ما شيڭرۇي، سىمايىل تىلەۋالدى، شاۋكەت يمىن، نۇرلان ءابىلماجىن، لي يفي، شوكىرات زاكىر، نايىم ياسىن، جاڭ چۇنلين، حى جۇڭيوۋ ءتوراعالار مىنبەسىنەن ورىن الدى
ەركىن تۇنياز ۇكىمەت قىزمەتىنەن بايانداما جاسادى
1 - ايدىڭ 14 - كۇنى اۆتونوميالى رايوندىق 14 - كەزەكتى حالىق قۇرىلتايىنىڭ 1 - ءماجىلىسى شينجياڭ حالىق سارايىندا اشىلدى. سۋرەتتە: ءماجىلىس بارىسى.
□سۋرەتتى انار بۇلت \ شينجياڭ گازەتىنىڭ ءتىلشىسى لۋ مين - ي تۇسىرگەن
انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ شياڭ 1 - ايدىڭ 14 - كۇنى ۇرىمجىدەن حابارلايدى. 1 - ايدىڭ 14 - كۇنى تۇستەن بۇرىن تۇتاس رايونداعى ءار ۇلت حالقىنىڭ نازارىن بارىنشا اۋدارعان اۆتونوميالى رايوندىق 14 - كەزەكتى حالىق قۇرىلتايىنىڭ 1 - ءماجىلىسى شينجياڭ حالىق سارايىندا اشىلدى. ءار سالا، ءار كاسىپتەن، ءارقايسى شەپتەن كەلگەن اۆتونوميالى رايوندىق حالىق قۇرىلتايىنىڭ ۋاكىلدەرى ءۇمىت پەن ماڭىزدى تاپسىرمانى ارقالاپ، قاسيەتتى قىزمەت جاۋاپكەرشىلىكتەرىن مۇقيات وتەپ، كورىكتى شينجياڭ قۇرۋدى بىرگە جوسپارلادى.
شينجياڭ حالىق سارايى سالتاناتتى دا قىزۋ مەرەيگە شومدى، مەملەكەت گەربى ءتوراعالار مىنبەسىندەگى شىمىلدىقتىڭ ورتاسىنا ءىلىنىپ، ونىڭ ەكى جاعىنا بەس - بەستەن 10 قىزىل تۋ قويىلدى.
ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى ما شيڭرۇي، ەركىن تۇنياز، لي يفي، جاڭ چۇنلين، حى جۇڭيوۋ، جاڭ جۋ، تيان شياڭلي، ءزۇمىرات وبۇل، لي نيڭپيڭ، توحتى ياقۇپ، مۇقيات جارمۇقامەت، ءمۇتالىپ روزى ءتوراعالار مىنبەسىنىڭ الدىڭعى قاتارىنان ورىن الدى.
سىمايىل تىلەۋالدى، شاۋكەت يمىن، نۇرلان ءابىلماجىن، شوكىرات زاكىر، نايىم ياسىن، چىن ۋيجۇن، ۋاڭ ميڭشان، ۋاڭ جيانشين، ياڭ فاسىن، ءيۇسۇپجان مامەت، ەلزات احمەتجان جانە ءماجىلىس ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.
اۆتونوميالى رايوندىق 14 - كەزەكتى حالىق قۇرىلتايىنىڭ 1 - ماجىلىسىنە قاتىناسۋعا ءتيىستى ۋاكىل 546 ادام. بۇگىنگى ماجىلىسكە 517 ادام قاتىناستى، بۇل زاڭدا بەلگىلەنگەن ادام سانىنا ۇيلەسەدى.
تۇستەن بۇرىن ساعات 10نان 30 مينۋت وتكەن مولشەردە ما شيڭرۇي شينجياڭ ۇيعۇر اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسىنىڭ اشىلعاندىعىن جاريالادى. بارلىق ادام ورىندارىنان تۇرىپ، مەملەكەت ءانىن اسقاقتاتا شىرقادى.
ءماجىلىستىڭ كەڭەستىك ءتارتىبى بويىنشا، اۆتونوميالى رايوننىڭ ءتوراعاسى ەركىن تۇنياز اۆتونوميالى رايوندىق حالىق ۇكىمەتى اتىنان ماجىلىسكە ۇكىمەت قىزمەتىنەن بايانداما جاسادى. بايانداما جالپى 4 بولىمگە بولىنگەن: ءبىرىنشى، وتكەن 5 جىلعى جانە 2022 - جىلعى قىزمەتتەرگە شولۋ؛ ەكىنشى، الداعى 5 جىلداعى دامۋدىڭ جالپى تۇلعالىق ويى جانە نىسانا - مىندەتتەرى؛ ءۇشىنشى، 2023 - جىلعى ءتۇيىندى قىزمەتتەر؛ ءتورتىنشى، ۇكىمەتتىڭ ءوز قۇرىلىسىن كۇشەيتۋ.
