ما شيڭرۇي بايىنعولين موڭعۇل اۆتونوميالى وبلىسى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى
سەنىمدى كۇشەيتىپ، ورايدى مىقتى يگەرىپ، باتىلدىقپەن جاۋاپكەرشىلىك ارقالاپ، شەبەرلىكپەن ءىس تىندىرىپ، جوعارى ساپالى دامۋدى قۇلشىنا ىلگەرىلەتۋدە تىڭ ناتيجەگە قول جەتكىزۋ كەرەك
1 - ايدىڭ 14 - كۇنى اۆتونوميالى رايوندىق پارتكومنىڭ شۋجيى ما شيڭرۇي ءوزى تۇرعان اۆتونوميالى رايوندىق 14 - كەزەكتى حالىق قۇرىلتايىنىڭ 1 - ماجىلىسىندەگى بايىنعولين موڭعۇل اۆتونوميالى وبلىسى ۋاكىلدەر ۇيىرمەسىنىڭ باياندامانى قاراۋىنا قاتىناستى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 1 - ايدىڭ 14 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 1 - ايدىڭ 14 - كۇنى تۇستەن كەيىن ءوزى تۇرعان اۆتونوميالى رايوندىق 14 - كەزەكتى حالىق قۇرىلتايىنىڭ 1 - ماجىلىسىندەگى بايىنعولين موڭعۇل اۆتونوميالى وبلىسى ۋاكىلدەر ۇيىرمەسىنىڭ باياندامانى قاراۋىنا قاتىناستى. ول بىلاي دەپ باسا دارىپتەدى: پارتيا 20 - قۇرىلتايىنىڭ رۋحىن رەفورمانىڭ، دامۋدىڭ، ورنىقتىلىقتىڭ ءار جاعىندا دايەكتىلەندىرۋگە، تياناقتاندىرۋعا تاباندى بولىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، اۆتونوميالى رايوندىق پارتكومنىڭ قىزمەت ورنالاستىرۋىنا ساي، اناعۇرلىم سەنىمدى بەكەمدەپ، ورايدى مىقتى يگەرىپ، نىسانانى ءدال كوزدەپ، جاۋاپكەرشىلىك ارقالاپ، ىسكەرلىك كورسەتىپ، ەكونوميكا مەن قوعامنىڭ جوعارى ساپالى دامۋىن قۇلشىنا ىلگەرىلەتۋدە تىڭ ناتيجەگە قول جەتكىزىپ، جاڭا داۋىردەگى جاڭا جورىقتا كورىكتى شينجياڭ قۇرۋعا اناعۇرلىم زور ۇلەس قوسۋ كەرەك.
باياندامانى قاراعاندا رىن گۋاڭپىڭ، باتۋ، رايىمجان كەرىم، شۇي مين، داۋا، نۇريمانگۇل ءامار قاتارلى ۋاكىلدەر ىلگەرىندى - كەيىندى لەبىز ءبىلدىرىپ، ۇكىمەت قىزمەتىنەن باياندامانى مىقتاپ ارقاۋ ەتىپ، ءوز قىزمەتتەرىنىڭ ناقتى جاعدايىمەن بايلانىستىرىپ، العان اسەرلەرىن اڭگىمەلەپ، وزگەرىستەردى تىلگە تيەك ەتىپ، بولاشاق جونىندە ءسوز قوزعادى. ما شيڭرۇي كوپشىلىكپەن كەڭەسىپ، پىكىرلەسىپ، ەكونوميكانى جوعارى ساپالى دامىتۋ، ءتۇيىندى نىسانداردى ىلگەرىلەتۋ، استىق حاۋىپسىزدىگىن قامتاماسىز ەتۋ، وزگەشە ەگىن، مال شارۋاشىلىعىن دامىتۋ، سۋ بايلىعىنان جوعارى ءونىمدى پايدالانۋ، شارۋاشىلىق - ساۋدا ورتاسىن ساپالىلاندىرۋ، اۋىل - قىستاقتى جاپپاي گۇلدەندىرۋ، نەگىزگى ساتى وقۋ - اعارتۋىن دامىتۋ سياقتى ماسەلەلەر جونىندە كوپشىلىكپەن ىشكەرىلەي اڭگىمەلەسىپ، پىكىرلەسىپ، كوپشىلىكتىڭ ۇسىنىس - پىكىرلەرىن تىڭدادى.
