”ءبىز ەشقايدا بارمايمىز، شينجياڭدا بولامىز“
انار بۇلت \ شينجياڭ گازەتىنىڭ تىلشىلەرى ليۋ شياڭ، ۋاڭ شيڭرۇي
”ەشقايدا بارماي، شينجياڭدا تامىر تارتىڭىزدار“!
1 - ايدىڭ 15 - كۇنى تۇستەن بۇرىن اۆتونوميالى رايوندىق پارتكومنىڭ شۋجيى ما شيڭرۇي اۆتونوميالى رايوندىق ساياسي كەڭەس 13 - كەزەكتى كوميتەتىنىڭ 1 - ماجىلىسىندەگى ەكونوميكا سالاسى مەن ساۋدا - ونەركاسىپشىلەر بىرلەستىگى سالاسىنداعى مۇشەلەردىڭ بىرلەسكەن گرۋپپا تالقىسىنا قاتىناستى. ول اۆتونوميالى رايوندىق ساياسي كەڭەستىڭ مۇشەسى، حىڭشىڭ مەديتسينا عىلىم - تەحنيكا جارنا شەكتى سەرىكتەستىگىنىڭ باسالقاسى ۋاڭ يۋان - ۋعا وسى ءسوزدى ايتقاندا، بۇكىل زالدا قىزۋ شاپالاق ءۇنى كوتەرىلدى.
حىڭشىڭ مەديتسيناسى − شينجياڭدا جەتىلگەن جەرگىلىكتى حالىقتىق كاسىپورىن، مەملەكەتتىك جوعارى، جاڭا تەحنيكا كاسىپورنى، مەملەكەت دارەجەلى ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان شاعىن قۋاتتى كاسىپورىن، كاسىبى − شيپاحانالاردى جانە قانتتى نەسەپ اۋرۋىنا شالدىققان ناۋقاستاردى قانداعى قانت قۇرامىن باقىلاۋ - تەكسەرۋمەن، ەمدەۋمەن جانە باسقارۋمەن قامداۋ.
”حىڭشىڭ مەديتسيناسىنىڭ بۇگىنگىدەي ناتيجەگە قول جەتكىزۋى اۆتونوميالى رايوندىق پارتكوم مەن ۇكىمەتتىڭ قولداۋىنان، كومەگىنەن ايرىلا المايدى. ايتسە دە سەرىكتەستىگىمىز جانە باسقا دا عىلىم - تەحنيكا تيبىندەگى كاسىپورىندار دامۋ بارىسىندا شەشۋدى شۇعىل قاجەت ەتىپ وتىرعان ءىشىنارا قيىنشىلىقتار مەن ماسەلەلەرگە ءدوپ كەلدى“، - دەدى بىرلەسكەن گرۋپپا تالقىسىندا مۇشە ۋاڭ يۋان - ۋ جۇرەك ءسوزىن اقتارىپ.
”ناقتاپ ايتىڭىز؟“، - دەدى ما شيڭرۇي ەگجەي - تەگجەيلى سۇراپ.
”ماسەلەن، زاڭمەن باسقارىلاتىن شارۋاشىلىق - ساۋدا ورتاسىن ءالى دە كۇشەيتۋ قاجەت، كاسىپورىنداردىڭ، اسىرەسە، حالىقتىق كاسىپورىنداردىڭ زەرتتەۋ - اشۋ ۇسىنىلىمى شەكتى بولىپ وتىر، كاسىپ سالاسى شوعىرى مەن سايكەستى قۇرىلعىلاردا ولقىلىقتار بار، دارىندىلاردى باۋراۋ قۋاتى ءالسىز“. مۇشە ۋاڭ يۋان - ۋ تاعى ۇكىمەتتىڭ قىزمەت وتەۋ قابىلەتى مەن ساۋداگەر شاقىرىپ، قارجى ەنگىزۋ سەرپىنىن كۇشەيتۋ جاعىندا دا ەرەكشە مىسال كەلتىرىپ بىلاي دەدى: حىڭشىڭ مەديتسيناسىنىڭ شىعىس بولىكتەگى بەلگىلى قالاداعى زەرتتەۋ - اشۋ سەرىكتەستىگى جەرگىلىكتى ورىنداعى ساۋداگەر شاقىرىپ، قارجى ەنگىزۋ نىسانى رەتىندە، ۇكىمەت زاۆود ۇيلەرىن جانە زەرتتەۋ - اشۋ ورنىن ازىرلەپ، 5 جىلدىق جالاقىسىن كەشىردى، سونىمەن قاتار ىركىندى سالىقتىڭ ءبىر ءبولىمىن كاسىپورىنعا قايتارىپ بەرىپ، كاسىپورىن ءۇشىن قىمباتتى دامۋ ورايىن دايىندادى.
