اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسىنىڭ ءتوراعالار القاسى 3 - جيىنىن وتكىزدى
ما شيڭرۇي جيىندى باسقاردى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 1 - ايدىڭ 16 - كۇنى ۇرىمجىدەن حابارلايدى. اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسىنىڭ ءتوراعالار القاسى 1 - ايدىڭ 16 - كۇنى تۇستەن بۇرىن 3 - جيىنىن وتكىزدى. ءماجىلىس ءتوراعالار القاسىنىڭ تۇراقتى ءتوراعاسى ما شيڭرۇي جيىندى باسقاردى.
ءماجىلىس ءتوراعالار القاسىنىڭ تۇراقتى ءتوراعالارى ەركىن تۇنياز، لي يفي، جاڭ چۇنلين، حى جۇڭيوۋ، جاڭ جۋ، تيان شياڭلي، ءزۇمىرات وبۇل، لي نيڭپيڭ، توحتى ياقۇپ، مۇقيات جارمۇقامەت، ءمۇتالىپ روزى جيىنعا قاتىناستى.
جيىن ءماجىلىس حاتشىلار باسقارماسىنىڭ ۇكىمەت قىزمەتىنەن باياندامانى قاراۋ جاعدايى جونىندەگى مالىمەتىن تىڭداپ، ۇكىمەت قىزمەتىنەن بايانداما جونىندەگى قارار جوباسىن ۋاكىلدەر ۇيىرمەلەرىنىڭ قاراۋىنا تاپسىرۋدى ۇيعاردى؛ اۆتونوميالى رايوندىق 14 - كەزەكتى حالىق قۇرىلتايى قازىنا - ەكونوميكا كوميتەتىنىڭ جوسپار جوباسىن، مەجە ەسەپ جوباسىن تەكسەرۋ ناتيجەسى جونىندەگى بايانداماسىن تىڭداپ، جوسپار، مەجە ەسەپ جونىندەگى قارار جوباسىن ۋاكىلدەر ۇيىرمەلەرىنىڭ قاراۋىنا تاپسىرۋدى ۇيعاردى.
جيىن اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى جاڭ جۋدىڭ ءتۇرلى كانديداتتاردىڭ جانە ۇسىنىلعانداردىڭ ۇسىنىستىق ەسىمدىگى جونىندەگى تۇسىندىرمەسىن تىڭداپ، ءتۇرلى كانديداتتىققا ۇسىنىلعانداردى ۋاكىلدەر ۇيىرمەلەرىنىڭ اقىلداسۋىنا تاپسىرۋدى ۇيعاردى.
جيىن ۋاكىلدەردىڭ بىرلەسىپ كانديدات كورسەتۋ ۋاقىتى 2023 - جىلى 1 - ايدىڭ 17 - كۇنى ساعات 12گە دەيىن بولادى دەپ ۇيعاردى.
