− اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسىنىڭ اشىلۋىنان ەستەلىك
□ انار بۇلت \ شينجياڭ گازەتىنىڭ تىلشىلەرى ليۋ شياڭ، ۋاڭ شيڭرۇي
اي - كۇندەردىڭ جىلجۋىمەن كونە جىل كەتىپ، جاڭا جىل كەلدى.
1 - ايدىڭ 14 - كۇنى شينجياڭ حالىق سارايى ءبىر جىلداعى ماڭىزدى ءساتتى تاعى دا قارسى الدى، اۆتونوميالى رايوندىق 14 - كەزەكتى حالىق قۇرىلتايىنىڭ 1 - ءماجىلىسى وسى ارادا اشىلدى. 25 ميلليوننان استام ءار ۇلت بۇقاراسىنىڭ كەلەلى تاپسىرماسىن ارقالاپ، ءارقايسى شەپتەن، ءار سالا، ءار كاسىپتەن كەلگەن اۆتونوميالى رايوندىق حالىق قۇرىلتايى ۋاكىلدەرى رۋحتى سەرپىلتىپ، پارتيا 20 - قۇرىلتايىنىڭ شەشىمدەرىنىڭ، ورنالاستىرۋلارىنىڭ تياناقتانىپ تامىر تارتۋىن ىلگەرىلەتۋدىڭ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋدىڭ مىندەت ارقالاپ، جاۋاپكەرشىلىكتى ادا ەتۋ ساپارىن باستادى.
”تۇڭعىش رەت اۆتونوميالى رايوندىق حالىق قۇرىلتايىنىڭ ۋاكىلى بولىپ سايلانعاندىعىما شەكسىز تەبىرەنىپ تۇرمىن، ارقالاعان جاۋاپكەرشىلىگىمنىڭ كەلەلى ەكەندىگىن دە تەرەڭ سەزىنىپ تۇرمىن“، - دەدى ۋاكىل باي لي، - جاڭا ءۇمىت پەن بورىش ارقالاعان وسى رەتكى ماجىلىستەن كۇتەر ءۇمىتىم كوپ!
ءماجىلىس زالىندا مەملەكەت گەربى نۇر - شۇعىلا شاشىپ، نارت قىزىل تۋلار كوز تارتىپ، ايبىندى دا قىزۋ بەينە قالىپتاسقان ەدى.
ساعات 10نان 30 مينۋت شاماسىندا ءماجىلىس باستالدى. الاڭداعى بارلىق ادام ورىندارىنان تۇرىپ، ايبىندى مەملەكەت ءانى ءماجىلىس زالىن جاڭعىرتتى. اۆتونوميالى رايوننىڭ ءتوراعاسى ەركىن تۇنياز بايانداما مىنبەرىنە شىعىپ، اۆتونوميالى رايوندىق حالىق ۇكىمەتى اتىنان ماجىلىسكە ۇكىمەت قىزمەتىنەن بايانداما جاسادى.
وتكەن 5 جىلعا قايىرىلا قاراساق، ناتيجەلەر ايرىقشا باعالى بولدى. اۆتونوميالى رايوندىق پارتكومنىڭ باسشىلىعىندا، بۇكىل رايوننىڭ ەكونوميكالىق، قوعامدىق دامۋى مەن حالىق تۇرمىسىن جاقسارتۋدا كورنەكتى ناتيجەلەرگە قول جەتكىزىلدى −
مەجەمەن وڭىرلىك ءوندىرىس جالپى قۇنى جىلىنا ورتاشا ％1. 5 ارتىپ، قالا - قالاشىق، اۋىل - قىستاق تۇرعىندارىنىڭ جان باسىندىق قولداعى تابىسى جەكە - جەكە ％5. 4، ％4. 8 ارتتى؛ استىقتان ءۇرتىس 7 جىل بويى مول ءونىپ الىنىپ، ءونىم مولشەرى ارتتى؛ جۇندۇڭدى، قۇمىلدى ءتۇيىن ەتكەن وسى زامانعى كومىر حيميا ونەركاسىپ كاسىپ سالاسىن دامىتۋ شوعىرلى رايونى باستاپقى قادامدا قالىپتاستى؛ قاتىناس، سۋ يگىلىگى، ەنەرگيا سياقتى ءبىر توپ كەلەلى نەگىزدىك قۇرىلعى نىساندارى سالىنىپ بولىپ، ىسكە قوسىلدى؛ جىبەك جولى ەكونوميكالىق بەلدەۋى وزەكتى رايونى قۇرىلىسىندا بەلسەندى ىلگەرىلەۋشىلىككە قول جەتكىزىلدى؛ قالا، قالاشىقتاردان جىل سايىن 460 مىڭنان استام ادام جاڭادان جۇمىستانىپ، اۋىل - قىستاقتاردان سىرتقا شىعىپ جۇمىس ىستەگەن ەڭبەككۇش 2 ميلليون 750 مىڭ ادام - رەتتەن استى...