”قازىر، شىنىمەن، كەيبىر قالالار ساۋداگەر شاقىرىپ، قارجى ەنگىزۋدىڭ ەرەكشە ءتيىمدى شارتتارى ارقىلى بىزگە قولقا سالىپ وتىر“، - دەدى مۇشە ۋاڭ يۋان - ۋ بۇكپەسىز.
ما شيڭرۇي مۇشە ۋاڭ يۋان - ۋ العا قويعان ماسەلەلەردىڭ ءبارىن تولىق قابىلدادى ءارى العىس ايتىپ: ”وسى ’جۇرەك سوزدەر‘ ءبىزدىڭ شارۋاشىلىق - ساۋدا ورتاسىن ساپالىلاندىرۋ قىزمەتىن اناعۇرلىم ويداعىداي ىستەۋىمىزگە پايدالى“، - دەدى.
ءسال ويلانعاننان كەيىن ما شيڭرۇي بىلاي دەدى: بىلتىردان بەرى شينجياڭ بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن قۇلشىنا تۇلعالاپ، قارجى قوسۋ، شارۋاشىلىق قۇرۋ، دامۋ ورتاسىن ۇزدىكسىز جاقسارتتى. شارالاردىڭ ونىمدىلىگىن كورۋمەن قاتار، ءبىز تاعى اماليات بارىسىندا شارۋاشىلىق - ساۋدا ورتاسىن ساپالىلاندىرۋعا قايشى ازدى - كوپتى ارەكەتتەردىڭ دە بار ەكەنىن سەرگەكتىكپەن تانۋىمىز كەرەك.
”شينجياڭنىڭ بايلىق ابزالدىلىعى تاماشا، ەكونوميكالىق دامۋ كەڭىستىگى وراسان زور“، - دەدى ما شيڭرۇي، - ”اۆتونوميالى رايوندىق پارتكوم مەن ۇكىمەت ءتىپتى دە ساپالى شارۋاشىلىق - ساۋدا ورتاسىن تۇلعالاۋعا كۇش سالىپ، شينجياڭدى شارۋاشىلىق قۇرىپ، ناتيجە شىعاراتىن جاقسى جەرگە اينالدىرادى. وسىندا قالساڭىزدار بولاشاقتارىڭىز نۇرلى بولادى“!
وسىلاردى ەستىگەندە، مۇشە ۋاڭ يۋان - ۋ ەرەكشە تەبىرەندى. ”شۋجي الاڭسىز بولىڭىز، ءبىز ەشقايدا بارمايمىز، شينجياڭدا بولامىز“! - دەدى ول باتىل اۋەنمەن، - ”حىڭشىڭ مەديتسيناسى شينجياڭمەن بىرگە بولاشاققا بەت الۋدى قالايدى“.
”شارۋاشىلىق - ساۋدا ورتاسىن ساپالىلاندىرۋ − ۇزاق ۋاقىت ەسە قوساتىن جۇيەلى ينجەنەريا“. ما شيڭرۇي توڭىرەگىنە جاعالاتا كوز سالعاننان كەيىن، شىن ىقىلاسپەن كوپشىلىككە بىلاي دەدى: تاماشا شارۋاشىلىق - ساۋدا ورتاسى ءار دارەجەلى باسشى كادرلاردىڭ باتىلدىقپەن يدەيانى ازات ەتۋىن، كوزقاراستى جاڭالاۋىن، جاۋاپكەرشىلىك ارقالاۋىن، ءتۇزىم ورناتۋىن، قىسىم جەتكىزۋىن، سايكەستى ساياساتتاردى كەمەلدەندىرۋىن، جوعارى مەن تومەننىڭ سەلبەسە ىلگەرىلەتۋىن قاجەت ەتەدى، وسىلاي بولعاندا عانا، شىنار ەگىپ سامۇرىق شاقىرا الامىز.
