تيانشان تورى
تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايون باسشىلارى ساياسي كەڭەستىڭ بىرلەسكەن گرۋپپالار تالقىسىنا قاتىناستى

  گازەتىمىزدىڭ 1 - ايدىڭ 16 - كۇنى ۇرىمجىدەن بەرگەن حابارى. انار بۇلت \ شينجياڭ گازەتى تىلشىلەرىنىڭ جيناق حابارى: 1 - ايدىڭ 15 - كۇنى، اۆتونوميالى رايوندىق ساياسي كەڭەس 13 - كەزەكتى كوميتەتىنىڭ 1 - ماجىلىسىنە قاتىناسىپ جاتقان ءار ۇلت، ءار سالا ساياسي كەڭەس مۇشەلەرى ۇكىمەت قىزمەتىنەن بايانداما سياقتىلاردى ۇزدىكسىز تالقىلادى. اۆتونوميالى رايوندىق پارتكومنىڭ تۇراقتى مۇشەلەرى جاڭ جۋ، تيان شياڭلي، ۋاڭ ميڭشان، ۋاڭ جيانشين، ياڭ فاسىن، ەلزات احمەتجان ءار ۇلت، ءار سالا ساياسي كەڭەس مۇشەلەرىنە جەكە - جەكە امانداستى ءارى تالقىعا قاتىناسىپ، ۇسىنىس - پىكىر تىڭدادى.

  جاڭ جۋ جۇڭگو كوممۋنيستىك پارتياسى، دەموكراتيالىق پارتيا - توپتار، پارتيادا، توپتا جوق قايراتكەرلەر مۇشەلەرىنىڭ بىرلەسكەن گرۋپپا تالقىسىنا قاتىناسقاندا بىلاي دەپ اتاپ كورسەتتى: 2023 - جىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدەگى، تياناقتاندىرۋداعى باستاما جىل، 13 - كەزەكتى اۆتونوميالى رايوندىق ساياسي كەڭەستىڭ مىندەت وتەۋدە باستاما اشىپ، قادام باساتىن جىلى. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگىنە جانە ساياسي كەڭەس تۇزىمىنە تاباندى بولىپ جانە ونى كەمەلدەندىرىپ، پارتيانىڭ ساياسي كەڭەس قىزمەتىنە جاپپاي باسشىلىق ەتۋى سىندى ءتۇبىرلى ساياسي پرينسيپكە قاي - قاشان دا بويسۇنىپ، تۇراقتاندىرىلعان فۋنكتسيالىق ورىندى دۇرىس يگەرىپ، نازاردى باستى جاۋاپكەرشىلىككە، باستى جۇمىسقا شوعىرلاندىرىپ، يدەيالىق جاقتان جەتەكتەۋ، كۇش - قۋات توپتاۋ، ۇكىمەت ءىسىن كەڭەسىپ، ۇسىنىس قويۋ، كەلەلى جاعدايعا قىزمەت ەتۋ قىزمەتتەرىن مۇقيات، ويداعىداي ىستەپ، جاڭا جورىقتا كورىكتى شينجياڭدى قۇلشىنا قۇرۋعا تىڭ ۇلەس قوسۋ كەرەك.