5 جىل وڭايعا تۇسپەدى، اسىرەسە، وتكەن جىلى وڭاي بولمادى. 2022 - جىلى مەجەدەن تىس حاۋىپ - قاتەرلەر مەن سىن - سايىستار كوپ بولدى، شىرما - شاتۋ كۇردەلى ەل ءىشى - سىرتى ەكونوميكالىق جاعدايىنىڭ، كوپ رەتكى ىندەتتىڭ سوققىسى سياقتىلاردىڭ ىقپالى الدىندا، بۇكىل رايون جوعارىدان تومەنگە دەيىن قامال الىپ، قيىنشىلىقتاردى جەڭىپ، ەرلىكپەن العا ىلگەرىلەپ، ەكونوميكانىڭ ءتيىمسىز جاعدايدا ارتۋدى، ورنىقتى، اقاۋسىز دامۋدى جۇزەگە اسىردى.
”سان - سيفرلارعا، ناقتى ىستەرگە، جۇمىس ناتيجەلەرىنە بۇكىل رايونداعى ءار ۇلت كادر، بۇقاراسىنىڭ قاجىرلى ەڭبەگى مەن جۇرەك قانى سىڭگەن“.
”وتكەن 5 جىلدا ءتۇرلى سىن - سايىستار مەن قىسىمدار الدىندا، ناتيجەلەر وڭاي - وسپاق كەلگەن جوق“.
”كۇرەس جولى جاپا - ماشاقاتقا تولى بولعانىمەن، بۇل كۇرەس يراداسى، ءسوز جوق، ءبىزدى تىڭ دا اناعۇرلىم زور جەڭىستەرگە قول جەتكىزۋگە شابىتتاندىرادى!“
....
مىنبەردە، مىنبەر الدىندا يدەيا بىردەي جيىلىكپەن ۇندەستى. تولاسسىز شاتىرلاعان شاپالاق ءۇنى − تۇراقتاندىرۋ، ورتاق تانىم، ءتىپتى دە ماڭىزدىسى، ءۇمىت پەن بەكىم ەدى.
باس شۋجيدىڭ شينجياڭ ءۇشىن سىزعان تاماشا جوباسى بويىنشا قايراتتانىپ العا ىلگەرىلەدى! جاڭا جورىققا اتتانعاندا، شينجياڭ جەلكەنىن بيىك جەلبىرەتىپ، ۇرىمتال ساتتە قيمىلدادى −
جوعارى ساپالى دامۋعا جۇڭگو ۇلگىسىندەگى وسىزامانداندىرۋ ارقىلى جەتەكشىلىك ەتىپ، جاڭا دامۋ ارناسىنا بەلسەندىلىكپەن قىزمەت وتەدى جانە توعىستى؛ جالپى تۇلعالىق مەملەكەت حاۋىپسىزدىگى كوزقاراسىن تاباندىلىقپەن دايەكتىلەندىرىپ، مەملەكەتتىڭ حاۋىپسىزدىگى مەن شينجياڭنىڭ قوعامدىق كەلەلى جاعدايىنىڭ ورنىقتىلىعىن باتىل قورعادى؛ جۇڭحۋا ۇلتى ورتاق تۇلعا تانىمىن بەرىك ورناتىپ، جۇرت تىلەگىن ەڭ جوعارى شەكتە ىنتىماقتاستىردى، ۇيىستىردى؛ بايلىقتىڭ كومەسكى كۇشىن تولىق شىعارىپ، شينجياڭ ەرەكشەلىگىنە يە وسىزاماندانعان كاسىپ سالاسى جۇيەسىن قۇردى؛ جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، سىرتقا جوعارى دەڭگەيدە ەسىك اشۋدى ىلگەرىلەتتى...
