اۆتونوميالى رايوندىق 14 - كەزەكتى حالىق قۇرىلتايىنىڭ 1 - ءماجىلىسى دايىندىق جيىنىن وتكىزدى

ءماجىلىستىڭ ءتوراعالار القاسىن جانە باس حاتشىسىن سايلادى، ءماجىلىستىڭ كەڭەستىك ءتارتىبىن ماقۇلدادى

　　انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ شياڭ 1 - ايدىڭ 13 - كۇنى ۇرىمجىدەن حابارلايدى. اۆتونوميالى رايوندىق 14 - كەزەكتى حالىق قۇرىلتايىنىڭ 1 - ءماجىلىسى 1 - ايدىڭ 13 - كۇنى تۇستەن كەيىن دايىندىق جيىنىن وتكىزدى. اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن جيىندى باسقاردى.

　　دايىندىق جيىنىنا قاتىناسۋعا ءتيىستى ۋاكىل 546 ادام، ناقتى قاتىناسقانى 510 ادام، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

　　جيىن اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسىنىڭ ءتوراعالار القاسىن جانە باس حاتشىسىن سايلادى؛ اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسىنىڭ كەڭەستىك ءتارتىبىن داۋىسقا سالىپ ماقۇلدادى.

　　اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى لي شۋەجۇن، سارقىت اقان، دۇڭ شينگۋاڭ، جاۋ چيڭ، قادىلبەك قامزا، سو يۋە، لي نيڭپيڭ، توحتى ياقۇپ، مۇقيات جارمۇقامەت، باس حاتشى ءمۇتالىپ روزى جيىنعا قاتىناستى.