تيانشان تورى
تيانشان تورى   ›   جاڭالىقتار   ›   شينجياڭ حابارلارى

شينجياڭنىڭ ءتۇرلى ىستەرىنىڭ تاعى دا تىڭ ساتىعا كوتەرىلۋىن ىلگەرىلەتەمىز

ساياسي كەڭەس مۇشەلەرى ۇكىمەت قىزمەتىنەن باياندامانى گرۋپپالارعا ءبولىنىپ تالقىلادى

شينجياڭنىڭ ءتۇرلى ىستەرىنىڭ تاعى دا تىڭ ساتىعا كوتەرىلۋىن ىلگەرىلەتەمىز

  گازەتىمىزدىڭ 1 - ايدىڭ 14 - كۇنى ۇرىمجىدەن بەرگەن حابارى. انار بۇلت \ شينجياڭ گازەتى تىلشىلەرىنىڭ جيناق حابارى. 1 - ايدىڭ 14 - كۇنى تۇستەن كەيىن اۆتونوميالى رايوندىق ساياسي كەڭەس 13 - كەزەكتى كوميتەتىنىڭ 1 - ماجىلىسىنە قاتىناسقان ساياسي كەڭەس مۇشەلەرى ۇكىمەت قىزمەتىنەن باياندامانى، جوسپار جوباسى بايانداماسىن جانە مەجە ەسەپ جوباسى بايانداماسىن گرۋپپالارعا ءبولىنىپ تالقىلادى. كوپشىلىك ۇكىمەت قىزمەتىنەن باياندامانى بۇكىلدەي قۇپتاپ، ءبىر اۋىزدان بىلاي دەپ قارادى: بايانداما پارتيا 20 - قۇرىلتايىنىڭ رۋحىمەن تىعىز بىرلەستىرىلگەن، شي جينپيڭ جاڭا ءداۋىر جۇڭگوشا سوتسياليزم يدەياسىمەن باستان - اياق ساباقتاستىرىلعان، تۇرعىسى بيىك، مازمۇنى باي، ءتۇيىنى كورنەكتى، جارقىن تۇيىندەر ىركەس - تىركەس ايگىلەنگەن، قىزمەتتەردى شىندىقتى ءىس جۇزىنەن ىزدەي وتىرىپ قورىتىندىلاعان، قىزمەت ورنالاستىرۋى ايقىن، پارمەندى بولعان، 2023 - جىلى العا قويىلعان ءتۇيىندى قىزمەت مىندەتتەرىنىڭ باعىتى ايقىن، شارالارى پارمەندى، وتە كۇشتى جەتەكشىلىككە جانە يكەمدىلىككە يە، جۇرت جۇرەگىن جىلىتاتىن، جىگەردى تاسقىنداتاتىن جاقسى بايانداما. كوپشىلىك مىنالاردى ءبىلدىردى: مىندەتىمىزدى بەلسەنە اتقارىپ، جاۋاپكەرشىلىگىمىزدى ادا ەتىپ، وزەكتى ارقاۋ ەتە وتىرىپ جالپى جاعدايعا قىزمەت وتەۋ، سىندارلى اقىل - كەڭەس بەرىپ كۇش - قۋات ۇيىستىرۋ سىندى ماڭىزدى رولىمىزدى ساۋلەلەندىرىپ، شينجياڭ ىستەرىنىڭ تاعى دا تىڭ ساتىعا كوتەرىلۋىن ىلگەرىلەتەمىز.

