− اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسىنىڭ اشىلعاندىعىن قىزۋ قۇتتىقتايمىز
شينجياڭ گازەتى باسماقالاسى
جىلدار رەتىمەن اۋناپ، تابىستار كۇن سايىن جاڭالانۋدا. بۇگىن ءار ۇلت كادرلارى مەن بۇقاراسىنىڭ نازارىن بارىنشا اۋدارعان اۆتونوميالى رايوندىق 14 - كەزەكتى حالىق قۇرىلتايىنىڭ 1 - ءماجىلىسى سالتاناتپەن اشىلدى. تۇتاس رايوننىڭ جەر - جەرىنەن كەلگەن حالىق قۇرىلتايى ۋاكىلدەرى حالىقتىڭ ماڭىزدى تاپسىرماسىن ارقالاپ، مىندەت ۇقىعىن زاڭ بويىنشا جۇرگىزىپ، شينجياڭنىڭ رەفورما، دامۋ، ورنىقتىلىق ۇلى جوباسىن بىرگە اقىلداسىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن بىرگە جوسپارلايدى. ءبىز ءماجىلىستىڭ اشىلعاندىعىن قىزۋ قۇتتىقتايمىز!
بۇل رەتكى ءماجىلىس تۇتاس رايوندا جوعارىدان تومەنگە دەيىن پارتيا 20 - قۇرىلتايىنىڭ رۋحىن جاپپاي ىشكەرىلەي ۇيرەنۋ، ۇگىتتەۋ، دايەكتىلەندىرۋ ساتىندە اشىلعان ماڭىزدى ءماجىلىس، رايونىمىزدىڭ ساياسي ومىرىندەگى ءىرى ءىس. ءماجىلىس الدى مەن ارتىن جالعاستىرىپ، الدىڭعىلاردىڭ ءىزىن باسىپ، بولاشاققا جول اشىپ، پارتيا 20 - قۇرىلتايىنىڭ ورنالاستىرۋلارىن، تالاپتارىن جاپپاي دايەكتىلەندىرىپ، تياناقتاندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازۋدا ماڭىزدى مانگە يە.
وتكەن 5 جىلعى كۇرەس جولىنا قايىرىلا قاراساق، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم تۇتاس رايونداعى ءار ۇلت كادرلارى مەن بۇقاراسىن ىنتىماقتاستىرىپ، باستاپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، شينجياڭدى زاڭمەن باسقارىپ، شينجياڭدى ىنتىماقتاسا ورنىقتىرىپ، شينجياڭدى مادەنيەتپەن نارلەندىرىپ، حالىقتى بايىتىپ شينجياڭدى گۇلدەندىرىپ، شينجياڭدى باياندى كوركەيتىپ، شينجياڭنىڭ ەكونوميكالىق، قوعامدىق دامۋىندا جانە حالىق تۇرمىسىن جاقسارتۋدا بۇرىن بولماعان تابىسقا قول جەتكىزدى، قوعام ورنىقتى، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جاراتىپ، باياندى تىنىشتىققا قادام تاستاۋعا بەرىك نەگىز قالادى.
ناتيجەگە قول جەتكىزۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ جەمىسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ جەمىسى، تۇتاس رايوندا جوعارىدان تومەنگە دەيىنگىلەردىڭ قامال الىپ، قيىندىقتى جەڭۋىنىڭ، ىنتىماقتاسا كۇرەس جاساۋىنىڭ جەمىسى ءارى وعان تۇتاس رايونداعى ءار دارەجەلى حالىق قۇرىلتايلارى مەن ونىڭ تۇراقتى كوميتەتتەرىنىڭ جانە حالىق قۇرىلتايى ۋاكىلدەرىنىڭ اقىل - پاراساتى مەن ماڭداي تەرى سىڭىرىلگەن. 5 جىلدان بەرى، اۆتونوميالى رايوندىق 13 - كەزەكتى حالىق قۇرىلتايى مەن ونىڭ تۇراقتى كوميتەتى پارتيانىڭ باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، شينجياڭدى زاڭمەن باسقارۋدى ىشكەرىلەي امالياتتا ايگىلەپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، شينجياڭنىڭ رەفورما، دامۋ، ورنىقتىلىعىنداعى ءتۇبىرلى سيپاتقا، جالپى جاعدايلىق سيپاتقا جانە ۇزاق بولاشاقتىق سيپاتقا يە ماسەلەلەردى شەشۋدى ءتۇزىم، زاڭ جاعىنان ىلگەرىلەتتى؛ زاڭ شىعارۋ ساپاسىن ۇزدىكسىز جوعارىلاتىپ، شينجياڭنىڭ قوعام ورنىقتىلىعى مەن باياندى تىنىشتىعىنا ماڭىزدى زاڭمەن باسقارۋ قامتاسىزدىعىن ازىرلەدى؛ حالىق بۇقاراسى ۇزاق ۋاقىت نازار اۋدارىپ كەلگەن تولعاقتى، قيىن ماسەلەلەر سياقتىلاردى اناعۇرلىم زور تەبىنمەن شەشىپ، شينجياڭنىڭ رەفورماسىنا، دامۋىنا، ورنىقتىلىعىنا جانە دەموكراتيالىق زاڭمەن باسقارۋ قۇرىلىسىنا بەلسەندى ۇلەس قوستى.