ما شيڭرۇي كوپشىلىكتىڭ لەبىزىن مۇقيات تىڭداعاننان كەيىن بىلاي دەدى: ۇكىمەت قىزمەتىنەن بايانداما شي جينپيڭ جاڭا ءداۋىر جۇڭگوشا سوتسياليزم يدەياسى مەن پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، ورتالىقتىڭ ەكونوميكالىق قىزمەت ءماجىلىسىنىڭ، ورتالىقتىڭ اۋىل - قىستاق قىزمەتى ءماجىلىسىنىڭ جانە باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىرىپ، اۆتونوميالى رايوندىق 10 - كەزەكتى پارتكوم جەتىنشى جالپى ءماجىلىسىنىڭ قىزمەت ورنالاستىرۋىن تياناقتاندىرعان، ناتيجەلەردى وبيەكتيۆ، جان - جاقتى، شىندىقتى ءىس جۇزىنەن ىزدەي وتىرىپ قورىتىندىلاعان، قىزمەت ورنالاستىرۋلارىنىڭ نىسانالارى ايقىن، شارالارى پارمەندى، بۇل باياندامانى قۇپتايمىن.
ما شيڭرۇي بايىنعولين وبلىسىنىڭ بىلتىردان بەرگى رەفورما، دامۋ، ورنىقتىلىق قىزمەتتەرىندە قول جەتكىزگەن ناتيجەلەرىن تۇراقتاندىردى. ول بىلاي دەپ باسا دارىپتەدى: بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ تياناقتاندىرۋدىڭ باستاما جىلى، شينجياڭ قىزمەتىن جاقسى ىستەۋدىڭ ماڭىزى زور، جاۋاپكەرشىلىگى اۋىر. بايىنعولين وبلىسى پارتيا 20 - قۇرىلتايىنداعى ءتۇرلى شەشىمدەردى، ورنالاستىرۋلاردى مۇقيات ۇيرەنىپ، دايەكتىلەندىرىپ، تياناقتاندىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ شينجياڭ امالياتى بارىسىنداعى ورنىن، رولىن ءداپ باسىپ تاۋىپ، قاتىناس وڭىرلىك ورنى، ەنەرگيا بايلىعى، وزگەشە اۋىل شارۋاشىلىعى، مادەنيەت - ساياحات سياقتى جاقتارداعى باسىمدىعى مەن كومەسكى كۇشىن تولىق ساۋلەلەندىرىپ، يدەيانى ازات ەتىپ، ءوي ءورىسىن كەڭەيتىپ، ءىس تىندىرىپ ناتيجە شىعاراتىن جالىندى كۇشتى قاۋلاتىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ارقاۋ ەتە وتىرىپ جۇيەلى جوسپارلاپ، جاۋاپكەرشىلىك ارقالاپ، ناقتى ىستەۋ كەرەك. باسىمدىقتى بەكەمدەپ، زورايتىپ، ەكونوميكانىڭ جوعارى ساپالى دامۋىن ىلگەرىلەتۋ، اۆتونوميالى رايوننىڭ ”8 ءىرى كاسىپ سالاسى شوعىرى“ قۇرىلىسىنا جان - جاقتى ات سالىسىپ، مۇناي - تابيعي گاز بايلىعىن بارلاۋ، اشۋ تەبىنىن ارتتىرۋ، ابزال بايلىقتى سول جەردىڭ وزىندە اشۋدى جانە جىنتىكتەي مانەرلەۋدى ىلگەرىلەتۋ، استىق، ماقتا ەگىلەتىن جەر اۋدانىن كەڭەيتۋ، المۇرت، شىلان سياقتى ەرەكشە جەمىس ورمانى جانە تاڭداۋلى مال شارۋاشىلىعى ونىمدەرى كاسىبىنىڭ ساپاسىن جوعارىلاتۋدى، دارەجەسىن ءوسىرۋدى ىلگەرىلەتۋ، ساياحات بايلىعى كومەسكى كۇشىن كادەگە جاراتىپ، جالپى وڭىرلىك ساياحاتتىڭ ساپاسىن