ما شيڭرۇي اۆتونوميالى رايوندىق ساياسي كەڭەس 13 - كەزەكتى كوميتەتى 1 - ءماجىلىسىنىڭ بىرلەسكەن گرۋپپا تالقىسىنا قاتىناسقاندا بىلاي دەپ باسا دارىپتەدى
فۋنكتسيالىق باسىمدىقتى ساۋلەلەندىرىپ، ورتاق تانىمدى كەڭ كولەمدە ۇيىستىرىپ، جاڭا جورىقتا كورىكتى شينجياڭ قۇرۋ جولىندا مىندەتتى ويداعىداي وتەۋ، جاۋاپكەرشىلىكتى ويداعىداي ادا ەتۋ كەرەك
نۇرلان ءابىلماجىن تالقىعا قاتىناستى
1 - ايدىڭ 15 - كۇنى اۆتونوميالى رايوندىق پارتكومنىڭ شۋجيى ما شيڭرۇي اۆتونوميالى رايوندىق ساياسي كەڭەس 13 - كەزەكتى كوميتەتىنىڭ 1 - ماجىلىسىنە قاتىناسىپ جاتقان ەكونوميكا سالاسى مەن ساۋدا - ونەركاسىپشىلەر بىرلەستىگى سالاسىنداعى، از ۇلت سالاسى مەن ءدىن سالاسىنداعى مۇشەلەردىڭ بىرلەسكەن گرۋپپا تالقىسىنا جەكە - جەكە قاتىناستى. سۋرەتتە: ما شيڭرۇي ەكونوميكا سالاسى مەن ساۋدا - ونەركاسىپشىلەر بىرلەستىگى سالاسىنداعى مۇشەلەردىڭ بىرلەسكەن گرۋپپا تالقىسىنا قاتىناسىپ، پىكىرلەر مەن ۇسىنىستاردى تىڭدادى.
□ سۋرەتتى انار بۇلت \شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ شياڭ 1 - ايدىڭ 15 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 1 - ايدىڭ 15 - كۇنى اۆتونوميالى رايوندىق ساياسي كەڭەس 13 - كەزەكتى كوميتەتىنىڭ 1 - ماجىلىسىنە قاتىناسقان ەكونوميكا سالاسى مەن ساۋدا - ونەركاسىپشىلەر بىرلەستىگى سالاسىنداعى، از ۇلت سالاسى مەن ءدىن سالاسىنداعى مۇشەلەردىڭ بىرلەسكەن گرۋپپا تالقىسىنا جەكە - جەكە قاتىناسىپ، پارتيا 20 - قۇرىلتايىنىڭ رۋحىن، ورتالىقتىڭ ەكونوميكالىق قىزمەت ءماجىلىسىنىڭ رۋحىن ىشكەرىلەي ۇيرەنۋ، دايەكتىلەندىرۋ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن دايەكتىلەندىرۋ، تياناقتاندىرۋ، اۆتونوميالى رايوندىق پارتكومنىڭ قىزمەت ورنالاستىرۋلارىن تياناقتاندىرۋ، جاڭا جورىقتا ەكونوميكانىڭ جوعارى ساپالى دامۋىن ىلگەرىلەتۋ، ۇلت، ءدىن قىزمەتىن ويداعىداي ىستەۋ، جۇڭحۋا ۇلتى ورتاق تۇلعا تانىمىن بەرىك ورناتۋ سياقتىلار جونىندەگى پىكىرلەر مەن ۇسىنىستاردى تىڭدادى. اۆتونوميالى رايوندىق ساياسي كەڭەس 13 - كەزەكتى كوميتەتى 1 - ءماجىلىسى ءتوراعالار القاسى جيىنىنىڭ باسقارۋشىسى نۇرلان ءابىلماجىن تالقىعا قاتىناستى.