  تيان شياڭلي شيپاگەرلىك، دارىگەرلىك، دەنساۋلىق ساقتاۋ سالاسىنداعى، دەنە تاربيە سالاسىنداعى، قوعامدىق يگىلىك جانە قوعامدىق قامتاماسىز ەتۋ سالاسىنداعى مۇشەلەردىڭ بىرلەسكەن گرۋپپا تالقىسىنا قاتىناسىپ، مۇشەلەردىڭ لەبىزىن تىڭداپ، قىزۋ تاقىرىپتار جونىندە پىكىرلەسىپ اڭگىمەلەستى ءارى ىندەت كەزىندە ”قاتەرگە قارسى اتتانعان“ شيپاگەرلىك، دارىگەرلىك، دەنساۋلىق ساقتاۋ سالاسىنداعى مۇشەلەرگە وسكەلەڭ قۇرمەت ءبىلدىردى جانە ولاردان حال سۇرادى. تيان شياڭلي بىلاي دەپ اتاپ كورسەتتى: ساياسي كەڭەس مۇشەلەرىنىڭ ءىس تىندىرىپ ناتيجە شىعارۋداعى بەلسەندىلىكتى، ىرىقتىلىقتى، جاسامپازدىقتى ساۋلەلەندىرىپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋگە شوعىرلاندىرىپ، شينجياڭنىڭ رەفورما، دامۋ، ورنىقتىلىق كەلەلى ماسەلەسىن جانە باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ارقاۋ ەتىپ، ءتۇرلى جولدار، الۋان ارنالار، دەموكراتيالىق تاسىلدەر ارقىلى كەڭ كولەمدە كەڭەسىپ، جۇرت پىكىرىنە كەڭ جول اشىپ، كوپ اقىلىن جاپپاي قورىتىپ، ۇتىمدى ادىستەردى جاپپاي قاراستىرىپ، ءار دارەجەلى پارتكوم مەن ۇكىمەتتىڭ شەشىمدەرى مەن قىزمەتتەرىنىڭ جۇرت تىلەگىنە اناعۇرلىم لايىق، ءىس جۇزىندىك جاعدايعا اناعۇرلىم جاناسىمدى بولۋىنا، پارتيانىڭ نازارياسىنىڭ جانە لۋشيان، باعىت - ساياساتتارىنىڭ اناعۇرلىم تۇبەگەيلى دايەكتىلەندىرىلۋىنە، اناعۇرلىم پارمەندى اتقارىلۋىنا مۇمكىندىك جاساۋىن ءۇمىت ەتەمىن.

  ۋاڭ ميڭشان ارنايى شاقىرىلعان قايراتكەرلەردىڭ سالالىق گرۋپپا تالقىسىنا قاتىناسقان كەزدە بىلاي دەدى: اۆتونوميالى رايوننىڭ وسى رەتكى ەكى ءماجىلىسى پارتيا 20 - قۇرىلتايىنان كەيىن العاش رەت اشىلعان ”ەكى ءماجىلىس“، تۋدى بيىك ۇستاعان، ىنتىماقتاسا ۇمتىلعان، شىندىققا جۇگىنىپ، ناقتى ءىس ىستەگەن، جىگەرلەنە العا باسقان ءماجىلىس بولىپ، جاڭا جورىقتا كورىكتى شينجياڭ قۇرۋعا العا باسۋ بەتالىسىن كورسەتىپ، پارمەندى كۇش - قۋات ۇيىستىردى. 2023 - جىلى بۇكىل شينجياڭداعى ساياسي - زاڭ ورگاندارى پارتيا 20 - قۇرىلتايىنىڭ رۋحىن جانە باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جاپپاي، ىشكەرىلەي ۇيرەنۋدى، دايەكتىلەندىرۋدى قوزعاۋشى كۇش، نۇسقاما ەتىپ، ۇكىمەت قىزمەتىنەن باياندامانىڭ تالاپتارىن ويداعىداي تياناقتاندىرىپ، ساياسي حاۋىپسىزدىكتى قورعاۋ جۇيەسى جانە قابىلەتى قۇرىلىسىن كۇشەيتىپ، قالا ءوڭىرىنىڭ قوعامدىق باسقارۋىن وسىزامانداندىرۋدى جەدەل ىلگەرىلەتىپ، زاڭمەن باسقارۋ ويىنان جانە ادىسىنەن پايدالانۋ ارقىلى حاۋىپ - قاتەردەن ساقتانۋعا، قىلمىسقا سوققى بەرۋگە، ماسەلەلەردى ءبىر جاقتى ەتۋگە باسا ءمان بەرىپ، جوعارى ساپالى زاڭمەن باسقارۋ ارقىلى جوعارى ساپالى دامۋدى قامتاماسىز ەتۋى كەرەك. حالىقتى وزەك ەتۋگە تاباندى بولىپ، زاڭ اتقارۋ، ءادىليا ۇقىعىن جۇرگىزۋ مەحانيزمى رەفورماسىن تەرەڭدەتىپ، حالىق تۇرمىسى سالاسىنداعى زاڭ اتقارۋ، ءادىليا قامتاماسىزدىعىن كۇشەيتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.

