شي جينپيڭ پارتيا سىرتىنداعى قايراتكەرلەرمەن اڭگىمەلەسكەندە ءارى كوكتەم مەرەكەسىن بىرگە قارسى العاندا، بىلاي دەپ باسا دارىپتەدى
اناعۇرلىم قايراتتانا ءىس تىندىراتىن رۋحاني كۇيمەن مىندەت اتقارىپ، جاۋاپكەرشىلىكتى ادا ەتىپ، زەيىن - زەردەنى، كۇش - قۋاتتى ۇيىستىرىپ، كەلەلى جاعدايعا قىزمەت ەتۋدە اناعۇرلىم زور رول اتقارۋ كەرەك
ۋاڭ ياڭ، ۋاڭ حۋنيڭ، ديڭ شۋەشياڭ قاتىناستى
1 - ايدىڭ 16 - كۇنى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭ حالىق سارايىندا پارتيا سىرتىنداعى قايراتكەرلەرمەن اڭگىمەلەستى ءارى كوكتەم مەرەكەسىن بىرگە قارسى الدى. ۋاڭ ياڭ، ۋاڭ حۋنيڭ، ديڭ شۋەشياڭ قاتارلىلار قاتىناستى.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 1 - ايدىڭ 16 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 1 - ايدىڭ 16 - كۇنى تۇستەن بۇرىن حالىق سارايىندا دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن اڭگىمەلەستى ءارى كوكتەم مەرەكەسىن بىرگە قارسى الدى. شي جينپيڭ جۇڭگو كوممۋنيستىك پارتياسى ورتالىق كوميتەتى اتىنان، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاڭادان سايلانعان باسشىلىق القاسىنىڭ مۇشەلەرىن قىزۋ قۇتتىقتادى، دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، بىرلىكساپتىڭ قالىڭ مۇشەلەرىنە ىقىلاستى سالەم جولدادى جانە كوكتەم مەرەكەسى بايلانىسىمەن باقىت تىلەدى. ول بىلاي دەپ باسا دارىپتەدى: 2023 - جىل − جۇڭگو كوممۋنيستىك پارتياسى 20 - قۇرىلتايىنىڭ رۋحىن ۇيرەنۋدە، دايەكتىلەندىرۋدە باستاما اشاتىن جىل، ءۇمىت پەن سىن - سايىس قاتار ءومىر سۇرەدى. كوپشىلىكتىڭ جۇڭگو كوممۋنيستىك پارتياسى 20 - قۇرىلتايىنىڭ رۋحىن جاپپاي ۇيرەنىپ، دايەكتىلەندىرىپ، اناعۇرلىم قايراتتانا ءىس تىندىراتىن رۋحاني كۇيمەن مىندەت اتقارىپ، جاۋاپكەرشىلىكتى ادا ەتىپ، زەيىن - زەردەنى، كۇش - قۋاتتى ۇيىستىرۋدا، كەلەلى جاعدايعا قىزمەت ەتۋدە اناعۇرلىم زور رول اتقارىپ، قالىڭ مۇشەلەر مەن وزدەرى بايلانىس ورناتقان بۇقارانى جۇڭگو ۇلگىسىندەگى وسىزامانداندىرۋدى ىلگەرىلەتۋ جولىندا ىنتىماقتاسا كۇرەس جۇرگىزۋگە جۇمىلدىرۋىن، ىنتالاندىرۋىن ءۇمىت ەتەمىن.
مەملەكەتتىك ساياسي كەڭەستىڭ ءتوراعاسى ۋاڭ ياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى ۋاڭ حۋنيڭ، ديڭ شۋەشياڭ جيىنعا قاتىناستى.
جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى جىڭ جيانباڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى حى ۋي، جۇڭگو ادىلەت پارتياسى ورتالىق كوميتەتىنىڭ ءتوراعاسى جياڭ زوجۇن، 3 - قىركۇيەك ءىلمي قوعامى ورتالىق كوميتەتىنىڭ ءتوراعاسى ۋ ۋيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ ىلگەرىندى - كەيىندى ءسوز سويلەپ، دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ جۇڭگو كوممۋنيستىك پارتياسى ورتالىق كوميتەتىنىڭ شىنايى قامقورلىعى مەن زور كۇشپەن قولداۋىندا، مەملەكەتتىك قۇرىلتايدى ءساتتى اشقان، كەزەك اۋىستىرۋ قىزمەتىن تابىسپەن ورىنداعان جاعدايلارىن، سونداي - اق كەلەسى قادامداعى قىزمەت جوسپارلارىن جەكە - جەكە تانىستىردى. پارتيادا، توپتا جوق قايراتكەرلەردىڭ ۋاكىلى شي نانحۋا دا ءسوز سويلەدى. ولار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جۇڭگو كوممۋنيستىك پارتياسى 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، ساياسي وتكىزىپ بەرۋ - وتكىزىپ الۋدى تەرەڭدەتىپ، ءوز قۇرىلىستارىن جاپپاي ىلگەرىلەتىپ، بەلسەنە مىندەت اتقارىپ، جاۋاپكەرشىلىكتى ادا ەتىپ، جۇڭگو كوممۋنيستىك پارتياسى 20 - قۇرىلتايىندا بەلگىلەنگەن نىسانا - مىندەتتەردى جۇزەگە اسىرۋ جولىندا ىنتىماقتاسا كۇرەس جۇرگىزەتىندىكتەرىن ءبىلدىردى.