ەكونوميكا سالاسى مەن ساۋدا - ونەركاسىپشىلەر بىرلەستىگى سالاسىنىڭ بىرلەسكەن گرۋپپا تالقىسىندا رۇڭ جۇن، ۋاڭ يۋان - ۋ، ما ي - لەي، لو يەدۇڭ، ساۋ جىگاڭ قاتارلى مۇشەلەر رايونىمىزدىڭ سىرتقا باعىتتالعان ەكونوميكاسىنىڭ جوعارى ساپالى دامۋىن جەبەۋ، كاسىپورىنداردىڭ عىلىم - تەحنيكادا جاڭالىق اشۋ قابىلەتىن جوعارىلاتۋ، حالىقتىق اۆياتسيا جاعىندا قۋاتتى رايون رولىن ساۋلەلەندىرۋ، كرەمني نەگىزدى فوتوۆولتتىق ەنەرگيا سياقتى جاڭا ەنەرگيا كاسىپ سالاسى شوعىرىن جەدەل قۇرۋ، جابدىق جاساۋ كاسىبى بازاسىن قۇرۋ سياقتى نەگىزگى تاقىرىپتاردى ارقاۋ ەتە وتىرىپ لەبىز ءبىلدىرىپ پىكىر - ۇسىنىستار قويدى. ما شيڭرۇي كوپشىلىكپەن كەڭەسىپ، پىكىر اۋىستىرىپ بىلاي دەپ باسا دارىپتەدى: جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىنا ىرىقتىلىقپەن قىزمەت وتەپ جانە توعىسىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ەل ءىشى، حالىقارا سىندى ەكى كەلەلى جاعدايدى ءبىر تۇتاس جوسپارلاپ، يدەيانى ازات ەتىپ، ورايدى مىقتى يگەرىپ، بەلسەنە ىسكەرلىك كورسەتىپ، دامۋ جەتىستىكتەرى ارقىلى اناعۇرلىم كوپ، اناعۇرلىم ويداعىداي تۇردە حالىق تۇرمىسىنا تيىمدىلىك جاساۋدى، جۇرت تىلەگىن توعىستىرۋدى ىلگەرىلەتۋ كەرەك. ”8 ءىرى كاسىپ سالاسى شوعىرىن“ تىرەك ەتكەن وسىزاماندانعان كاسىپ سالاسى جۇيەسىن جەدەل قۇرىپ، وڭىرلىك ورىن، بايلىق، ساياسات سياقتى باسىمدىقتاردى ونان ارى ساۋلەلەندىرىپ، كاسىپورىنداردى كاسىپ سالاسى شوعىرى قۇرىلىسىنا ىشكەرىلەي ات سالىسۋعا جەتەكتەپ، شينجياڭنىڭ مۇناي - تابيعي گاز، كومىر، كەن، استىق، ماقتا، جەمىس - جيدەك، كوكونىس سياقتى بايلىقتارىنىڭ جانە كاسىپ سالاسىنىڭ بۇكىل ەلدىڭ ەكونوميكالىق كەلەلى جاعدايىنداعى ماڭىزدى رولىن اناعۇرلىم ويداعىداي ساۋلەلەندىرۋ كەرەك. عىلىم - تەحنيكادا جاڭالىق اشۋ ارقىلى ەكونوميكانىڭ جوعارى ساپالى دامۋىنا قۋات ۇستەۋگە تاباندى بولىپ، دامۋعا جاڭالىق اشۋ ارقىلى دەم بەرۋ ستراتەگياسىن اتقارىپ، مەملەكەت پەن اۆتونوميالى رايوننىڭ كەلەلى ستراتەگيالىق قاجەتىن ارقاۋ ەتىپ، عىلىم - تەحنيكادا جاڭالىق اشۋ سەرپىنىن ءۇرتىس ارتتىرىپ، كاسىپورىنشىلاردىڭ جاڭالىق اشۋ سالاسىنا باتىلدىقپەن قارجى قوسۋ ساياسات ورتاسىن جاراتىپ، كاسىپ سالاسىنىڭ تيبىن جاڭالاپ، دارەجەسىن وسىرۋىنە جەتەكشىلىك ەتۋ جانە ونى ىلگەرىلەتۋ كەرەك. اشىق دامۋ بارىسىندا جاڭا قوزعاۋشى قۋات، جاڭا باسىمدىقتار جەتىلدىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، ەكى بازاردان، ەكى بايلىقتان ويداعىداي پايدالانىپ، سىرتقا باعىتتالعان ەكونوميكانى كۇش سالا دامىتىپ، بۇكىل ەلدىڭ ءبىر تۇتاس ۇلكەن بازارىنا بەلسەنە توعىسىپ، ازيا − ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن قالىپتاستىرۋ كەرەك. كوپ شارانى قاتار قولدانۋ ارقىلى بازار تۇلعالارىنىڭ ومىرشەڭدىك كۇشىن قاۋلاتىپ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن تۇلعالاپ، كاسىپورىنداردىڭ قيىن ماسەلەلەردى شەشۋىنە، زورايۋىنا، كۇشەيۋىنە كومەكتەسىپ، ”ەتەنە“، ”كىرشىكسىز“ ۇكىمەت - ساۋداگەرلەر قاتىناسىن ورناتىپ، ۇكىمەت پەن كاسىپورىنداردىڭ بايلانىسىن، اۋىس - كۇيىسىن تەرەڭدەتىپ، جاڭالىق اشۋدىڭ، شارۋاشىلىق قۇرۋدىڭ تاماشا ورتاسىن قالىپتاستىرۋ كەرەك.