  ۋاڭ جيانشين مادەنيەت - كوركەمونەر سالاسىنداعى، اقپارات - باسپا ءسوز سالاسىنداعى، كوممۋنيستىك جاستار وداعى جانە جاستار بىرلەستىگى، باس جۇمىسشى ۇيىمى، ايەلدەر بىرلەستىگى، تايۋاندىق باۋىرلاستار بىرلەستىگى، حۋاچياۋلار بىرلەستىگى، شەتەلدەرمەن دوستىق سالاسىنداعى مۇشەلەردىڭ بىرلەسكەن گرۋپپا تالقىسىنا قاتىناستى. ول مىنالاردى ءبىلدىردى: ۇكىمەت قىزمەتىنەن باياندامانىڭ ساياسي دەڭگەيى جوعارى، العا ىلگەرىلەۋ بەتالىسى ايقىن، دامۋ وي جەلىسى انىق، قىزمەتتەردى جوسپارلاۋى ناقتى بولدى. وتكەن 5 جىلعا جانە 2022 - جىلعا قايىرىلا قاراساق، وتە وزگەشە، توتەنشە كەرەمەت بولدى، بۇل ءبىزدىڭ توتەنشە ماشاقاتتى كۇرەس جۇرگىزۋ بارىسىمىزدى كورسەتەدى، ونان دا ماڭىزدىسى، ءبىزدىڭ ءتۇرلى حاۋىپ - قاتەرلەر مەن سىن - سايىستاردى جەڭە وتىرىپ، وڭاي - وسپاق جەتە بەرمەيتىن ەلەۋلى ناتيجەلەرگە قول جەتكىزگەنىمىزدى كورسەتەدى. ناتيجەگە قول جەتكىزۋىمىز، تۇپتەپ كەلگەندە، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى رەتىندە رول ۇستاپ جول باستاۋىنىڭ ارقاسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى. پارتيا 20 - قۇرىلتايىنىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، اۆتونوميالى رايوندىق پارتكومنىڭ قىزمەت ورنالاستىرۋى بويىنشا، شينجياڭدى مادەنيەتپەن نارلەندىرۋدى تىڭعىلىقتى، ءونىمدى ىلگەرىلەتىپ، جۇڭحۋا مادەنيەتىن جۇرت جۇرەگىنە تىكە جەتكىزۋگە قۇلشىنۋ كەرەك.

  ياڭ فاسىن اۋىل شارۋاشىلىعى سالاسىنداعى مۇشەلەردىڭ تالقىداعى لەبىزىن تىڭداعاننان كەيىن بىلاي دەپ اتاپ كورسەتتى: مەملەكەتتى قۇدىرەتتەندىرۋدە، ءسوز جوق، الدىمەن اۋىل شارۋاشىلىعىن قۇدىرەتتەندىرۋ كەرەك، اۋىل شارۋاشىلىعى قۇدىرەتتەنگەندە عانا، مەملەكەت قۇدىرەتتەنەدى. پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، استىقپەن جانە ماڭىزدى اۋىل شارۋاشىلىعى ونىمدەرىمەن ورنىقتى، حاۋىپسىز قامداۋدى بار كۇشپەن قامتاماسىز ەتىپ، اۋىل - قىستاقتاردا كاسىپ سالاسى، دارىندىلار، مادەنيەت، ەكولوگيا، ۇيىم سياقتىلاردى جاپپاي گۇلدەندىرۋدى جۇيەلى ىلگەرىلەتىپ، ەگىنشى - مالشىلار كىرىسىن الۋان ءتۇرلى امالمەن ارتتىرىپ، الۋان ءتۇرلى شارانى قاتار قولدانۋ ارقىلى قونىستانۋعا جايلى، كاسىپ ىستەۋگە ىڭعايلى، بەرەكەلى، كورىكتى اۋىل - قىستاق قۇرۋ كەرەك. رەفورما جانە عىلىم - تەحنيكا سىندى قوس تەگەرشىكپەن جەبەۋگە تاباندى بولىپ، قالىڭ ەگىنشى - مالشىلاردىڭ رەفورما بارىسىندا جەتىستىكتەن كوبىرەك بىرگە يگىلىكتەنۋىنە مۇمكىندىك جاساپ، اۋىل شارۋاشىلىعىن وسىزامانداندىرۋ اياق الىسىن جەدەلدەتۋدى عىلىم - تەحنيكامەن قاناتتاندىرۋ كەرەك. پارتيانىڭ اۋىل شارۋاشىلىعى، اۋىل - قىستاق، شارۋالار قىزمەتىنە باسشىلىعىن كۇشەيتىپ، ءار جاقتىڭ اقىل - پاراساتى مەن كۇش - قۋاتىن ىنتىماقتاستىرىپ، ۇيىستىرىپ، جاڭا داۋىردە اۋىل شارۋاشىلىعىندا قۋاتتى ەل قۇرۋعا اناعۇرلىم كوپ شينجياڭ ۇلەسىن قوسۋ كەرەك.