ەركىن تۇنياز بىلاي دەدى: وسى كەزەكتى ۇكىمەت مىندەت وتەگەن 5 جىلدا قاتاڭ دا كۇردەلى جاعداي مەن جاپالى دا اۋىر مىندەت الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا ءبىز جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، ءتۇرلى حاۋىپ - قاتەرلەرگە، سايىستارعا ءونىمدى توتەپ بەرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزىپ، بۇكىل ەلمەن تەڭ قادامدا جاپپاي دوڭگەلەك داۋلەتتى قوعام ورناتىپ، 13 - كەزەكتى ۇكىمەتتىڭ قىزمەت نىسانا - مىندەتتەرىن تولىق ورىنداپ، تۇتاس رايوننىڭ ەكونوميكالىق، قوعامدىق دامۋىندا جانە حالىق تۇرمىسىن جاقسارتۋدا كورنەكتى ناتيجەگە قول جەتكىزدىك. 2022 - جىلى تۇتاس رايوندا جوعارىدان تومەنگە دەيىن پارتيا 20 - قۇرىلتايىن قارسى الۋدى جانە پارتيا 20 - قۇرىلتايىنىڭ رۋحىن ۇيرەنۋدى، دايەكتىلەندىرۋدى قوزعاۋشى كۇش ەتە وتىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ورنىقتىلىقتى ماڭداي الدى ورىنعا قويىپ، ورنىقتىلىق بارىسىندا ىلگەرىلەپ، زەيىن - زەردە مەن كۇش - قۋاتتى ۇيىستىرىپ، قيىندىق بارىسىندا تابىسقا جەتىپ، ەكونوميكانىڭ ءتيىمسىز جاعدايدا ارتۋىن، ورنىقتى دا اقاۋسىز دامۋىن جۇزەگە اسىردىق. ءبىز ىندەتتەن ساقتانۋ - تىزگىندەۋدى كۇش سالا ويداعىداي يگەرىپ، ەرەكشە باسىمدىققا يە كاسىپ سالالارىنىڭ جەدەل دامۋىن ىلگەرىلەتىپ، استىق حاۋىپسىزدىگىن جانە ەنەرگيامەن قامداۋدى قامتاماسىز ەتۋدى كورنەكتىلەندىرە ويداعىداي يگەرىپ، ىشكى سۇرانىستىڭ كومەسكى كۇشىن امالدىڭ بارىنشا ىسكە قوسىپ، اشىق سەلبەستىكتىڭ جاڭا باسىمدىعىن جەتىلدىرىپ، كەدەيلىكتەن ارىلتۋدان قامال الۋ جەتىستىگىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتىپ، شارۋاشىلىق - ساۋدا ورتاسىن ساپالىلاندىرىپ جانە جاقسارتىپ، ەكولوگيالىق وركەنيەت قۇرىلىسىن ىلگەرىلەتىپ، حالىق تۇرمىسىن بار كۇشپەن قامتاماسىز ەتىپ جانە جاقسارتىپ، شينجياڭدى مادەنيەتپەن نارلەندىرۋدى ىلگەرىلەتىپ، ۇلتتار ىنتىماعىن جەبەپ، قوعام ورنىقتىلىعىن تيتتەي دە بوساڭسىماي ويداعىداي يگەرىپ، زاڭمەن باسقارىلاتىن ۇكىمەت قۇرىلىسىن كۇشەيتىپ، كورىكتى شينجياڭ قۇرۋدىڭ جاڭا جورىعىنا قادام تاستادىق.
ەركىن تۇنياز الداعى 5 جىلداعى ۇكىمەت قىزمەتىنىڭ جالپى تۇلعالىق وي جەلىسىن، كۇرەس نىساناسىن جانە باستى مىندەتىن باياندادى. ول بىلاي دەدى: جاڭا جورىقتا ءبىز ءبىرقىدىرۋ كەلەلى تاريحي ورايعا ءدوپ كەلەمىز، ءبىرسىپىرا ەرەكشە باسىمدىققا يە شارت - جاعدايعا يە بولامىز، سونىمەن بىرگە ءبىرتالاي حاۋىپ - قاتەر مەن سايىسقا ءدوپ كەلەمىز. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، جۇڭگو ۇلگىسىندەگى وسىزامانداندىرۋدى تىڭعىلىقتى ىلگەرىلەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتۋ؛ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شينجياڭدى زاڭمەن باسقارۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ، شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى كۇش سالا ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا كورىكتى شينجياڭدى قۇلشىنا قۇرۋ كەرەك.
