شينجياڭ اسكەري رايونى 13 - كەزەكتى پارتكومىنىڭ بەسىنشى جالپى (كەڭەيتىلگەن) ءماجىلىسى وتكىزىلدى
ما شيڭرۇي ماجىلىسكە قاتىناستى ءارى ءسوز سويلەدى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 1 - ايدىڭ 14 - كۇنى ۇرىمجىدەن حابارلايدى. شينجياڭ اسكەري رايونى 13 - كەزەكتى پارتكومىنىڭ بەسىنشى جالپى (كەڭەيتىلگەن) ءماجىلىسى 1 - ايدىڭ 13 - كۇنىنەن 14 - كۇنىنە دەيىن وتكىزىلدى. اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى ما شيڭرۇي ماجىلىسكە قاتىناستى ءارى ءسوز سويلەدى.
شينجياڭ اسكەري رايونى پارتكومىنىڭ شۋجيى، جىڭۋيى ياڭ چىڭ اسكەري رايون پارتكومىنىڭ تۇراقتى كوميتەتى اتىنان بايانداما جاسادى. شينجياڭ اسكەري رايونى پارتكومىنىڭ ورىنباسار شۋجيى، سىليڭيۋانى ليۋ لين ءسوز سويلەدى.
ما شيڭرۇي سوزىندە بىلاي دەپ اتاپ كورسەتتى: ءبىر جىلدان بەرى، شينجياڭ اسكەري رايونى پارتكومى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، شي جينپيڭنىڭ ارميانى قۇدىرەتتەندىرۋ يدەياسىن جاپپاي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن جانە ءتوراعا شي جينپيڭنىڭ شينجياڭدى كوزدەن كەشىرگەندە، شينجياڭدا تۇراتىن اسكەري بولىمدەردەگى كوماندير - جاۋىنگەرلەردىڭ ۋاكىلدەرىن قابىلداعان كەزدە سويلەگەن ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، ”ەكىنى تۇراقتاندىرۋدىڭ“ شەشۋشى ءمانىن ىشكەرىلەي ءتۇسىنىپ، ”ەكىنى قورعاۋدى“ باتىل ورىنداپ، ارميانى ساياسي جاقتان قۇرۋعا، ارميانى رەفورما ارقىلى قۇدىرەتتەندىرۋگە، ارميانى عىلىم - تەحنيكا ارقىلى قۇدىرەتتەندىرۋگە، ارميانى دارىندىلار ارقىلى قۇدىرەتتەندىرۋگە، ارميانى زاڭمەن باسقارۋعا تاباندى بولىپ، ورنىقتىلىقتى قورعاۋ بويىنشا مىندەت وتەۋدى ۇدايىلاندىرا ۇيىمداستىرىپ، قاتەردەن اراشالاۋعا، اپاتتان قۇتقارۋعا بەلسەنە ات سالىسىپ، ىندەتتەن ساقتانۋ - تىزگىندەۋدى سەلبەسە ويداعىداي مىقتى يگەرىپ، ”ورنىقتىرعىشتىق“ رولىن تولىق ساۋلەلەندىردى. ما شيڭرۇي اۆتونوميالى رايوندىق پارتكوم، ۇكىمەت جانە بيڭتۋان، سونداي - اق بۇكىل رايونىمىزداعى ءار ۇلت حالقى اتىنان شينجياڭدا تۇراتىن حالىق ازاتتىق ارمياسىنىڭ بارلىق كوماندير - جاۋىنگەرلەرىنەن شىنايى حال سۇرادى، ولارعا وسكەلەڭ قۇرمەت ءبىلدىردى.
