تيانشان تورى
تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايون باسشىلارى حالىق قۇرىلتايى ۋاكىلدەر ۇيىرمەلەرىنىڭ باياندامانى قاراۋىنا قاتىناستى

اۆتونوميالى رايون باسشىلارى حالىق قۇرىلتايى ۋاكىلدەر ۇيىرمەلەرىنىڭ باياندامانى قاراۋىنا قاتىناستى

  گازەتىمىزدىڭ 1 - ايدىڭ 15 - كۇنى ۇرىمجىدەن بەرگەن حابارى. انار بۇلت \ شينجياڭ گازەتىنىڭ تىلشىلەرىنىڭ جيناق حابارى. 1 - ايدىڭ 14 - كۇنى اۆتونوميالى رايوندىق 14 - كەزەكتى حالىق قۇرىلتايىنىڭ 1 - ماجىلىسىندەگى ۋاكىلدەر ۇيىرمەلەرى جالپى جيىن وتكىزىپ، ۇكىمەت قىزمەتىنەن بايانداما سياقتىلار جونىندە ۇسىنىس - پىكىر بەردى. اۆتونوميالى رايوندىق پارتكومنىڭ تۇراقتى مۇشەلەرى جاڭ جۋ، تيان شياڭلي، چىن ۋيجۇن، ۋاڭ ميڭشان، ۋاڭ جيانشين، ءزۇمىرات وبۇل، ياڭ فاسىن، ءيۇسۇپجان مامەت، ەلزات احمەتجان قاتارلىلار جەكە - جەكە وزدەرى تۇرعان ۋاكىلدەر ۇيىرمەلەرىنىڭ باياندامانى قاراۋىنا قاتىناستى.

  جاڭ جۋ التاي ايماعى ۋاكىلدەر ۇيىرمەسىنىڭ باياندامانى قاراۋىنا قاتىناسقان كەزدە بىلاي دەدى: ۇكىمەت قىزمەتىنەن بايانداما وتكەن 5 جىلداعى جانە 2022 - جىلعى باستى قىزمەتتەردى جاپپاي قورىتىندىلاپ جانە قايىرىلا قاراپ، الداعى 5 جىلداعى ۇكىمەت قىزمەتىنىڭ جالپى تۇلعالىق وي جەلىسىن، كۇرەس نىساناسىن جانە ءتۇيىندى مىندەتتەرىن ورتاعا قويىپ، بيىلعى ەكونوميكالىق، قوعامدىق دامۋدىڭ مەجەلى نىساناسى مەن ءتۇيىندى شارالارىن ايقىندادى، سونداي - اق ۇكىمەتتىڭ ءوز قۇرىلىسىن كۇشەيتۋ جونىندە ورنالاستىرۋ جاساپ، تالاپتار قويدى، بۇل ورتالىقتىڭ رۋحىن ايگىلەگەن، شينجياڭنىڭ ءىس جۇزىندىگىنە ۇيلەسەتىن، بۇقارانىڭ تىلەگىنە سايكەسكەن تاماشا بايانداما، سونداي - اق تۋراشىلدىقتى ساقتاپ، جاڭالىق اشقان، ءورىس اشا العا ىلگەرىلەگەن، ادامدى العا باسۋعا جىگەرلەندىرەتىن جاقسى بايانداما، مەن بۇكىلدەي قۇپتايمىن. ءبىز ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ ادالدىقپەن امالياتتا ايگىلەپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، حالىقتى وزەك ەتكەن دامۋ يدەياسىنا تاباندى بولىپ، جاڭا دامۋ ۇستانىمىن بۇلجىتپاي دايەكتىلەندىرىپ، جوعارى ساپالى دامۋدى جەبەپ، پارتيانى جاپپاي قاتاڭ باسقارۋدى قاتاڭ بولۋ نەگىزگى ارناسىمەن ىلگەرىلەتىپ، جاڭا جورىقتا جاقسى باستاما اشىپ، جاقسى قادام باسىپ، كورىكتى شينجياڭ قۇرۋعا تىڭ دا اناعۇرلىم زور ۇلەستەر قوسۋىمىز كەرەك.

