىلىسىنىڭ ۇسىنىس جوبالاردى تەكسەرۋ كوميتەتى 1 - جيىنىن وتكىزىپ، «اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتىنىڭ ۇسىنىس جوبا قىزمەتى جاعدايى بايانداماسى جونىندەگى قاراردى» (جوبا) قارادى، «اۆتونوميالى رايوندىق ساياسي كەڭەس 13 - كەزەكتى كوميتەتى 1 - ءماجىلىسىنىڭ ۇسىنىس جوبا قىزمەت جوباسىن» قارادى ءارى پرينسيپتىك جاقتان ماقۇلدادى. جيىن وسى جولعى ماجىلىسكە تاپسىرىلاتىن ۇسىنىس جوبانى ساناققا الۋ ۋاقىتى 2023 - جىلى 1 - ايدىڭ 15 - كۇنى ساعات 14كە دەيىن بولاتىندىعىن ۇيعاردى.
«جوبادا» مىنالار العا قويىلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن دايەكتىلەندىرىپ، تياناقتاندىرىپ، شينجياڭنىڭ باياندى تىنىشتىعىنا ساياتىن تۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى جاقتارداعى ۇسىنىس جوبالاردى ورتاعا قويىپ، ەكونوميكالىق قۇرىلىس، ساياسي قۇرىلىس، مادەنيەت قۇرىلىسى، قوعامدىق قۇرىلىس، ەكولوگيالىق وركەنيەت قۇرىلىسى جانە شينجياڭدى زاڭمەن باسقارۋ، شينجياڭدى ىنتىماقتاسا ورنىقتىرۋ، شينجياڭدى مادەنيەتپەن نارلەندىرۋ، حالىقتى بايىتىپ، شينجياڭدى گۇلدەندىرۋ، شينجياڭدى باياندى كوركەيتۋ ماڭىزدى ماسەلەلەرىن ارقاۋ ەتە وتىرىپ، اۆتونوميالى رايوندىق پارتكوم مەن ۇكىمەتتىڭ قىزمەت تۇيىندەرىن، ەكونوميكالىق، قوعامدىق دامۋداعى قيىن تۇيىندەردى، بۇقارا جاپپاي كوڭىل ءبولىپ وتىرعان قولامتالى تۇيىندەردى، سونداي - اق تاعى باسقا جاقتارداعى ماڭىزدى ماسەلەلەردى تىعىز ارقاۋ ەتىپ، ىشكەرىلەي وي جۇگىرتۋ، حالىقتىڭ اقىل - پاراساتىن كەڭ كولەمدە شوعىرلاندىرۋ نەگىزىندە جوعارى ساپالى ۇسىنىس جوبا قويۋ كەرەك. ۇسىنىس جوبادا ءبىر ىسكە ءبىر جوبا بولۋعا تاباندى بولىپ، مازمۇنى ىقشام، قيسىندى، ماسەلەنىڭ ءتۇيىنى ءداپ باسىپ يگەرىلگەن، ۇسىنىستىڭ جەلىسى انىق بولۋى كەرەك.
«جوبادا» ۇسىنىس جوبا قويۋ ءتاسىلى، نەگىزگى تالابى، تەكسەرۋ ارقىلى ەستەلىككە الۋ شارتى، تاپسىرۋ ءتاسىلى جونىندە ايقىن بەلگىلەمە جاسالدى. ۇسىنىس جوبا قىزمەتى − ساياسي كەڭەستىڭ ۇنەمىلىك قىزمەتى، وسى جولعى ءماجىلىستىڭ ۇسىنىس جوبالاردى جيناۋ، ساناققا الۋ ۋاقىتى اياقتاعان سوڭ، ساياسي كەڭەس مۇشەلەرىنىڭ، پارتيا - توپتاردىڭ جانە ساياسي كەڭەستىڭ ارناۋلى كوميتەتتەرىنىڭ ۇسىنىس جوبالاردى ۇزدىكسىز تاپسىرۋىنا بولادى. اۆتونوميالى رايوندىق ساياسي كەڭەس كەڭسەسى اۆتونوميالى رايوندىق پارتكوم كەڭسەسىمەن، اۆتونوميالى رايوندىق حالىق ۇكىمەتى كەڭسەسىمەن ۇسىنىس جوبالاردى ءبىر جاقتى ەتۋگە تاپسىرۋ ءماجىلىسىن دەر كەزىندە بىرلەسىپ اشىپ، تاۋەلدىلىك بويىنشا ءبىتىرۋ پرينسيبىنە ساي، ەستەلىككە الىنعان ۇسىنىس جوبالاردى قاتىستى ورىنداردىڭ ءبىر جاقتى ەتۋىنە شوعىرلى تاپسىرىپ بەرەدى.
