گازەتىمىزدىڭ 1 - ايدىڭ 15 - كۇنى ۇرىمجىدەن بەرگەن حابارى. انار بۇلت \ شينجياڭ گازەتى تىلشىلەرىنىڭ جيناق حابارى: 1 - ايدىڭ 15 - كۇنى تۇستەن كەيىن اۆتونوميالى رايوندىق ساياسي كەڭەس 13 - كەزەكتى كوميتەتىنىڭ 1 - ماجىلىسىنە قاتىناسقان ساياسي كەڭەس مۇشەلەرى اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ قىزمەت بايانداماسىن گرۋپپالارعا ءبولىنىپ تالقىلادى.
مۇشەلەر ءبىر اۋىزدان بىلاي دەپ قارادى: 5 جىلدان بەرى، اۆتونوميالى رايوندىق جوعارى حالىق سوتى مەكەمەسى، اۆتونوميالى رايوندىق حالىق پروكۋراتۋراسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحىن جانە شي جينپيڭنىڭ زاڭمەن باسقارۋ يدەياسىن جاپپاي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، كەلەلى جاعدايعا قىزمەت وتەۋگە تاباندى بولىپ، ەكونوميكالىق، قوعامدىق دامۋ، قوعامدىق ادىلدىكتى، تۋراشىلدىقتى قورعاۋ سياقتى جاقتاردا پارمەندى ءادىليالىق قامتاماسىزدىق ازىرلەدى. ەكى بايانداما − ساياسي دەڭگەيى جوعارى، كەلەلى جاعداي تانىمى كۇشتى، ناتيجەنى قورىتىندىلاۋدا شىندىقتى ءىس جۇزىنەن ىزدەگەن، قىزمەت ورنالاستىرۋىندا ءتۇيىندى كورنەكتىلەندىرگەن، ناقتى ىسىمەن جاۋاپ قايتارعان، ناقتى ناتيجەسىمەن ەمتيحان تاپسىرعان جاقسى بايانداما، حالىق بۇقاراسىنىڭ جاڭا تىلەگىنە، جاڭا تالابىنا ۇيلەسەدى.
”جوعارى حالىق سوتى مەكەمەسىنىڭ، حالىق پروكۋراتۋراسىنىڭ بايانداماسىنىڭ ساندى مالىمەتتەرى ەگجەي - تەگجەيلى، جۇلگەسى انىق، نىساناسى ايقىن، جاندى، قوعامنىڭ ءمان بەرۋ دەڭگەيى جوعارى دەلو مىسالدارى ارقىلى قىزمەتتەردى باياندادى جانە ءتۇسىندىردى، حالىق بۇقاراسىنىڭ جوعارى حالىق سوتى مەكەمەسىنىڭ، حالىق پروكۋراتۋراسىنىڭ قىزمەتى جونىندە تەرەڭ تۇسىنىككە يە بولۋىنا ءارى ادىلدىكتى، تۋراشىلدىقتى شىنايى سەزىنۋىنە مۇمكىندىك جاسادى“. مۇشە ليان يۇيفي بىلاي دەدى: جوعارى حالىق سوتى مەكەمەسىنىڭ، حالىق پروكۋراتۋراسىنىڭ زاڭ جالپىلاستىرۋ ۇگىتى فورماسىندا ۇزدىكسىز جاڭالىق اشىپ، ورتا، باستاۋىش مەكتەپتەردىڭ ءار ساتىسىنداعى وقۋشىلاردىڭ ەسەيىپ - ەرجەتۋ، تولىسۋ زاڭدىلىعىنا جانە زاڭمەن باسقارۋ تاربيەسى، وقىتۋى زاڭدىلىعىنا ساي، ءارقايسى تاراۋلاردىڭ سايكەسە بىرلەسىپ ارەكەتتەنىپ، جاستار مەن ورەندەردىڭ زاڭمەن باسقارۋ ۇگىت تاربيەسىن كۇشەيتۋىن ءۇمىت ەتەمىن.
مۇشە ءپاريدا موني بىلاي دەپ قارادى: وتكەن 5 جىلدا، اۆتونوميالى رايوندىق جوعارى حالىق سوتى مەكەمەسى، اۆتونوميالى رايوندىق حالىق پروكۋراتۋراسى شي جينپيڭنىڭ زاڭمەن باسقارۋ يدەياسىن ىشكەرىلەي دايەكتىلەندىرىپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن شەشۋدەن كىرىسىپ، داۋ - شاردى قاينارىنان شەشۋدى دارىپتەپ، حالىق تۇرمىسىن شىن مانىندە قامتاماسىز ەتىپ جانە جاقسارتىپ، ءادىليا حالىق ءۇشىن بولۋ، ادىلدىكتى، تۋراشىلدىقتى قورعاۋ سەنىمى مەن بەكىمىن ايگىلەدى، شينجياڭنىڭ جوعارى ساپالى دامۋىنا تاماشا زاڭمەن باسقارۋ ورتاسىن جانە پارمەندى ءادىليالىق قامتاماسىزدىق ازىرلەدى.
مۇشە باقتيەۆ ينايات بىلاي دەدى: بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدەگى، تياناقتاندىرۋداعى باستاما جىل، جوعارى حالىق سوتى مەكەمەسىنىڭ، حالىق پروكۋراتۋراسىنىڭ قىزمەتىن ويداعىداي ىستەۋدىڭ جاۋاپكەرشىلىگى اۋىر، بورىشى داڭقتى، جوعارى حالىق سوتى مەكەمەسى، حالىق پروكۋراتۋراسى نازاردى شينجياڭنىڭ باياندى تىنىشتىعىنا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەرگە ۇزدىكسىز شوعىرلاندىرىپ، مىندەتتى ادالدىقپەن وتەپ، زاڭمەن باسقارۋدىڭ ءتۇبىردى بەكەمدەۋ، مەجەنى ورنىقتىرۋ، ۇزاق بولاشاققا پايدالى قامتاماسىزدىق رولىن اناعۇرلىم ويداعىداي ساۋلەلەندىرىپ، قوعام ورنىقتىلىعى مەن باياندى تىنىشتىقتى جۇزەگە اسىرۋدى اناعۇرلىم باتىل، پارمەندى ءادىليالىق قىزمەت وتەۋمەن جانە قامتاماسىزدىقپەن قامداۋى كەرەك.
(ءتىلشى جاڭ يۇنمەي، قاتىناسقان تىلشىلەر ۋاڭ جيڭجيڭ، ميھىرگۇل وبۇل، ما ينيڭ، لي شيڭ، سۇي يۇنيان)