  تيان شياڭلي قىزىلسۋ قىرعىز اۆتونوميالى وبلىسى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەدى: بايانداما شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، تياناقتاندىرىپ، پارتيا 20 - قۇرىلتايىندا بەلگىلەنگەن باعداردى، جولدى مىقتاپ ارقاۋ ەتىپ، شينجياڭنىڭ اناعۇرلىم جوعارى ساپالى، ءتىپتى دە ءونىمدى، ءتىپتى دە ءادىل، اناعۇرلىم باياندى، ءتىپتى دە حاۋىپسىز دامۋدى جۇزەگە اسىرۋىن ىلگەرىلەتۋ جونىندە جۇيەلى ورنالاستىرۋ جاساپ، جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرۋدى توڭىرەكتەي وتىرىپ شينجياڭ قىزمەتىنە كورەگەندىكپەن وي جۇگىرتۋگە، جالپى جاعداي سيپاتتى جوسپارلاۋعا، تۇتاس تۇلعالىق سيپاتتى ىلگەرىلەتۋگە جۇمىس باعدارناماسىن ازىرلەدى، جۇرت جۇرەگىن جەلپىندىرەتىن، ەكپىندەي ىلگەرىلەۋگە جىگەرلەندىرەتىن جاقسى بايانداما، مەن بۇكىلدەي قۇپتايمىن. ءبىز پارتيا 20 - قۇرىلتايىنىڭ رۋحىن ۇزدىكسىز ىشكەرىلەي ۇيرەنىپ، دايەكتىلەندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ءىس جۇزىندىك ارەكەتىمىزبەن ”ەكىنى تۇراقتاندىرۋدى“ قولداپ، ”ەكىنى قورعاۋدى“ باتىل ورىنداپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، اقىل - پاراساتىمىز بەن كۇش - قۋاتىمىزدى شينجياڭنىڭ رەفورماسىن، دامۋىن، ورنىقتىلىعىن ىلگەرىلەتۋگە شوعىرلاندىرىپ، قىزمەتتىڭ كۇش سالۋ ءتۇيىنىن باياندامانىڭ ورنالاستىرۋلارىنا شوعىرلاندىرىپ، ”14 - بەسجىلدىق“ مەزگىلىندەگى ءتۇرلى نىسانا - مىندەتتەردى ناقتى تياناقتاندىرۋعا شىنايى كەپىلدىك ەتۋىمىز كەرەك.

  چىن ۋيجۇن اقسۋ ايماعى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەدى: باياندامانىڭ جەتەكشى يدەياسى انىق، دامۋ وي جەلىسى ايقىن، شارالارى ناقتى دا ۇيلەسىمدى، شينجياڭنىڭ ءىس جۇزىندىگىنە ۇيلەسەدى، تۇتاس مازمۇنىنا حالىقتى كوكەيدە ساقتاۋ، ۇقىقتى حالىق ءۇشىن ىستەتۋ، حالىققا پايدا جەتكىزۋ وسكەلەڭ ىنتا - ىقىلاسى سىڭىرىلگەن، جۇرت كوڭىلىن جەلپىندىرەتىن، سەنىمدى بەكەمدەيتىن، حالىق تىلەگىن ۇيىستىراتىن جاقسى بايانداما. بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدەگى، تياناقتاندىرۋداعى باستاما جىل، ءتۇرلى ءتيىمدى ينفورماتسيالار، ساياساتتار قاباتتاسا شىعادى، بۇدان بىلايعى قىزمەتتە باسىمدىقتى ايگىلەۋگە كۇش سالىپ، تىرەكتى كۇشەيتۋگە كۇش سالىپ، جالپى مولشەردى ارتتىرۋعا كۇش سالىپ، ىسكەرلىك دەڭگەيىن كوتەرۋگە كۇش سالىپ، كورىكتى شينجياڭ قۇرۋدىڭ اتويشىسى بولۋعا قۇلشىنۋىمىز كەرەك. دۇرىس ساياسي بەتالىس ارقىلى جاڭا امالياتقا جەتەكشىلىك ەتىپ، كۇشتى كەلەلى جاعداي تانىمى ارقىلى تىڭ دامۋدى ىلگەرىلەتىپ، ءونىمدى سۇرانىستى كەڭەيتىپ، كاسىپ سالاسىنىڭ دارەجەسىن جوعارىلاتۋدى ىلگەرىلەتىپ، جاڭالىق اشۋ ارقىلى جەتەكشىلىك ەتۋدى كۇشەيتىپ، حالىق ءۇشىن ىستەيتىن تەرەڭ ىنتا - ىقىلاس ارقىلى جاڭا كۇش توپتاپ، ىسىلعان قابىلەت، ساپا ارقىلى جاڭا وبراز ايگىلەپ، شينجياڭدى قىزۋ ءسۇيۋدىڭ، شينجياڭدى گۇلدەندىرۋدىڭ، شينجياڭعا ۇلەس قوسۋدىڭ قۋاتتى كۇشىن ۇزدىكسىز ۇيىستىرۋ كەرەك.