كوپشىلىكتىڭ ءسوزىن مۇقيات تىڭداعاننان كەيىن، شي جينپيڭ ماڭىزدى ءسوز سويلەدى. ول مىنالاردى ءبىلدىردى: ەندى بىرنەشە كۇننەن كەيىن جۇڭحۋا ۇلتىنىڭ ءداستۇرلى مەرەكەسى − كوكتەم مەرەكەسى كەلەدى. كوپشىلىكپەن ءبىر ارادا شاتتىقپەن باس قوسىپ، كوكتەم مەرەكەسىن بىرگە قارسى الىپ، دوستىقتى اقتارىلا اڭگىمەلەپ، مەملەكەت ىستەرىن بىرگە اقىلداسقانىما وتە قۋانىشتىمىن.
شي جينپيڭ بىلاي دەپ اتاپ كورسەتتى: 2022 - جىل − پارتيا مەن مەملەكەتتىڭ دامۋ تاريحىنداعى توتەنشە ماڭىزدى ءبىر جىل ءارى پارتيامىزدىڭ بىرلىكساپ ساياساتىن ايقىن العا قويعاندىعىنىڭ 100 جىلدىعى. دەموكراتيالىق پارتيا - توپتار ”العان بەتىنەن قايتپاي پارتياعا ىلەسۋ، جاڭا داۋىردە قول ۇستاسا ەكپىندەي ىلگەرىلەۋ“ سىندى ساياسي وتكىزىپ بەرۋ - وتكىزىپ الۋ نەگىزگى تاقىرىپتىق تاربيەسىن ىشكەرىلەي ورىستەتىپ، سەلبەستىك اۋەلگى ماقساتىن ۇمىتپاي، تاڭداۋلى ءداستۇردى اسقاقتاتىپ، يدەيالىق - ساياسي ورتاق تانىمدى اناعۇرلىم بەكەمدەدى. دەموكراتيالىق پارتيا - توپتاردىڭ ورتالىق كوميتەتتەرى مەن پارتيادا، توپتا جوق قايراتكەرلەر رەفورما، دامۋ، ورنىقتىلىق بارىسىنداعى كەلەلى تاقىرىپتار توڭىرەگىندە ىشكەرىلەي تەكسەرۋ - زەرتتەۋ جۇرگىزىپ، دەموكراتيالىق باقىلاۋ ورىستەتىپ، جۇڭگو كوممۋنيستىك پارتياسى ورتالىق كوميتەتىنىڭ عىلمي شەشىم جاساۋىنا، ءونىمدى شارالاردى العا قويۋىنا ماڭىزدى دايەك ازىرلەدى. مەملەكەتتىك ساۋدا - ونەركاسىپشىلەر بىرلەستىگى ”10 مىڭ كاسىپورىن 10 مىڭ قىستاقتى گۇلدەندىرۋ“ ارەكەتىن اتقارۋدى ىلگەرىلەتىپ، حالىقتىق كاسىپورىنداردى قوعامدىق جاۋاپكەرشىلىكتى بەلسەنە اتقارۋعا، جوعارى ساپالى دامۋدى جۇزەگە اسىرۋعا جەتەكتەدى. ول جۇڭگو كوممۋنيستىك پارتياسى ورتالىق كوميتەتى اتىنان كوپشىلىككە شىن جۇرەكتەن العىس ايتتى.
شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسىنىڭ باسشىلىعىنا تاباندى بولىپ، باستان - اياق جۇڭگو كوممۋنيستىك پارتياسىمەن ءبىر نيەت، ءبىر تىلەكتە بولىپ، ىنتىماقتاسا كۇرەس جۇرگىزۋ − كوپ پارتيا سەلبەستىگىنىڭ ءتۇبىرلى ساياسي نەگىزى. دەموكراتيالىق پارتيا - توپتاردىڭ ورتالىق كوميتەتتەرىنىڭ جاڭا كەزەكتى باسشىلىق القالارىنىڭ ءبىرىنشى ورىنداعى ساياسي جاۋاپكەرشىلىگى − ساياسي جالعاستىققا مۇراگەرلىك ەتىپ، ساياسي ورتاق تانىمدى تەرەڭدەتىپ، ءبىر نيەت، ءبىر تىلەكتە بولا وتىرىپ، ىنتىماقتاسا كۇرەس جۇرگىزەتىن ساياسي قاسيەتتى باستان - اياق ساقتاۋ. كوپشىلىكتىڭ جۇڭگو كوممۋنيستىك پارتياسى 20 - قۇرىلتايىنىڭ رۋحىن ۇيرەنۋدى، دايەكتىلەندىرۋدى ساياسي وتكىزىپ بەرۋ - وتكىزىپ الۋدى تەرەڭدەتۋدىڭ ماڭىزدى مازمۇنى ەتىپ، يدەيالىق - ساياسي جەتەكشىلىكتى كۇشەيتىپ، قالىڭ مۇشەلەر مەن بايلانىس ورناتقان بۇقارانى ”ءتورت تانىمدى“ كۇشەيتۋگە، ”ءتورت سەنىمدى“ بەكەمدەۋگە، ”ەكىنى قورعاۋدى“ ورىنداۋعا جەتەكتەپ، يدەيا مەن ارەكەتتى جۇڭگو كوممۋنيستىك پارتياسى 20 - قۇرىلتايىندا جاسالعان كەلەلى شەشىمدەرمەن، ورنالاستىرۋلارمەن بىرلىككە كەلتىرۋىن ءۇمىت ەتەمىن. جۇڭگو كوممۋنيستىك پارتياسىنىڭ پارتيا تاريحىن ۇيرەنۋ تاربيەسىنىڭ جەتىستىكتەرىن بەكەمدەپ، كەڭەيتىپ، جاڭا كەزەكتى نەگىزگى تاقىرىپتىق تاربيە قيمىلىن دەر كەزىندە ورىستەتىپ، جۇڭگو كوممۋنيستىك پارتياسىنىڭ باسشىلىعى مەن جۇڭگوشا سوتسياليزمدى ساياسي جاقتان شىنايى مويىنداۋدى، يدەيالىق جاقتان شىنايى مويىنداۋدى، نازاريالىق جاقتان شىنايى مويىنداۋدى، سۇيىسپەنشىلىك جاقتان شىنايى مويىنداۋدى ۇزدىكسىز كۇشەيتۋ كەرەك.
شي جينپيڭ بىلاي دەپ اتاپ كورسەتتى: جاپپاي سوتسياليستىك وسىزاماندانعان قۇدىرەتتى مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ وزەكتى مىندەتى بۇكىل ەلدىڭ جوعارىدان تومەنگە دەيىن ىنتىماقتاسا كۇرەس جۇرگىزۋىن قاجەت ەتەدى. دەموكراتيالىق پارتيا - توپتاردىڭ كوپ پارتيا سەلبەستىگىنىڭ ارتىقشىلىعى مەن وزەكتى كەلەلى جاعدايدىڭ قاجەتىن ۇشتاستىرىپ، ۇكىمەت ىسىنە ات سالىسۋ، ۇكىمەت ءىسىن كەڭەسۋ بارىسىندا كوپتىڭ پاراساتىن توپتاپ، دەموكراتيالىق باقىلاۋ بارىسىندا كەڭەس بەرىپ، ساياسي پارتيالار كەڭەسىندە يگى شارا ۇسىنىپ، جۇڭگو كوممۋنيستىك پارتياسىنىڭ جاقسى اقىلشىسى، جاقسى كومەكشىسى، جاقسى كاسىپتەسى بولۋىن ءۇمىت ەتەمىن. نازاردى جاڭا دامۋ ارناسىن قالىپتاستىرۋ، ”ەكىدەن تيتتەي دە اۋىتقىماۋدى“ تياناقتاندىرۋ، بىرگە بايۋدى تىڭعىلىقتى ىلگەرىلەتۋ سياقتى كەلەلى ماسەلەلەرگە شوعىرلاندىرىپ، تەكسەرۋ - زەرتتەۋدى ىشكەرىلەي ورىستەتىپ، بەلسەنە اقىل - كەڭەس بەرۋ كەرەك. فورماسىن بايىتىپ، ارناسىن كەڭەيتىپ، دەموكراتيالىق باقىلاۋدىڭ باعىتتامالىلىعى مەن ونىمدىلىگىن ۇزدىكسىز جوعارىلاتۋ كەرەك. قالىڭ مۇشەلەر مەن بايلانىس ورناتقان بۇقارانى سەنىمدى بەكەمدەپ، كۇرەس جىگەرىن جالىنداتىپ، العا باسۋ جولىنداعى جاپا - ماشاقاتتاردى، قيىنشىلىقتاردى، حاۋىپ - قاتەرلەردى، كەدەرگىلەردى باتىلدىقپەن جەڭۋگە جەتەكتەۋ كەرەك. مەملەكەتتىك ساۋدا - ونەركاسىپشىلەر بىرلەستىگى كاسىپورىندارعا تيىمدىلىك جاساۋ، قيىنشىلىعىن شەشۋ ساياساتتارىنىڭ تياناقتانىپ، ونىمدىلىك كورسەتۋىن ىلگەرىلەتىپ، حالىقتىق كاسىپورىنداردىڭ ءىس جۇزىندىك قيىنشىلىعىن شەشۋىنە كومەكتەسىپ، حالىقتىق شارۋاشىلىقتىڭ دامۋ سەنىمىن كۇشەيتۋى كەرەك.
