تيانشان تورى - شينجياڭ گازەتىنىڭ حابارى (ءتىلشى گان شيڭحۋا، ەرىكتى ءتىلشى لي شۋەرىن حابارلايدى) 1 - ايدىڭ 15 - كۇنى تۇستەن بۇرىن ساعات 11 مولشەرىندە، كەلپىن اۋدانى يۇىرچي اۋىلى ۇستىڭگى قۇمارىق قىستاعىنا كۇن شۇعىلاسىن توگىپ تۇردى، قىستاق تۇرعىندارى وتباسىنداعىلارمەن بىرگە قىرمانعا جينالىپ، پيگمەنتتى قىزىل بۇرىشتى ىرىكتەدى. قىزىل بۇرىش ىرىكتەۋ جۇڭگو مۇناي حيميا باتىس سولتۇستىك مۇناي الابىنىڭ ۇستىڭگى قۇمارىق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ كومەگىندە ءوز جەرىندە جۇمىستاندىرۋ، كىرىستى ارتتىرىپ، اۋقاتتاندىرۋدىڭ ءبىر بۋىنىنا اينالدى.
كەلپىن اۋدانى يۇىرچي اۋىلى ۇستىڭگى قۇمارىق قىستاعىنىڭ تۇرعىندارى پيگمەنتتى قىزىل بۇرىشتى ىرىكتەۋدە. سۋرەتتى لي شۋەرىن تۇسىرگەن
”قىزىل بۇرىشتىڭ ساباعىن الىپ تاستاپ، ابدەن قىزارعانىن ىرىكتەپ دورباعا سالساق بولعانى“. ۇل - قىزىن جانىنا ەرتكەن 36 جاستاعى بۇسارەم قاھار جەرگە قورالانا وتىرا قالىپ، قىزىل بۇرىشتى ساباعىنان ايىرىپ، تەز ارادا ءبىر دوربا قىزىل بۇرىشتى ىرىكتەپ ۇلگەردى.
”قازىر بالالاردىڭ ءبارى قىسقى دەمالىستا، بالالار ۇيدە بەكەر وتىرادى، وسى ءبىرقانشا كۇننەن بەرى، بالالارىمدى دا قاسىما ەرتىپ الدىم، جارتى كۇندە 40 كيلوگرام اينالاسىندا قىزىل بۇرىشتى ىرىكتەپ الدىق، كيلوگرامىن 3 يۋاننان ەسەپتەسەك، 120 يۋان كىرىس تاپتىق“... دەيدى بۇسارەم ءوز جاعدايىن تانىستىرىپ وتىرىپ، تاعى ءبىر دوربا قىزىل بۇرىشتى ىرىكتەپ ۇلگەردى.
2022 ـ جىلدىڭ باسىندا باتىس سولتۇستىك مۇناي الابىنىڭ ۇستىڭگى قۇمارىق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى سىچۋان سايحۋاشياڭ ازىق ـ تۇلىك شەكتى سەرىكتەستىگىنىڭ كەلپىن اۋدانىندا پيگمەنتتى قىزىل بۇرىش ەگۋ نيەتى بار ەكەنىن بىلگەننەن كەيىن، وسى سەرىكتەستىكتىڭ قاتىستى جاۋاپتىلارىمەن دەرەۋ سويلەستى ءارى وسى نىساننىڭ ۇستىڭگى قۇمارىق قىستاعىنا ىرگە تەبۋىن جەبەدى.
”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مەن قىستاق تۇرعىندار كوميتەتىنىڭ باستاۋىندا، سىچۋان سايحۋاشياڭ ازىق ـ تۇلىك شەكتى سەرىكتەستىگى قىستاقتاعى 2000 مۋدان استام ەگىستىك جەرگە پيگمەنتتى قىزىل بۇرىشتى شوعىرلى ەگۋدەن سىرت، كاسىپورىن + سەلبەستىك كووپەراتيۆى + شارۋا وتباسى ۇلگىسى ارقىلى ۇستىڭگى قۇمارىق قىستاعىنداعى شارۋالارمەن پيگمەنتتى قىزىل بۇرىش ەگۋ، ساتىپ الۋ توقتامىنا قول قويدى.
