جاڭ چۇنلين حوتان ايماعى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى
شىندىققا جۇگىنىپ، ناقتى ىستەپ، شىنايى يگەرىپ، تىندىرا ىستەپ، قىزمەتتەردە تىڭ تابىستارعا قول جەتكىزۋدى ىلگەرىلەتۋ كەرەك
انار بۇلت \ شينجياڭ گازەتىنىڭ ءتىلشىسى ءپاريزات ابدۇل 1 - ايدىڭ 14 - كۇنى ۇرىمجىدەن حابارلايدى. 1 - ايدىڭ 14 - كۇنى اۆتونوميالى رايوندىق پارتكومنىڭ ورىنباسار شۋجيى جاڭ چۇنلين ءوزى تۇرعان اۆتونوميالى رايوندىق 14 - كەزەكتى حالىق قۇرىلتايىنىڭ 1 - ماجىلىسىندەگى حوتان ايماعى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ اتاپ كورسەتتى: ۇكىمەت قىزمەتىنەن باياندامانىڭ ساياسي دەڭگەيى جوعارى، بەتالىسى، نىساناسى ايقىن، وي جەلىسى، شارالارى انىق، تۇرعىسى بيىك، نەگىزگى تاقىرىبى ايقىن، شىندىقتى ءىس جۇزىنەن ىزدەگەن، شىندىققا جۇگىنىپ، ناقتى ىستەيتىن، سەنىمدى سەرپىلتەتىن، جۇرت كوڭىلىن جەلپىندىرەتىن جاقسى بايانداما. ءبىز شىندىققا جۇگىنىپ، ناقتى ىستەۋگە، شىنايى يگەرىپ، تىندىرا ىستەۋگە تاباندى بولىپ، باياندامانىڭ رۋحىن ۇيرەنۋدىڭ، دايەكتىلەندىرۋدىڭ جەتىستىكتەرىن كەلەسى قادامداعى قىزمەتتەردى ىلگەرىلەتۋدىڭ قۋاتتى قوزعاۋشى كۇشىنە جانە ءىس جۇزىندىك ونىمدىلىگىنە شىن مانىندە اينالدىرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭ قۇرۋعا كۇش سالۋىمىز كەرەك.
جاڭ چۇنلين بىلاي دەپ اتاپ كورسەتتى: بايانداما شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، وتكەن 5 جىلداعى جانە 2022 - جىلعى بۇكىل رايوننىڭ ەكونوميكالىق، قوعامدىق دامۋدا قول جەتكىزگەن كورنەكتى ناتيجەلەرىن شىندىقتى ءىس جۇزىنەن ىزدەي وتىرىپ قورىتىندىلاپ، الداعى 5 جىلداعى جانە 2023 - جىلعى ەكونوميكالىق، قوعامدىق دامۋ قىزمەتىنە جۇيەلى، جان - جاقتى ورنالاستىرۋ جاسادى، ءبىزدىڭ ءتۇرلى قىزمەتتەردى ونان ارى جاقسى ىستەۋ سەنىمىمىزدى كۇشەيتتى، كۇش - قايراتىمىزدى تاسقىنداتتى.
جاڭ چۇنلين بىلاي دەپ باسا دارىپتەدى: ساياسي دەڭگەيدى جوعارىلاتىپ، پارتيا 20 - قۇرىلتايىنىڭ رۋحىن ۇزدىكسىز ىشكەرىلەي ۇيرەنىپ، دايەكتىلەندىرىپ، ءىس جۇزىندىك ارەكەتىمىز ارقىلى ”ەكىنى تۇراقتاندىرۋدى“ باتىل قولداۋىمىز، ”ەكىنى قورعاۋدى“ باتىل ورىنداۋىمىز كەرەك. سىرتقا باعىتتالعان ۇگىت قىزمەتىن تەرەڭدەتىپ، ”ەنگىزۋ“ مەن ”شىعارۋدى“ ءوزارا ۇشتاستىرۋعا تاباندى بولىپ، سىرتقا ەسىك اشۋدى كەڭەيتىپ، جۇڭگونىڭ شينجياڭ حيكاياسىن ويداعىداي بايانداپ، تاماشا وبرازدى ايگىلەپ، وزىمىزگە ءتيىمدى حالىقارالىق ورتا ازىرلەۋگە قۇلشىنۋىمىز كەرەك. ونەگە كورسەتىپ ادام تاربيەلەۋ ءتۇبىرلى مىندەتىن مۇقيات تياناقتاندىرىپ، حالىق ريزا بولاتىن وقۋ - اعارتۋدى ويداعىداي جۇرگىزىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى دامىعان سوتسياليزمنىڭ قۇرۋشىلارى مەن ءىزباسارلارىن باۋلىپ، كورىكتى شينجياڭ قۇرۋعا اقىل - پاراسات جاعىنان قولداۋ جانە دارىندىلار جاعىنان قامتاماسىزدىق ازىرلەۋىمىز كەرەك. جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، شينجياڭنىڭ بايلىق ارتىقشىلىعى مەن وڭىرلىك ورىن ابزالدىلىعىن تياناق ەتۋدى ارقاۋ ەتىپ، ”سەگىز ءىرى كاسىپ سالاسى شوعىرىن“ تىرەك ەتكەن وسىزاماندانعان كاسىپ سالاسى جۇيەسىن كۇشتى شوعىرلاندىرا قالىپتاستىرىپ، قايراتتانا ىسكەرلىك كورسەتەتىن رۋحاني كۇيمەن ەكونوميكانىڭ جوعارى ساپالى دامۋىنا بەلسەنە قىزمەت وتەۋىمىز جانە ىلگەرىلەتۋىمىز كەرەك. جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتۋگە تاباندى بولىپ، ۇلت قىزمەتىن ويداعىداي ىستەپ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ ءتۇرلى قىزمەتتەرىن ناقتى، جاندى، ءونىمدى تۇردە ويداعىداي ىستەپ، كورىكتى شينجياڭ قۇرۋدىڭ قۋاتتى كۇشىن اناعۇرلىم ۇيىستىرۋىمىز كەرەك.