حالىق قۇرىلتايى ءتۇزىمىنىڭ قۋاتتى ومىرشەڭدىك كۇش پەن كورنەكتى باسىمدىلىققا يە بولا الۋىنىڭ تەتىگى ونىڭ حالىق اراسىنا تەرەڭ تامىر تارتىپ، حالىقتىڭ حالىق قۇرىلتايى ارقىلى مەملەكەت بيلىگىن جۇرگىزۋىنە قولداۋ كورسەتىپ جانە كەپىلدىك ەتىپ، حالىقتىڭ قوجايىن بولۋىنىڭ مەملەكەتتىڭ ساياسي ءومىرى مەن قوعامدىق ومىرىندە ناقتى، رەال تۇردە تياناقتانۋىنا كەپىلدىك ەتۋىندە.
بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىقتى ىلگەرىلەتۋدەگى ماڭىزدى جىل. جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا تۇتاس رايونداعى ءار دارەجەلى حالىق قۇرىلتايلارى مەن ونىڭ تۇراقتى كوميتەتتەرى اناعۇرلىم كەڭ، اناعۇرلىم تولىق، اناعۇرلىم اقاۋسىز حالىق دەموكراتياسىن دامىتىپ، حالىقتىڭ ۇنىنە قۇلاق اسىپ، حالىقتىڭ كۇتكەنىنە جاۋاپ بەرىپ، حالىق بۇقاراسىنىڭ ەڭ كوڭىل بولگەن، ەڭ تىكە، ەڭ رەال مۇددە ماسەلەلەرىن ۇزدىكسىز ويداعىداي شەشىپ، ءار ۇلت حالقىنىڭ اقىل - پاراساتى مەن كۇش - قۋاتىن اناعۇرلىم ۇيىستىرىپ، كورىكتى شينجياڭ قۇرۋعا جاڭا دا اناعۇرلىم زور ۇلەس قوسۋى كەرەك.
شينجياڭدى زاڭمەن باسقارۋ − قوعام ورنىقتىلىعى مەن باياندى تىنىشتىقتى جۇزەگە اسىرۋدىڭ ماڭىزدى ىرگە تاسى، شينجياڭداعى ءار ۇلت حالقىنىڭ ءتۇبىرلى مۇددەسىن ويداعىداي جۇزەگە اسىرۋدىڭ، وياعىداي قورعاۋدىڭ كوكەي تەستى قاجەتى. سوتسياليستىك دەموكراتيالىق زاڭمەن باسقارۋ قۇرىلىسىنىڭ ءبىرىنشى شەبىندە تۇرعان ءار دارەجەلى حالىق قۇرىلتايلارى مەن ونىڭ تۇراقتى كوميتەتتەرى شي جينپيڭنىڭ زاڭمەن باسقارۋ يدەياسىن جەتەكشى ەتۋگە تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن ىشكەرىلەي ۇيرەنىپ، ءتۇسىنىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، مەملەكەتتى جاپپاي زاڭمەن باسقارۋ تالابىن شينجياڭ قىزمەتىنىڭ ءار سالاسىندا تياناقتاندىرىپ، شينجياڭنىڭ ءتۇرلى قىزمەتىنىڭ زاڭمەن باسقارۋ ارناسىندا ءجۇرىلۋىن ىلگەرىلەتۋى كەرەك.
باستاما جالپى جاعدايعا سايادى، باستاپقى قادام سوڭعى بارىستى بەلگىلەيدى. ماجىلىسكە قاتىناسقان بارلىق ۋاكىلدەر وسى رەتكى ءماجىلىستى ويداعىداي اشۋدىڭ ماڭىزدى ءمانىن تولىق تانىپ، مۇقياتتىلىقپەن مىندەت وتەپ، جاۋاپكەرشىلىكتى ادا ەتىپ، حالىقتىڭ ماڭىزدى تاپسىرماسىن ورىنداپ، وسى رەتكى ءماجىلىستى دەموكراتيالى، ىنتىماقتى، شىندىققا ۇمتىلعان، ەكپىندەي ىلگەرىلەگەن ءماجىلىس ەتىپ اشىپ، ۇزدىكسىز كۇرەس جاساۋدىڭ تەلەگەي كۇشىن ۇيىستىرىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە شينجياڭ ۇلەسىن قوسۋى كەرەك.
ءماجىلىستىڭ تولىق تابىستى بولۋىن تىلەيمىز!