ما شيڭرۇي بىلاي دەپ باسا دارىپتەدى: بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن دايەكتىلەندىرۋدەگى، تياناقتاندىرۋداعى، قوعام ورنىقتىلىعى مەن باياندى تىنىشتىقتى ىلگەرىلەتۋدەگى ماڭىزدى جىل. پارتيا 20 - قۇرىلتايىنىڭ رۋحىن جەتەكشى ەتۋگە تاباندى بولىپ، شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، پارتيا قۇرۋ ۇلى رۋحىن اسقاقتاتىپ، قاراقۇرىم رۋحىن جالعاستىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، نازاردى شينجياڭ قىزمەتى باس نىساناسىنا شوعىرلاندىرىپ، قايراتتانا العا ۇمتىلىپ، ەرلىكپەن العا باسىپ، قوعام ورنىقتىلىعى مەن باياندى تىنىشتىقتى جۇزەگە اسىرۋعا، كورىكتى شينجياڭ قۇرۋعا تىڭ دا اناعۇرلىم زور ۇلەس قوسۋ كەرەك. ”ەكىنى تۇراقتاندىرۋدى“ تاباندىلىقپەن قولداپ، ”ەكىنى قورعاۋدى“ باتىل ورىنداپ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن جاپپاي دايەكتىلەندىرىپ، جاڭا داۋىردە ارميانى ساياسي جاقتان قۇرۋ جالپى جوباسىن باتىل تياناقتاندىرىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاپ، پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ قولباسشىلىعىنا باتىل بويسۇنۋ كەرەك. اسكەر جاتتىقتىرىپ، سوعىسقا دايىندالۋدى جاپپاي كۇشەيتىپ، جاڭا داۋىردەگى سوعىسقا دايىندالۋ، شايقاس جۇرگىزۋ قابىلەتىن جوعارىلاتىپ، نازاردى ارميا قۇرىلعاندىعىنىڭ 100 جىلدىعى كۇرەس نىساناسىنا شوعىرلاندىرىپ، جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، سوعىسقا دايىندالۋ ازىرلىگىن كورنەكتىلەندىرە ناقتى يگەرىپ، ناقتى سوعىستىق اسكەري ىستەر جاتتىعۋىن قاۋىرت يگەرىپ، ناقتى سوعىستا جەڭىسكە جەتۋ قابىلەتىن شىڭداپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ قاسيەتتى بورىشتى اناعۇرلىم ويداعىداي ارقالاۋ كەرەك. قارۋلى كۇشتەردى پارتيا باسقارۋ قىزمەتىن ويداعىداي يگەرىپ، مەملەكەت قورعانىسىنا جۇمىلدىرۋ تىرەگىن كۇشەيتىپ، ورناتىپ قارۋلى كۇشتەردى پارتيا باسقارۋ تۇزىمدەرىن باتىل تياناقتاندىرىپ، ءار دارەجەلى پارتكومداردىڭ تۇلعالىق جاۋاپكەرشىلىگىن قاتايتىپ، مەملەكەت قورعانىسىنا جۇمىلدىرۋ ءتۇزىلىسى رەفورماسىن ارقاۋ ەتىپ، جۇمىلدىرۋ، قولباسشىلىق جۇيەسىن ساپالىلاندىرىپ، مەملەكەت قورعانىسىنا جۇمىلدىرۋ جانە زاپاس كۇشتەر قۇرىلىسىنىڭ ساپاسىن، ونىمدىلىگىن ۇزدىكسىز جوعارىلاتىپ، ارميا مەن حالىقتىڭ توعىسا دامۋىن ىلگەرىلەتۋ كەرەك. شينجياڭدى ورنىقتىرۋ، شينجياڭدى گۇلدەندىرۋ ستراتەگياسىنان كوز جازباي، رەفورماعا، دامۋعا، ورنىقتىلىققا قىزمەت وتەپ، ارميا مەن جەرگىلىكتى ورىن بىرلەسىپ شەكارا قورعانىسىنىڭ ورنىقتىلىعىن يگەرۋگە تاباندى بولىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىلگەرىلەتۋ؛ تۇرعان ورىننىڭ حالىق تۇرمىسىن قامتاماسىز ەتۋىنە جانە جاقسارتۋىنا قولداۋ كورسەتىپ، جۇڭحۋا ۇلتى ورتاق تۇلعا تانىمىن بەرىك ورناتۋدى جەبەپ، اۋىل - قىستاقتى گۇلدەندىرۋ، ەرەكشە كاسىپ سالالارىن دامىتۋ، شەكارا بويىنداعى قىستاق قۇرىلىسى سياقتى قىزمەتتەرگە بەلسەنە ات سالىسىپ، حالىق تۇرمىسىنىڭ قۇت - ىرىسىن قول ۇستاسا ارتتىرۋ كەرەك. ارميا مەن ۇكىمەتتىڭ، ارميا مەن حالىقتىڭ ىنتىماعىن كۇشەيتىپ، دامۋدى بىرگە جوسپارلاۋدىڭ بىرىككەن كۇشىن ۇيىستىرىپ، قوس قولداۋ قىزمەتىن ۇزدىكسىز ىشكەرىلەي ورىستەتىپ، ارميانى قولداۋ، قامقورلىق جاساۋ ساياساتتارىن تياناقتاندىرىپ، اسكەريلەردىڭ وتباسىنداعىلاردىڭ ارمياعا ىلەسىپ جۇمىستانۋى، اسكەريلەردىڭ پەرزەنتتەرىنىڭ وقۋعا ءتۇسۋى، قوسىننان بوساعان اسكەريلەردى ورنالاستىرۋ سياقتى قامتاماسىزداندىرۋ تۇزىمدەرىن اقاۋسىزداندىرىپ، كەمەلدەندىرىپ، اسكەري ءبولىمنىڭ ءىس جۇزىندىك قيىنشىلىقتارىن ىرىقتىلىقپەن ۇعىسىپ، ۋايىمنان ارىلۋىنا كومەكتەسىپ، ارميا مەن ۇكىمەتتىڭ، ارميا مەن حالىقتىڭ ەتەنە، بولاتتاي بەرىك قاتىناسىن بەكەمدەۋ، دامىتۋ كەرەك.
شينجياڭ اسكەري رايونى پارتكومىنىڭ تۇراقتى مۇشەلەرى حالمۇرات ابدىراحمان، ۋىن دۇڭ، لي ۋىن، شۇي شياڭ، ليۋ دۇڭلين، دۇڭ ۋيجياڭ، تاۋ شياڭميڭ، جاۋ حايفي ماجىلىسكە قاتىناستى.