از ۇلت سالاسى مەن ءدىن سالاسىنىڭ بىرلەسكەن گرۋپپا تالقىسىندا ءامينا ورازعالي، مامەت جۇما، لو چي، چىن يۇن قاتارلى مۇشەلەر جۇڭحۋا ۇلتى ورتاق تۇلعا تانىمىن بەرىك ورناتۋ، ءدىن تاعىلىمدارىن ءتۇسىندىرۋ، بايانداۋ قىزمەتىن ويداعىداي ىستەۋ، بۇددا ءدىنىن جۇڭگوشالاندىرۋ اياق الىسىن ءۇرتىس ىلگەرىلەتۋ، ءدىني قايراتكەرلەردىڭ ءوز قۇرىلىسى سياقتىلاردى ارقاۋ ەتە لەبىز ءبىلدىردى. ما شيڭرۇي كوپشىلىكتەن باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن، ءدىن قىزمەتى جونىندەگى ماڭىزدى بايىمداۋلارىن اناعۇرلىم جەتە ۇيرەنىپ، جەتە ءتۇسىنىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ىلگەرىلەتۋ بيىگىندە تۇرىپ، ۇلت، ءدىن قىزمەتىن تىڭعىلىقتى، ويداعىداي ىستەپ، شينجياڭ قىزمەتى باس نىساناسىن جۇزەگە اسىرۋعا جۇرت تىلەگىن، كۇش - قۋاتتى ۇيىستىرۋدى ءۇمىت ەتتى. جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ۇلت قىزمەتىن ويداعىداي ىستەۋگە تاباندى بولۋ كەرەك. زەرتتەۋدى، شەشىپ ءتۇسىندىرۋدى، ۇگىتتەۋدى كۇشەيتىپ، شينجياڭداعى ۇلتتاردىڭ ارالاسۋىنداعى، ىشتەسۋىندەگى، توعىسۋىنداعى تاريحي شىندىقتى، ارحەولوگيالىق ناقتى زاتتاردى، مادەنيەت مۇرالارىن ىشكەرىلەي اشىپ جانە ودان ءونىمدى پايدالانىپ، ءار ۇلت بۇقاراسىنىڭ ”بەستى شىنايى مويىنداۋىن“ نىعايتۋ؛ ناقتى، جاندى، ءونىمدى بولۋعا تاباندى بولىپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، جاستار مەن ورەندەردىڭ ”نەگىز قالاۋ“ ينجەنەرياسىن جان - جاقتى ىلگەرىلەتىپ، مەملەكەتتە ءبىر تۇتاس قولدانىلاتىن ءتىل - جازۋ تاربيەسىن جانە ونى جالپىلاستىرۋدى، قولدانۋدى جاپپاي ىلگەرىلەتۋ؛ ارالاسۋدى، ىشتەسۋدى، توعىسۋدى تەرەڭدەتىپ، ءار ۇلت بۇقاراسىنىڭ كەڭىستىك، مادەنيەت، ەكونوميكا، قوعام، پسيحيكا سياقتى جاقتاردا جان - جاقتى كىرىگۋىن بىرتىندەپ جۇزەگە اسىرۋىن ىلگەرىلەتۋ كەرەك. پارتيانىڭ ءدىن قىزمەتى نەگىزگى باعىتىن جاپپاي دايەكتىلەندىرىپ، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولىپ، ءدىننىڭ اقاۋسىز دامۋىن