گازەتىمىزدىڭ 1 - ايدىڭ 15 - كۇنى ۇرىمجىدەن بەرگەن حابارى. انار بۇلت \ شينجياڭ گازەتى تىلشىلەرىنىڭ جيناق حابارى. 1 - ايدىڭ 15 - كۇنى تۇستەن بۇرىن، اۆتونوميالى رايوندىق 14 - كەزەكتى حالىق قۇرىلتايىنىڭ 1 - ماجىلىسىنە قاتىناسقان ءارقايسى ۋاكىلدەر ۇيىرمەلەرى گرۋپپالارعا ءبولىنىپ، ۇكىمەت قىزمەتىنەن باياندامانى قارادى، جوسپار بايانداماسىن، مەجە ەسەپ بايانداماسىن جانە جوباسىن قاراپ، تەكسەردى.
ءارقايسى ۋاكىلدەر ۇيىرمەسى باياندامانى قىزۋ ىنتامەن قارادى، ۋاكىلدەر شينجياڭنىڭ ءىس جۇزىندىگىمەن ۇشتاستىرىپ، وزگەرىستى اڭگىمەلەپ، ۇسىنىس قويىپ، بولاشاقتى تىلگە تيەك ەتتى. كوپشىلىك ءبىر اۋىزدان بىلاي دەپ قارادى: ۇكىمەت قىزمەتىنەن بايانداما شي جينپيڭ جاڭا ءداۋىر جۇڭگوشا سوتسياليزم يدەياسى مەن پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، ناتيجەنى، شىندىقتى ءىس جۇزىنەن ىزدەي وتىرىپ قورىتىندىلادى، جاعدايعا ءدالمە - ءدال، تىڭعىلىقتى تالداۋ جاسادى، قىزمەت ورنالاستىرۋى جۇزەگە شىنايى اساتىن، ىنتا - جىگەرگە دەم بەرگەن، جۇرت تىلەگىن ۇيىستىرعان، جاڭالىق اشىپ، شىندىققا ۇمتىلعان بايانداما.
ۋاكىل ناپچى بىلاي دەدى: ۇكىمەت قىزمەتىنەن بايانداما حالىق پاراساتىن شوعىرلاندىرىپ، جۇرت تىلەگىن ۇيىستىردى، ءتۇيىندى كورنەكتىلەندىرىپ، ەكپىندەي ىلگەرىلەۋگە جىگەرلەندىردى، اسا كۇشتى جەتەكشىلىك سيپاتقا يە. نەگىزگى ساتى ۋاكىلى رەتىندە، بۇدان بىلايعى قىزمەتتە كەدەيلىكتەن ارىلتۋدان قامال الۋ جەتىستىكتەرىن بەكەمدەۋدىڭ، كەڭەيتۋدىڭ اۋىل - قىستاقتى گۇلدەندىرۋمەن ءونىمدى ۇشتاسۋىن تىڭعىلىقتى ىلگەرىلەتىپ، كەدەيلىكتەن ارىلعان وڭىرلەر مەن كەدەيلىكتەن ارىلعان بۇقارانىڭ ىشكى دامۋ قوزعاۋشى كۇشىن ارتتىرۋ سياقتى جاقتاردا مەيلىنشە كۇش سالىپ، بۇقارانىڭ ءوندىرىس، تۇرمىس بارىسىنداعى قيىن ماسەلەلەرىن شىن مانىندە ويداعىداي شەشۋىمىز كەرەك.
ۋاكىل عۇلامجان رەيىم بىلاي دەدى: ءبىز ۇكىمەت قىزمەتىنەن باياندامامەن جانە قۇمىلدىڭ ءىس جۇزىندىگىمەن ۇشتاستىرا وتىرىپ، نىسانانى كوزدەپ، جاۋاپكەرشىلىك ارقالاپ، ىسكەرلىك كورسەتىپ، ءتۇيىندى قىزمەتتەردى ويداعىداي مىقتى يگەرىپ، اۋىل شارۋاشىلىعىنىڭ دامۋىن، شارۋالار كىرىسىن ارتتىرۋدى بار امالمەن جەبەپ، ونەركاسىپتىڭ تيبىن وزگەرتىپ، دارەجەسىن جوعارىلاتۋدى جەدەل ىلگەرىلەتىپ، وسى زامانعى قىزمەت وتەۋ كاسىبىنىڭ دامۋىن زور كۇشپەن ىلگەرىلەتىپ،ءونىمدى قارجى قوسۋدى بەلسەنە كەڭەيتىپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، حالىق تۇرمىسىن بۇلجىماي قامتاماسىزداندىرىپ جانە جاقسارتىپ، زاڭمەن باسقارىلاتىن ۇكىمەت قۇرىلىسىن تىڭعىلىقتى ىلگەرىلەتىپ، قۇمىلدىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋگە ۇلەس قوسۋىمىز كەرەك.
مۇناي حيميا ونەركاسىپ سالاسىنان كەلگەن ۋاكىل ءسۇبينۇر ءاحات ۇكىمەت قىزمەتىنەن بايانداماداعى ”كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى بەلسەندى دە ورنىقتى ىلگەرىلەتۋ“ جونىندەگى مازمۇنعا ايرىقشا نازار اۋداردى، سونداي - اق ءوزىنىڭ ۇسىنىسىن ورتاعا قويدى، ”ۇكىمەت ونەركاسىپتىڭ كاسىپ سالاسى قۇرىلىمىن ۇزدىكسىز ساپالىلاندىرىپ، تازا ءوندىرىس تەحنيكاسى ارقىلى تەحنولوگيا بارىسىن ساپالىلاندىرىپ، ءوندىرىس جابدىقتارىن كومىر قىشقىل گازىن از ىعىستىرۋعا بەيىمدەي وتىرىپ جاڭالاپ، كومىر قىشقىل گازىنىڭ ىعىستىرىلۋىن قاتاڭ تىزگىندەپ، بۇكىل شينجياڭنىڭ حيميا ونەركاسىبى كاسىپ سالاسىنىڭ ەنەرگيانى ۇنەمدەپ، سارىپ بولۋدى ازايتۋىن ىلگەرىلەتۋ كەرەك“.
وقۋ - اعارتۋ جۇيەسىنەن كەلگەن ۋاكىل ياڭ لي مىناداي ۇسىنىس قويدى: دارىندىلاردى باۋلۋ، ەنگىزۋ سەرپىنىن ارتتىرىپ، وقىتۋشىلاردىڭ كاسىپتىك اتاق باعالاۋ ءتارتىبىن ۇزدىكسىز جاقسارتىپ، اناعۇرلىم كوپ ابزال ساياساتتار ارقىلى شينجياڭنىڭ وقىتۋشىلىق كاسىبىنىڭ باۋراۋ قۋاتىن جوعارىلاتۋ كەرەك. سونىمەن بىرگە، اناعۇرلىم باعىتتامالى باۋلۋ ورىستەتىپ، وقىتۋشىلار قوسىنىنىڭ ساپاسىن، قابىلەتىن ۇزدىكسىز جوعارىلاتۋ كەرەك.
(ءتىلشى جاڭ يانفاڭ، قاتىناسقان تىلشىلەر گو چيان، كاڭ حاۋيان، حي حۇڭۋي، يۇي جياڭيان، ۋاڭ نا)
