تيانشان تورى
تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق 14 - كەزەكتى حالىق قۇرىلتايىنىڭ 1 - ءماجىلىسى ەكىنشى جالپى جيىنىن وتكىزدى

  اۆتونوميالى رايوندىق 14 - كەزەكتى حالىق قۇرىلتايىنىڭ 1 - ءماجىلىسى ەكىنشى جالپى جيىنىن وتكىزدى

  ما شيڭرۇي، ەركىن تۇنياز، نۇرلان ءابىلماجىن، لي يفي، نايىم ياسىن، جاڭ چۇنلين، حى جۇڭيوۋ قاتىناستى

  شاۋكەت يمىن اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى

  اۆتونوميالى رايوندىق جوعارى حالىق سوتى مەكەمەسىنىڭ جانە اۆتونوميالى رايوندىق حالىق پروكۋراتۋراسىنىڭ قىزمەت بايانداماسى تىڭدالدى، ءماجىلىستىڭ سايلاۋ ءادىسى سياقتىلار داۋىسقا سالىندى

  انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ شياڭ 1 - ايدىڭ 15 - كۇنى ۇرىمجىدەن حابارلايدى. اۆتونوميالى رايوندىق 14 - كەزەكتى حالىق قۇرىلتايىنىڭ 1 - ءماجىلىسى 1 - ايدىڭ 15 - كۇنى تۇستەن كەيىن ەكىنشى جالپى جيىنىن وتكىزىپ، اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەتىنەن باياندامانى، اۆتونوميالى رايوندىق جوعارى حالىق سوتى مەكەمەسىنىڭ قىزمەتىنەن باياندامانى، اۆتونوميالى رايوندىق حالىق پروكۋراتۋراسىنىڭ قىزمەتىنەن باياندامانى تىڭدادى، اۆتونوميالى رايوندىق حالىق قۇرىلتايىنىڭ ءىس قاراۋ ەرەجەسىنىڭ (وزگەرىس ەنگىزىلگەن جوبا) تۇسىنىگىن تىڭدادى، اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتى قۇرامىنداعىلاردىڭ سانى جونىندەگى قاۋلى جانە ءماجىلىستىڭ سايلاۋ ءادىسى سياقتىلاردى داۋىسقا سالدى.

  ما شيڭرۇي، ەركىن تۇنياز، شاۋكەت يمىن، نۇرلان ءابىلماجىن، لي يفي، نايىم ياسىن، جاڭ چۇنلين، حى جۇڭيوۋ، جاڭ جۋ، تيان شياڭلي، چىن ۋيجۇن، ۋاڭ ميڭشان، ۋاڭ جيانشين، ءزۇمىرات وبۇل، ياڭ فاسىن، ءيۇسۇپجان مامەت، ەلزات احمەتجان جانە ءماجىلىس ءتوراعالار القاسىنىڭ مۇشەلەرى ءتوراعالار مىنبەسىنەن ورىن الدى.

  ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى لي نيڭپيڭ جيىندى باسقاردى. ءماجىلىستىڭ اتقارۋشى ءتوراعالارى ءتوراعالار مىنبەسىنىڭ الدىڭعى قاتارىنان ورىن الدى.

  جيىنعا قاتىناسۋعا ءتيىستى ۋاكىل 546 ادام، قاتىناسقانى 518 ادام، بۇل زاڭدا بەلگىلەنگەن ادام سانىنا ۇيلەسەدى.

  اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ تاپسىرۋىمەن، اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن جالپى جيىنعا قىزمەتتەن بايانداما جاسادى. ول بىلاي دەدى: وتكەن 5 جىلدا اۆتونوميالى رايوندىق 13 - كەزەكتى حالىق قۇرىلتايىنىڭ تۇراقتى كوميتەتى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتتىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، پارتيا باسشىلىعىنىڭ، حالىقتىڭ وزىنە - ءوزى قوجايىن بولۋىنىڭ، مەملەكەتتى زاڭمەن باسقارۋدىڭ جاندى بىرلىگىنە تاباندى بولىپ، جالپى بارىستىق حالىق دەموكراتياسىن امالياتتا ايگىلەپ جانە دامىتىپ، زاڭ ەرەجە شىعارۋ ساپاسى مەن ونىمدىلىگىن جوعارىلاتۋدى، باقىلاۋدىڭ بۇلجىماستىعى مەن ناقتى ونىمدىلىگىن كۇشەيتۋدى، ۋاكىلدەردىڭ ارتىقشىلىعى مەن رولىن ساۋلەلەندىرۋدى، مىندەت اتقارۋ قابىلەتى مەن دەڭگەيىن جوعارىلاتۋدى ماڭىزدى ءتۇيىن ەتىپ، وزەكتى، كەلەلى جاعدايدى تىعىز ارقاۋ ەتىپ، حالىق قۇرىلتايى قىزمەتىن جۇيەلى جوسپارلاپ، جوعارى ولشەممەن ىلگەرىلەتىپ، جاسامپازدىقپەن ويداعىداي ىستەپ، اۆتونوميالى رايوننىڭ حالىق قۇرىلتايى قىزمەتىندە شىت جاڭا جاعداي اشتى. 5 جىلدان بەرى، اۆتونوميالى رايوننىڭ 76 زاڭ ەرەجەسىن جاساپ نەمەسە وعان وزگەرىس ەنگىزىپ، 20 قارار، قاۋلى شىعارىپ، رايوندارعا بولىنگەن قالالاردىڭ، اۆتونوميالى وبلىستاردىڭ، اۆتونوميالى اۋدانداردىڭ 96 زاڭ ەرەجەسىن جانە ايىرىم ەرەجەسىن تەكسەرىپ بەكىتىپ، 92 ارناۋلى باياندامانى تىڭداپ جانە قاراپ، 39 رەت زاڭ اتقارۋ تەكسەرۋىن، 13 رەت ارناۋلى تاقىرىپتىق سۇراستىرۋ، 72 رەت ارناۋلى تاقىرىپتىق تەكسەرۋ - زەرتتەۋ جانە كوزدەن كەشىرۋ ورىستەتىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە قىزمەت كورسەتىپ، قامتاماسىزدىق ازىرلەدى. 2022 - جىلى تۇراقتى كوميتەتتىڭ قىزمەتى بۇرىنعى نەگىزىندە بەكەمدەلدى جانە كۇشەيتىلدى، زاڭ ەرەجە شىعارۋدا، باقىلاۋدا، ۋاكىلدەر قىزمەتىندە جانە ءوز قۇرىلىسىندا تىڭ ناتيجەلەرگە قول جەتكىزىپ، مىندەت اتقارۋدىڭ ەڭ سوڭعى ءبىر جىلىنداعى مىندەتتەردى تولىق تابىسپەن ورىنداپ، اۆتونوميالى رايوننىڭ رەفورماسىنا، دامۋىنا، ورنىقتىلىعىنا تىڭ ۇلەس قوستى. شاۋكەت يمىن بيىلعى اۆتونوميالى رايوننىڭ حالىق قۇرىلتايى قىزمەتىن ويداعىداي ىستەۋ جونىندە مىناداي ۇسىنىس قويدى: پارتيا 20 - قۇرىلتايىنىڭ رۋحىن ۇيرەنۋدى، دايەكتىلەندىرۋدى ماڭداي الدى ساياسي مىندەت ەتۋگە تاباندى بولىپ، پارتيانىڭ باسشىلىعىن ەڭ جوعارى ساياسي پرينسيپ ەتۋگە تاباندى بولىپ، جالپى بارىستىق حالىق دەموكراتياسىن دامىتۋدى ماڭىزدى بورىش ەتۋگە تاباندى بولىپ، جاڭا داۋىردەگى زاڭ ەرەجە شىعارۋدى، باقىلاۋدى، ۋاكىلدەر قىزمەتىن جانە ءوز قۇرىلىسىن ىشكەرىلەي ىلگەرىلەتىپ، شينجياڭنىڭ باياندى تىنىشتىعىنا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، تاماشا باستامانى قۇلشىنا جۇزەگە اسىرىپ، كورىكتى شينجياڭ قۇرۋعا تىڭ دا اناعۇرلىم زور ۇلەس قوسۋ كەرەك.

  اۆتونوميالى رايوندىق جوعارى حالىق سوتى مەكەمەسىنىڭ باستىعى باھارگۇل سامەت اۆتونوميالى رايوندىق جوعارى حالىق سوتى مەكەمەسى اتىنان جالپى جيىنعا قىزمەتتەن بايانداما جاساعان كەزدە بىلاي دەدى: وتكەن 5 جىلدا، بۇكىل رايونداعى سوت مەكەمەلەرى شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، زاڭمەن باسقارۋدىڭ رەفورمانى، دامۋدى، ورنىقتىلىقتى جەتەكتەۋ، جۇيەلىلەندىرۋ، قامتاماسىزداندىرۋ رولىق تولىق ساۋلەلەندىرىپ، كەلەلى جاعدايعا قىزمەت ەتۋدەگى، ءادىليانى حالىق ءۇشىن جۇرگىزۋدەگى، ءادىليانى ءادىل جۇرگىزۋدەگى ءىس جۇزىندىك ارەكەتى ارقىلى ”ەكىنى تۇراقتاندىرۋدى“ تاباندىلىقپەن قورعاپ، ”ەكىنى قورعاۋدى“ باتىل ورىندادى. بيىل بۇكىل رايونداعى سوت مەكەمەلەرى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ رۋحىن جاپپاي، دالمە - ءدال ۇيرەنىپ، ءتۇسىنىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، نەگىزگى زاڭ مەن زاڭداردا بەرىلگەن قىزمەت جاۋاپكەرشىلىگىن ادالدىقپەن اتقارىپ، شينجياڭدى زاڭمەن باسقارۋدى بۇلجىماي ىلگەرىلەتىپ، اناعۇرلىم جوعارى دەڭگەيدەگى تىنىش شينجياڭ قۇرۋدى ىلگەرىلەتىپ، زاڭمەن باسقارىلاتىن شارۋاشىلىق - ساۋدا ورتاسىن ۇزدىكسىز ساپالىلاندىرىپ، حالىق تۇرمىسىمەن تىعىز جاناستىرا جوعارى ساپالى دامۋدى ىلگەرىلەتۋگە قىزمەت ەتىپ، پارتيانى جاپپاي قاتاڭ باسقارىپ، ساقشىلار قوسىنىن جاپپاي قاتاڭ جونگە سالىپ، جۇڭگو ۇلگىسىندەگى وسىزامانداندىرۋدىڭ شينجياڭدا زاڭمەن باسقارۋ ارناسىندا قارىشتاپ دامۋىن بار كۇشپەن ىلگەرىلەتۋلەرى كەرەك.

