لوپ اۋدانى كوشە ارىق قىستاعى
ءتۇستى جارقىلداق كەشىن ۇيىمداستىرىپ، مەرەكەنى دۋماندى وتكىزۋگە دايىندالدى
انار بۇلت \ شينجياڭ گازەتىنىڭ ءتىلشىسى گاۋ فىڭ
1 - ايدىڭ 14 - كۇنى، كىشى جاڭا جىل مەرەكەسى. لوپ اۋدانى شارباق قالاشىعى كوشە ارىق قىستاعىنىڭ تۇرعىنى نۇرنيسا ءماتياسىن قىستاق تۇرعىندار كوميتەتىندە جارقىلداق رەتتەۋگە كومەكتەستى، كوكتەم مەرەكەسى كەزىندە بۇل قىستاق ءتۇستى جارقىلداق كەشىن وتكىزەدى، بۇل قىستاق تۇرعىندارى ءۇشىن دۋماندى ءىس سانالادى.
”قىستاقتاعى شارۋالار شاتتىعى ساياجايىنىڭ ساۋداسى جاندانىپ، كوپشىلىكتىڭ كىرىسى جىلدان - جىلعا ارتتى، بارلىعى مەرەكەنى دۋماندى وتكىزگىسى كەلەدى“، - دەدى نۇرنيسا.
كوشە ارىق قىستاعى تۇتاس تۇلعالىق جاقتان كەدەيلىكتەن ارىلعاننان كەيىن، اۋىل - قىستاقتى گۇلدەندىرۋمەن ءونىمدى ۇشتاستىرىپ، اۋىل - قىستاق باۋ - باقشالارىنىڭ جالپىلىق تۇلعاسىن قالىپتاستىرۋدى نىسانا ەتىپ، ەگىمشىلىكتى، باعىمشىلىقتى، اۋىل - قىستاق ساياحاتىن زور كۇشپەن دامىتتى، قىستاق تۇرعىندارىنىڭ كىرىسى بارعان سايىن ارتا ءتۇستى. 2022 - جىلى وسى قىستاقتاعى شارۋالاردىڭ جان باسىندىق تازا كىرىسى 14 مىڭ 920 يۋان بولىپ، الدىڭعى جىلداعىدان 1600 يۋاننان استام ارتتى.
قىستاق تۇرعىنى روزىتوحتى مامەت قىستاقتاعى يىنباڭ اۋىل شارۋاشىلىق ونىمدەرى شارۋالار كاسىپتىك سەلبەستىك كووپەراتيۆىنە قاتىناسىپ، كوكونىس جىلىجايىن كوتەرمەگە الىپ، بالدىركوك، قىزاناق سياقتىلاردى ەگىپ، كوكونىستەرىن حوتان قالاسىنا، لوپ اۋدانىنا ساتتى. ”بىلتىر 6 جىلىجايدى كوتەرمەگە الدىم، كىرىسىم شامامەن 150 مىڭ يۋان بولدى“، - دەدى روزىتوحتى.
اۆتونوميالى رايوندىق پارتكوم ساياسات زەرتتەۋ كەڭسەسىنىڭ (رەفورما كەڭسەسى) مەڭگەرۋشىسى، كوشە ارىق قىستاعىندا تۇراتىن ءبىرىنشى شۋجي دۇڭ جيحۇڭنىڭ تانىستىرۋىنشا، اۆتونوميالى رايوندىق پارتكوم ساياسات زەرتتەۋ كەڭسەسىنىڭ (رەفورما كەڭسەسى) وسى قىستاقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى قىستاق ”ەكى كوميتەتىمەن“ بىرگە 92 جىلىجاي جانە 285 شاعىن دوعاشا لاپاس سالۋدى ىلگەرىلەتىپ، 2 شارۋالار كاسىپتىك سەلبەستىك كووپەراتيۆىن قۇرىپ، كوكونىس جانە گۇل وسىرۋگە ۇيىمداستىرعان. سەلبەستىك كووپەراتيۆى قىستاق كوللەكتيۆىنە جالاقى تاپسىرۋدان سىرت، بۇكىل قىستاقتاعى 298 كەدەيلىكتەن ارىلعان وتباسىن، قاداعالاناتىن وتباسىن جۇمىسقا قابىلداپ، ءار ادامنىڭ جىلدىق ورتاشا كىرىسى 30 مىڭ يۋانعا جەتتى.
