تيانشان تورى
تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسىنىڭ ءتوراعالار القاسى 1 - جيىنىن وتكىزدى

ءماجىلىستىڭ كۇن ءتارتىبى سياقتىلاردى بەلگىلەدى، وسى رەتكى ءماجىلىس 1 - ايدىڭ 14 - كۇنى اشىلادى، ءماجىلىس ۋاقىتى 5 كۇن بولادى

  انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ شياڭ 1 - ايدىڭ 13 - كۇنى ۇرىمجىدەن حابارلايدى. اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسىنىڭ ءتوراعالار القاسى 1 - ايدىڭ 13 - كۇنى تۇستەن كەيىن 1 - جيىنىن وتكىزدى.

  جيىنعا قاتىناسۋعا ءتيىستى 72 ادام، ناقتى قاتىناسقانى 66 ادام، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

  جيىن ما شيڭرۇي، ەركىن تۇنياز، لي يفي، جاڭ چۇنلين، حى جۇڭيوۋ، جاڭ جۋ، تيان شياڭلي، ءزۇمىرات وبۇل، لي نيڭپيڭ، توحتى ياقۇپ، مۇقيات جارمۇقامەت، ءمۇتالىپ روزىنى اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسى ءتوراعالار القاسىنىڭ تۇراقتى ءتوراعالىعىنا سايلادى.

  جيىن داۋىسقا سالۋ ارقىلى اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسىنىڭ كۇن ءتارتىبىن ماقۇلدادى. ءماجىلىس كۇن ءتارتىبى بويىنشا، ءماجىلىس 1 - ايدىڭ 14 - كۇنى تۇستەن بۇرىن اشىلىپ، 1 - ايدىڭ 18 - كۇنى تۇستەن كەيىن جابىلادى، ءماجىلىس ۋاقىتى 5 كۇن.

  جيىن داۋىسقا سالۋ ارقىلى ءماجىلىستىڭ جالپى جيىندارىنىڭ اتقارۋشى ءتوراعالارىن سايلادى، ءماجىلىستىڭ ورىنباسار باس حاتشىلارىن ۇيعاردى؛ اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسىنىڭ كەڭەستىك جوبالارىن داۋىسقا سالۋ ءادىسىن ۇيعاردى.

  جيىن داۋىسقا سالۋ ارقىلى اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتى قۇرامىنداعىلاردىڭ سانى جونىندەگى قاۋلى جوباسىن، اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسىنىڭ سايلاۋ ءادىسى جوباسىن، اۆتونوميالى رايوندىق 14 - كەزەكتى حالىق قۇرىلتايىنىڭ ارناۋلى كوميتەتتەرىن قۇرۋ جانە ولاردىڭ مەڭگەرۋشى مۇشەلەرى، ورىنباسار مەڭگەرۋشى مۇشەلەرى، مۇشەلەرى كانديداتتارىن داۋىسقا سالۋ ءادىسى جوباسىن ۋاكىلدەر ۇيىرمەلەرىنىڭ قاراۋىنا تاپسىرۋدى ۇيعاردى؛ جيىن اۆتونوميالى رايوندىق 14 - كەزەكتى حالىق قۇرىلتايىنىڭ زاڭ - ءتۇزىم كوميتەتىنىڭ جانە قازىنا - ەكونوميكا كوميتەتىنىڭ مەڭگەرۋشى مۇشەلەرى، ورىنباسار مەڭگەرۋشى مۇشەلەرى، مۇشەلەرى كانديداتتارىن ۋاكىلدەر ۇيىرمەلەرىنىڭ تالقىسىنا تاپسىرۋدى ۇيعاردى.

  جيىن ۋاكىلدەردىڭ كەڭەستىك جوبا ۇسىنۋ ۋاقىت شەگى 1 - ايدىڭ 15 - كۇنى ساعات 18گە دەيىن بولادى دەپ ۇيعاردى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.