شي جينپيڭ بىلاي دەپ باسا دارىپتەدى: جۇڭگونىڭ جاڭاشا ساياسي پارتيا ءتۇزىمىنىڭ ساياسي ابزالدىلىعىن ويداعىداي ساۋلەلەندىرۋ دەموكراتيالىق پارتيا - توپتاردىڭ ءوز قۇرىلىسىن كۇشەيتىپ، ساياسيدى يگەرۋ قابىلەتىن، ۇكىمەت ىسىنە ات سالىسۋ، ۇكىمەت ءىسىن كەڭەسۋ قابىلەتىن، ۇيىمدىق باسشىلىق قابىلەتىن، سەلبەسىپ بىرگە قىزمەت ىستەۋ قابىلەتىن جانە ءوز ماسەلەلەرىن شەشۋ قابىلەتىن ۇزدىكسىز جوعارىلاتۋىن قاجەت ەتەدى. كوپشىلىكتىڭ پارتيامەن ءبىر نيەتتە بولۋ، وتاندى ءسۇيىپ، حالىق ءۇشىن ىستەۋ، شىن ىقىلاسپەن سەلبەسۋ، كاسىپتى ءسۇيىپ، ءوزىن ارناۋ سىندى كوپ پارتيا سەلبەستىگىنىڭ تاماشا ءداستۇرىن جالعاستىرىپ، ساياسيدا تاباندى، ۇيىمدىق جاقتا بەرىك، مىندەت اتقارۋى پارمەندى، ستيلى تاماشا، ءتۇزىمى كەمەلدى جۇڭگوشا سوتسياليستىك ۇكىمەت ىسىنە ات سالىساتىن پارتيا بولۋعا قۇلشىنۋىن ءۇمىت ەتەمىن. باسشىلىق القاسى قۇرىلىسىن كۇش سالا كۇشەيتىپ، ىنتىماقتاسىپ سەلبەسۋدى جاقسى ىستەپ، باسشىلىق القاسىنىڭ تۇتاس تۇلعالىق فۋنكتسياسىن تولىق ساۋلەلەندىرىپ، ناقتى ءىس ىستەپ، العا باساتىن، پاك، كىرشىكسىز تاماشا وبراز ورناتۋ كەرەك. بيىل − مەملەكەتتىك ساۋدا - ونەركاسىپشىلەر بىرلەستىگى قۇرىلعاندىعىنىڭ 70 جىلدىعى، ساۋدا - ونەركاسىپشىلەر بىرلەستىگىنىڭ تاڭداۋلى داستۇرىنە مۇراگەرلىك ەتىپ جانە ونى ساۋلەلەندىرىپ، رەفورما جاساۋعا، جاڭالىق اشۋعا تاباندى بولىپ، ۋاكىل قايراتكەرلەردى تاربيەلەۋدى، جەتەكتەۋدى كۇشەيتىپ، كوپىرلىك، دانەكەرلىك جانە كومەكشىلىك رولدى اناعۇرلىم ويداعىداي ساۋلەلەندىرۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت بىرلىكساپ ءبولىمىنىڭ باستىعى شى تايفىڭ جانە ورتالىق كوميتەت ۇيىمداستىرۋ ءبولىمىنىڭ باستىعى چىن شي، ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ قاتىستى جاۋاپتىلارى، ورتالىقتىڭ قاتىستى تاراۋلارىنىڭ جاۋاپتى جولداستارى قيمىلعا قاتىناستى.