  ۋاڭ ميڭشان تارباعاتاي ايماعى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەدى: بايانداما − ساياسي دەڭگەيى جوعارى، ناتيجەلەردى ناقتى قورىتىندىلاعان، قىزمەتتەردى ەگجەي - تەگجەيلى جوسپارلاعان، جالپى جاعدايدى ءبىر تۇتاس مەڭگەرگەن، ۇزاق بولاشاقتى كوزدەگەن، نەگىزگى تاقىرىبى ايقىن، ورنالاستىرۋى جان - جاقتى، ادامدى ەكپىندەي ىلگەرىلەۋگە جىگەرلەندىرەتىن جاقسى بايانداما، مەن بۇكىلدەي قۇپتايمىن. بۇكىل رايونداعى ساياسي - زاڭ ورگاندارى ۇكىمەت قىزمەتىنەن باياندامانىڭ تالاپتارىن ويداعىداي تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، حاۋىپ - قاتەردەن ساقتانۋ، ورنىقتىلىقتى قورعاۋ، اماندىققا كەپىلدىك ەتۋ، دامۋدى جەبەۋ قىزمەتتەرىن تەرەڭدەتىپ، اناعۇرلىم جوعارى دەڭگەيدەگى تىنىش شينجياڭ، زاڭمەن باسقارىلاتىن شينجياڭ قۇرىپ، جاڭا حاۋىپسىزدىك ارناسى ارقىلى جاڭا دامۋ ارناسىن قامتاماسىز ەتىپ، جوعارى دەڭگەيدەگى زاڭمەن باسقارۋ ارقىلى جوعارى ساپالى دامۋدى قامتاماسىز ەتىپ، جەبەپ، اناعۇرلىم جاراسىمدى، اناعۇرلىم الاڭسىز حاۋىپسىز ورتانى قۇلشىنا جاراتىپ، اناعۇرلىم ورنىقتى، اناعۇرلىم قامسىز قوعامدىق ورتانى قۇلشىنا جاراتىپ، اناعۇرلىم ءادىل، اناعۇرلىم جايلى زاڭمەن باسقارۋ ورتاسىن قۇلشىنا جاراتىپ، اناعۇرلىم ساپالى، اناعۇرلىم مەيىرلى قىزمەت وتەۋ ورتاسىن قۇلشىنا جاراتىپ، جۇڭگوشا وسىزامانداندىرۋدىڭ شينجياڭ تاراۋىن جازۋعا ساياسي - زاڭ كۇشىن قوسۋ كەرەك.

  ۋاڭ جيانشين قاشقار ايماعى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەدى: بايانداما شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولدى، تۇتاس مازمۇنىنا پارتيا 20 - قۇرىلتايىنىڭ رۋحى باستان - اياق ءسىڭىرىلىپ، 2 - رەتكى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىستەرىنىڭ رۋحىن تولىق ايگىلەدى، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن تولىق ايگىلەدى، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق ايگىلەدى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتى جونىندەگى شەشىمدەرىنە، ورنالاستىرۋلارىنا بۇكىلدەي ۇيلەسەدى، اۆتونوميالى رايوندىق پارتكومنىڭ قىزمەت ورنالاستىرۋلارىنا بۇكىلدەي ۇيلەسەدى، بۇدان بىلايعى ءبىر مەزگىلدە شينجياڭنىڭ ەكونوميكالىق، قوعامدىق دامۋىن ىلگەرىلەتۋ جونىنەن اسا كۇشتى جەتەكشىلىككە جانە يكەمدىلىككە يە. شي جينپيڭ جاڭا ءداۋىر جۇڭگوشا سوتسياليزم يدەياسىمەن قاجىماي - تالماي زەيىن - زەردەنى ۇيىستىرىپ، رۋح سومداپ، پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، وزەكتى ارقاۋ ەتىپ، كەلەلى جاعدايعا قىزمەت وتەپ، تۋراشىلدىقتان اينىماي، جاڭالىق اشىپ، باتىلدىقپەن كۇرەس جۇرگىزىپ، شينجياڭ حيكاياسىن جاقسى بايانداپ، شينجياڭ وبرازىن ايگىلەپ، كورىكتى شينجياڭ قۇرۋعا پارمەندى يدەيالىق كەپىل جانە قۇدىرەتتى رۋحاني كۇش ازىرلەۋ كەرەك.

