اۆتونوميالى رايوندىق پارتكوم تۇراقتى كوميتەتى ءماجىلىس اشتى
20 - كەزەكتى ورتالىق ءتارتىپ تەكسەرۋ كوميتەتى ەكىنشى جالپى ءماجىلىسىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ قىزمەت جاعدايىنان جاساعان مالىمەتىن تىڭداپ، پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ قىزمەتىن اقىلداسىپ، ورنالاستىردى
ما شيڭرۇي ءماجىلىستى باسقاردى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 1 - ايدىڭ 16 - كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى جۋىقتا ءماجىلىس اشىپ، 20 - كەزەكتى ورتالىق ءتارتىپ تەكسەرۋ كوميتەتى ەكىنشى جالپى ءماجىلىسىنىڭ رۋحىن دايەكتىلەندىردى، تياناقتاندىردى، اۆتونوميالى رايوندىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ 2022 - جىلعى قىزمەت جاعدايى جانە اۆتونوميالى رايوندىق 10 - كەزەكتى ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىنە دايىندالۋ جاعدايى جونىندەگى مالىمەتتى تىڭدادى، تۇتاس رايوننىڭ 2023 - جىلعى پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ قىزمەتى جونىندە اقىلداسىپ، ورنالاستىرۋ جاسادى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.
ءماجىلىس اۆتونوميالى رايوندىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ 2022 - جىلعى قىزمەتتەرىن تولىق تۇراقتاندىردى. ءماجىلىس مىنالاردى اتاپ كورسەتتى: بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدە، تياناقتاندىرۋدا باستاما اشاتىن جىل، پارتيانى جاپپاي قاتاڭ باسقارۋدى ىشكەرىلەي ىلگەرىلەتۋدىڭ ماڭىزى زور. بۇكىل رايونداعى ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى پارتيا 20 - قۇرىلتايىنىڭ رۋحىن جەتەكشى ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن اناعۇرلىم تەرەڭ ءتۇسىنىپ، ”ەكىنى قورعاۋدى“ باتىل ورىنداپ، يدەيا مەن ارەكەتتى باس شۋجي شي جينپيڭنىڭ 20 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندەگى ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، باس شۋجيدىڭ شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن دايەكتىلەندىرۋمەن تىعىز ۇشتاستىرىپ، اۆتونوميالى رايوندىق 10 - كەزەكتى پارتكوم جەتىنشى جالپى ءماجىلىسىنىڭ قىزمەت ورنالاستىرۋلارىن دايەكتىلەندىرۋدى ارقاۋ ەتىپ، جاڭا داۋىردەگى، جاڭا جورىقتاعى ءتارتىپ تەكسەرۋ، باقىلاۋ - تەكسەرۋ قىزمەتىنىڭ ورنالاستىرۋلارىن، تالاپتارىن جاپپاي تياناقتاندىرىپ، قاي - قاشان دا ءىرى پارتياعا عانا ءتان قيىن ماسەلەلەردى شەشەتىن سەرگەكتىك پەن تاباندىلىقتى ساقتاپ، اتوي دابىلىن ماڭگى قاعىپ، قاتاڭدىق سىندى نەگىزگى اۋەندى، قاتاڭ شارالاردى، قاتاڭ رايدى ۇزاق ۋاقىت تاباندىلىقپەن جالعاستىرىپ، پارتيانى جاپپاي قاتاڭ باسقارۋدىڭ ىشكەرىلەي دامۋىن ىلگەرىلەتۋدە اناعۇرلىم زور ونىمدىلىككە قول جەتكىزۋ كەرەك.
