ەركىن تۇنياز ىلە قازاق اۆتونوميالى وبلىسى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى
جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 1 - ايدىڭ 14 - كۇنى ۇرىمجىدەن حابارلايدى. 1 - ايدىڭ 14 - كۇنى تۇستەن كەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءوزى تۇرعان اۆتونوميالى رايوندىق 14 - كەزەكتى حالىق قۇرىلتايى 1 - ماجىلىسىندەگى ىلە قازاق اۆتونوميالى وبلىسى ۋاكىلدەر ۇيىرمەسىنىڭ باياندامانى قاراۋىنا قاتىناستى.
باياندامانى قاراۋ بارىسى قىزۋ مەرەيگە تولى بولدى، ۋاكىلدەر جاپا - تارماعاي ءسوز سويلەپ، ءوز كوزقاراستارىن ءبىلدىردى. ۋاكىلدەردىڭ ءسوزىن دەن قويا تىڭداعاننان كەيىن، ەركىن تۇنياز بىلاي دەدى: كوپشىلىكتىڭ پىكىرى مەن ۇسىنىسى ۇكىمەت قىزمەتىن ونان ارى كۇشەيتۋگە جانە جاقسارتۋعا ەرەكشە سەپتىگىن تيگىزەدى، ءبىز دەن قويا سالالاپ، بەلسەنە قابىلداپ، الداعى قىزمەتتەردە تياناقتاندىرامىز.
ەركىن تۇنياز بىلاي دەپ اتاپ كورسەتتى: ەندى عانا وتكەن 5 جىل، اسىرەسە، 2022 - جىل شينجياڭ جونىنەن اسا وزگەشە بولدى. قاتاڭ دا كۇردەلى جاعدايدا، باس شۋجي شي جينپيڭ شينجياڭ قىزمەتىنە ىقىلاسپەن قامقورلىق جاساپ، تالاي رەت ماڭىزدى نۇسقاۋ بەردى، بەكىتۋ جاسادى، اسىرەسە، 2020 - جىلى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىن باسقارىپ اشتى، 2022 - جىلى شينجياڭدى ءوزى كوزدەن كەشىرىپ، شينجياڭ قىزمەتىنە العا باسۋ بەتالىسىن كورسەتىپ، قۋاتتى قوزعاۋشى قۋات ۇستەدى. اۆتونوميالى رايوندىق پارتكوم باس شۋجي شي جينپيڭ كورسەتكەن دۇرىس بەتالىسپەن تۇتاس شينجياڭداعى ءار ۇلت بۇقاراسىن ىنتىماقتاستىرىپ جانە باستاپ، كەدەرگىلەردى الاستاپ، حاۋىپ - قاتەرلەر مەن سىن - سايىستاردى ءبىر - بىردەن جەڭىپ، ءتۇرلى ىستەردە كورنەكتى تابىستارعا قول جەتكىزدى. اماليات تەك باس شۋجي شي جينپيڭ مەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرسەك، تياناقتاندىرساق، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرسەك قانا بولعانى، قيىنشىلىقتار الدىندا تايسالمايتىندىعىمىزدى، حاۋىپ - قاتەرلەر مەن سىن - سايىستاردا جەڭىسكە جەتەتىندىگىمىزدى ايگىلەدى.
