گازەتىمىزدىڭ 1 - ايدىڭ 14 - كۇنى ۇرىمجىدەن بەرگەن حابارى. انار بۇلت\ شينجياڭ گازەتى تىلشىلەرىنىڭ جيناق حابارى. 1 - ايدىڭ 14 - كۇنى تۇستەن كەيىن اۆتونوميالى رايوندىق 14 - كەزەكتى حالىق قۇرىلتايىنىڭ 1 - ماجىلىسىنە قاتىناسقان ءارقايسى ۋاكىلدەر ۇيىرمەلەرى جالپى جيىن اشىپ، ۇكىمەت قىزمەتىنەن باياندامانى قارادى. ۋاكىلدەر وزدەرىنىڭ قىزمەت ءىس جۇزىندىكتەرىن تياناق ەتە وتىرىپ، اسەرلەرىن سويلەدى، ويلارىن ورتاعا سالدى، ۇسىنىس قويدى، ءارقايسى ءماجىلىس الاڭى قىزۋ دۋمانعا بولەندى.
ۋاكىل ايقىن اسىلقان بىلاي دەدى: ۇكىمەت قىزمەتىنەن باياندامادا وتكەن 5 جىلداعى جانە 2022 - جىلعى شينجياڭنىڭ ەكونوميكالىق، قوعامدىق دامۋدا قول جەتكىزگەن ناتيجەلەرى جاپپاي قورىتىندىلاندى، ءدوپ كەلگەن ورايلار مەن سىن - سايىستارعا تەرەڭدەي تالداۋ جاسالىپ، الداعى 5 جىلداعى جانە 2023 - جىلعى ءتۇيىندى قىزمەتتەر جونىنەن ورنالاستىرۋلار جاسالدى، جوعارى ساپالى دامۋدىڭ بەتالىسى كورنەكتىلەندىرىلدى، جاڭا دامۋ ۇستانىمىنىڭ تالاپتارى كورنەكتىلەندىرىلدى. بۇل ءبىر اۋقىمدى جوسپارلاپ، وزگەرىستى تانىعان، زەيىن - زەردەنى، كۇش - قۋاتتى ۇيىستىرعان، ادامدى ەكپىندەي ىلگەرىلەۋگە جىگەرلەندىرەتىن جاقسى بايانداما.ءبىز ۇكىمەت قىزمەتىنەن باياندامادا العا قويىلعان ”جوبا كارتاسىن“ تياناقتاندىرۋدى مىقتى يگەرۋدەگى ”قۇرىلىس جۇرگىزۋ كارتاسىنا“ اينالدىرىپ، ءتۇرلى مىندەتتەردىڭ دايەكتىلەنۋىنە، تياناقتانۋىنا شىنايى كەپىلدىك ەتەمىز.
دارىندىلار ەرەكشە كاسىپ سالاسىنىڭ دامۋى جونىنەن اسا ماڭىزدى. ۋاكىل مۇسا قاسەن ۇكىمەت قىزمەتىنەن بايانداماداعى عىلىم - تەحنيكا، وقۋ - اعارتۋ ارقىلى شينجياڭدى گۇلدەندىرۋ ستراتەگياسىن بار كۇشپەن اتقارىپ، جوعارى ساپالى دامۋعا عىلىم - تەحنيكالىق تىرەك جانە دارىندىلار قامتاماسىزدىعىن ازىرلەۋگە قاتىستى ورنالاستىرۋلاردى كورگەننەن كەيىن، بارىنشا اسەرلەندى. ول بىلاي دەدى: شينجياڭ جىلقى شارۋاشىلىعىن دامىتۋدا ەرەكشە تاماشا شارت - جاعدايعا يە، ات ونەرى تاربيەسى قىزمەتىن ويداعىداي ورىستەتۋ ات ونەرى سپورتىن، اۋەل دەسەڭ، جىلقى شارۋاشىلىعىن دامىتۋ جونىنەن كەلەلى ءمان الادى. التايداعى ءبىر ءناسىلدى جىلقى جەتىلدىرۋ سەرىكتەستىگىنىڭ قىزمەتكەرى رەتىندە، مەن الداعى جەردە ات ونەرى تاربيەسى ىستەرىنە بەلسەنە ات سالىسىپ، كاسىپورىن مەن مەكتەپ سەلبەسە مەكتەپ باسقاراتىن باۋلۋ ۇلگىسىندە ىزدەنىس جاساپ، قابىلەتى ۇشتالعان اناعۇرلىم كوپ ات ونەرى دارىندىلارىن باۋلۋعا قۇلشىنامىن.
”ۇكىمەت قىزمەتىنەن بايانداما جۇرتتى جەلپىندىرەدى، ادامدى ەكپىندەي ىلگەرىلەۋگە جىگەرلەندىرەدى. وندا قورىتىندىلانعان بارلىق ناتيجەلەر شينجياڭ حالقىنىڭ باقىتتى تۇرمىسىنىڭ شاعىن كارتيناسى“، - دەدى ۋاكىل جاڭ رىن. 2015 - جىلى ول شاندۇڭنان شينجياڭعا كەلىپ، ءبىر اۋىل - قالاشىق كادرى بولىپ، شينجياڭنىڭ دامۋ وزگەرىسىن شىنايى سەزىندى، بولاشاققا تىپتەن سەنىم ارتتى. ”الداعى قىزمەت بارىسىندا مەن ۇكىمەت قىزمەتىنەن باياندامانى مۇقيات ۇيرەنەمىن، ۇگىتتەيمىن ءارى ءوز قىزمەتىممەن ۇشتاستىرىپ دايەكتىلەندىرۋدى، تياناقتاندىرۋدى كۇش سالا ويداعىداي يگەرىپ، نەگىزگى ساتى كادرىنىڭ باستاماشىلدىق رولىن شىن مانىندە ويداعىداي ساۋلەلەندىرەمىن“، - دەدى جاڭ رىن.
بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى، بيىلعى قىزمەتتەردى ويداعىداي ىستەۋدىڭ ءمانى زور، جاۋاپكەرشىلىگى اۋىر. ۋاكىلدەر جاپا - تارماعاي مىنالاردى ءبىلدىردى: پارتيا 20 - قۇرىلتايىنىڭ رۋحىن مۇقيات دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋلارى بويىنشا، ۇكىمەت قىزمەتىنەن باياندامادا سىزىلعان كارتا بويىنشا ناقتى قىزمەت ستيلىمەن، تاسقىنداعان رۋحاني بەينەمەن ءتۇرلى قىزمەتتەردى تىڭعىلىقتى ويداعىداي ىستەپ، جاڭا جورىقتا كورىكتى شينجياڭ قۇرۋعا قۇلشىنامىز.
(ءتىلشى جاڭ يانفاڭ، قاتىناسقان تىلشىلەر ۋاڭ نا، ءپاريزات ابدۇل، رايدا، ياڭ شۋحان، ليۋ ي)