ەركىن تۇنياز بىلاي دەدى: بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدە، تياناقتاندىرۋدا باستاما اشاتىن جىل، ءبىز جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋدا جاقسى باستاما اشۋعا، جاقسى قادام باسۋعا شينجياڭ ۇلەسىن قوسۋىمىز كەرەك. تۇتاس رايوننىڭ بيىلعى ەكونوميكالىق، قوعامدىق دامۋىنىڭ باستى مەجەلى نىساناسى: وڭىرلىك ءوندىرىس جالپى ءونىم قۇنى ％7 شاماسىندا ارتۋ، كولەمنەن جوعارى ونەركاسىپتىڭ ارتقان قۇنى ％9 شاماسىندا ارتۋ، تۇراقتى مال - مۇلىككە قوسىلعان قارجى ％11 شاماسىندا ارتۋ، يمپورت - ەكسپورت جالپى سوماسى ％10 شاماسىندا ارتۋ، قالا - قالاشىقتاردا تەكسەرىلگەن جۇمىسسىزدىق مولشەرى ％5.5 كولەمىندە تىزگىندەلۋ، قالا، اۋىل تۇرعىندارىنىڭ ورتاشا جان باسىندىق قولداعى تابىسى جەكە - جەكە ％7 شاماسىندا، ％8 شاماسىندا ارتۋ، ت. ب. اتالعان نىسانالاردى جۇزەگە اسىرۋ ءۇشىن 12 جاقتاعى قىزمەتتى ءتۇيىندى تۇردە ويداعىداي ىستەۋ كەرەك: اۋىل شارۋاشىلىعىنىڭ دامۋىن، شارۋالاردىڭ كىرىسىن ارتتىرۋدى كۇش سالا جەبەۋ؛ ”8 ءىرى كاسىپ سالاسى شوعىرىن“ جەدەل قۇرۋ؛ قىزمەت وتەۋ كاسىبىنىڭ دامۋىن جانە تۇتىنۋدىڭ جاندانۋىن كۇش سالا جەبەۋ؛ قارجى قوسۋدىڭ شەشۋشى رولىن تولىق ساۋلەلەندىرۋ؛ جىبەك جولى ەكونوميكالىق بەلدەۋى وزەكتى رايونى قۇرىلىسىن تىڭعىلىقتى ىلگەرىلەتۋ؛ وقۋ - اعارتۋ، عىلىم - تەحنيكا دارىندىلارى قىزمەتىن ءبىر تۇتاس جوسپارلاپ ىلگەرىلەتۋ؛ ءتۇرلى بازار تۇلعالارىنىڭ دامۋ ومىرشەڭدىگىن كۇش سالا قاۋلاتۋ؛ ەكولوگيالىق ورتانى وڭاۋدى جانە قورعاۋدى ءۇرتىس ويداعىداي يگەرۋ؛ حالىق تۇرمىسىن كۇش سالا قامتاماسىز ەتۋ جانە جاقسارتۋ؛ جۇڭحۋا ۇلتى ورتاق تۇلعا تانىمىن ناقتى، جاندى، ءونىمدى تۇردە بەرىك ورناتۋ؛ حاۋىپسىزدىك، ورنىقتىلىق قىزمەتتەرىن ءبىر تۇتاس جوسپارلاپ ويداعىداي يگەرۋ؛ بيڭتۋان مەن جەرگىلىكتى ورىننىڭ توعىسا دامۋىن جاپپاي ىلگەرىلەتۋ.
ەركىن تۇنياز شينجياڭعا باعىتتامالى كومەكتەسۋ، مەملەكەت قورعانىسى جانە ارميا قۇرىلىسىن قولداۋ سياقتىلار جونىندە دە بايىمداۋ جاسادى.
ءماجىلىستىڭ كەڭەستىك تارتىبىنە ساي، ءماجىلىس اۆتونوميالى رايوننىڭ 2022 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە اۆتونوميالى رايوننىڭ 2023 - جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى باياندامانى، اۆتونوميالى رايوننىڭ 2022 - جىلعى مەجە ەسەبىنىڭ اتقارىلۋ احۋالى مەن اۆتونوميالى رايوننىڭ 2023 - جىلعى مەجە ەسەپ جوباسى جونىندەگى باياندامانى قاراپ تەكسەردى.
اۆتونوميالى رايوندىق ساياسي كەڭەس 13 - كەزەكتى كوميتەتىنىڭ 1 - ماجىلىسىنە قاتىناسىپ جاتقان ساياسي كەڭەس مۇشەلەرى ماجىلىسكە سىرتتاي قاتىناستى.
اۆتونوميالى رايوندىق ۇكىمەتتەگى، ساياسي كەڭەستەگى، بيڭتۋانداعى قاتىستى باسشى جولداستار، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، قازىرگى مىندەتىنەن شەگىنگەن ءبىر ءبولىم ولكە دارەجەلى باسشىلار جانە دەمالىسقا، زەينەتكە شىققان باس ولكە دارەجەلى باسشىلار قاتارلىلار دا ءتوراعالار مىنبەسىنەن ورىن الدى.