  ءزۇمىرات وبۇل بۇراتالا موڭعۇل اۆتونوميالى وبلىسى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەدى: بايانداما − ساياسي دەڭگەيى بيىك، حالىقتىق تۇرعىسى بەرىك، ناتيجەلەردى جان - جاقتى قورىتىندىلاعان، مەجەلى نىسانا ۇيلەسىمدى، قىزمەت وي جەلىسى ايقىن، ساياسات - شارالارى شىنايى، سەنىمدى ارتتىراتىن، العا باسۋعا جىگەرلەندىرەتىن، زەيىن - زەردەنى، كۇش - قۋاتتى ۇيىستىراتىن، شىندىققا جۇگىنىپ، ناقتى ءىس تىندىراتىن جاقسى بايانداما. وتكەن 5 جىل − جاڭا داۋىردەگى پارتيانىڭ شينجياڭدى باسقارۋ جالپى جوباسى ءساتتى امالياتتان وتكەن 5 جىل، سونداي - اق شينجياڭنىڭ دامۋى ەڭ جاقسى، وزگەرىسى ەڭ زور، بۇقارا ەڭ كوپ يگىلىككە كەنەلگەن 5 جىل، بۇل، تۇپتەپ كەلگەندە، باس شۋجي شي جينپيڭنىڭ رول ۇستاپ، جول باستاۋىنىڭ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگى بولعاندىعىنىڭ ارقاسى. ءبىز ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىنداپ، باس شۋجي شي جينپيڭگە اناعۇرلىم سانالى تۇردە تىعىز ىلەسىپ جاڭا جورىقتا ەكپىندەي ىلگەرىلەپ، قايراتتانا ىسكەرلىك كورسەتىپ كورىكتى شينجياڭ قۇرۋىمىز كەرەك. بۇراتالا وبلىسى وڭىرلىك ورىن، ساياسات، بايلىق سياقتى باسىمدىقتاردان ويداعىداي پايدالانىپ، الاتاۋ ساعاسى كەشەندى باجىسىز اۋماعى، شەكارا اتتاعان ەلەكتروندى ساۋدا كەشەندى سىناق رايونى سياقتىلاردىڭ رولىن ويداعىداي ساۋلەلەندىرىپ، اۆتونوميالى رايوندىق پارتكومنىڭ شەشىمدەرىنىڭ، ورنالاستىرۋلارىنىڭ تياناقتانىپ ونىمدىلىك كورسەتۋىن ىلگەرىلەتۋى كەرەك.

  ياڭ فاسىن ءۇرىمجى قالاسى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەدى: بايانداما − ساياسي دەڭگەيى جوعارى، وي جەلىسى ايقىن، نىساناسى انىق، شارالارى ناقتى، داۋىرمەن بىرگە العا باسقان، العا باسۋعا جىگەرلەندىرەتىن جاقسى بايانداما. 2023 - جىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدەگى باستاما جىل، ءتۇرلى قىزمەتتەردى ويداعىداي ىستەۋدىڭ ءمانى كەلەلى. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن جاپپاي دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ورنىقتىلىقتى قورعاۋ قىزمەتىنىڭ زاڭمەن باسقارىلۋىن، ۇدايىلانۋىن ىلگەرىلەتۋدە ناقتى ونىمدىلىككە تالپىنىپ، ۇلتتار ىنتىماعىن جانە ءدىننىڭ اقاۋسىز دامۋىن جەبەۋدە ناقتى ونىمدىلىككە تالپىنىپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتۋدە ناقتى ونىمدىلىككە تالپىنىپ، جوعارى ساپالى دامۋدى ىلگەرىلەتۋدە ناقتى ونىمدىلىككە تالپىنىپ، پارتيانى جاپپاي قاتاڭ باسقارۋدى تەرەڭدەتۋدە ناقتى ونىمدىلىككە تالپىنىپ، ءىس جۇزىندىك ارەكەتپەن ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ باتىل ورىنداپ، جاڭا جورىقتا كورىكتى شينجياڭ قۇرۋعا تىڭ دا اناعۇرلىم زور ۇلەستەر قوسۋ كەرەك.