جەبەۋ كەرەك. ”جەتەكتەۋ“ قابىلەتىن كۇشەيتىپ، ”ءۇش قوسىن“ قۇرىلىسىن“ نىعايتىپ، دىنگە سەنەتىن بۇقارانىڭ زاڭدى، قالىپتى ءدىني قاجەتىن زاڭ بويىنشا قامتاماسىز ەتۋ؛ دۇرىس سەنىم ورناتۋعا، دۇرىس جولمەن جۇرۋگە تاباندى بولۋ ارقىلى جەتەكشىلىك ەتۋدى كۇشەيتىپ، ءىسلام ءدىنىن جۇڭگوشالاندىرۋ بويىنشا ءدىن تاعىلىمدارىن ءتۇسىندىرۋ، بايانداۋ قىزمەتىن كۇشەيتىپ، دىنگە سەنەتىن بۇقارانى مەملەكەت تانىمىن، زاڭمەن باسقارۋ تانىمىن، ازاماتتىق تانىمدى كۇشەيتۋگە جەتەكتەۋ؛ ءدىن قىزمەتىن زاڭمەن باسقارۋ قۇرىلىسىن تەرەڭدەتىپ، ءدىن ىستەرىن زاڭ بويىنشا، بەلگىلەمە بويىنشا باسقارىپ، زاڭمەن باسقارۋ ويىن جانە زاڭمەن باسقارۋ ءتاسىلىن قولدانىپ، ءدىن سالاسىنداعى قايشىلىقتار مەن ماسەلەلەردى ءبىر جاقتى ەتۋگە شەبەر بولىپ، ءدىندى سوتسياليستىك قوعامعا ۇيلەسۋگە جەتەكتەۋ كەرەك.
ما شيڭرۇي تالقىدا بىلاي دەپ اتاپ كورسەتتى: جاڭا ءبىر جىلدا، تۇتاس رايونداعى ءار دارەجەلى ساياسي كەڭەستەر باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، دۇرىس بەتالىسقا مىزعىماي تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋدى ارقاۋ ەتىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ءىسىن كەڭەسۋ دەڭگەيىن ۇزدىكسىز جوعارىلاتىپ، ەڭ كەڭ وتانشىلدىق بىرلىكساپتى بەكەمدەپ جانە دامىتىپ، كورىكتى شينجياڭ قۇرۋعا زەيىن - زەردە مەن كۇش - قۋاتتى ۇيىستىرۋ كەرەك. ءاربىر ساياسي كەڭەس مۇشەسىنىڭ دەڭگەيىن ونان ارى جوعارىلاتىپ، ارتىقشىلىعىن ساۋلەلەندىرىپ، شينجياڭنىڭ رەفورما، دامۋ، ورنىقتىلىق جاعىنداعى ءتۇيىندى ورنالاستىرۋلارىن ارقاۋ ەتىپ، ىشكەرىلەي تەكسەرىپ، زەرتتەپ، بەلسەنە سىندارلى اقىل - كەڭەس بەرىپ، وزدەرى تۇرعان سالالارداعى بۇقارامەن اناعۇرلىم ويداعىداي بايلانىس جاساپ جانە ولارعا قىزمەت وتەپ، قوعام ورنىقتىلىعى مەن باياندى تىنىشتىقتى جۇزەگە اسىرۋعا تىڭ ۇلەس قوسۋىن ءۇمىت ەتەمىن.
چىن ۋيجۇن، ءيۇسۇپجان مامەت، سۇن حۇڭمەي، ابدۇرىقىپ ءتومۇرنياز، ليۋ حۇيجۇن قاتارلىلار قاتىستى قيمىلدارعا قاتىناستى.