ەركىن تۇنياز بىلاي دەپ اتاپ كورسەتتى: ۇكىمەت قىزمەتىنەن بايانداماعا پارتيا 20 - قۇرىلتايىنىڭ رۋحى باستان - اياق ءسىڭىرىلدى، ورتالىقتىڭ ەكونوميكالىق قىزمەت ءماجىلىسىنىڭ، ورتالىقتىڭ اۋىل - قىستاق قىزمەتى ءماجىلىسىنىڭ جانە باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحى ءسىڭىرىلدى، باياندامادا جاڭا داۋىردەگى پارتيانىڭ شينجياڭدى باسقارۋ جالپى جوباسى تولىق، دالمە - ءدال دايەكتىلەندىرىلگەن، اۆتونوميالى رايوندىق 10 - كەزەكتى پارتكومنىڭ ءۇشىنشى، بەسىنشى، التىنشى، جەتىنشى جالپى ماجىلىستەرىنىڭ رۋحى جاپپاي تياناقتاندىرىلدى. قىزمەتتەردى ورنالاستىرۋدا ماسەلەنى باعدار ەتۋگە تاباندى بولىپ، قامال الۋدىڭ، ماسەلەنى شەشۋدىڭ جاڭا وي جەلىسى ايقىندالىپ، مەجەنى ورنىقتىرۋدىڭ، سەنىمدى كۇشەيتۋدىڭ كۇشتى سيگنالى بەرىلدى؛ ساياساتتاردى ورنالاستىرۋدا سايكەسە بىرلەسىپ قيمىلداۋ كورنەكتىلەندىرىلىپ، رايونىمىز ەكونوميكاسىنىڭ ۇيلەسىمدى ارتۋى مەن قۇرىلىمىن ساپالىلاندىرىپ، دەڭگەيىن ءوسىرۋدىڭ بىرلىگى ىلگەرىلەتىلدى؛ ناقتى مىندەتتەردى ورنالاستىرۋدا حالىقتى وزەك ەتۋدەي دامۋ يدەياسىنا تاباندى بولىپ، حالىق تۇرمىسىنىڭ قۇت - ىرىسىن جاپپاي ارتتىرۋدىڭ ايقىن باعدارى ايگىلەندى.
ەركىن تۇنياز بىلاي دەپ اتاپ كورسەتتى: ىلە وبلىسى ماڭىزدى تۇيىندەردەن قامال الۋعا تاباندى بولىپ، اناعۇرلىم كوپ زەيىن - زەردەنى ەرەكشەلىككە، باسىمدىققا يە كاسىپ سالالارىن دامىتۋعا شوعىرلاندىرىپ، ماڭىزدى ءتۇيىندى قاداعالاپ، دالمە - ءدال كۇش سالىپ، دامۋدىڭ ساپاسى مەن ونىمدىلىگىن ونان ارى جوعارىلاتۋى كەرەك. ”سەگىز ءىرى كاسىپ سالاسى شوعىرىن“ ارقاۋ ەتىپ، نىسانالاردى دۇرىس تاۋىپ، ورنىن تۇراقتاندىرىپ، ءتۇيىندى كاسىپ سالالارىن ۇزدىكسىز زورايتۋ، كۇشەيتۋ، ساپالىلاندىرۋ كەرەك. شەكارا وتكەلى باسىمدىعىن ويداعىداي ساۋلەلەندىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەل ىلگەرىلەتۋ كەرەك. ءبىر تۇتاس جوسپارلاپ، تەگىس ءمان بەرۋگە تاباندى بولىپ، ولقىلىقتاردى، ءالسىز تۇستاردى زور كۇشپەن تولىقتاۋدى جۇيەلى جوبالاپ، جاڭا سالالاردى باتىلدىقپەن كوركەيتىپ، جاڭا جاعداي اشۋ كەرەك. نەگىزدىك قۇرىلعىلار قۇرىلىسىنىڭ سەرپىنىن ارتتىرىپ، حاۋىپ - قاتەرلەردى تىزگىندەۋ، حاۋىپ - قاتەرلەردى باسقارۋ قابىلەتىن جوعارىلاتۋ كەرەك. كەلەلى جاعداي ۇستانىمىنا تاباندى بولىپ، ءوزىن تۇتاس رايوننىڭ كەلەلى جاعدايىمەن بايلانىستىرىپ، ىرىقتىلىقپەن جاۋاپكەرشىلىك ارقالاپ، الدىمەن ارەكەتتەنىپ، كوزدەگەن نىسانالاردى ورىنداۋ نەگىزىندە دامۋدى جەدەلدەتىپ، اتويشى بولۋعا قۇلشىنىپ، تۇتاس رايوننىڭ ەكونوميكالىق، قوعامدىق دامۋىنا ىلە ۇلەسىن قوسۋ كەرەك.