ءماجىلىس مىنالاردى باسا دارىپتەدى: باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىنىڭ تياناقتانىپ، ونىمدىلىك كورسەتۋىن ىلگەرىلەتۋدى مىقتاپ ارقاۋ ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىنىڭ ءتۇيىندى ورنالاستىرۋلارىن ىلگەرىلەتۋ، ءتارتىپ تەكسەرۋ، باقىلاۋ - تەكسەرۋ قىزمەتىن تىڭعىلىقتى ىلگەرىلەتۋ، باقىلاۋدىڭ ساپاسىن، ونىمدىلىگىن ۇزدىكسىز جوعارىلاتۋ كەرەك. ساياسي باقىلاۋدىڭ ناقتىلانۋىن، دالمە - ءدال بولۋىن، ۇدايىلانۋىن ىلگەرىلەتىپ، وزەكتى كەلەلى جاعدايمەن تىعىز بايلانىستىرىپ، بۇكىل رايونداعى ءار دارەجەلى پارتيا ۇيىمدارىن زەيىن - زەردەنى ۇيىستىرىپ، كۇش - قۋاتتى شوعىرلاندىرىپ، جاۋاپكەرشىلىك ارقالاپ، ناقتى ءىس ىستەۋگە قۋزاپ، باقىلاۋدىڭ اتقارۋدى قامتاماسىز ەتۋ، دامۋدى جەبەۋ، كەمەلدەندىرۋ رولىن شىنايى ساۋلەلەندىرۋ؛ ءتارتىپ قۇرىلىسىن اناعۇرلىم كورنەكتى ورىنعا قويىپ، ساياسي ءتارتىپ پەن ساياسي قاعيداعا قاتاڭ بويسۇنىپ، بۇكىل رايونداعى قالىڭ پارتيالى باسشى كادرلاردىڭ ەرەجەگە، تارتىپكە بويسۇناتىن وسكەلەڭ سانالىلىق قالىپتاستىرۋىن ىلگەرىلەتۋ؛ ورتالىقتىڭ ”8 ءتۇرلى بەلگىلەمەسىنىڭ“ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن قاتاڭ تياناقتاندىرىپ، فورماشىلدىقتى، تورەشىلدىكتى ءتۇيىندى تۇردە تۇزەتىپ، دۇرىس ناتيجە كوزقاراسىن امالياتتا ايگىلەۋ؛ ۇستىنەن وڭاۋ مەن تۇبىرىنەن وڭاۋدى قاتار جۇرگىزۋدى، جۇيەلى وڭاۋدى تەرەڭدەتىپ، بۇقارانىڭ اڭىسى كۇشتى بولعان شىرىكتەسۋ ماسەلەلەرى مەن بۇرىس ستيلدەردى باتىل وڭاپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالى ىلگەرىلەتىپ، جاڭا جورىقتاعى ءتۇرلى نىسانالار مەن مىندەتتەردى جۇزەگە اسىرۋعا پارمەندى كەپىلدىك ازىرلەۋ كەرەك.
ءماجىلىس مىنالاردى باسا دارىپتەدى: ءار دارەجەلى پارتكومداردىڭ (پارتيا باسشىلىق گرۋپپاسى) پارتيانى جاپپاي قاتاڭ باسقارۋ تۇلعالىق جاۋاپكەرشىلىگىن ۇزدىكسىز قاتايتىپ، پارتيانى باسقارۋ، پارتيانى جونگە سالۋ تانىمىن كۇشەيتىپ، پارتيانى باسقارۋ، پارتيانى جونگە سالۋ جاۋاپكەرشىلىگىن تياناقتاندىرىپ، نازاردى ”شەشۋشى ازشىلىققا“ شوعىرلاندىرىپ، پارتيانى جاپپاي قاتاڭ باسقارۋ جۇيەسىن اقاۋسىزداندىرۋ كەرەك؛ ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى اۋىر مىندەتتى باتىلدىقپەن ارقالاپ، باتىلدىقپەن قاتاڭ شايقاس جۇرگىزىپ، ادال، كىرشىكسىز، جاۋاپكەرشىلىك ارقالايتىن قۇرىش قوسىن قۇرىپ، قامال الۋ شايقاسىندا، ۇزاققا سوزىلاتىن شايقاستا باستان - اياق ەڭ الدا اتويلاپ، قىزمەتتىڭ ارناعا ءتۇسۋ، زاڭمەن باسقارىلۋ، جۇيەلىلەنۋ دەڭگەيىن ۇزدىكسىز جوعارىلاتىپ، شينجياڭنىڭ رەفورما، دامۋ، ورنىقتىلىق قىزمەتتەرىنە پارمەندى قىزمەت وتەۋ جانە ونى قامتاماسىز ەتۋى كەرەك. اۆتونوميالى رايوندىق 10 - كەزەكتى ءتارتىپ تەكسەرۋ كوميتەتىنىڭ ءۇشىنشى جالپى ءماجىلىسىن دەن قويا ويداعىداي اشىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ شينجياڭدا ەگجەي - تەگجەيلى تياناقتانۋىنا، ناقتى ونىمدىلىككە قول جەتكىزۋىنە شىنايى كەپىلدىك ەتۋ كەرەك.