قازىر قىستاقتا ماتاڭ زاۆودى سالىنىپ، سەرىكتەستىك بولىپ قۇرىلىپ، قىزىل اراق پەن اق اراق وندىرەتىن بولدى. قىستاق ”كوشە ءىزى“ اتتى ساۋدا ماركاسىن تىزىمگە الدىرىپ، قىستاقتا وندىرىلگەن ونىمدەردى ءبىر تۇتاس جالپىلاستىرماقشى.
كوشە ارىق قىستاعى لوپ قالاشىعىنان نەبارى 3 كيلومەتر قاشىقتىقتا عانا، مەملەكەت 315 تاس جولى مەن ولكە 326 تاس جولى قىستاقتان وتەدى. قىستاق قىستاقتاعى شاعىن كولدەردى توڭىرەكتەي وتىرىپ، شارۋالار شاتتىعى ساياجايىن، اۋىل - قىستاق قاباقحاناسىن، مۋزيكالى اسحانا سالىپ، ۇيىرمە ۇسىنىس ەتىپ، شارۋالار شاتتىعى ساياجايىن جۇرگىزىپ، ءار جىلى قىستاق كوللەكتيۆىنە 240 مىڭ يۋان كوتەرمەگە الۋ اقىسىن تاپسىرىپ، قىستاق تۇرعىندارىنا 160 مىڭ يۋاننان استام پايدا ءبولىسىن بەردى.
كەزەكتە كوشە ارىق قىستاعى 2 - توپتاعى مەملەكەتتىك اۋىل - قىستاق ساياحاتىنداعى ءتۇيىندى قىستاقتاردىڭ، اۆتونوميالى رايوننىڭ اۋىل - قىستاقتى گۇلدەندىرۋدەگى ءتۇيىندى ۇلگى كورسەتۋ قىستاقتارىنىڭ قاتارىنان ورىن الىپ، اۋىل شارۋاشىلىعى، مادەنيەت - ساياحات توعىسىپ، كاسىپ سالاسى قارىشتاپ دامىدى؛ قىستاق جولدارىنىڭ ۇشتەن ەكىسى ءجۇزىم سورەسىمەن بۇركەلىپ، ”ءجۇزىم سورەسى استىنداعى قىستاق“ دەپ اتالدى. ءار جىلى جازدىڭ شىلىڭگىر ىستىعىندا حوتان قالاسى، لوپ اۋدانى سياقتى جەرلەردەگى تۇرعىندار بالالارىن ەرتىپ كەلىپ، قىستاقتا ساۋىق - سايران قۇرىپ، اۋىل - قىستاق تۇرمىسىن سەزىنەدى.
”ءبىز شىنجىننىڭ جوبالاۋ مەكەمەسىن كوشە شاتتىق سۋ الەمى نەگىزگى تاقىرىپتىق ساۋىق - سايران باقشاسىنىڭ جوباسىن جاساۋعا ۇسىنىس ەتىپ، كوشە ارىق قىستاعىن اۋىل - قىستاق ساياحات شاعىن قالاشىعى ەتىپ قۇرىپ شىعۋعا قۇلشىنۋدامىز“. دۇڭ جيحۇڭ بىلاي دەدى: ”مەجەمەن 2025 - جىلعا بارعاندا، كوشە ارىق قىستاعىنىڭ اۋىل - قىستاق باۋ - باقشا جالپىلىق قۇرىلىسى ساپالىق جاعىنان جوعارىلاۋدى جۇزەگە اسىرىپ، وڭتۇستىك شينجياڭنىڭ اۋىل - قىستاق ساياحاتىنا جاڭا، جارقىن تانىسقى ۇستەيدى“.