  ەلزات احمەتجان وقۋ - اعارتۋ سالاسىنداعى، عىلىم - تەحنيكا قوعامىنداعى، عىلىم - تەحنيكا سالاسىنداعى، قورشاعان ورتا - بايلىق سالاسىنداعى مۇشەلەردىڭ بىرلەسكەن گرۋپپا تالقىسىنداعى لەبىزدەردى تىڭداعاننان كەيىن بىلاي دەپ اتاپ كورسەتتى: وقۋ - اعارتۋ، عىلىم - تەحنيكا، ەكولوگيالىق ورتانىڭ بارلىعى دا ”مەملەكەتتىڭ زور ءىسى“، اۆتونوميالى رايوندىق پارتكوم مەن ۇكىمەت ايرىقشا ءمان بەرىپ، بۇلاردى اسا ماڭىزدى قىزمەت رەتىندە جوسپارلاپ ىلگەرىلەتىپ، اناعۇرلىم زور تەبىن، اناعۇرلىم ناقتى شارالار ارقىلى ءتۇرلى ورنالاستىرۋلاردىڭ، تالاپتاردىڭ تياناقتانىپ ونىمدىلىك كورسەتۋىن ىلگەرىلەتتى. مۇشەلەر وزەكتى ارقاۋ ەتىپ، كەلەلى جاعدايعا قىزمەت ەتىپ، جاپپاي سوتسياليستىك وسىزاماندانعان قۇدىرەتتى ەل قۇرۋداعى شينجياڭنىڭ ستراتەگيالىق ورنىن ءدال كوزدەپ، دەن قويا مىندەت اتقارىپ، جاۋاپكەرشىلىگىن ادا ەتىپ، وزدەرى تۇرعان سالانىڭ ەرەكشە باسىمدىعىن شىن مانىندە ساۋلەلەندىرىپ، وقۋ - اعارتۋدى الدىمەن دامىتۋدى جەدەلدەتۋ، عىلىم - تەحنيكادا ءوز كۇشىنە سۇيەنىپ، ءوزىن الۋەتتەندىرۋ سياقتى ماڭىزدى مىندەتتەردى تياناق ەتىپ، ىشكەرىلەي تەكسەرۋ - زەرتتەۋ جۇرگىزىپ، ماسەلەگە تەرەڭدەي تالداۋ جاساپ، بەلسەنە اقىل - كەڭەس بەرىپ، جارامدى، قۇندى ۇسىنىس جوبالار مەن ۇسىنىستاردى كوبىرەك العا قويىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جازۋعا تىڭ ۇلەس قوسۋى كەرەك.

  (ءتىلشى فان چيۇڭيان، قاتىناسقان تىلشىلەر ميھىرگۇل عوپۇر، لي شيڭ، جاڭ جىلي، ۋاڭ جيڭجيڭ، ما ينيڭ)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.