قىستاق تۇرعىندارىن تيىمدىلىككە يە قىزىل بۇرىش مايساسىمەن قامداپ، تۇتاس بارىستا تەحنيكالىق جاقتان ەگىمشىلىك شەبەرلىگىنە جەتەكشىلىك ەتىپ، قىزىل بۇرىش جيناۋ جانە العاشقى مانەرلەۋ بارىسىندا جەرگىلىكتى قىستاق تۇرعىندارىنىڭ جاقىن ماڭدا جۇمىستانۋىن شەشتى ... حالىققا ءتيىمدى ءتۇرلى ساياساتتاردىڭ ارقاسىندا، ۇستىڭگى قۇمارىق قىستاعىندا قىزىل بۇرىش ەگۋ ورلەۋى كوتەرىلدى، قىستاق تۇرعىندارىنىڭ ءۇيىنىڭ الدى ـ ارتىنا، سونداي ـ اق بوس جەرلەرگە پيگمەنتتى قىزىل بۇرىش ەگىلدى.
”قىزىل بۇرىش ەگۋدە قاتارعا قوسىلۋ مولشەرىن جوعارىلاتۋ ءۇشىن، ءبىز ارنايى 10 مىڭ يۋانعا جۋىق قارجى توپتاپ، قىستاق تۇرعىندارىنا ارناۋلى حيميالىق تىڭايتقىش ساتىپ الدىق، كەيبىر قىستاق تۇرعىندارىنىڭ جەردى كوتەرمەگە الىپ، قىزىل بۇرىش ەگۋ ويى بار بولعانىمەن، قولىنداعى قارجى جەتىسپەي وتىرعانىن ۇعىسقان سوڭ، امالىن تاۋىپ قىستاق تۇرعىندارىنا اينالىم قاراجاتىن بەردىك، سونداي ـ اق قىزمەت اترەتىنىڭ مۇشەلەرى مەن قىستاق كادرلارىن قىستاق تۇرعىندارىنىڭ قىزىل بۇرىش ەگۋىنە كومەكتەسۋگە ۇيىمداستىردىق. جۇڭگو مۇناي حيميا باتىس سولتۇستىك مۇناي الابىنىڭ ۇستىڭگى قۇمارىق قىستاعىندا تۇراتىن ءبىرىنشى شۋجيى، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى لي ميڭ بىلاي دەدى: ەگىلگەن قىزىل بۇرىش پەن كوتەرمەگە الۋ اقىسىن ەسەپتەمەگەندە، قىزىل بۇرىش ىرىكتەۋ سىندى وسى ءبىر جۇمىستىڭ وزىنەن قىستاق تۇرعىندارى ايىنا كەمىندە 2000 يۋان كىرىس كىرگىزەدى.
تىلشىلىك جاساۋ بارىسىندا ءتىلشى سونىمەن قاتار ءجۇز توننادان استام پيگمەنتتى قىزىل بۇرىشتى ىرىكتەۋ قاجەت ەكەنىن ءبىلدى. سىچۋان سايحۋاشياڭ ازىق ـ تۇلىك شەكتى سەرىكتەستىگىنىڭ ۇستىڭگى قۇمارىق قىستاعىنداعى قىزىل بۇرىش ەگۋ قىزمەتىنە جاۋاپتى ۋ بانيۇڭ بىلاي دەدى: ”ءبىز قىزىل بۇرىش ەگۋ، جيناۋ، ىرىكتەۋ قىزمەتىن ۇزاق ۋاقىت جۇرگىزبەكشىمىز، وسىلاي ىستەگەندە جەرگىلىكتى ورىنداعى جۇزگە جۋىق قىستاق تۇرعىنىنىڭ جاقىن ماڭنان ۇزاق ۋاقىت جۇمىستانۋىنا مۇمكىندىك جاساۋمەن بىرگە، كاسىپورىننىڭ جۇمىسشى ىستەتۋ قاجەتىن ورنىقتى قامتاماسىز ەتۋگە بولادى“.