  ءيۇسۇپجان مامەت قۇمىل قالاسى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەدى: بايانداما − دەڭگەيى بيىك، تاقىرىبى كورنەكتى، نىسانا - تالاپتارى جاڭا، جول - شارالارى ايقىن، ناتيجەلەردى جان - جاقتى، وبيەكتيۆ قورىتىندىلاعان، جىگەر - قايراتتى تاسقىنداتقان، ماسەلەگە تۇيىننەن جازباي تالداۋ جاساعان، قايشىلىققا تۋرا قاراعان، جاۋاپكەرشىلىكتى باتىلدىقپەن ارقالاپ، شىندىققا جۇگىنىپ، ناقتى ءىس ىستەگەن، كۇش - قۋاتتى شوعىرلاندىرىپ ماسەلەنى شەشەتىن، سەنىمدى سەرپىلتىپ، كۇش - قۋاتتى ۇيىستىرعان جاقسى بايانداما، مەن بۇكىلدەي قۇپتايمىن. باياندامانى جان - جاقتى ويداعىداي تياناقتاندىرۋدا، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ شىنايى كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، زاڭمەن باسقارىلاتىن شينجياڭدى، زاڭمەن باسقارىلاتىن ۇكىمەتتى، زاڭمەن باسقارىلاتىن قوعامدى ءبىر تۇلعالى قۇرۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتىپ، حالىقتى وزەك ەتكەن دامۋ يدەياسىنا باستان - اياق تاباندى بولىپ، دامۋ جەتىستىكتەرىمەن حالىق تۇرمىسىنا تيىمدىلىك جەتكىزۋدى جەبەپ، حاۋىپسىزدىك تومەنگى شەك تانىمىن بەرىك ورناتىپ، قايراتتانا ىسكەرلىك كورسەتۋ رۋحىمەن، ۋاقىتپەن جارىساتىن تەبىنمەن، قۇلشىنا ناقتى ىستەيتىن ستيلمەن ءتۇرلى قىزمەتتەردە قۇلشىنا جاڭا جاعداي اشۋ كەرەك.

  ەلزات احمەتجان تۇرپان قالاسى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەدى: بايانداما − تۇتاس مازمۇنى شي جينپيڭ جاڭا ءداۋىر جۇڭگوشا سوتسياليزم يدەياسىمەن، پارتيا 20 - قۇرىلتايىنىڭ رۋحىمەن جانە باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىمەن باستان - اياق ساباقتاسىپ، ناتيجەلەردى ەگجەي - تەگجەيلى ساندى مالىمەتتەرمەن قورىتىندىلاپ، شىندىقتى ءىس جۇزىنەن ىزدەگەن، بولاشاق قىزمەتتەردى ايقىن وي جەلىسپەن جوسپارلاعان، نىساناسى انىق، شارالارى ناقتى، ستراتەگيالىق دەڭگەيگە، امالياتتىق تەرەڭدىككە، حالىق تۇرمىسى مەيىرىنە باي جاقسى بايانداما. باياندامادا ورتاعا قويىلعان الداعى 5 جىلداعى جالپى تۇلعالىق وي جەلىسىن، كۇرەس نىساناسىن جانە 12 جاقتاعى باستى مىندەتتى دۇرىس ءتۇسىنىپ، يگەرىپ، ماسەلەنى باعدار ەتۋگە، نىسانانى باعدار ەتۋگە، ناتيجەنى باعدار ەتۋگە تاباندى بولىپ، تەكسەرۋ - زەرتتەۋدى كۇشەيتىپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، ءىس جۇزىندىكپەن ۇشتاستىرا وتىرىپ دايەكتىلەندىرىپ، تياناقتاندىرىپ، ەكونوميكانىڭ، قوعامنىڭ جوعارى ساپالى دامۋىنىڭ جاڭا ونىمدىلىككە قول جەتكىزۋىن كۇش سالا ىلگەرىلەتىپ، جاڭا داۋىردەگى جاڭا جورىقتا كورىكتى شينجياڭ قۇرۋعا اناعۇرلىم زور ۇلەس قوسۋ كەرەك.

  (تىلشىلەر ليۋ شياڭ، ليۋ ي، ءپاريزات ابدۇل، حي حۇڭۋي، ۋاڭ نا، رايدا، گو چيان، گو ليڭ، كاڭ حاۋيان، شى شين)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.