بەكەم نىسانالار، ارىندى سوزدەر، ايقىن جول جەلىلەرى ۋاكىلدەردىڭ جۇرەگىندە تولاسسىز تولقىن تۋدىردى.
”باياندامانىڭ نەگىزگى تاقىرىبى ايقىن، نىساناسى انىق، مازمۇنى باي بولىپ، جاڭا باستامادا ەكپىندەي ىلگەرىلەۋ دابىلىن قاقتى“. ءماجىلىس زالىنان شىققاننان كەيىن، ۋاكىل ماۋ گوفىڭ تەبىرەنىپ، ءبىر ءتۇرلى ”وتىرا المايتىنداي، كۇتە المايتىنداي، باياۋلاي المايتىنداي“ تىعىز - تاياڭدىق سەزىم مەن جاۋاپكەرشىلىك سەزىمىنە كەنەلدى. ول بىلاي دەدى: ءوزىمنىڭ قىزمەت ءىس جۇزىندىگىممەن تىعىز بايلانىستىرىپ، دايەكتىلەندىرۋدىڭ، تياناقتاندىرۋدىڭ ۇشتاستىرۋ ءتۇيىنى مەن كۇش سالۋ ءتۇيىنىن ءداپ باسىپ تاۋىپ، بايانداما ورتاعا قويعان نىسانالاردىڭ ءار ۇلت بۇقاراسى كورە الاتىنداي، سەزىنە الاتىنداي تابىس سەزىمى مەن باقىت سەزىمىنە ەرتەرەك اينالۋىنا مۇمكىندىك جاسايمىن.
”باياندامادان ناقتى شارالاردى ەستىدىك، ەكپىندەي ىلگەرىلەۋ ىرعاعىن دا ەستىدىك“. ۋاكىل گۇلسايرا ماكەن بىلاي دەدى: نەگىزگى ساتىداعى كادر رەتىندە، باياندامانىڭ اۋىل - قىستاقتى گۇلدەندىرۋ قىزمەتى جونىندەگى ورنالاستىرۋلارى، تالاپتارى بويىنشا، مال تۇقىمىن اسىلداندىرۋ، وسى زامانعى اۋىل شارۋاشىلىعىنىڭ ساپاسىن جوعارىلاتۋ، اۋلا شارۋاشىلىعىن دامىتۋ سياقتى قىزمەتتەردى تىڭعىلىقتى ىلگەرىلەتىپ، كاسىپ سالاسىنىڭ ونىمدىلىگىن ارتتىرۋدى، ەگىنشى - مالشىلاردىڭ كىرىسىن ارتتىرۋدى جەبەيمىن.
ۋاكىل ايگۇل ءارشى بىلاي دەدى: باياندامانىڭ ”جوعارى ساپالى وقۋ - اعارتۋدى ويداعىداي جۇرگىزۋ“ تالابىن ارقاۋ ەتىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، قىزمەت تاسىلىندە جاڭالىق اشىپ، وقۋ - اعارتۋ، وقىتۋ ساپاسىن جوعارىلاتىپ، بالالاردىڭ اقاۋسىز ۇيرەنۋىنە، ەسەيۋىنە مۇمكىندىك جاسايمىن.
قۇلشىنا ىلگەرىلەگەن الدىعا شىعادى، ەرلىكپەن ىستەگەن تابىسقا جەتەدى. سەنىمدى بەكەمدەپ، بەرىك قادامدار باسقان ۋاكىلدەردىڭ ىنتاسى تاسقىنداپ، بولاشاقتى بەتكە الىپ، تاعى دا جولعا شىقتى!