جوعارىلاتۋ، وزگەشە وسى زامانعى كاسىپ سالاسى جۇيەسىن جەدەل قالىپتاستىرۋ كەرەك. باس ماقسات تانىمىن بەرىك ورناتىپ، ءار ۇلت بۇقاراسىنىڭ قۇت - ىرىسىن ارتتىرۋ، دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن حالىق تىلەگىنىڭ تىعىز بايلانىسىن جەتە تانۋ، حالىقتى باقىتقا كەنەلتۋدى ەڭ زور ساياسي ناتيجە ساناۋدان جازباي، ءار ۇلت بۇقاراسى ەڭ كوڭىل بولگەن، ەڭ تىكە، ەڭ رەال مۇددە ماسەلەسىن مىقتاپ يگەرىپ، جۇمىستاندىرۋ، وقۋ - اعارتۋ، ەمدەۋ، تۇرعىن ءۇي، قوعامدىق قامتاماسىزداندىرۋ سياقتى ماڭىزدى تۇيىندەردى ارقاۋ ەتىپ، بار ىنتا - پەيىلمەن بۇقارا ءۇشىن ناقتى ءىس ىستەپ، بۇقارانىڭ باقىتىن كوزدەپ، ءار ۇلت بۇقاراسىنىڭ تاماشا تۇرمىسقا تالپىنىسىن نىق قاداممەن رەالدىققا اينالدىرۋ كەرەك. جۇرت تىلەگىن كۇش سالا ۇيىستىرىپ، بەرەكە - بىرلىكتى، جاراسىمدىلىقتى، ورنىقتىلىقتى ىلگەرىلەتۋ، باتىس ءوڭىر باسقاقتىعى، بۇگىردەگى تىڭ يگەرۋ، تورعاۋىت تايپاسىنىڭ شىعىسقا ورالۋى سياقتى تاريحي فاكتتەردەن ويداعىداي پايدالانىپ، شينجياڭدى مادەنيەتپەن نارلەندىرۋ قىزمەتىن ناقتى، ەگجەي - تەگجەيلى ىستەپ، تۇعىر دانەكەرلەرىندە جاڭالىق اشىپ، جۇڭحۋا ۇلتى ورتاق تۇلعا تانىمىن ناقتى، جاندى، ءونىمدى تۇردە بەرىك ورناتۋ؛ ءدىن قىزمەتىن زاڭمەن باسقارۋ قۇرىلىسىن كۇشەيتىپ، ءدىن ىستەرىن باسقارۋ قابىلەتىن جوعارىلاتىپ، ءدىننىڭ اقاۋسىز دامۋىن بەلسەنە جەبەۋ؛ امانشىلىقتا جامانشىلىقتىڭ دا بولارىن قاي - قاشان دا ويلاپ، لاڭكەستىككە قارسى تۇرىپ، ورنىقتىلىقتى قورعاۋ شارالارىن ساپالىلاندىرا تياناقتاندىرىپ، قوعامدىق كەلەلى جاعدايدىڭ جاراسىمدىلىعىن، ورنىقتىلىعىن ساقتاۋ كەرەك. باتىلدىقپەن اتويلاۋعا، باتىلدىقپەن جۇمىس تىندىرۋعا تاباندى بولىپ، دامۋداعى قيىن ماسەلەلەردى باتىلدىقپەن شەشىپ، ويدىڭ قاساڭدانۋىنان، قىزمەتتەگى ءبىر سىدىرعىلىقتان جانە جۇلگەلىك يەك سۇيەۋدەن ارىلىپ، ىشكەرىلەي تەكسەرۋ - زەرتتەۋ جۇرگىزۋ، جۇيەلى جوسپارلاۋ جانە عىلمي شەشىم جاساۋ دەڭگەيىن جوعارىلاتىپ، ناقتى ماسەلەلەردى شەشۋدى قاي - قاشان دا قىزمەت جاعدايىن اشۋداعى سەرپىلىس ءتۇيىنى ەتىپ، رەفورمالاۋ، جاڭالىق اشۋ، قيىندىقتاردان قامال الۋ قابىلەتى مەن دەڭگەيىن ۇزدىكسىز ءوسىرىپ، قالىڭ پارتيالى باسشى كادرلاردىڭ ءىس تىندىرعىسى كەلەتىن، ءىس تىندىرا الاتىن، ىستەن ناتيجە شىعاراتىن بولۋىنا جەتەكشىلىك ەتىپ، رەفورما، دامۋ، ورنىقتىلىق قىزمەتتەرىندە قۇلشىنا جاڭا جاعداي اشۋ كەرەك.
سۇن حۇڭمەي قاتارلىلار باياندامانى قاراۋعا قاتىناستى.