  ”بايانداما وتكەن 5 جىلداعى ۇكىمەت قىزمەتىنە جاپپاي قايىرىلا قارادى، ناتيجەلەردى قورىتىندىلاۋى جان - جاقتى، وبيەكتيۆ بولدى، شىندىقتى ءىس جۇزىنەن ىزدەدى، جاعدايعا تالداۋ جاساۋى دالمە - ءدال، جان - جاقتى، تەرەڭ، ەگجەي - تەگجەيلى بولدى، بولاشاقتى جوبالاۋى عىلمي، ۇيلەسىمدى، نىساناسى ايقىن بولىپ، جۇرت جۇرەگىن ەرەكشە جەلپىندىردى“. مۇشە سۇن يۇيحۋا مىنالاردى ءبىلدىردى: الداعى مىندەت وتەۋ بارىسىندا نەگىزگى ساتىنىڭ ءبىرىنشى شەبىنە ۇزدىكسىز ىشكەرىلەي ارالاسىپ، نازاردى زاڭمەن باسقارۋ، وقۋ - اعارتۋ، ساياحات سياقتى جاقتاردا تەكسەرۋ - زەرتتەۋ جۇرگىزۋگە شوعىرلاندىرىپ، باياندامادا العا قويىلعان ءتۇرلى نىسانا - مىندەتتەردى جۇزەگە اسىرۋعا كۇش - قۋاتىمدى ارنايمىن.

  ۇكىمەت قىزمەتىنەن باياندامادا الداعى 5 جىلداعى ۇكىمەت قىزمەتىنىڭ جاڭا جوباسى جاسالدى، جوبانىڭ وي جەلىسى انىق، نىساناسى ايقىن. مۇندا العا قويىلعان ”جوعارى ساپالى وقۋ - اعارتۋدى ويداعىداي جۇرگىزۋ“ مۇشە لي يۇيحۇڭدى تولىق سەنىمگە يە ەتتى. ول مىنالاردى ءبىلدىردى: شينجياڭ ينجەنەريا شۋەيۋانى ونەگە كورسەتىپ ادام تاربيەلەۋ ءتۇبىرلى مىندەتىنە باستان - اياق تاباندى بولىپ، اۆتونوميالى رايوننىڭ كومىر، كومىر ەلەكتر، كومىر حيميا ونەركاسىپ كاسىپ سالاسى جانە جاسىل كەن كاسىپ سالاسىن دامىتۋ قاجەتىن ارقاۋ ەتىپ، ءپان ماماندىعىن، دارىندىلاردى باۋلۋ قۇرىلىمىن ساپالىلاندىرىپ، جاڭالىق اشا دامۋ قابىلەتىن جوعارىلاتىپ، اناعۇرلىم كوپ جوعارى ساپالى قولدانىلمالى دارىندىلاردى باۋلىپ، ەرەكشەلىگى ايقىن بىرەگەي قولدانىلمالى داشۋە قۇرۋ ءۇشىن قاجىماي - تالماي كۇرەس جۇرگىزەدى.

  مۇشە ما چياڭ بىلاي دەدى: ۇكىمەت قىزمەتىنەن باياندامادا بۇكىل ەل بويىنشا ساپالى ەگىن، مال شارۋاشىلىق ونىمدەرىمەن ماڭىزدى قامداۋ بازاسىن بەلسەنە تۇلعالاپ، ساپالى مال شارۋاشىلىق ونىمدەرى كاسىپ سالاسى شوعىرىن قۇرىپ، اۋىل شارۋاشىلىعىن دامىتىپ، شارۋالاردىڭ كىرىسىن ارتتىرۋدى كۇش سالا جەبەۋ ورتاعا قويىلدى. بۇل اۆتونوميالى رايوننىڭ اۋىل شارۋاشىلىعى، اۋىل - قىستاق، شارۋالار قىزمەتىنە ايرىقشا ءمان بەرگەندىگىن تولىق ايگىلەدى. ”الداعى جەردە مەن پارتيا مەن حالىقتىڭ ماڭىزدى تاپسىرماسى مەن ءۇمىتىن اقتاپ، بەلسەنە سىندارلى اقىل - كەڭەس بەرىپ، ورتاق تانىمدى قۇلشىنا ۇيىستىرىپ، اۆتونوميالى رايوننىڭ ەكونوميكاسىنىڭ، قوعامىنىڭ جوعارى ساپالى دامۋىنا دەم بەرۋگە اقىل - پاراساتىم مەن كۇش - قۋاتىمدى ارنايمىن“، - دەدى ما چياڭ.

  (ءتىلشى جاڭ يۇنمەي، قاتىناسقان تىلشىلەر شيە حۇيبيان، جاۋ شييا، ما ينيڭ، فان چيۇڭيان، جاڭ جىلي)

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.