  اۆتونوميالى رايوندىق حالىق پروكۋراتۋراسىنىڭ ۋاقىتشا باس پروكۋرورى گاۋ جيميڭ اۆتونوميالى رايوندىق حالىق پروكۋراتۋراسى اتىنان جالپى جيىنعا قىزمەتتەن بايانداما جاساعان كەزدە بىلاي دەدى: 5 جىلدان بەرى، بۇكىل رايونداعى پروكۋراتۋرا ورگاندارى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدى“ تاباندىلىقپەن قورعاپ، ”ەكىنى قورعاۋدى“ باتىل ورىنداپ، اۆتونوميالى رايوندىق پارتكوم مەن ەڭ جوعارى حالىق پروكۋراتۋراسىنىڭ ورنالاستىرۋلارىن، تالاپتارىن مۇقيات تياناقتاندىرىپ، قىزمەتتەردى كورنەكتى جوعارىلاتىپ، شينجياڭنىڭ قوعامدىق كەلەلى جاعدايىنىڭ ورنىقتىلىعىن جانە شينجياڭدى زاڭمەن باسقارۋ دەڭگەيىنىڭ جوعارىلاۋىن جەبەۋگە بەلسەندى ۇلەس قوستى. بيىل بۇكىل رايونداعى پروكۋراتۋرا ورگاندارى شي جينپيڭنىڭ زاڭمەن باسقارۋ يدەياسىن ىشكەرىلەي دايەكتىلەندىرىپ، پارتيا 20 - قۇرىلتايىنىڭ رۋحىن جەتەكشى ەتىپ، پارتيانىڭ پروكۋراتۋرا قىزمەتىنە شارتسىز باسشىلىعىنا تاباندى بولىپ، نازاردى زاڭدىق باقىلاۋ باستى جاۋاپكەرشىلىگىنە، باستى جۇمىسىنا شوعىرلاندىرۋعا تاباندى بولىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىلگەرىلەتۋگە تاباندى بولىپ، كەلەلى جاعدايعا قىزمەت ەتۋگە، ءادىليانى حالىق ءۇشىن جۇرگىزۋگە تاباندى بولىپ، ىسىلعان پروكۋراتۋرا قوسىنىن قۇلشىنا قالىپتاستىرىپ، جاڭا داۋىردە پارتيا مەن حالىق جۇكتەگەن زاڭدىق باقىلاۋ اۋىر مىندەتىن شىن مانىندە ارقالاپ، شينجياڭداعى پروكۋراتۋرا قىزمەتىنىڭ جوعارى ساپالى دامۋىن تىڭ ساتىعا كوتەرىلۋدى ىلگەرىلەتۋلەرى كەرەك.

  جالپى جيىن اۆتونوميالى رايوندىق حالىق قۇرىلتايىنىڭ ءىس قاراۋ ەرەجەسىنىڭ (وزگەرىس ەنگىزىلگەن جوبا) تۇسىنىگىن دە تىڭدادى. جالپى جيىن اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتى قۇرامىنداعىلاردىڭ سانى جونىندەگى قاۋلى مەن اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسىنىڭ سايلاۋ ءادىسىن، اۆتونوميالى رايوندىق 14 - كەزەكتى حالىق قۇرىلتايىنىڭ ارناۋلى كوميتەتتەرىن قۇرۋ جانە ولاردىڭ مەڭگەرۋشى مۇشەلەرىنىڭ، ورىنباسار مەڭگەرۋشى مۇشەلەرىنىڭ، مۇشەلەرىنىڭ كانديداتتارىن داۋىسقا سالۋ ءادىسىن داۋىسقا سالىپ ماقۇلدادى؛ اۆتونوميالى رايوندىق 14 - كەزەكتى حالىق قۇرىلتايى زاڭ - ءتۇزىم كوميتەتىنىڭ جانە قازىنا - ەكونوميكا كوميتەتىنىڭ مەڭگەرۋشى مۇشەلەرىنىڭ، ورىنباسار مەڭگەرۋشى مۇشەلەرىنىڭ، مۇشەلەرىنىڭ ەسىمدىگىن جەكە - جەكە داۋىسقا سالىپ ماقۇلدادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.