نۇرلان ءابىلماجىن ءۇرىمجى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى
جوعارى ساپالى دامۋدا تىڭ ىسكەرلىك كورسەتۋگە قۇلشىنۋ كەرەك
انار بۇلت \ شينجياڭ گازەتىنىڭ ءتىلشىسى جاڭ يۇنمەي 1 - ايدىڭ 14 - كۇنى ۇرىمجىدەن حابارلايدى. 1 - ايدىڭ 14 - كۇنى تۇستەن كەيىن اۆتونوميالى رايوندىق ساياسي كەڭەس 13 - كەزەكتى كوميتەتى 1 - ءماجىلىسى ءتوراعالار القاسى ءماجىلىسىنىڭ باسقارۋشىسى نۇرلان ءابىلماجىن ءوزى تۇرعان اۆتونوميالى رايوندىق 14 - كەزەكتى حالىق قۇرىلتايىنىڭ 1 - ماجىلىسىندەگى ءۇرىمجى ۋاكىلدەر ۇيىرمەسىنىڭ باياندامانى قاراۋىنا قاتىناستى.
نۇرلان ءابىلماجىن بىلاي دەپ قارادى: ۇكىمەت قىزمەتىنەن باياندامادا شي جينپيڭ جاڭا ءداۋىر جۇڭگوشا سوتسياليزم يدەياسى جانە پارتيا 20 - قۇرىلتايىنىڭ رۋحى باستان - اياق ساباقتاستىرىلعان، باس شۋجيدىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحى جانە جاڭا داۋىردەگى پارتيانىڭ شينجياڭدى باسقارۋ جالپى جوباسى باستان - اياق ساباقتاستىرىلعان، ورنىقتىلىق بارىسىندا ىلگەرىلەۋ قىزمەت جالپى ارناسى مەن جوعارى ساپالى دامۋ تالابى ايگىلەنگەن، بۇل اۆتونوميالى رايوندىق 10 - كەزەكتى پارتكومنىڭ ءار رەتكى جالپى ءماجىلىسىنىڭ رۋحىن ايگىلەدى، ناتيجەلەردى وبيەكتيۆ، شىندىققا جاناسىمدى قورىتىندىلاعان، جاعدايعا ەگجەي - تەگجەيلى، تياناقتى تالداۋ جاساعان، قىزمەتتەردى شىنايى، ۇتىمدى ورنالاستىرعان، شينجياڭنىڭ ءىس جۇزىندىك جاعدايىنا ۇيلەسەتىن، جىگەردى جانيتىن، سەنىمدى سەرپىلتەتىن، جاڭالىق اشىپ، شىندىققا جۇگىنگەن بايانداما بولدى. مەن باياندامانى بۇكىلدەي قۇپتايمىن.
نۇرلان ءابىلماجىن بىلاي دەپ اتاپ كورسەتتى: وتكەن 5 جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم ءار ۇلت كادرلارى مەن بۇقاراسىن ىنتىماقتاستىرىپ، باستاپ، قيىندىقتاردان قامال الىپ، قايراتتانا العا ۇمتىلىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، تيانشان الابىندا تىنىش، بەرەكەلى، قارىشتاپ دامىعان جاڭا بەينە جارىققا شىعىپ، كورىكتى شينجياڭ قۇرۋدىڭ جاڭا جورىعىنا قادام تاستالدى. وتكەن ءبىر جىلدا ءۇرىمجى قالاسى دا جۇرتتى جەلپىندىرەتىن ناتيجە كورسەتكىشىن ۇسىندى. جاڭا جاعداي، جاڭا مىندەت الدىندا، پارتيا 20 - قۇرىلتايىنىڭ رۋحىن تەرەڭ ءتۇسىنىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، اۆتونوميالى رايوندىق پارتكومنىڭ ورنالاستىرۋلارى بويىنشا، ۇكىمەت قىزمەتىنەن باياندامانىڭ ءتۇرلى نىسانالارىن، مىندەتتەرىن شىنايى ويداعىداي تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن جاپپاي دايەكتىلەندىرۋ، تياناقتاندىرۋ جاعىندا تىڭ ىسكەرلىك كورسەتىپ، تىڭ تاراۋ جازدى.
نۇرلان ءابىلماجىن بىلاي دەپ باسا دارىپتەدى: ”مەملەكەتتىڭ زور ءىسى“ مەن ”حالىق ءجىتى قاداعالاپ وتىرعان ىستەردى“ كوزدە ۇستاپ، وزەكتى كەلەلى جاعدايعا قىزمەت ەتۋ بارىسىندا ۇزدىكسىز جاۋاپكەرشىلىك ارقالاپ، ىسكەرلىك كورسەتىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىمەن بەلسەنە توعىسىپ، ۇكىمەت قىزمەتىنەن باياندامادا تۇراقتاندىرىلعان ءتۇيىندى ورنالاستىرۋلاردى قىزمەت نىساناسى مەن تۇيىنىنە اينالدىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، ءۇرىمجىنىڭ بايلىق جانە وڭىرلىك ورىن باسىمدىعىن تياناق ەتىپ، قيىن ماسەلەلەردى شەشۋدىڭ وي جەلىسى مەن شارالارىن ۇزدىكسىز قاراستىرىپ، ءۇرىمجىنىڭ ءىس جۇزىندىگىنە ۇيلەسەتىن جوعارى ساپالى دامۋ جولىمەن ءجۇرۋ كەرەك. باس ماقسات تانىمىن جانە حالىققا دەگەن سۇيىسپەنشىلىكتى بەرىك ورناتىپ، حالىق تۇرمىسىنا قاتىستى ناقتى ىستەردى تىڭعىلىقتى ويداعىداي ىستەپ، بۇقارا ەڭ كوڭىل بولەتىن، ەڭ تىكە، ەڭ رەال مۇددە ماسەلەلەرىن ويداعىداي شەشىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.
